رثاء العم سالم بن مسفر

.

((هذه قصيده رثاء فالعم
سالم بن مسفر الزبيدي المالكي
الله يغفرله ويسكنه فسيح جناته))



تاخذني الذكرى لماضي سنيني
واعيش سالف عصر صعب اتعداه

مافيه داعي يازمان اتحديني
اسج والطاري على البال ماانساه

وحطاب وادي الهم جر الونيني
نفسه على حدب المحاني ممناه

هز القصيره واللهب في كنيني
وريح الحزن من وين ماحل تقفاه

لااحد(ن) يلوم العين يامسلميني
لولات ماها يحرق القلب ماجاه

ياوجد روحي من شقاي وحنيني
ويابري حالي من صروف(ن)تلقاه

لاوالله الا صدق علم(ن) يقيني
ياناقلين العلم من وين مبداه

كنت انتظر بشاير المقبليني
وجانا خبر ياليته القلب مااوحاه

الموت حق وكلنا مومنيني
وماقدر المولى على العبد يلقاه

هذي الحقيقه والبشر عارفيني
لكن ابومسفر معاناه فرقاه

كل القبايل مثلنا فاقديني
وطاريه في بال النواميس والجاه

الشيخ سالم في سماء الغانميني
نجم(ن) يخلد بالجمايل مسماه

راح الكفو لكن سوره مكيني
مامات من خلف رجاجيل شرواه

الحاتمي في حلته حاتميني
ساس الكرم فوقه قصوره مبناه

يالله يالله طالبك يامعيني
ياواحد(ن)كل المخاليق ترجاه

عسى كتابه ياخذه باليميني
وفي جنه الفردوس داره وملفاه

ابوساعد

.

الله يرحمه ويسكنه فسيح جناته

صح لسانك

احسن الله عزاكم بفقيدكم ورحمه رحمةً واسعة انه سميع عليم / وصح لسانك /

تحياتي لمقام سموكم الكريم :

رحمه الله واسكنه فسيح جناته

جزاكم الله خير وصحت ابدانكم