[poem=font=",6,white,bold,normal" bkcolor="darkblue" bkimage="" border="double,6,darkred" type=0 line=0 align=center use=ex num="0,black""]
(أبن مستور)=
يامودي الرسايل ودهـا بإختصـار=ودهــا يـــم راع الـشـعـر والمـعـرفـه
طول الوقت وأنا لأجلهم بإنتظـار=يستحق الكريم إن العرب تنصفه
(زعيم الماني)=
تاه مرسول بن مستور بين الديار= كلما دق باباٌ جاه من يصرفه
لو عطا له علامه لو عطا له شعار= كان وفرّ عليه الجهد والتكلفه
(أبن مستور)=
صاحبي له ثلاث أشهور طلاب ثار=بتركـه الأمـر سـري لأجـل مــا تعـرفـه
وش يزعلك وأنته مـا تحـب الشجـار=يـاعــرب شـوفــوا الــرجــال ذا مـلـقـفـه
(زعيم الماني)=
ادري انك كبير تصاحب اللي كبار= لك جنوباٌ مُتان تحمّل الدفدفه
لاتضايق ترى ضيقك يثير الغبار= مامعي لامناديلاً ولامنشفه
(أبن مستور)=
لاتقـرب وتلـحـق وجـهـك الشـيـن نــار=أسمحوا لي من أهـل الشـر ابأصنفـه
للعـلـوم الصغـيـره فــي جنـابـك مـطــار=أما أناواضح(ن)والحكي ما أصفصفه
(زعيم الماني)=
تشعل النار واطفيها بماي البحار = عاتي الموج الى جاء قادر انا اغرفه
احتمل للطعون الصامته باصطبار = وان دفنا لك المعنى فلاتكشفه
(أبن مستور)=
لاتـخـلـي قـصـايـدنـا تــعــود شــجــار=مـثـلــك أهـــــد مـايـبـنـيـه بالـفـلـسـفـه
حقك أتشيل في يدك عصايه وطار=قبلـك أصقـور جتنـا عـادت أمنتـفـه
(زعيم الماني)=
الف مبروك نجحناك فـــ. الاختبار = ذاكر الدرس خل اللعب والفلفه
لو نويت العناد ولو نويت الدمار = اي شاعر يعاندي ترى ننسفه[/poem]