طرائف من حياة الأولين

ولداضم

Member
إنضم
10 يناير 2010
المشاركات
421
مستوى التفاعل
6
النقاط
18
الإقامة
ديرتي بجيلة
ضيفنا ضيف عيش ماهو ضيف لحم

ترونها لغز ويعن الضيف ماهو من الرجاجيل ونعم

الله يسدد خطاك اخوي رعد
 
إنضم
22 يوليو 2007
المشاركات
233
مستوى التفاعل
4
النقاط
18
قصص طريفه :):)

اشكرك وانتظر منك المزيد

اخوك
أبــ فهد ــو
 

عقيد بجيلة

New Member
إنضم
7 نوفمبر 2008
المشاركات
13
مستوى التفاعل
0
النقاط
1
وهذه من طرائف الاولين


يوم من الايام في مجموعة من الجماله وهم الذين يحملون على جمالهم من القمح والشعير من الحجاز

يوصولونه للطائف وصلت مجموعه من الجماله الى موقع معترف عليه بين الجماله ولحقهم مجموعه

من الجماله من منطقة اخرى محملين جمالهم من التمر والسمن عندما تقابلوا ونزلوا حملوهم عن

جمالهم وكان وقت صلاة المغرب قد حل فقالوا الحجازيين مجموعه تصلي ومجموعة تبقى ويوصون

اصحابهم من أخذ التمر الزين عندما قامت الصلاه تقدمهم الامام الذي من المجموعه الاولى وقرا

الفاتحه ويبغى يوصي أخوياه الي ماصلوا فاعد سورة من راسه يقول:

خذوا من الحمر المتلاطم وعيفوا البيض الصماصم تخرفشون ان الله لايحب المخرفشين

وركع وبعد السجود الا واخوياه الي في الصلاه يتضاحكون وبعد

القيام للركعه الثانيه وقراءة الفاتحه قال ياذا الذي في الصف الاعقبون اسكتوا لاتضحكون الكم نصيفة ماياخذون ان هذولي بقر بلا قرون

.ومرت الصلاة وانتهوا وكلاً ذهب الى حال سبيله اما المجموعه الذين اخذ منهم التمر لم يدروا.


هكذا سمعت ونقلت لكم.
 
إنضم
27 مارس 2010
المشاركات
502
مستوى التفاعل
5
النقاط
18
الإقامة
ksa
زمان كان ثلاث من الرجال شرواكم جالسين في بر في الظلام معاهم صحن تمر وفي واللي معاه الصحن يقول الله يلعن اللي ياكل اكثر من واحدة بعد ما خلص التمر قال تدرون والله اني اكلت ثلاث
 
إنضم
27 مارس 2010
المشاركات
502
مستوى التفاعل
5
النقاط
18
الإقامة
ksa
هذا واحد من الاولين دايم يتكلم لوحده وفي يوم من الايام في رمضان سمعه واحد من جماعتة وهو يقول والله ان الشيطان يقول ياعوض افطر وخل رمضان يقعد رد عليه اللي قاد يسمعه قال اقول اطلع افطر مع شمعة وخل الشيطان يقعد
 

نواف بن جارالله المالكي

شــــاعر وناقـد
إنضم
1 سبتمبر 2007
المشاركات
1,221
مستوى التفاعل
53
النقاط
48
يقولون فيه واحد مر على ناس وقلط عندهم وكان راعي البيت ماهو بذاك الكريم لكنه ابتلش بهذا المصيبه ( الضيف ) المهم قعد الضيف وهو خبل ماشي صحه وجلس وكنه جالس على ظهر راعي البيت المهم تعشاء الرجال وعين خير وحطوا له فراش عشان ينام ويوم انسدح قعد يفكر في الفطور قاااال يافلان ( ميد راع البيت ) : إذا مني افطرت عندكم على قرص وسمن يمديني أوصل برحرح والغنم ماسرحت ؟؟؟ ،، _ واحد يبغى يضمن الفطور ههههههههههه - المهم سمعه راعي البيت قال اسمع ياضيف إذا سرحت من عندنا وأنت مافكيّت الريق يمديك توصل برحرح والشمس مااشرقت ههههههههههههه يعني لاتحلم بالفطووووور . وسلامتكم
 

ابن شنيف

Active Member
إنضم
27 يناير 2010
المشاركات
1,064
مستوى التفاعل
12
النقاط
38
الإقامة
الرياض
الموقع الالكتروني
www.banimalk.net
الله يعطيك الف عافية على هذا العطاء المميز
تقبل كل التقدير والاحترام
 
إنضم
27 مارس 2010
المشاركات
502
مستوى التفاعل
5
النقاط
18
الإقامة
ksa
هذا واحد من الشيبان مو متعود يام المسجد وفي يوم من الايام ماجاء المؤذن ولا الامام جاء صاحبنا وصلى في المسجد طبعا اقام الصلاة مافي احد معاه ركع الركة الاولى ما احد جاء وفي الركعة الثانيه قرا الفاتحة لما قال (ولا الظالين)قالو اللي خلفة (امين) قال علي الطلاق لعيدها اعجبه الوضع مو متعود
 
إنضم
25 يناير 2009
المشاركات
283
مستوى التفاعل
17
النقاط
18
اشكر الجميع على مرورهم واخص بالذكر من كانت لهم مشاركة
 
إنضم
9 ديسمبر 2010
المشاركات
700
مستوى التفاعل
2
النقاط
18

رعد الجنوب
بارك الله فيك على هالموضوع الذي يحمل بين طياته قصص الاولين وبساطتهم وحكمهم فلا عدمناك يالغالي


هذا يابو الحبيب واحد راح عند ناس من جماعته كالعاده يبي يسولف ويسمر معهم الا انه حسب حسابه انه مايجيهم الا عقب العشا عشان ما يكلف عليهم وتعرفون ان الاولين يتعشون بدري بعد المغرب على طول
ويوم دخل عليهم الرجال وهم متجمعين حول الموقد ( المشب ) والنار تصطلي وراعيت البيبت حول قدرها تحاضيه

المهم الرجال يوم شاف القدر على النار قال في نفسه انا جيت في وقت غير مناسب واستحى منهم ما يبغي يكلف عليهم وهو يدق بذيك اليمن المغلضه وعلى الطلاق وعلي الحرام ما يقسم لي غير اللي في القدر
الرجال حريص عشان ما يكلف عليهم الا وهم يتلافتون في بعضهم ويتضاحكون وتقوم عليه راعيته البيت وتهوش به وتقول وشبك يارجال تبي تاكل عشا بقرتيه (( اثر اللي في القدر مواص للبقره )) ههه هههههههه

وقعد الرجال وياشينه من مقعد تسامرو عليه وعلى فعلته


دمتم بخير



 

عذبة الإحساس

مجموعة حواء
إنضم
20 ديسمبر 2010
المشاركات
5,548
مستوى التفاعل
145
النقاط
63
الإقامة
الطائف
موضوع جميل وتستحق الشكر عليه كل شي في الاولين حلو البساطه والطيبه والكرم وحبهم لبعض وكل شي فيهم صراحه قصص طريفه بس تسمحوا لي ماعندي ولاشي

4c3824e18b.gif
 
أعلى