صقر بجيلة
صقر بجيلة
الـــبـــدع / زايــــــد
يا بروق اقبلي ذالليل عنـدي كـلام
وانا شاعر ولي هاجس ولي موجبات
ما حسبت الذي يغمز بعينه ويامـي
هرجت الفوت قله وانتمـى خوالهـا
الــــــرد / بــــــروق
يا بو سالم نرحب بك ولا منـك لام
دامت الباخره فالبحر والموج بـات
والله اني افتخر يا صقر ولاصل يامي
بين يامي وبيـن الملـك اخوالهـا
الـــبـــدع / زايــــــد
قال زايد سمعنا يا عزيـز المقـام
لا تعجل عليّـه والثبـات الثبـات
الهدف يا عزيز النفس غالي وسامي
لكن الله علـى ذالـروح واقوالهـا
الـــــرد / بــــــروق
قلت ابا طوف بالكعبه وازور المقام
والتزم بالطريق الصلب نحو الثبات
وان تماديت فالملعب فحظ الوسامي
غير قولوا له انك ما بتقوى لهـا
الــبـــدع / زايــــــد
ان زايد يقل يا لابسـات الزمـام
مثلكن ما يبي يقوى على المكربات
كان تبغن درب العافيه والسلامـي
المره ما لهـا الا بيـت رجالهـا
الـــــرد / بــــــروق
شاعر القيف وشبه زم روحه زمام
ما دريت ان في قلبه لنا مكر بات
وانا فكرته انه من رجال السلامي
كلمة الحق كلا يـا ترجـى لهـا
الـــبـــدع / زايــــــد
ما يبي يستوي نور السفر والعتـام
والنجوم الزواهـر ليلهـا مولعـات
والمزون المغيثه من سماها ترى مي
انا اخيـل سماهـا وانـت خيالهـا