ذباح الحيل
حزام الجنب
- إنضم
- 21 فبراير 2007
- المشاركات
- 833
- مستوى التفاعل
- 14
- النقاط
- 18
سلام يامن قبلنا ... كيف انتم وش ترونكم
علومنا خير ... في ارضنا والله ربنا ... لامريض ولا عريض ... ولا علم بخافي عنكم
الديرة والسيرة وحدة ... غبرة وعند الله الشبرة ...في رجا الله يغيثنا ويرزقنا ... العربان فالديرة ماريتهم كما السنة تيه ... اللي يبني واللي يبرح ... وايني فرحان كود الله يرد للديرة اهلها
لامن الله وقبل امس قدر الله على عيال الشيخ سلطان الصرصر بحادث ... قلنا نغدي نصلي ونعزي ...حضر ناس كما الجراد المنتشر ... المسيد امتلا ... والمقبرة كنها عرفه يوم الوقفة ... اللي بيسلم ويعزي قعد له ساعاة وزود لين وصل للشيخ ... الله يرحم موتهم ويصبرهم
عزينا وغدينا بعدها نحيي على صدقاننا ... قلت يوم انها رمت بي الخطوة هنيه ادخل اسلم واتفرج ... مالقيت شي جديد متغير ... المنتدى هبوه كنه من بيوت الديرة القديمة
اليوم ودنا ننكس على الديرة ... معي غنم وحوزة فيها بعض الغروس ماهلا ننقط عليها بالواتيت ... نبارع بها والله يرزقنا من فضله
الديرة تخرع وتروع ... ماقد شفتها بذالخلوق من يوم خلقت ... لو احد يكشها بعود كبريت غدت فحمه ... تكسر الوجه ... لكن مامعنا الا ديرتنا وين نغدي عنها
على قولة الاول ... قرشع في دكانك لايقولون طفران
صلينا صلاة الاستسقاء اول عنمس ولا جانا قطرة يالله المشكى عليك ... ظلينا نصلي ونتصدق وتمطر علينا ونحن ما ضوينا ... واليوم نصلي ويمطر علينا غبار يدفنا وصبا تهبهب علينا لين نحسبها تنفر بنا
ربعنا ابالحليس غدوا لهم بهايشة قبل كم يوم يبون يسوون كما قدام ... لكن كما صلاتنا الحقي اختك الحق اختك ... شبرتنا في الله اللي مايخيب الشبرة يرزقنا بالمطر والخير
هذي علومي وماشي عنكم بخافي لكن قلنا نعلم لاتقولون ذباح غاب وعود علينا ما علم ولا تعلم ... وسلامتكم جميع
علومنا خير ... في ارضنا والله ربنا ... لامريض ولا عريض ... ولا علم بخافي عنكم
الديرة والسيرة وحدة ... غبرة وعند الله الشبرة ...في رجا الله يغيثنا ويرزقنا ... العربان فالديرة ماريتهم كما السنة تيه ... اللي يبني واللي يبرح ... وايني فرحان كود الله يرد للديرة اهلها
لامن الله وقبل امس قدر الله على عيال الشيخ سلطان الصرصر بحادث ... قلنا نغدي نصلي ونعزي ...حضر ناس كما الجراد المنتشر ... المسيد امتلا ... والمقبرة كنها عرفه يوم الوقفة ... اللي بيسلم ويعزي قعد له ساعاة وزود لين وصل للشيخ ... الله يرحم موتهم ويصبرهم
عزينا وغدينا بعدها نحيي على صدقاننا ... قلت يوم انها رمت بي الخطوة هنيه ادخل اسلم واتفرج ... مالقيت شي جديد متغير ... المنتدى هبوه كنه من بيوت الديرة القديمة
اليوم ودنا ننكس على الديرة ... معي غنم وحوزة فيها بعض الغروس ماهلا ننقط عليها بالواتيت ... نبارع بها والله يرزقنا من فضله
الديرة تخرع وتروع ... ماقد شفتها بذالخلوق من يوم خلقت ... لو احد يكشها بعود كبريت غدت فحمه ... تكسر الوجه ... لكن مامعنا الا ديرتنا وين نغدي عنها
على قولة الاول ... قرشع في دكانك لايقولون طفران
صلينا صلاة الاستسقاء اول عنمس ولا جانا قطرة يالله المشكى عليك ... ظلينا نصلي ونتصدق وتمطر علينا ونحن ما ضوينا ... واليوم نصلي ويمطر علينا غبار يدفنا وصبا تهبهب علينا لين نحسبها تنفر بنا
ربعنا ابالحليس غدوا لهم بهايشة قبل كم يوم يبون يسوون كما قدام ... لكن كما صلاتنا الحقي اختك الحق اختك ... شبرتنا في الله اللي مايخيب الشبرة يرزقنا بالمطر والخير
هذي علومي وماشي عنكم بخافي لكن قلنا نعلم لاتقولون ذباح غاب وعود علينا ما علم ولا تعلم ... وسلامتكم جميع