آخر 10 مشاركات
صور جوية لمدينة سعودية.. واحة في "عين البركان" (الكاتـب : أريج الروح - مشاركات : 3 - المشاهدات : 71 )           »          تعيين 8 سيدات في مناصب قيادية بـصحة محافظة أضم (الكاتـب : أسيرالشوق - آخر مشاركة : أريج الروح - مشاركات : 3 - المشاهدات : 43 )           »          كلية أضم تتعايش مع عطل المكيفات بالمراوح (الكاتـب : أسيرالشوق - آخر مشاركة : أريج الروح - مشاركات : 3 - المشاهدات : 40 )           »          مرثية المبدع حامد أبو سته في الشيخ علي بن يماني رحمة الله (الكاتـب : أسيرالشوق - آخر مشاركة : حصن شريان - مشاركات : 5 - المشاهدات : 345 )           »          وفاة ابوسعد/جمعان بن زايد الشوقبي المالكي "الله يرحمه " (الكاتـب : ابو يوسف الشوقبي - آخر مشاركة : حصن شريان - مشاركات : 5 - المشاهدات : 1171 )           »          وفاة ابوسعد/غرم الله بن حنيش الشوقبي المالكي "الله يرحمه " (الكاتـب : ابو يوسف الشوقبي - آخر مشاركة : حصن شريان - مشاركات : 4 - المشاهدات : 411 )           »          وفاة الشاعر الكبير منصور بن طوير الغفيري المالكي - رحمه الله (الكاتـب : أسيرالشوق - آخر مشاركة : حصن شريان - مشاركات : 9 - المشاهدات : 262 )           »          وفاة الشيخ علي بن يماني بن زاهي المالكي" رحمه الله" شيخ قبيلة بني ثابت (الكاتـب : ابو نواف 2009 - آخر مشاركة : حصن شريان - مشاركات : 7 - المشاهدات : 1361 )           »          تهنيه بالعام الجديد ١٤٤٠ (الكاتـب : ابو يوسف الشوقبي - آخر مشاركة : حصن شريان - مشاركات : 7 - المشاهدات : 299 )           »          من حفل زواج المهندس/عبدالرحمن بن سعيد بن حلوش الشوقبي المالكي "2018" (الكاتـب : ابو يوسف الشوقبي - آخر مشاركة : حصن شريان - مشاركات : 4 - المشاهدات : 154 )


العودة   بني مالك بجيلة > المنتديات الشعرية والأدبيه > منتدى الشعر والخواطر ( للمنقول )

الإهداءات

روائع الشاعر والاديب تركي بن ماطر الغنامي

منتدى الشعر والخواطر ( للمنقول )


إضافة رد
 
أدوات الموضوع
  #1  
قديم 21-01-2017, 08:18
الصورة الرمزية أمير الشعراء
أمير الشعراء أمير الشعراء غير متواجد حالياً
مشرف العرضة والمحاورة
 




أمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond reputeأمير الشعراء has a reputation beyond repute
Arrow روائع الشاعر والاديب تركي بن ماطر الغنامي



شاعرٌ سلب الألباب إبداعاً بنظم القوافي كما كسب الإحترام من الكبير قبل الصغيــر
خدمه قبيلته ومجتمعه ووطنه ويمتلك مخزون ثقافي هائل وفكر اسلامياً مستنير
‏ومتخصص في الأدب والنقد.و شاعر غير متفرغ. يرى أن في مهبط الإسلام ومهد العروبة كنوزا
من العلم لم تكتشف بعد. عضو مجلس إدارة مجمع اللغة العربية الافتراضي
إسهم وشارك في عدد من الملتقيات واللجان الثقافية والامسيات الشعرية
إنه الأديب والشاعر القدير / تركي ماطر الغنامي
بالإضافه إلى أنه باحث في تاريخ قبيلته
:::::::::::::::::
روائع الشاعر والاديب تركي بن ماطر الغنامي

اخذ عن عقلي=
اخذ عن عقلي زمام الشعر يـا وجدانـي=لا تصير عن الحدث في منطقه معزولـه
عقب شيٍ شفت جا عنـدي كـلام ثانـي=اقطـع قيـاد المقيـد واطلـق المعقولـه
ثر على حكم العقل والمنطـق اليونانـي=اقنعه وان ما اقتنع غيَـر نظـام الدولـه
دكتاتورٍ طاغيه معـه رسنـي وعنانـي=جسـد ستاليـن لـي باشنابـه المفتولـه
حاصر شعوري ووسع دايرة حرمانـي=اترك الي يطلبه غيري ويـدي تطولـه
لا تطيع العقل عقلي هو عقـال لسانـي=ممتل صدري كلام مـا قـدرت اقولـه
جف شعري واللغه وشعوري الانسانـي=يوم طعت العقل في قوله وفـي منقولـه
الفرات من الظما لو اشربه مـا اروانـي=لي سنين اصدر يدي عن رغبتي مغسوله
كن في صدري صدى مستفزع ينخانـي=ودي اجيب نخَـواه وقدرتـي مشلولـه
شعري اللي ما يترجم رغبتي واشجانـي=علموني بس ابا افهم هالشعـر وشهولـه
سامح الله واحد فـي هالكـلام اغرانـي=عاث في صدري برغم ابوابه المقفولـه
ابتدع له مدخـل فـي مدخـل شيطانـي=واكتشف فالنفس اماكن و اوديه مجهولـه
لا طلب رايي ولا استاذن ولا استفتانـي=بات فاللاوعي لين اصبح واخذ له جولـه
فجر اشياً فيَ كانـت للأسـف تخفانـي=تنتظر عشرين عام اسلاكهـا موصولـه
ما كشفها الشيخ عقل وبحثـي الميدانـي=رغم تمحيصه و رغم جهودي المبذولـه
نسخه مع اصدق دعاي لمحسن الهزانـي=ما يحوس الرجل مثل الكلمـه المعسولـه
واسأل اللي جـا وشغلنـي ولا طفانـي=صرت اذاعات وحواسب واجهزه محموله
سور هرجه زخرفه والفرش زل ايراني=وين ما ادير الشعور اشوف شي ٍهولـه
جر سكينـه علـى حلقـي ولا ذكَانـي=في تراكيـب الكـلام ولفظـه ومدلولـه
واحتوتني دوحة ابـداع ثمرهـا دانـي=رحلة استمتاع في عرض الكلام وطولـه
عالم أخر من متع دنيا الحطـام الفانـي=وان تغير وجه تاريخي هـي المسؤولـه
عطر روحي يطرب بليا نغـم واغانـي=مـا يقـدر لا بالاوقيـه ولا بالتـولـه
ما خرج عن شرط عبدالقاهر الجرجانـي=طول عمر الشيخ في كتبه يدندن حولـه
زلزل ارضية شعوري لين هد اركانـي=وصرت انا والشعر تحت سيوفه المسلوله
اتصال شعور عبـر الهاتـف المجانـي=لي شهر وخطوط قلبـي كلهـا مشغولـه
يعربـي فتـح جروحـي ولا داوانــي=تحت مبـدا موضـة الحريـة المكفولـه
لابسٍ ثـوب و وقـار العالـم الربانـي=كل جـرح يبـرره بالحجـه المقبولـه
اسئله علـى طريقـة شيخنـا الالبانـي=خطوتيـن توصلـه للغايـه المأمـولـه
ايه انا المجني عليه اللـي دواه الجانـي=جيت كوم الغاز وامست كلهـا محلولـه
مير يا شعر الخيال السامـي الروحانـي=اطرب نفوس على فهم الشعـر مجبولـه
يوم بعـض الخلـق ألا يالله لا تبلانـي=من جلافتها سلـوك اذواقهـا مفصولـه
خل من يسمعـك يذكرنـي ولا ينسانـي=الغزل والشعر حنا اللي نعرف اصولـه
صغت ابن زيدون في نونيِة القحطانـي=اخْيله وإبداع فـي خفـة لغـه وسهولـه
تطرب الصوفي وتشبع رغبة العلمانـي=وهي على منهاج سنَي حنبلـي منخولـه
المحب المرهف اللـي فالحيـاه يعانـي=اعتقـد يكفيـه مـن ترياقهـا كبسولـه
تركي الغنّامي=
:::::::=
ماطلبتك =
ماطلبتك ترسل رسالـة وسايـط=غير من ضيق" تضيق به البسيطه
يوم ضيعت إتجاهـات الخرايـط=ليا اني اذكرلي من الوسمي خطيطه
قلت ابا آداوي بها عقب المشايـط=والغثـا قلـب" مقزينـي نحيطـه
لاسقا الله يوم وسطـت الوسايـط=وقالوا ان الوضع زيطه زمبليطـه
لين شفت وعفت من شوف السقايط=وابتلشت بطرقة" عكبـا" شطيطـه
صاحبك عقب المذايـخ والمهايـط=نشب ياتركي شريطه في وريطـه
راجح المقاطي=
:::::::=
كان ماتجتاز=
كان ماتجتاز حايط عقب حايـط=وتاخذ لكل امر في طرقتك حيطه
والله لتنشـب وياكثـر البقايـط=فالزمن فتق" مااحد يقدر يخيطـه
طيَر اسعـار النفالـه واللقايـط=وحطنا في فتنة" عميا" نشيطـه
مستعز" سوقهـا ولهـا خلايـط=ومن عرفته في سنعها تستليطـه
تفحم العاقل جدل ولهـا معايـط=مع صوايحها مااحد يسمع نغيطه
حت لو يقضي العمر عنها يمايط=شربها ماه وعشاها من شويطـه
مايعزيـه التشمـت والمفايـط=ودي اسكت مار دنيا" مستشيطه
تركي الغنّامي=
:::::::=
يابوخالد=
أجي لك يابوخالد لـو إنّـي وراي أشغـال=جلوسي معك ساعـة و هرجتـك تكفينـي
يمين الله المعبـود لوهـو علـى فنجـال=يـا كنّـك معشينـي و مصبـح مغدينـي
كثير الرجال لحال و أنتـه سنعـك لحـال= أبويـه علـى مثلـك لـك الله موصينـي
و أبحفظ وصاة الشايب إن كان عمري طال=بعد فيك كل الوصف قـد شفتـه بعينيـي
يا أبو مجلسٍ من جاه يلقى علـوم رجـال=مرب الشحم و الكيف و السمت و الدينـي
مداهل زحولٍ تنقـد الهـرج نقـد ريـال=هذا والله اللي صدق زيـنٍ علـى زينـي
أجي عندهم و أروح ما أوحيت قيل و قـال=و لا تسمع أذنـي غيـر علـمٍ ينشمينـي
طرايف علومٍ ما تجي عقب طـول جـدال=سياحة فكر عـن معمعـة عـام الألفينـي
تركي الغنّامي=
:::::::=
هلا مرحباً=
هلا مرحباً بك يابوخالد عـدد مـن قـال=صـلاة العشـا ليقالـو أمـيـن أمـيـن
و عدد ما سعى بالصلح بين الرجال رجال=كثر ذا غلاك و مثل مـا أغليـك تغلينـي
أنا أشوف خالد(1) فيك بالطيب و الأفعال=إمشاهـدك ينفعنـي و هرجتـك تحيينـي
إلى شفت زولك شفت خالد حضر في الحال=أشوفـك وأشوفـه كلّكـم داخـل العينـي
ورثت الوفا و الجود من شايبك و الخـال=مواريث شيخانٍ علـى العسـر و اللينـي
ملاذ الضعيف إلى أشلهب الزمـان ومـال=على ذبح حيل الكـوم والضـان عجلينـي
هل الماقف المعروف يوم الشراب إوشـال=مطاعين فـي الهيجـا إنحـاز المعادينـي
إزيارتك للشايب وفـاً منـك يـا رجّـال=كمنّـك وفـيٍ مـن رجــالٍ وفييـنـي
عبدالله السيّاري=
:::::::=
أنت رجال=
أنت رجال ونعـم ميـر القصيـده دجـه=هو هذا رايي مدام انّك مُصـرّ وصامـل
إِلك قِطع سنين ف الديـره مسـوٍ ضجـه=انته وناسٍ معـك مثـل الحـلال الهامـل
عالمٍ تبغى لهـا ترصيـص فيهـا رجـه=وجهها يـم الجنـوب ومشيهـا متشامـل
معـك صجونـا عساكـم كلكـم للصجـه=بارديـن و لاتهـون مكيفـات الـزامـل
جيت مَدري جوك ثم طاروا معك ف العجه=ونفخـوك بمـدحٍ يغطـي مجلـد كامـل
شاعر وناقد شعر؛ يعنـي سكـود موجـه=وافضل احوال الزلامي معك عضوٍ عامـل
صَفّ لي ذهنك وركّز لا يصيبـك سجـه=قنـوات (art) للشيـخ صالـح كامـل
بـدّدّ اوهامـك وداو افكـارك المعوجـه=لو تعيش العمر ما تُعرف وذكرك خامـل
شعرك انت وهالربع واضح ما يبغى لجـه=تجربه لَكَن فشلَـت مثـل الامـن الشامـل
وكان لك عقل انتبه قامت عليـك الحجـه=انت تسألني وانا - والله - ما اعَرف اجامل
حٌررت لك واُرسلت ف اول شهر ذا الحجه=من رفيـقٍ لا عـدوٍ لـك و لا متحامـل
تركي الغنّامي=
:::::::=
مرت أول ليل في ذهني مـرورٍ عـادي=مشيهـا عـادي ونظرتهـا بعـد عاديـة
ورجعت بكره بنفس الوقـت والميعـادي=لكن النيه علـى مـا شفـت غيـر النيـة
خطوها موجات نهر وهي محيـطٍ هـادي=زهدتني فـي ميـاه الكـوره الأرضيـة
نسمةٍ هبـت بعطـر أدنـاه ورد وكـادي=وآخره نفحـه بروعـة عطـر باريسيـة
شيٍ اكبر من عمـل محطـة الأرصـادي=لورصـد غيـر نظـام النشـره الجويـة
شعر وجداني نقي يروي غليـل الصـادي=ما وضع له وصف ف المدارس النقديـة
من بدابه بيـت بيـت استجهـل النقـادي=وصار من ديوان يدخل ل امسيه شعريـة
فتنةٍ تقول سيحـوا فـي ربـوع بـلادي=جسدت فيها شـروط الدولـه العصريـة
كل شـي يقـول رايـه منفـرد وينـادي=يطـرح اراءه جهـار بمنتهـى الحريـة
فلسفه تجعل رمـوز الكفـر والإلحـادي=يدركون ان الطبيعه مـا اوجـدت هاذيـة
ارّخـت للزيـن بالهجـري وبالميـلادي=وهي مقاييس الجمـال لموضـة الألفيـة
كل عنصر حسن ثبت في طرفها اوتـادي=واصبحت معرض صور وفنون تشكيليـة
البها والحسـن ذا رايـح وهـاذا غـادي=ولو يزيد شوي صارت ظاهـره كونيـة
تشغل العالم ويخشاهـا البسيـط العـادي=جا قمـر وانضـم للمجموعـه الشمسيـة
حسنها خارج عن المألـوف والمعتـادي=من عجايب معطيـات الطفـره الجينيـة
استحلت كـل تفكيـري ونبـض فـوادي=وصرت فيض احساس كلّه نزعه انسانيـة
وكتبتنـي شعـر بالكوفـي وبالبغـدادي=واخرجتني مـن قيـود الـوزن والقافيـة
لخبطت دفتر حساباتـي جُمَـل وافـرادي=وضع تبلـش بـه نُظـم وزارة الماليـة
خانـة الألآف جـت فـي خانةالآحـادي=وانفتـح للمنتقـد علـيّ شـارع مـيـة
عقلي وتاريخي الناصع وغـرّ امجـادي=كلها في حِلّ لـو انّـي صبـرت شويـة
حين قالت شي خدمه قلـت ملـح وزادي=قالت افصح قلت اقول العرضـه النجديـة
ضعت مدري وين مصداري ولا ميرادي=وكانت اول مرحله ف الصدمـه النفسيـة
اتّزاني راح فـي وادي وانـا فـي وادي=بيني وبينه على الأرجـح سنـه ضوئيـة
ولجّ في صدري دفوف ومهرجان اعيادي=واعتراني شـي مثـل الدبكـه السوريـة
ثم دخلت بمرحلة عزله وسجـن افـرادي=وقبلهـا مـا للشعـور حـدود جغرافيـة
شيٍ اربكني وفي طيّـه بـذور اسعـادي=لو تطور كـان سبـب ضجّـه اعلاميـة
اوقفه قبل يتمادى صـوت احـد حسـادي=قال صح النوم وانس احلامـك الورديـة
قوم عش واقعك يا سيّـد عليـك منـادي=قلت ما ابغى اشوف احد ف الفتره الحالية
هي كذا والاّ كذا مـا عنـدي استعـدادي=حلـم والاّ علـم والاّ افكـار رومانسيـة
يأخي مالك ومالـي لـو يطـول رقـادي=لانـي بسـارق ولا انـت بجهـه أمنيـة
روح شف لك شغل غيري تو ليلك بـادي=وخابـرك مفتـون بالبرامـج الشعبـيـة
اترك التوجيه ل اهل الوعظ والإرشـادي=صوتك أكبر منكرات العطلـه الصيفيـة
ثرت واستولى الغضب على زمام قيـادي=وصرت من غيظي بحاله نصف هستيرية
ما لها غير الوضـو والذكـر والأورادي=واسألوا من جـرب الطريقـه الشرعيـة
وبعد ما زال الغضب واخذت وضع حيادي==رحت اقلب فـي سجـل السيـره الذاتيـة
اربط احلامي بتاريخي واقيـس ابعـادي=وصار هاذا البحث شيخ ابحاثـي العلميـة
اكتشفـت ان المُحـب المغـرم استبـدادي=وان لـذات الهـوى ف النقلـه النوعيـة
واكتشفـت إن المحبـه وضـع لا ارادي=لو بغيـت اقاومـه مـا عنـدي امكانيـة
سيل وادي دق بـه وادي وسـال بـوادي=اغـرق الديـره وشـلّ البنيـه التحتيـة
شيٍ اكبر من عمـل محطـة الأرصـادي=لو رصد غيـر نظـام النشـره الجويـه
تركي الغنّامي=
:::::::=
نظام الفندقة=
ياالربـع قولـوا لمقحـم يـولـم بنـدقـه=ويحساني معه بلحاف وزيـادة رصـاص
عان بـراق الحيـا والرعـد لـه وندقـه=وفي ليال مثل هاذي نبي راع إختصـاص
حـزة ماهيـب حـزة جيـوب مصندقـه=وأنت عمي وإلك نظره وعندك جيب شاص
خلٍ مـن لا يقطـع الـلال يلـزم خندقـه=العميل الّلي يمانيك وإن صملـت حـاص
ودي أبعد عن غثـى دار هـوش الحندقـه=رحت أنا ويا البلد واهلها كهرب ومـاص
ودي أبعد لين مااشـوف شبـك وصندقـه=لو هي أكثر من دبا الأرض ما عنها مناص
مع رجـالٍ ترتفـع عـن دروب الزندقـه=مذربين وفاللوازم ماهـم باهـل أمّـلاص
والطعام اللي على أحـدث نظـام الفندقـه=عنه يكفيني قـراحٍ معـه تمـرة خـلاص
تركي الغنّامي=
:::::::=
يا من تحـب=
يا من تحـب لديـن الله تمكينـا=بادر بفعل فليـس الحـب يكفينـا
إن المحبة إن كانـت بـلا عمـل=لا أسمنتنا ولا مِ الجـوع تغنينـا
مرت علينا سنون الدهر مسرعـة=ونحن لاهون فيها وهي تطوينـا
نمسي ونصبح في الآمال ننسجها=حتى بلغنـا الثريـا فـي أمانينـا
ونحن نبصر مـن أعـداء ملتنـا=ما أحدثوا من فساد في أراضينـا
ونطبق العين بالجفنيـن وأسفـي=كأنـه أمـر قـوم ليـس يعنينـا
حتى بلغنـا مـن الإذلال منزلـة=لا نحسـدن عليهـا مـن أعدينـا
صرنا لهم لقمة في الفـي سائغـة=من شاء يأكلنا أو شـاء يرمينـا
هل جاءكم يا حماة الدين عن بلـد=من أهل ملتكم يحـوي الملايينـا
قد استباح يهود الغـدر حرمته=ـمفأصبحوا بعد سكنى الدور بادينـا
طفـل يـأن و أم عنـه لاهيـة=تبكي لها أخرا بالأمـس مدفونـا
أما الشيوخ وأشباه الشيـوخ فـلا=يروون مـن لغـة إلا "أغيثونـا
فما السبيل إلى استـرداد عزتنـا=وما السبيل إلى أمجـاد ماضينـا
هذا سؤال ولـم يـدرك إجابتـه=إلا الحجارة في ( أقصى ) فلسطينا
تركي الغنّامي=
:::::::=
من يحصل نعم=
من يحصل نعم يا صاحبي يستاهله = والعرب ترصد وما قدم الرجل محفوظ
قولٍ اقوله وخابرك مَ انت بجاهله = والكرم والبخل ف السوق للناس معَروض
وكل ورّادٍ يرد تقنعه مناهله = عانها قدّام عينك و اخذها حوض حوض
لا تقول الناس ف الواجبه متساهله = السهم هو مُرضِ الاخوين والدنيا حظوظ
ومن برك للجود والله ليثقل كاهله = ولو قلت و قلت ما فَ الكرم شيٍّ يعوض
بعد دين الله هو راس الامر وعاهله = صايرٍ في سَلم الاجواد فرض من الفروض
تدركه حُصنٍ لها ف الطراد مصاهله = ويخثع دونه كديشٍ عن العليا ربوض
تركي الغنّامي=
:::::::=
هيه يابرق=
هيه يابرق الحيا ياللي خيالك شامي = زد وانا مع زود براقك يزود اسروري
رايٍ اعتقده وهو ماهو بشي الزامي = مير ابا اشارك زعم لو ماطلبتوا شوري
يارحيم ياولد عمّي جرحت اصيامي = احسب انك عاطفي وآثرك شاعر ثوري
تشتكي تمويه لكن التحدي حامي = ولو معرفك زين قلت محمد الفيتوري
كل بيت من القصيده فيه حقل الغامي = ماسلم منها لوانه كبر راس اظفوري
واضحه للي يعرف النقض والابرامي = التحدي لب والشكوى غلافٍ صوري
والحقيقه جغمتين اتبل كبد الضامي = وانت تشرب صافي الما لك ثمان شهوري
لكن اسبح فالخيال وعالم الاحلامي = ابحر رحيم وعوّد بندر بن سروري
واخذ من عندي هديه وانت رجل اعصامي = واعتذر لك بالبدايه كان شفت اقصوري
الهوى يرغي تحت نجوى كرم واحلامي = برّكنه بالخطام لوائل الكفّوري
وظهرت ف اهل الهوى ثقافة الافلامي = إن دحمته قال :" نوبربلم" وقالت :سوري
وانتهت موضة " خذي واعطيني الارقامي= واصبح الموضوع يارحيم تجاوب فوري
وكان عندك شك بكره مر سوق اللاّمي = ومرّ بوتيك "الاميرات " وريناد " وجوري
شف بعينك لا توكّل في طلبك محامي = الموصّى مثل زندٍ قدحته ماتوري
ومن تجذّى عن لزومك ماعليه ألوامي = ناقة المرّي تخالف في يد المنصوري
عش بعصر السرعه اللي صار شدّ لحامي = شايلٍ من كل خير وشر حملة لوري
وشيٍّ امنوّل له اسم اصبح بعشر اسامي = واتفق راي الديمقراطي مع الجمهوري
واختلط حابل بنابل واسفرَه باظلامي = بهت واطلعني تناقض هالزمن من طوري
ومن على احساسه بنت هوج الرياح اكوامي = جِلف لو يحفظ كتاب الشعر للدينوري
والعمى ماشرَه عليه اشره على المتعامي = لو انا مغنيني الله في جميع اوموري
والزمن تجريب يارحيم ودرس نْظامي = جدد افكارك معه ويصير فحصٍ دوري
وارم صوتٍ يقعد اللي ف الشعيب انيامي = وكان ماسمْعَوك عوّد للدعا الماثوري
ناسٍ اغناهم تقول افقر من الحجّامي = وهو يحط من الذهب في كل ركن اتجوري
زبدة الموضوع اخذها والسلام ختامي = وانت قرمٍ نص قذلاني ونص قبوري
تركي الغنّامي=
:::::::=
عقدة التجديد=
عقدة التجديد ابا اكتبها روايه = واجمع اشتات الفكر باقة بكفي
وحكمة كتاب البدايه والنهايه = وابجديات العقل تاقف بصفي
وسورة (إقرأ) للتقي نور وهدايه = وصاعقه لأهل الحسد وأهل التشفي
وكم وكم من حولنا آيه وآيه = وكل بارد خد وجهه ما يدفي
في حياته ما رفع للمجد رايه = والصبر حكمه ب هالعصر المقفى
والمترجم لوحة اعلان و دعايه = حاتمي الجود ياخذ ما يوفي
بيعه و شريه بميدان الرمايه = وسلعة الأحيا تجير لمتوفي
بدله وبنطال وعمامه وصايه = ويش اعد من الهموم و ويش اخفي
ولو يقول العاقل كفايه كفايه = اصبر ايام وطلع خبل مصفي
وطوروا كلمة(معي) صارت (معايه) = نور مدري نار تحرق من يطفي
وان بحثت ابعاد واسباب الغوايه = لا استرحت ولا حصلي بعض شفي
والتجارب في غرف دور الرعايه = تحت وطأة واقعٍ نصه يكفي
ومن اهازيج الرجال اهل الفوايه = اكتفي بالنسخه اللي في ملفي
تركي الغنّامي=

 


        

من مواضيع  أمير الشعراء  في المنتدى

0 وفاة اخي أحمد بن جنيدب البشراني المالكي (قرية البشرآن)
0 أضحك مع الناس عاقلها وطافوقها
0 ملخص القارعة التي جرت بين الشاعرين بن طالع والاكاديمي
0 اختصار المحاورة التي جرت بين الشاعر بن مستور والشاعر الاكاديمي
0 شكر وتقدير

التوقيع:
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الكنعاني مشجّع شبابي واحد أفضل من بن تركي والنصر بأكمله (ع)(ط)الحريبي منتدى الرياضة 2 05-01-2016 16:06
الشيخ تركي العسبلي في ضيافة الاعلامي حميد المالكي ابو نواف 2009 أخبار بني مالك - حداد والقريع وصياده 3 18-02-2014 02:54
أمانة الطائف تدعو 1550 مواطناً ومواطنة لحضور قرعة منحهم ابو يوسف الشوقبي منتدى الموارد البشرية 4 19-03-2013 13:54
امانة الطائف تعلن عن اسماء 7104 متقدمين لبرنامج المنح بالطائف الطرقي منتدى المال والاعمال وسوق الاسهم 3 14-05-2012 15:07


الساعة الآن 06:01.


Powered by vBulletin® Version 3.8.7
Copyright ©2000 - 2018, Jelsoft Enterprises Ltd

هام //ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها

مراسلة الأعضاء الغير النشيطين عبر البريد تعريب منتديات مازال