الصيادي بن ساطي
Member
- إنضم
- 15 يونيو 2010
- المشاركات
- 343
- مستوى التفاعل
- 1
- النقاط
- 18
هاودَّعك
يمكن يكون.. آخر وداع
وافتكرى مين فينا اشترى
ومين اللى باع
ومين ألبه كان فيه الوفا
ومين خدَّاع
انا وانتى كنَّا الاتنين سوا
ف بحر الهوى
كان ألبى زى المركبا
رافع شراع
علشان كدا لبر الأمان
رسى وإهتدى
مين فينا قابل للضياع
ياما نصحتك.. وألتلك
إن الشيطان .. طمَّاع
ولا يرضيهوش
غير نكون بالقاع
ف قاع جهنَّم
بعد ماخطط وخمِّن
وآدينى تانى بنصحك
وإنتى حُرَّه
بس لازم تفهمى
إن معظم الدوا
كم صبْرَه مُرَّه
وياما قالوا ف الامثال
اللى صبر وكان ف جرَّه
وياما آسى م المضَرَّه
كان بعد صبرُه
ربُّه آذره
وخرَّجُه.. فجأه.. لبرُّه
أما الشيطان
فمتأمنيش.. ابدا لشرُّه
ربِّ قادر يقهره
وماتقطنطيش من رحمته
ولا بسرُّه
وهاسألك... قبل الوداع
قبل الضياع... يمكن يكون
للأمل ...آخر شعاع
إله كريم... رؤوف رحيم
وشيطان لئيم
من فيهم لازم نبرُّه؟
جمال اخوكم/ الصيادي بن ساطي
يمكن يكون.. آخر وداع
وافتكرى مين فينا اشترى
ومين اللى باع
ومين ألبه كان فيه الوفا
ومين خدَّاع
انا وانتى كنَّا الاتنين سوا
ف بحر الهوى
كان ألبى زى المركبا
رافع شراع
علشان كدا لبر الأمان
رسى وإهتدى
مين فينا قابل للضياع
ياما نصحتك.. وألتلك
إن الشيطان .. طمَّاع
ولا يرضيهوش
غير نكون بالقاع
ف قاع جهنَّم
بعد ماخطط وخمِّن
وآدينى تانى بنصحك
وإنتى حُرَّه
بس لازم تفهمى
إن معظم الدوا
كم صبْرَه مُرَّه
وياما قالوا ف الامثال
اللى صبر وكان ف جرَّه
وياما آسى م المضَرَّه
كان بعد صبرُه
ربُّه آذره
وخرَّجُه.. فجأه.. لبرُّه
أما الشيطان
فمتأمنيش.. ابدا لشرُّه
ربِّ قادر يقهره
وماتقطنطيش من رحمته
ولا بسرُّه
وهاسألك... قبل الوداع
قبل الضياع... يمكن يكون
للأمل ...آخر شعاع
إله كريم... رؤوف رحيم
وشيطان لئيم
من فيهم لازم نبرُّه؟
جمال اخوكم/ الصيادي بن ساطي
