اخواني الاعضاء و زوار منتدى بني مالك بجيله جبت لكم مساجله شعريه بين شاعرين كبيرين و هما الشاعر الكبير شاعر عتيبه و دكتور النظم رشيد الزلامي و الشاعر الكبير الامير / محمد الاحمد السديري يــرحمه الله , يبدو ان الامير محمد لم يوفق في الرد بسبب عدم معرفته بالامور التي يتحدث عنها رشيد , حيث رد الامير محمد على ان القصيده غزليه وهي ليس كذلك ,
يمكن ماتعرفون معاني بعض الكلمات و لكنها قمة في الروعه
اترككم مع المساجله يبدأ ابو جميل
الزلامي
أكتب ويكتب لي أنا اقول حتيـش
حبر على قرطاس ماهـوب كافـي
والوضع ماهو قابلـن للمطاريـش
ياامير بشرنـي عساهـا عوافـي
سجيت يوم اغصون قلبي مواريش
واليوم يافرز الوغى شـاب قافـي
وعروق كبدي يالسديري معاطيش
أمشي وانا مقفي واعاين خلافـي
رافقت حجاج الهنـود الدراويـش
وسريت مسرا الذيب رجلي وحافي
طول المسير وصار بالجو تشويش
متى على الله يصبح الجو صافـي
شي(ن) يخدش ثومة القلب تخديش
وسره يعود أليا القلـوب النظافـي
يكفيك لايح كلمتـي دون تفتيـش
وعندك خبر ماقال صقر النصافـي
أرض(ن) خلا لو مابها لقمة العيش
أخير من رزقـن عليـه إختلافـي
والرمز يكفي الحر والخاتمه ويش
واقبل تحياتي وانـا شـاب قافـي
رد محمد الأحمد السديري
ياطير ياللي فالهوى تنفض الريـش
ياللي تهز أطـراف ريشـك خفافـي
ياللي نهضت الصبح عند المغابيـش
وقت الصباح وكلن أبصـر وشافـي
بعطيك سـرن مخزنـه بالنشانيـش
وانحر رشيد ولـك بـداره ملافـي
رشيد من ربعن عداتـن مداغيـش
وصـل سلامـي للعديـم السنافـي
وقله عرفت أهل القلوب المغاشيـش
اللي عصوا باللـي ثمانـه رهافـي
زين الصباح منقش الخـد تنقيـش
عنق العنود اللـي تـرب الشعافـي
برقن يفوتك لـو مزونـه مراهيـش
لاتستخيـل أمطـار سحبـن مقافـي
العام قلت أطلب هل الخيل والجيـش
أهـل البيـوت موسعيـن الرفافـي
اليا غـدا فعـل المراجـل تناويـش
أفعالهـم مثـل الفنـر والكشـافـي
وقلوبهم للضيـف دايـم هشاهيـش
وعدوهـم سقـوه مـرن زعـافـي
دوّر مع الأجواد ضـاف العكاريـش
وابعد عن اهل الكيد والستر ضافـي
رزقن ورا الانذال جوع وعراميـش
والشرب منهـم يالزلامـي عيافـي
أعزم وشم واعرض وبعد عن الهيش
مافيه كـود الشـوك مثـل الشلافـي
فيه العقـارب والافاعـي محانيـش
والغل وسط قلوب الاشـرار خافـي
واليا عصوا مالك بنجـدن مهـاويش
حكمـن وسيفـن للشريعـه لحافـي
راحت سنين الخيل مع حزّب الجيش
وهذي سنينـن يالزلامـي عجافـي
رشيد أهل خلك ترا عندهـم طيـش
ويفرقـون أهـل القلـوب الولافـي
يتضح من القصيدة الماضية بأن السديري لم يفهم المعنى فغير رشيد القافيه ورد عليه بهذه القصيده
يامرحبا بأشرف كتابن وصلني
والف (ن) هلا مالاح نوظ البروقي
واعداد ماورق الحمام سجعني
حييت ياخط الصديق الصدوقي
خط (ن) وصوله خفف الهم عني
وانا على مثله شفوح (ن) شفوقي
كنت اتمنى الرد منكم تمني
وقلبي على الحل الصحيح محروقي
واصبحت لك ظنن مخالف لظني
ولولا التخالف ماوردنا الحقوقي
فالعفو لكان الخطا صار مني
وإن كان صح القول معك اللحوقي
واليوم يوم(ن) الظروف حكمني
ذكر اللذي فكري لذكره يتوقي
اخبرك ماكل الغنا و التغني
خصصتها من شان عشق معشوقي
في خاطري يامير شئ فتني
يجري مجار الدم داخل عروقي
اغلى من الغالي وانا اللي غبني
انه سرقه النوم واثره سروقي
ماقمت له لين العلوم ذبحني
واليوم برقاوي بعد كان روقي
وركب الليالي زرفلن وابعدني
ونفسي طموح(ن) له ويزداد شوقي
واقبل تحياتي ويكفيك مني
ماقلتها من شان عشق معشوقي
