اح اح اح ياهل البيت

أريج الروح قال:

الله يرحم جميع اموات المسلمين
ياهلا ومرحبا بك اخي الكريم وعوده ميمونه ان شاء الله
نتمنى ان نراك معنا مرة اخرى
ودمتم بخير​

أنقر للتوسيع...

أسيرالشوق قال:

وعليكم السلام ورحمة الله وبركاته
حياك الله وحيا علومك يا ذباح الحيل ونغرم عليك بخير وصلاة على النبي .
باقين شاقين والعلوم ما تسر لا عدو ولا صديق ذابحنا الغبار ونشوف الفصول الأربعة في اليوم الواحد .
جانا خبر وفاة أبناء الشيخ الصرصر ولم تمكنا ظروفنا من الحضور للمشاركة في الصلاة والدفن والعزاء
ويشهد الله ان الخبر كدر خطرنا ولكن ما معنا في حكم الله بصيرة فنسال الله أن يرحم الأموات ويثبت
الأحياء ويعظم صبرهم .
لا من الله وقبل أمس صلينا صلاة الاستسقاء وانحن ننتظر رحمة الله .
الأخبار تتضارب من يمن وشام ولا ندري عن خافيها والحرب والضرب مستمرة والشكوى على الله .
الناس بعد ارتفاع أسعار المواد الغذائية والبنزيم والفواتير كثرت همومهم وبعضهم يتصرفد ما يلقى حق العشاء والغداء .
هذا ما نرد به عليكم وعفاكم .​

أنقر للتوسيع...

صادق قال:

وعليكم السلام ورحمة الله وبركاته ،
ارحب تراحيب المطر والسيل والبن والهيل ، ياخي برد بعلمه لكن ماني علام ، لكن بآخذ على قد حالي ، انا تراني بعد جاهل لايغرك كلامي وتغرك هروجي والا تحسبني قحم .

والله يابديتك علينا انها كما المطر ، ياخي سوالفك تعجبنا وهروجك نحبها ، لكن ان كان تبغى الصدق ، والله اني أضيق عليك ، تبدي علينا يوم وتغيب سنه ، مدري وش معك ياذا المخلوق ، لكن مقول غير الله يفتح لك ويسهل دروبك ،
الدنيا تغيرت والناس معد ادري وشبهم ، ظليت ادخل والا الدنيا تصنق قدامي بالخلق ، واليوم لاحايم ولا طايم ، ظلا معي ثلاث انفار اتسلى بهم واتسكن بهم وذا الحين اقفوا عني ، وذا الحين والله اني بغيت أهج ذبحتني الوحده وأكلتني الصخمه ،
الناس فوق ذا الجوالات تبحلقت عيونهم ، والنسوان متبطحات عند ذا المسلسلات ، والواحد مايهرج الا من فوق خشمه ، لكن الله يصلح الشان ويحسن الختام ،
أما من المطر وشأنه ، فعلمه عند رب العالمين ، مايجيبه الا التوبة والاستغفار والدعاء الصادق ،
ذا الحين الناس معهم دراهم الله يبارك لهم فيها ويزيدهم من الخير ، لكن الغيث والرحمة مالأحد غنى عنها الشجر يرجي والحلال يرجي والناس ترجي ، ورحمة الله أكبر منا وأكبر من ذنوبنا ، نسأل الله من فضله ورضوانه .
وأما من شأن عيال الصرصر فجزاك الله خير انت رمن حضر للعزاء من المسلمين الناس للناس ، وهذا حال الدنيا ، كلن مايزيد عن ساعته ، مانعترض على أحكام الله وأقداره ، الله يرحم من مات ويصبر من هو حي .
هذا ماحبينا نرد به عليك والا فالخاطر فيه كلام كثير ،
لكني والله تعبت من الكتابه ، ها خلنا نشوفك وسلامتك ، وسلامة الحاضرين .​

أنقر للتوسيع...

ذباح الحيل قال:

كفيت ووفيت ... بيض الله وجهك بياض الشاش والثوب الناش

لكن يارفيقي تعزا وشبهم ربعنا جاهم لامة من المنتدى ... ماعاد يبدون فيه ... غدى موحش ماطومي فيه

اما سالفة الجوالات دخيلك لا تذكرني ... الكبار والصغار مايرفعون روسهم من فوقها ... يامودماني اتهرج بعض الحزات ساعة مع ورعاني ولامني غلقت ونشدتهم عن بعض الهروج قالوا ماسمعناك ... متى قلت لنا

اشغلتهم وملهتهم خلتهم بغير عقول​

أنقر للتوسيع...

أريج الروح قال:

بجد ضحكتني:d:d صح كلامك وفيه روح النكته :d

هذا مرض العصر ثيار وجارف الصغير والكبير
الناس ماعادت تستمتع بحياتها الطبيعيه واصبحو اغراب حتى داخل بيوتهم بسبب مادكرتموه
الله يتولانا ويشوف من حالنا جميعا هذه هي الحقيقه
وتسلم على كلامك الطيب

أنقر للتوسيع...

الشيمآء قال:

مرحبا" بممثل بجيلة ، وربان الخير ،ومنبع المجد والأصالة
لو لم يتبقى في هذا المنتدى ويوجد بهذا الصرح سوى هذا المعرف وهذا القلم
لكان كافيا" لبجيلة أن تأنس ىوتبقى وتستمر ..
مثل هذا اللون الشعبي والتراثي الأصيل له طابع خاص وجميل
يربط بين الماضي والحاضر ويعيد لهذا الصرح غيثه وروحه وحبوره..
وعن كل ما ذكرت آسفنا وأزعجنا كما أزعج الجميع نبأ وفاة أبناء الشيخ سلطان
ولا نقول الا ما يرضي ربنا إنَّا لله وإنا إليه راجعون ..
نسأل الله أن يقرهم ويسكنهم دار القرار مع النبيين والصديقين
والشهداء والصالحين وحسن أولئك رفيقا*
كل الشكر والتقدير والاحترام لقلمك وحضورك ومقامك الكريم *

أنقر للتوسيع...