أمير الشعراء
مشرف العرضة والمحاورة
- إنضم
- 13 سبتمبر 2010
- المشاركات
- 2,507
- مستوى التفاعل
- 14
- النقاط
- 38
مرثيات الشعراء
في فقيد الامة عبدالله بن عبدالعزيز رحمه الله
[poem=font=",6,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]في فقيد الامة عبدالله بن عبدالعزيز رحمه الله
لا تذرفون الدمع ما هو بيرتاح= لا ما تعود بالمواقف مناحة
حطوا على قبره مع البيرق سلاح= هو فارس الأمجاد في كل ساحة
عبدالله اللي كل ما صاح صياح= لقاله بنخوة فتى الجود واحة
عبدالله اللي كل ما هبت رياح= صار الذرى تلقابها الناس ضاحه
عبدالله اللي لشجع الرأي طماح= مقدام تشهدله عظايم نجاحه
قال وفعل وأنجز وبشر بالأفراح= وأثبت بمنهاجه صدوق الصراحة
بالملك مهيوب وبالصفو مزاح= تمازجت عفويته بالرجاحة
من حبه الله حبه الناس لو راح= تبقى تواريخه ويبقى كفاحه
وفينا العوض سلمان للعز جماح= مع الشجاعة في جبينه سماحة
حكيم رأي بنظرة العين لماح= صقراً يشيله للمعالي جناحه
وسواعده الله يوفقهم إصلاح= ويكفيهم شرور الزمان ورياحه
شعر : خالد الفيصل=
(((((( ::::::: ))))))=
الا ياحمام الدّوح، ياطائر الاحزان =قِفا واتركا التغريد تكفيني احزاني
لا قلبي مُتيم بالغواني ولا ولهان=ولاتحسب إني سالي الروح نشواني
في القلب حزن ٍلامس الروح والوجدان=لمن غيّبوا روحه بلحده والاكفاني
اخذه المقدر واستلم روحه الدّيان=ودمع العيون لخادم البيت هتاني
بكته النساء وطوال الاشناب والصبيان=ويبكي له المنزل وتبكيه الاوطاني
ويبكيه من وفىّ له الكيل والميزان=ويبكيه من يجزي بالاحسان الأحساني
ب*** اهل بيته والمحبين والخلان=ويصعب علينا حصر ماشافت اعياني
حزّنا لأبو متعب وصار الحزن بركان=كأنه رحل بارواحنا قلبه الحاني
فلا شاطئ الدمام لي يجلب السلوان=ولا واحة الاحساء ولازرعها الداني
ولاروضة التنهات وخريم والصمان=ولانغمة العازف وترنيم الالحاني
فقدنا ملك يبكي لفرقاه كل انسان =فقدنا عظيماً كان لامجادنا باني
فقدناه ثالث ليلةٍ من ربيع الثان=وسهم الفجيعة صاب قلبي ولا اخطاني
فقدنا الشجيع اللي قهر عصبة الشيطان=وقف لين شتت شملها غير متواني
عرف هيبته سود العصائب وشانه شان=رمى الخصم الاول واستلب زهبة الثاني
جزيل الهبات الواسعة للبشر عوّان=وفيّاً وللجيران ماهو بخوّاني
حكيماً لطيفاً في كلامه صدوق لسان=رحيماً بنا ماسادنا مثله انساني
عطانا الحقوق الضايعة وانصف الزعلان=عن اللي يوفّي سيرته يعجز الساني
في الطب له بصمة وله فالقضاء برهان=وفي ساحة التعليم والعلم له شاني
نهض بالمواطن مثل ماينهض الشيهان=اذّل المصاعب واصبح الكل متغاني
قضى ع البطالة لين ما كل شئٍ زان=وبنت البلد تحضى بحبٍ وتحناني
كانت ذابلة في عالم الصَمت والنّسيان=وحقق مُناها واصبح الغصن ريّاني
عسى الله يجعل منزله جنة الرضوان=وينبت على قبره خزامى وريحاني
اقدّم تعازينا لمتعب ولالأخوان=واسال الله ان يخلف علينا بسلماني
قبيلة بني مالك تبايعك ياسلمان=ومقرن ولي العهد والنائب الثاني
ولايؤرث الدنياء سوى الوارث الديان=وغيره يزول وكل شيٍ بها فاني
وصل الإهي ع النبي سيد الثقلان=مادام الكواكب في فلكها والازماني
فاضل الشباني المالكي=
(((((( ::::::: ))))))=
الحقبة .. اللي مرت اجمل حقبة = والحكمه إن ما نفعت .. ما ضرت
مات الملك .. والله يصبر شعبه = واركان حكمه للخليفة .. قرت
بارك لنا يارب في من عقبه = واجبر قلوباً بالفراق .. احترت
ونقول له .. في هالضروف الصعبة = نريد مقل الحقبة .. اللي مرت
محمد بن حوقان=
(((((( ::::::: ))))))=
الله من علماً وصلنا بجوال =علمآ منه ضاعت جميع البصاير
في محفلاً مكتظ بشيوخ وابطال=صاب الفواد وعووود الفكر حاير
كلآ يعيد العلم ويبث الارسال =وانا من الصدمه عظامي جزاير
صحيت من همي على قايلاً قال=مات الملك ياطيبين .. الضماير
وأسدل عليه الليل بهموم وانهال=يامن يبشرنا .. .. بزين البشاير
لازال في هذا الخبر عندي اشكال=لكن .. جاء التأكيد للعلم .. طاير
اعلن بها إرسال الفضاء وانهى الامال=وزود بقلبي كسر... ماله جباير
وغنيت ماهو من .... طرب للتمثال =لكن من الفجعه وكبر.. الخساير
يالله يامنزل .. تبارك .. والانفال=تلطف ...بمن لجله .. نهل العباير
ويالله ياللي .. تعلم بكل الاحوال=تغفر له .. بدعوة ملبي وزاير
وتنزله يارحمن .... في خير منزال=وتجبر مصاب .. اقلوبنا والخساير
ابرهيم بن رجب=
(((((( ::::::: ))))))=
مات الملك وأعيوننا تذرف الدمع = وأفراحنا عادت (علينا بضيقة
ودي بموته عافني نعمة السمع = خبر وفاته (والله أني مطيقة
الف قلوب الناس وتجمعت جمع = وصار بعيون،( الخلايق بريقة
عبد الله اللي يقمع أهل الفتن قمع=هذي الحقيقه وأن( بغيتو الحقيقة
روح وخلا أعيوننا، تذرف الدمع= والله ما أنسي كلمة( أني شقيقة
محمد بن جعيد =
(((((( ::::::: ))))))=
فجرٌ كسانا بثوب الحزن وارتحل=وورث الغبنَ يكوينا بِمَنْ رَحَلَ
وفجَّر النعيُ جرحاً من محاجرنا=وأخبر الصبحَ أنَّ القائد انتقلَ
فجرٌ تسربل بالآهاتِ ملتحفاً=أتى ينوحُ من الأحزان واشْتَعَلَ
كأن سهماً رمانا صُبحُه حمماً=إذ قيل مات حبيب الشعب وارتجل
والدمع يقطر من عينيَّ منسكباً=وسيله أغرق الخدين والمُقَلَ
وأظلم الأفق من هول صحوت به=ضَجَّ الكبيرُ به و الطفلُ ما قَبِلَ
فالمشرقان على فرقاه انتحبا=وعاش دهر الأسى من يفقد البطل
أبكى اليتيمَ وأماً كان عائلها=ومقترين عليهم غيثه هطل
ورجعته بلادٌ رابها الخبرُ=إذ غاب عنها الذي في حكمهِ عَدَلَ
تمزَّق القلبُ والأكبادُ تنفطرُ=حين أبصرته على الأعناق قد حُمِلَ
مات المليك الزعيم الحاكم الفطن=وودَّعَ البيتَ و البنيانُ ما اكتملَ
وكان درعاً على الأوطان حارسَها=ضواري الأُسدِ في غاباتها قتل
ومارت الأرضُ في يومٌ تؤبِّنُهُ=بقادةٍ وملوكٍ تحملُ الوَجَلَ
آهٍ وآهٍ بني الإنسانِ قاطبةً=على إمامٍ يداهُ تضربُ الكَسَلَ
فاضت عطاياهُ مثلَ الغيثِ ينهمرُ=ما أنكرَ الغربُ والإسلامُ ما بَذَل َ
في جنةِ الخلدِ مثواهُ ومسكنهُ=ضيفٌ على ربه في دارهِ نَزَلَ
عزاؤنا فيك يا سلمانُ قائدَنا=شيخُ الملوكِ على الأوطانِ ما بَخِلَ
والحكمُ لله فينا أمرُهُ نفذا=وينفعُ المرءَ في دنياهُ ما عَمِلَ
جار الله بن سليم المالكي=
(((((( ::::::: ))))))=
الله يحسن عزانا في فقيد الوطن=فقيد الامه وقايدها ونوماسها
تبكي لفرقاه كل الناس شام ويمن=كل الخلائق تحس الحزن ب إحساسها
عبدالله اللي تحدى معضلات وفتن=يوم الفتن والمصايب دقت أجراسها
سكن قلوب العباد وفي وجوده سكن =والأرض من بعد موته ضاقت أنفاسها
يا صقر كل العروبه موت مثلك غبن=انت العروبه موثقها على ساسها
افعالك البيض صارت يوم موتك كفن =والمرجله لبستك بزاهي لباسها
خبر وفاتك ياابو متعب غبون وحزن=كبل حروف القصيد وشل قرطاسها
سالم بن بخيت=
(((((( ::::::: ))))))=
يادموع العين ليه امنعك لا هليتي=انزفي عبره ورا عبره يكود ارتاحي
اصبحي بالحزن مثل البارحه ما امسيتي=والفقيد اللي فقدنا عن عيونك راحي
راح ابو متعب وله من ساعتك حنيتي=ودك يكون الذي جاب الخبر مزاحي
كيف لا ماهو حقيقه باللظا شبيتي=وانهمرتي كاللهب والخد صار جراحي
كنك اشتلتي هموم الناس ماحطيتي=كن صابك سهم من كف القدر ذباحي
كن من هول الخبر يادمعتي جنيتي=صوتك المجروح يغلب صيحة الصياحي
منتبهتي غير لاياتن لها حسيتي=تجلي الهم وتسوي بالصدور اشراحي
بالقدر وبحكمة الله فالفنا قريتي=والقدر مكتوب يسبق لمحة اللماحي
جعل روحن فارقت عنا وصارت ميتي=في جنانن عدها الله نورها وضاحي
عبدالمجيد الدهيسي المالكي =
(((((( ::::::: ))))))=
ليته بشوف ادموعنا عقب فرقاه=والغيمه الي عالوطن رش هتان
ارعد سمانا حزن وبرقه معاناه=والارض زلزلها من الحزن بركان
قالو توفى قلت ...ويلاه .....ويلاه=واصيح مثل اللي شرب سم ثعبان
مات الزعيم اللي ربى نجد مرباه=وانكست الرؤس و اعلام الاوطان
مات الحكيم اللي في العود مثواه=ريف اليتامى ومروين كل عطشان
تبكي عليه اقصور شمخ مبناه=وطاحت على فرقاك ادموع شيخان
والحزن ذيب جري في قلبي اعواه=وعلى وجيه الشعب دمع الحزن بان
يلّي على موته تسوق المواساه=ما هانت الدمعه على خد سلمان
نبايعه والحزن ....هم ...... تبلاه=ونعاهده ونحن معه مثل الاخوان
مسفر محمد حبيش المالكي=
(((((( ::::::: ))))))=
من البارح أدور على القافيه والوزن =ابرثي الملك واواسي الشعب فاحزانه
ولكنها ما استوعبت ما معي من حزن = لان المصاب اكبر من الشعر و اوزانه
فارس السويحي=
(((((( ::::::: ))))))=
كل عين تذرف الدمع وتهله=من فراق أغلى الملوك السلاطيني
لأرحل بو متعب العز باق له=نصرته للحق والعدل والديني
موتته هزت كيان الملأ كله=شامخ مجده من أول وذلحيني
وللملك سلمان ونجومه مطله=نرفع البيعة وتخزى الشياطيني
عاش شيخ زومة الحمل يشتله=اصمك 'ن' راسه كعام المعاديني
سعد عبشان الشهراني=
(((((( ::::::: ))))))=
الله يرحمك يا خدم بـيوت الـحـرم=يا قائد الأمــه اللـي ما انثلم صـفـها
من خلقته باسط للخير كف الـكـرم=له كف بيضاء تمد الخير ما كـفها
اخلص لشعبه بحبه لين حبه ضرم=محبةٍ صــادقه والـزيف مـا حفها
انـشـهد إنا فـقـدنا هـامة تـحـتـرم=هامة شموخ يلوذ المجد في ضفها
الله يبيحك يا بو متعب زعيم الكرم=وبوجود سلمان الأمه ما انثلم صفها
حسن المسعودي=
(((((( ::::::: ))))))=
مرحوم يا قائد لواء دين الإسلام=يبكيك شعبك كل يوما وليله
الشعب من فرقاك ثلثين ما نام=الحزن خيم ما لقينا بديله
فرقاك حزنه عندنا خمسه أعوام=وأزيدها عامين يمكن قليله
عبد الحكيم الجميعي=
(((((( ::::::: ))))))=
دولة ما استعمرتها النصـارى واليهـود =ولا نكس فيها العلم لأجل موتت من فنى
ولا عُرف فيها تجمهر ولا فيها حشـود = وإن حــكمـــنا حـــاكــمٍ امتثلـنــا بالـولـي
قبلة الأمة عمى عين الأعداء والحسود =منبع الـطـهـر المسمـى بخـيـر المرسلـي
أهلها أهل الكرم والشجاعة والـصمـود =يشهد الخفجي وتشهد وديعة بما جـــرى
عـزها ربـي بفعل الرجـال إلي تســــود =شجرة فــي ظلهـا نستظــل مــن الـعــرى
حنيان الدوسري=
(((((( ::::::: ))))))=
مرحـوم يا تـاج البلاد وسعدها =يا خادم البيتين يا عز الإسلام
المملكة عقبك ترى من نشدها =تقول راح اللي يحقق للأحـلام
حزمي السبيعي=
(((((( ::::::: ))))))=
بينه وبيـن الشعـب معنى الأبوة =أكبر من حروف اللغة والخطابات
الحزن خيّم في سماء العين نوّه =مـن يـوم بثّوا للخبـر فـي القنوات
فيصل المهيدلي=
(((((( ::::::: ))))))=
على الهون يا أهل الكذب والنصب والتزوير =تحسبون كل اللي تقولــون يزعجنـا
ولانا ولاء واضــــح ولا يـقـبـــل الـتــغـيـيــر =ولو ما جت جبال السروات ما مجنا
راشد المسرع =
(((((( ::::::: ))))))=
لا والله اللي راح صـقـر العروبـة =يا الله عـسى الـفـردوس داره ومـثـواه
ويا الله تجاوز عنه واغفر ذنوبه =واجـبر عـزاء الشعب السعودي بفرقاه
محسن آل بريك =
(((((( ::::::: ))))))=
الله يجبـر عــزاء كـل السعوديـة =ويجبر عزاء كل مسلم في فقيدتنا
راح الملك روحتةً ما بعدها جيَة =أشـيـن خبريةٍ في ذا السنـة جتنا
سياف الأكلبي=
(((((( ::::::: ))))))=
ماتت عزومي يامليكي وجيتك=مشاعرٍ تطعن بحزن الخناجر
بدموع عيني ياحبيبي رثيتك=دمعٍ يفيض وماقوته المحاجر
غصب على خشم المشاعر بكيتك=واحسّ روحي بالغه للحناجر
في دعوة الأيتام ياما لقيتك=وفي سلعة الرحمن دايم تتاجر
الله يجعل جنة الخلد بيتك=ولو مت منّا ماتروح وتهاجر
مليح عياف الرويلي=
(((((( ::::::: ))))))=
ياعين هلي دموعك وانثري ماها= الموت غيّب حبيب الشعب عبدالله
مالوم روحي من الاحزان تصلاها=والقلب في روحته كنه على مله
المملكه من غيبته ياكبر بلواها=تنعي مليك ٍ عاشت العز في ضله
محبته عمت جميع الشعب برضاها=سطئ بقلب السعودي ود وأحتله
تبكي عليك الخيل يافارس مطاياها= ياحامي عرا الدين والاسلام والمله
من غيرك تصدى للاعداء في نواياها= يامودع ٍ قلب الحسود يموت في غله
ياللي لخطايا شعوب الارض ترفاها= يومك غديت لضعيف الحال مزبن له
عبدالرحمن العتيبي=
(((((( ::::::: ))))))=
راح الذي بأسمه تغنوا ملايين=اللي لشعب المملكة صار خادم
خادم وله هيبه تهز السلاطين=طيب وفي معروف عند الملازم
نبكيه حنا والثكالى المساكين=الوالد العادل الوافي الحاكم
بندر الزومان=
(((((( ::::::: ))))))=
مرحوم ياللي محجره يذرف الدمع=قلبه رحوم وياسع الشعب كله
حبه لزق بقلوبنا لزقة الشمع=لو تجتمع كل العرب ماتحله
عسى جنان الخلد تطرب له السمع=و عسى الولي يغفر له الذنب كله
سلطان مداد الرويلي=
(((((( ::::::: ))))))=
قالوا رحل ماله علينا رجوعي=ذاعوا رحيله عبر نشرات الاخبار
فتحت تلفاز العنا والفجوعي=اشوف صدق القول مارد الاقدار
لقيت صورة سيدي في طلوعي=في ذمة انتقل والقدر صار
جاه الاجل والموت مابه جزوعي=حقاً كتبه الله على كل الاطوار
لاكن عيني حودرت بالدموعي=عبرة غلا طاحت من العين تذكار
ذكرة وقفاته بصدقاً وطوعي=للشعب ساعات المصايب والاخطار
وقف معاهم بالوفاء والنفوعي=ورها على شعبه من الخير مدرار
امن وامان انعام من كل نوعي=من فضل رب البيت تنعم به الدار
يوم الشعوب ابها مصايب وجوعي=حنا بفضل الله بنعام نختار
من طيب حكاماً الشرعه شروعي=دستورهم قرآن رباً لنا شعار
على كتاب الله حكمهم تبوعي=والسنه الغراء لهم هدي وذكار
ياعين هلي لوضميري قنوعي=يستاهل نمشي من دموعنا نهار
مالوم دمعي به ولالوم روعي=هد الحزن حيلي على فرقت البار
خير الملوك اللي بخيره نبوعي=تفجرت خيرات كفه بالانثار
فيضه قراح ارتوت به انجوعي=من كل فجاً مي صافيه سيار
الله يعوضنا بخوه البتوعي=سلمان حيا الراس في كل مختار
سلمان سلمان الوفاء له سطوعي=في صفحة التاريخ بالمجد بحار
شجعاع ماهاب العدى والجموعي=حراً نسل صقر الجزيره من حرار
به الخلف والخير كله سنوعي=خيرات مده للوطن كنها بحار
ضافي بخيره كلنا به هجوعي=نجدد البيعه على العهد سيار
الله يوفق سيدي بالنفوعي=عسا دروبه نور ونهار وخضار
وثني على بليهان زين الطلوعي=مقرن ولي العهد موفيه الاشعار
ياسيدي مقرن مقامك طلوعي=عالي وجه الله عالي بالاذكار
انت الفخر والعز بسمك يفوعي=لاقيل مقرن قال ماعنه نختار
ومحمد الضرغام سبع السبوعي =ولي ولي العهد وافي الاشبار
نسل الشجاع اللي يفض الجموع=ينايف عساه بجنة الخلد له دار
ياسيدي والمجد يمك قنوعي=يسير في دربك ويعطيك الاشوار
وكل السعود رجال عزاً شجوعي=مامثله من جيلهم جنس ماصار
وختامها تنهتي ياضلوعي=على الزعيم اللي حماحرمة الجار
علي سراي الماجدي=[/poem]
التعديل الأخير:
