التوبه ( سعد علوش )

THE ONE

Member
إنضم
11 مايو 2007
المشاركات
329
مستوى التفاعل
5
النقاط
18
الإقامة
الريـ‗___‗اض
أقدم لكم هاذي القصيده لشاعر سعد علوش وأتمنى ان تحوز على رضاكم

من كل حرف,وكل شهوة صبابه
أستغفر الله وأتعوذ من ابليس

أعوذ باللي اوى عبد وسرابه
لاجي نهار الحشر خلف امرى القيس

يارب,يارب الكرم والمهابه
يالي لك أعلام الأوادم مناكيس

جردني من النابيه والسبابه
ولبسني من دروع هديك متاريس

تعبت من مسك القلم والكتابه
والشعر,وفتن النسا والأباليس

والمدح في عزوة وشيخ وقرابه
واللاء00لدعوات الرضيين والليس

والحب,وماحوله,وماله,وهابه
والدمع لاهبت علي النسانيس

والشوق وغفال العقل وانغلابه
والليل وطط الدها00والجواسيس

والشهره وحكي العرب واللبابه
وزملوق شف ماتعسه عواسيس

وحصر اسمي فشاعر فساحة غرابه
شعارها فيهم رخوم وملاحيس

وانا لعطاش الأوادم سحابه
ومن خلقتي ماقد وطيت الدنافيس

تاكي على ارث الاسم بالنيابه
واقطف خلاصه ما اغرسوه الغواريس

احسبني فايز بالرضاء والذرابه
واثري مثل من يحصر النور في كيس

اقفي من الله والأمل والرضابه
واروح أدور من ورا ابليس أحاسيس

أسهر على فن الكلم والخطابه
واصبح ولين اللي جمعته حماليس

قلبي لعزاف الاوادم ربابه
وراسي لخطوات الشطانه دواعيس

تقودني نفسي ولا أشعر ولا آبه
مالت عليها عاصيات الهواجيس

من عنده ان كل الشعور يتشابه
روس مع اللي في الدحادر مراويس

الاثم ما حاكه في خفوق وخفابه
والخير ماشعته روس النواميس

كم شي صار وصار مايندرابه
وكم نومة ماكدرتها كوابيس

ترى ما أحد له في رقبتي طلابه
بس الصراحه من شم الفواعيس

والرجل اذا مايعتبر في شبابه
يعيب قبل يشيب ويشيب ويخيس

ياراجي ارجى اللي ماينصك بابه
لا ترجي الوهبات من هيس ابن هيس

استغفر الله واتتقى عذابه
اللي فرقني عن حياة المتاعيس

من قبل لا اعرف الهدى واعنا به
انا وهمي والحزنFace to Face

والحين لله000الفضل والانابه
متعافي 00ويمشي على زندي التيس

هادي00يشوشني طزيز الذبابه
لاعد لايام الغبيه والا اقيس

شريت عقلي في سؤال واجابه
انا اعبد الله000والا اعبد والوساويس؟

لذة خفوقي وانجلاية ضبابه
سجدات ليل ظالمينه مناعيس

فـ اجواء مكه والحرم والرحابه
لا يابعد روما ولندن وباريس

هذي ديار المصطفى والصحابه
وهذيك دار ابليس وعويل ابليس




وسلامتكم
منقول طبعا


 

BLOOD

Well-Known Member
إنضم
11 أبريل 2007
المشاركات
5,543
مستوى التفاعل
88
النقاط
48
قلت الحين طلعلنا شاعر جديد وطلع منقووووووووول

بس تدري شكراا على الموضوع اخوي عزووز تقبل مروووري
 

THE ONE

Member
إنضم
11 مايو 2007
المشاركات
329
مستوى التفاعل
5
النقاط
18
الإقامة
الريـ‗___‗اض
اخوي بلود القصيده ليست لي بل للشاعر سعد علوش وانا نسخت القصيده ووضعتها هنا

وانا قصايدي إلي أنزلها راح أعلمكم بها
 

رايق البال

Active Member
إنضم
7 أبريل 2007
المشاركات
3,281
مستوى التفاعل
16
النقاط
38
صح لسانك وتسلم يد كاتبها سعد علوش
تقبل مروري
 
أعلى