سعيد القسري
عضو شرف
- إنضم
- 2 نوفمبر 2007
- المشاركات
- 1,744
- مستوى التفاعل
- 52
- النقاط
- 48
حسن - شوفوا ياجماعه ترونيه مليت كل يوم ورى الغنم من شعب لشعب والله يا رجليه انها تشقرت من الشناضيف ولا عاد تسع قدميه من الشيكان حتى جلديه تشقق من المخابطه بين العرعر والشث اقلكم انا ابي اسافر الشام كما خاليه سعيد اقفى له طيله يقولون انه في مكه في الحج جانا منه خط يقول انه مبسوط ومعه معاش يجي ثلاث ميه ريال
ابي اذمل مع راعي السياره الوري برساله لخاليه يدور لي عمل والا اذا مالقيت عمل اجلس عنده عشان ادرس في الحرم وبعد عن تي الغنم من جهمه كل يوم ونا قايم عصري والشمس نجي من المدرسه ونطيح مع الغنم جوف تي الظهاير الي تفقع راس الحمار
عيظه طيب يا حسن انت اذا عزمت تقفي الشام منين لك فلوس يمكن ابوك مايعطيك ولاهلله هيهات يخليك تسافر الشام وماحد يحاوشه وانت اكبر اخوانك
والله يا عيظه اني ماشي ماشي وان رحت ما عاد اتلع الديره الا بعد سنين اذا ضلى معي قروش تكفي للزواج وبعض الامور الي ترفع راسيه بين الجماعه وان شاء اذا جيت ارضي ابيه بذيك البندقه ام خمس ولا نيمس عشان اذا راح محضار يرمي مع الجماعه المثل واشتري له حزام رصاص وباقي اهليه ان شاء الله مخلي عليهم خصه طول ماني حي
سعيد تكفى ياحسن اذا سافرت ترسل لنا بخط تعلمنا عن كل الي تشوفه وانا هنيه والله لو احتاجني ابي عطيه في اي لازم لغدي حتى لو يرسلنيه وسط الليل سافر الله يوجه لك لاكن انتبه لايجينا اخبار عنك ترى البنادر مليانه بالصاحي والمجنون اي لايتعالمون بني مالك عنك بخبر ماهو زين والله يا بوك والجماعه ليصلون بك شرق وياخذونك سحب على وجهك انت فهمت كلاميه
ايوا فهمت وان شاء الله ما تشوف الا بياض الوجه وانا ولد عطيه
حسن-هيا خلفي زين انا عربنت في سياره لوري وايني ابقعد فوق البرنده اتبرد لين نصل يالله حصلت لي محل فيها الصندوق مليان هواري قوطه وقطم حب بيودونها الحلقه بالطايف
الجزء الثاني بعد عوده حسن من الشام
