اخي /من كوكب اخر
لم اجد مماطلبت الا بعض من ماقالة المرحوم حنش
ويتحدث فيها عن السباع ووصفها
عسى ان اكون قاربت
وهي
تهيض خاطري عند الغروب /وفي قلبي كما نار الشبوب
وانا قدام للطرقه بصير/واحير كني اعمى واستدير
ولي (ف)الدرب ليه وعتكار/وانا عارف مخاريج الديار
عسانا نسلم الدرب التعيب /يكون ان الفرج منا قريب
طوال الليل طرفي ماينوم /ادرجها فرنجيا وروم
وصليت العشا بعد الهجود/وانا ساهر وخلق الله رقود
عشر ساعات ماذقت المنام/وحالي باح من فوق العظام
وطال الليل وانا في عذاب/وشابت لحيتي ونا شباب
سباع الليل ذربات الكفوف /مخاليبا تهاوى ما تصوف
احس انيابها تصرف صريف /وفيها الي قوي واللي ضعيف
تقاربني وانا عنها بعيد/وقلبي رايح اقسى (م) الحديد
وفيها اللي عن الهقوه يزيد/وفيها اللي يخسر مايفيد
وذاك اللي بدى لي مايهوش/ولا هو من صماريخ الوحوش
بدى قيسى كما زوله وغاب/وانا اعرف جرته وسط الجناب
ولا ياسبع ياللي مابديت/تراني محتزي لك مادريت
ولو كانت مخالبيك طوال/وتحداني على جرف الهيا
ولايعجبك ليلك ياسباع=تحوفيني طوى مادري شباع
ضريتي بالفرايس كل عام/ولا تعرف حلال ولا حرام
وانا لو كنت في الحزم البراح/لحوشك لين اضويك المراح
مضى لي من مخالبيك جروح/ومن يمهل بدينه مايروح
بغيت ابدي واشوفك راس ريع/واشب النار واحتاشك جميع
ولكن اعجبك حيدا عسير/عسير ولا معي فيه المسير
تراني ما معي غيرك عوين/وتهديني على دنيا ودين
واذا جاالبعث (ف) اليوم الطويل/يصف الحب والكايل يكيل
والايالله في حسن الختام/واحج البيت حجا كل عام
وصلوا ( ع) النبي ياحاضرين/صلاة اهل التقى واهل اليقين