الفية مجالسي
[poem=font="simplified arabic,7,firebrick,bold,normal" bkcolor="transparent" bkimage="backgrounds/14.gif" border="outset,4,gray" type=0 line=0 align=center use=ex num="0,black""]
الف لفاني ناعس الطرف في ليـل=يقول هيا نشرب البن والهيــل
من بن خولان اليمن يعدل الميـل=قدر النشاما والذي يعرف الكيف
= وفنجال كايف تشربه من يديه
والبا بلاني بالـهـوى والمـحبه=من حين شفته صاب قلبي وشبه
قضيت ليل السعد وانا بجـنبــه= شبه القمر جاني على غير تكليف
= والا ليت هذا الليل يصبر شويه
والتا تراحيبي من اقصى فـوادي=عد المطر لا مر باقصى فوادي
وعد ما ينبت في ارض البـوادي=وعد نوض البرق روس المشاريف
=هلا مرحـبا ترحيبـة مثنـويه
والثا ثبت قلبي بعد كان خايــف= وقـر فـكري بعد ما كان صايف
تضحك تقل ياعود ويش انت شايف=الحـب ما يبغي شكوكا وتحريف
=وقـلت العفو يازين والمعـذريه
والجيم جاني مثـل انا مـا بغيـته=على وجل جاني كما ما رضيتـه
وقلت زايـد باللـواحظ رمـيـته= ارحم فواداً صار قـدامك ضعيف
= وقالت بقلبي واحسن الظن فيه
والحا حبـيـب الروح حبه حداني = وانا على شـانه فـلان الفلانـي
روحي رهينة من لفانـي وجانـي = واللي جمعنا الحب قبل الصواديف
=على الله على الله يالقلوب العنيه
والخا خليلي يـاهوى البال يـازين= ارجوك لا تخلف علي الموازيـن
بـاقي علي اعـرف ديار المحبين = حتى وازاورهم واجي عندهم ضيف
=وقالت هلا يوم السعـد يا منايه
والدال دارت بي كـثير التفاكـير=يا بو جعودا فـوق مـتنه مناشـير
لكـني احـزى العاقبه والمقاديـر = والا وصلنا فـوق حـد المتالـيف
=وربـي يجنبنا دروب الخطيـه
والذال لوذليت راع الذل يـسـلم = يسلـم من الزله ويسلـم من الهـم
قـالوه قـبلي ناس تعرف وتحكم=تصرف المعنى على خير تصريف
=وروح التقي تبقى تقـيه نـقيـه
والرا رماني رمي قناص مـاهر=من لاحظ فوقه من الهدب منـشـار
انهار قلبي والفكر ياعرب طـار= قدام من خده كما لمعة الـسـيـف
= يقع فالهوى مخلوق يشره عليـه
الزا زهمني صاحبي وانـتخاني = ماخاب ظـن اللي بقلـبه نصانـي
باذن اللـه انـه مايجيه الهواني=يرتاح مضنوني حسين التواصيف
= وقلبي رهين اعيونه الناعـسيه
والسين سار القلب يا لابة القوم= ما عاد يحسب فالهواء مر واسقوم
قلب الهوى ما هو على الحب مليوم = خصوص كان الحب ماهو على زيف
=وسيدي كما مابغيه صداق نيه
والشين شان الوقت والحـال حـاله=الا وجود القـلب واصـرم حـالـه
واشوف دمع الزين حالة كحـالـه= كـمـالخرز من فوق خده مذاريف
=ولحظة وداع وكنها مـسـر حيه
والصاد صدرنا بعد صدر اللـيـل=وانا عظامي من شـقايه مناحـيـل
وقلـت يالمزيون اقـدرك بالحيـل= كفك بكفي لاتطيـع الـملا قـيـف
=بعد لك ورى ذالليل ملفى وجـيه
والضاد ضي الشمس نور على نور= والقلب بين الناس بالحب معمــور
عسى ليال اهل الهوى سعد واسرور= وبينهم تبقــى جزيل المـعاريف
=على اهل الهوى مني جزيل التحيه
والطا طواني مثل طي القراطـيس= ابو خدودا مثل نـور الفوانــيس
لكن من دونه رجالا قرانيس = ياحيهم شجعان فرسان في قيف
=على الجود والقالات والمقدريه
والظا ظلام الليا يرخي سـدولــه = يـاللــه في صبحا قريبا يزوله
اخذت طول الليل صوله وجولــه=ياحيف قلبي من عنى الحب ياحيف
=اهوجس طرب فالقلب مثل الوريه
والعين عـين الزين عـين الغزالي = عـوام يدرج فـوق مايا زلالـي
وارموش فوق العين مثل الظلالـي = وسهومها فالقلب شنت مقاصيف
=وقلبي من المزيون يطمع بريه
والغاء غلي ســيدي وكل الغلى له= هذا كلام الصدق ما هو ريالـــه
الـزين طـبعه والـقمر في جمالـه =هذي حقيقة وصف ماهي توالـيف
=وعمري وروحـي للـحبيب هديـه
والفاء فـرق بـيني وبـينه ديـارا = والشوق للمحبوب فـي ودي ارى
فـرقاه مثل الـسهم فالـقلب طـارا= هـذي حـقيقة لا خيالا ولا طيف
=اسـافر عـلى شـانه واشـد المطيه
والقاف قـالوا قـبلنا فـالهوا قـيل= تعاقبوا فالقيل جـيلا بـعد جـيل
لكن قـولـي صح ما هـو بـتمثيل = كلام واضح يمتثل بـارق الصيف
=مجرب في الهجره وروحـي شـقيه
والكاف يكفي ما وصفته وقـــلته= في كامل الاوصاف وصفه وصيته
اللي على شـانه لــبيته وصلتـه =جيته ظلام الليل واهله معاطيف
=وقال ابن عوضه ويـش جابك هـنيه
اللام لاما ســيدي نـور الانـوار=بين العطر والورد وانواع الازهار
فـي مـنزلا والـبن جـانا بـمقدار= على مـزاج وريحته تنعش الكيف
=وليله مـع الـمزيون ليله هنيه
والميم ماني عن هوى الزين صايف = وصلت لا بيته ولانـي بـخايف
ماني مخون كاملات الوصايـف =اعطيتها في علمنا كل تصريف
=وسلمتها روحي وانا وش عليه
والنون ناولني من البن فــنجال = فنجال صيني ينعش القلب فالحال
في منزلا للضيف والرود مدهال= في منطقتنا ماش مثله ولا شيف
=زخارف مزخرفها بذوقا وفنيه
والها هوايه تالي الليل اخذنــي = وقال هـيا قـبل روحك تـجني
هيا معي يا سـيدي يا عــيوني = قدام تغدي بك صنوف التصانيف
= بقي لي مع المزيون روحه وجيه
الواو ويلي هـوى البال ويـلاه=ان كان هذا الليل تبغيني انســاه
اليوم شوفك عالج القلب واشفاه= ما غيركم قلبي يدور موالـــيف
=عسى ما يجي لك من حضوري بليه
واليا يقابلني ولي امرك الحين=حتى نغلق كل شي بيننا بـــين
انت الهوى وانت المنى ياريش العين= واهلك رجاجيل الكرم والمواقيف
=على الجود والقاله لهم عـــسكريه
[/poem]