رشيد الزلامي مولده حياته مسيرته الشعرية وفاته واقوى قصائده ومحاوراته

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
1420206531413.jpg
رشيد الزلامي مولده حياته مسيرته الشعرية وفاته واقوى قصائده ومحاوراته
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
1420206531391.png

هو الشاعررشيد بن زيد بن مسينيد الزلامي العتيبي
ولد سنة 1358 هــ سافر الى دولة الكويت قديماً وعمل بها عدة سنوات عاد بعدها الى ارض الوطن
والتحق بالعمل الحكومي وخدم الوطن في مجالات كثيرة وبزغ نجمه في سماء الشعر النبطي له من الابناء
خمسة جميل و بندر وفهد وتركي وفيصل جميعهم شعراء
وهو عميد شعراء الجزيرة العربية في شعر النظم وشعر القلطة وصاحب اقوى واحكم الابيات في شعر النظم ويعد الفحص الدوري للشعراء في ميادين المحاورة واشرس واقوى شعراءها وهو (صنفرة الشعراء ) كما اطلق عليه صاحب السمو الملكي الامير /خالد الفيصل بن عبدالعزيز ورشيد الزلامي صاحب نهج خاص به في طريقة بناء القصيدة وكيفية تركيب ابياتها وهو ويطغى على شعره طابع السهل الممتنع وهبه الله موهبةً شعرية قوية فذة قل أن وجدت في شاعرٍ غيره
وشكل مرحلة ومسيرة شعرية متميزة من أجمل المراحل التي مر بها تاريخ الشعر الشعبي طرق الشعر
في كل اغراضه وله شعبية جارفة في المملكة وفي دول الخليج العربية بإسره
وكان يشكل رأس الهرم والرقم الصعب في الساحة الشعرية طيلة خمسون عاماً مضت
وكان رحمه الله شيخاً لقبيلة العوالي من روق من عتيبة وصاحب مشيخة قديمة عريقة على اساسٍ وثيق وكان رحمه الله يشغل منصب رئيس مركز سديرة التابعة ادارياً لمدينة الطائف من عام 1400 هــ الى ما قبل وقت قصير
شارك في كثير من الامسيات الشعرية وله ثلاثة دواوين مطبوعة واشرف على كثير من المسابقات الشعرية وفي طليعتها مسابقة (شاعر المعنى ) وكان له اشراف مباشر في تقييم شعراء محاورات
المغترة في اعوامها الذهبية دعم اكثر الشعراء وكان على الدوام موجهاً وناصحاً لهم غمر الجميع بحسن
تعامله واخلاقه العالية وتواضعه الجم وحبه لدينه ووطنه وولاة امره لا يتوانا في مساعدة الاخرين
بما له من وجاهة وحضوة عند ولاة الامر حفظهم الله وعند وجهاء واعيان المجتمع
عاش أبو جميل رحمه الله شامخاً في دينه وفي وطنيته وفي شعره وفي تعامله الى أن وافته المنية
ظهر يوم الاثنين الموافق 7 / 3/ 1436هــ عن عمرٍ يناهز ثمانيةً وسبعون سنة رحم الله ابا جميل
وغفر له وتجاوز عنه واسكنه فسيح جناته والهم اهله وذويه الصبر والسلوان
 
التعديل الأخير:

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
قصائد الشاعر رشيد الزلامي النبطية

[poem=font=",6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
(يابن بديَع )=

يابن بديَع وقفت بي على الشاط=الموج عالي والسباحة مخيفة

تعبت ماباقي من الجهد قيراط=دفيتها لين ابركت في النصيفة

في رحلةِ مابين تموز وشباط=عنوانها واضح بصدر الصحيفة

راحت سدى باسباب تفريط وافراط=واستنزفت دم القلوب النظيفة

لوكنت من شيد حضارات الانباط=فوق الجبال الشامخات المنيفة

ولو كنت بالحكمة منافس لسقراط=باح الكلام , وصدرت بي امعيفة

طال الزمان وجرح الايام ماخاط=ينزف وعيا لايوقف نزيفه

فقدت وقفات السدارى هل الغاط=اهل المواقف والنوايا الشريفة

الياطرى لي شخص ابوزيد , تنساط=كبدي ,,وقلبي مايهود رجيفه

وقدام يدخل خاطري ياس واحباط=او يقتحمني سيل وادي حنيفة

افزع وناد الهاجري وابن شلحاط=ومدغم وابن قضعان وايضا ابن ريفة

ولابد لك بمحمد الذيب تحتاط=يكفيك عن عنتر ورمحه وسيفه

انا بذلت الجهد في كل الاوساط=لكن دنيا خاتمتها ضعيفة

ماتصفي الا مع منافق وخراط=ومعوقِاً باقي لجده خليفة

رزقه حرام ولايجي غير نقاط=وغير النذالة مالقى له وظيفة

يجعل يلقطهم من القاع لقاط=ومن الغضب تنزل عليهم قذيفة

تضرب جماجم روسهم ضرب مخباط=لين الوليف يقوم يلعن وليفه
( يالبيب القلب )=
يالبيب القلب مالك على الدنيا خلود = تجري الارواح والموت يجري ضدها



تمضي الساعات والعمر ينقص مايزود = وتنتهي رحله زمانك وتوصل حدها



اول الرحله تعب واخر الرحله ركود =ودوره الايام لا بدها لا بدها



لو تحسف ماتفيد الحسايف والوجود =صرت هيكل بين جزر البحور ومدها



اغتنم فرصه زمانك تراها ماتعود = بالعلوم الطيبه والمهمه بدها



والمراجل مثل طلعه كرى ترقى سنود= كل ماتقطع مسافه والاخرى سدها



من عجز يحصل عليها بحكم بن سعود = في زمان العسر تلقى رجال قدها



استعن بالله والنار من قدح الزنود = واترك اللي مبتلش بالنقود يعدها



لو تظاهر بالدراهم وصفقات النقود = اتركه لأبو فلوسه ولأبو جدها



اكثر الاموال عند النصارى واليهود = والهنوف اللي تحط الوشام بخدها



وش معه منها اذا حط من بين اللحود = تحصر اعماله ويمكن يجي مشتدها



ولو تعزوى بالأباء وبالجدود = والبيوت اللي بناها الزمان وهدها



رافق اللي يكسر العود في عين الحسود = والردي ان مد لك يمناه قله ردها
( رحلة مع الايام ) =
رحلة مع الايام صولة وجوله=نزعة شباب وكملت عمر مخلوق
بديتها وانا بسن الطفولة=واليوم رسم الشيبفالراس من فوق
حاولت احقق شي ماني بحوله=ولاشفت للدنيا حلاوة ولاذوق
ماهوبانا الليقلت كلن يقوله=كم عاقلن قلبه من الدهر محروق
ركض مع الدنيا وتعبت ذلوله=ومثلي على درب الخطر ساقها سوق
واليوم جالس والذلول معقوله=وايا انتبه غنى من الشعر طاروق

( ياغارس ) =
ياغارس الشجره بيدك الكريمه=هذا دليل إخلاصكم سر واجهار
ماهي غريبه بك شهامه وشيمه=وأبوك قبلك قد غرس خير الاشجار
عبدالعزيز اللي فعوله عظيمه=اللي جلا عنا صدا الذل والعار
وجعل لنا مابين الأقطار قيمه=مكانتن نفخر بها بين الأقطار
لولاه ماذقنا الامان ونعيمه=رحنا شرايد للفتن مثل ماصار
ولولاه سوى الجهل فينا جريمه=ولولاه ضعنا بين ماكر وغدار
قبله نعاني من حياتن سقيمه=ونهيم بالصحرا على عشرة أنفار
ناهب ومنهوبن ونصر وهزيمه=ولا نسمع المذن على وقت الاسحار
ولانعرف اللي ناخذه من وسيمه=ألا إن شيمنا تمنع الضيف والجار
هذا حصل يوم السنين القديمه=يوم الجهل يلعبنا شتى الادوار
واليوم ياخيال شقرا وريمه=نزل شدادك وادع للوالد البار
أدعوا لبوتركي قوي العزيمه=عساه مايعرض على واهج النار
اللي رسمها خطتن مستقيمه=وساروا على نهجه بعيدين الانظار
آل السعود اهل النفوس الكريمه=هم درع نجد ونجد لهل الوفا دار
لاوالله اللي نجد ماهي عقيمه=يانجد ياديرة هل المجد والكار
دمتي لنا من كل شرن سليمه=في ضل أبوفيصل عزيزين واحرار
وعبدالله اللي له مواقف عظيمه=ولي عهد اللمملكه واف الاشبار

( سلامي ) =
سلامي على الشيخه بعد كثرة الأختام=بعد كل واحد شال ختمه وزوزابه
شيوخ الربيع اللي بعد بدت الأنعام=وراع الغنم نزل صميله ومشعابه
وقال أتقدم واسبق الناس من قدام=أجيب الختم لو مامعي ماتعشابه
ترا الشيخ من جده يخلي الجموع أقسام=ليا شن غاراتن على القوم يدعابه
وترا الشيخ من جده ليا حضروا الأخصام=يفرّج لربعه يوم ماتطلع الجابه
وترا الشيخ من جاره من الوقت ماينضام=وترا الشيخ من يفتح لضيف العشا بابه
كريم ليا قالوا يجي فالرجال إكرام=حليمن ليا ماغثرب الدهر مشرابه
كفا مامضى في ماضي الوقت والأيام=زمانن شيوخ اليوم سلموا من أسبابه
تصارع به العالم ومن طاح به ماقام=ومن يذكر الجد العريب يتعزوابه
مضى وانتهى في عهد أبةنركي الضرغام=أسد الأسود محطم الشرك واحزابه
جمع شملها من باب جده ليا الدمام=وزار الحرم قبلة نبيه وصلاّبه
عسى الله يضللنا تحت راية الإسلام=وحكم السعود أنلوذبه وان تذرابه
( طبايع الناس ) =

طبايع الناس من يقدر يبدلها=واهني منهو من الدنيا برد همه
ماأكثرعلوم البشر لوجيت أحللها=أعقول متخالفه واجسام ملتمه
أشخاص تربط كرمها في مشاكلها=والخير موجود والمندي على الذمه
لاشفت بذلات بعض الناس يبذلها=ماهيب لله ولاتبذل على اليمه
إيورطه بالعزيمه لين ياكلها=وتنكب البشت واصبح سارحن يمه
قال أعطني موجز الأخبار وازهلها=صاحبك صاحب يصر العلم في كمه
مايدري إنه ضلم نفسه وحملها=وضرّب مسمار حامي ماطلع دمه
واعماله اللي يقدمها يحصلها=في يوم ماينفعه خاله ولاعمه
( يامير ) =

يامير يارمز الشرف والكرامه=يافزعة المضيوم في ساعة الضيق
يامن رقا بالمجد قمة سنامه=فواز زيزوم العيال الطاليق
من لابتن يثنون دون الجهامه=ويفرقون جموع الاضداد تفريق
دولة هل العوجا وروس الزعامه=جمال التخوت اللي تشيل المعاليق
يلجي لهم من شان وقته وضامه=ولحقه من الايام بعض الملاحيق
أشكي لكم جفنن جزا عن منامه=واشكي لكم همن لجا بالصناديق
واشكي لكم حالن تدانا حطامه=هيمن عليه الهم مافيه تبريق
على عشيرن تلني في غرامه=تل الحرار ألمبهمات المسابيق
أسهر عليه الليل داجي ضلامه=وابدع عليه معوشرات الطواريق
واليا طرا شوفه ولذة كلامه=سوالفن تسلب قلوب العشاشيق
بتلت قايمتن علي القيامه=والا إني أسبح في بحورن غواريق
مثل المريض اللي طويلن سقامه=يغمى عليه بسكرت الموت ويفيق
هذا سبب من تلني في غرامه=تل الحرار ألمبهمات المسابيق
لاياعيون اللي جفل من تهامه=يسمع لرعيان الجحادر نتاغيق
عين الغزال اللي بذيك العدامه=ماله حلي(ن)مع جميع المخاليق
ألا الغزال بنظرته واغتنامه=والعين عين اللي بروس الشواهيق
عين العديم اللي براسه شهامه=أشقر عريض الصدر زين المفاهيق
عليه من دم الحباري علامه=من د برقآ طقها العصر بلحيق
تبا السلامه مار مامن سلامه=عنها السلامه بعد عسفان لطويق
تلحفت جنحانها مع مقامه=وحول عليها بين صيحه وتصفيق
قد علموه العام طرد الحمامه=ولاشافها ألا يابس الحلق والريق
هذا ومن يلحق محبن ملامه=تجري به الدنيا على غير توفيق


( بالحلم دكتـورٍ )=

بالحلم دكتـورٍ وبالعـزم فـولاذ=موج البحور العايمه مـا يطمـك
ومن يلتجي لحماك يرهي بالانقاذ=منفـذٍ للمرجـلـة راس كـمـك
منته ينبع في صقاعقـب رذراذ=هداج تيما اللي غزيـر مجمـك
والله يا سلمان ماجيـت شحـاذ=لكن ممـا حسنـي جيـت يمـك
أعرفك من روس الرياجيل الافذاذ=الطيب يظهر في تحاليـل دمـك









( شاعر كويتي )=

حنا بدار دلهت صدر مـن ضـاق=بلـغ سلامـي للزلامـي وقـلـه


ياعابد الصوره على بيض الاوراق=دارك عرفناهـا وعلتـك عـلـه


وان كان حبه محرق قلبك احـراق=شد الرحـال ودرب عمـك تدلـه









(رد الزلامي )=
انتم بدار دلهت صدر مـن ضـاق=وانا اتخيل صورتـه مخلـص لـه


ما تعرفونه يـا ردييـن الاعمـاق=هذا الفهد ذخر الفهـد فـي محلـه


اللي اذا جفـت ويبسـن الاريـاق=انته وانـا ومعزبـك تحـت ضلـه


والله احبه حب مخلـص ومشتـاق=واحب حتى صورته فـي المجلـه


واهل الحسد ماهم على باب الارزاق=رزقي على اللي كون الكـون كلـه


حنا سعوديين يـا طـاق طربـاق=احرارماعشنـا بعيشـة مـذ لــه


رجالنا لوهوعلـى مكسـر السـاق=حب الكرامه والوفـاء عـادة لـه


( الوقت يامقساه )=

الوقـت يامقـسـى عـنـاه وعـذابـه=حطاب ليـل ولـه معاويـن وفـزوع
احد (ن) منـه يمكـن يعالـج صوابـه=واحد (ن) يموت بعلته مـوت جربـوع
يروح مثـل مقـاط محـد (ن) درابـه=لاحبـل يرقـى ولاصـوت مسمـوع
بغـى يجيـب رشـاه ورشـاه جابـه=من عالي الشفه علـى ضربـه الكـوع
هـذاه مقـاط اللـى ارشـاه التـوابـه=واصبح مثل للناس في كـل موضـوع
قصـه مقـاط وقصـتـى ماتشـابـه=اسباب وقت وكـل قصـه لهـا نـوع
مقـاط صفـى فـي زمانـه حسـابـه=وانا بلشت في وقت طامـع ومطمـوع
كم واحـد (ن) وقـت اللـزوم تهقابـه=واليـا نصيتـه غيـر الطبـع بطبـوع
والصاحب اللى صحبته ضحـك نابـه=يبينى ابقى لـه علـى الـدوم مـزروع
ان شـاف وجهـي قـال يامرحبـابـه=وان غبت ينسانى على راس الاسبـوع
واليـا نسانـى منهـو حظـره جنابـه=انساه واجعـل دونـه الخـط مقطـوع
وعيب (ن) عليـه كـان طقيـت بابـه=لونى امسي بالخـلا ميـت (ن) جـوع
مـن خلقـه الدنيـا تجـوع الذيـابـه=بس المهـم تعيـش والـراس مرفـوع
وتكسب بعـز النفـس قـدر ورحابـه=وتمشى على خط (ن) سليم (ن) ومشروع









( يانجـد حبـك )=
يانجـد حبـك هـو شرابـي وزادي=شين بقلبـي كونـه خالـق الكـون
لاعـدت البلـدان هـذي بــلادي=اقولهـا مـن كـل قلبـي وممنـون
متمكن ن حب الوطن مـن فـوادي=وحب الوطن سنه علـى مايقولـون
من طبـق السنـه لـه الله هـادي=ومن خالف السنه منافـق وملعـون
يامنكـر ن دارك عليـك السـوادي=يوم الكرام لحـق الاوطـان يوفـون
هذي وطـن صفوةجميـع العبـادي=وبعده وطن قومن على النهج يمشون
دار السعـود منزحيـن الاعــادي=اللي لها عرضن منـزّه ومصيـون
تلبـس بهيبتهـم ثيابـن جــدادي=غصباً على الحساد واللي يحسـدون
دارن مضى فيهـا خيـار المبـادي=ودستورها القران عن كـل قانـون
دارن لصوت الحـق فيهـا منـادي=ومنها وفيهـا قبلـه اللـي يصلـون
وعندي هواها ريح مسـك وزبـادي=وجبالها عنـدي بساتيـن وعيـون




( الله مـن صبـراً )=





الله مـن صبـراً صبرتـه ولافـاد=والصبر مر اليـا تعـدى الحـدودي
يـوم اتذكـر ديرتـي دار الاجـواد=اهل الشـرف ومعربيـن الجـدودي
ذكرتهـا بعـد الرمايـس والابعـاد=وبدلتها بارض ن عليهـا محـدودي
واطول هجري بيـن عيـاد وعنـاد=ول ياعساهـا عشرتـن ماتعـودي
لاقلـت صلـوا زادوا الكفـر بعنـاد=وانا ليـا صليـت قالـوا سعـودي
وانا اعترف بالحـق مانيـب جحـاد=وموقعن بالعشـر مبغـى شهـودي
انا سعودين علـى روس الاشهـاد=والي الشرف يابارديـن الخـدودي
هذي وطنا من علـى عصرالاجـداد=مهبط وحـي مادنسوهـا اليهـودي
ارض العرب وارض الديانه والارشاد=وام العرب من يوم عـاد وثمـودي


( يا ونتي )=


يا ونتي يا ما بصدري من الضيـق=من حسة لا جت بداخـل ضميـري
كنيتهـا فـي مغلقـات الصنـاديـق=لين انكسر منها الضليـع القصيـري
قالوا قدرت الصبر ما فيـه تبريـق=قلت اه من يقدر على الصبر غيـري
مير انتهى واليا انكفى الميّ ما حيـق=سود الليالي عرقلـت خـط سيـري
والله لو اشرب ماي سحب غداريـق=ما ظنتـي يبـرد ظمـاي الغديـري
ولو اشرب الذوب المصفّى على الريق=زاد السعير اللـي بكبـدي سعيـري
خط لفانـي حـرّق القلـب تحريـق=امحق بشـاره جبتهـا يـا بشيـري
انا على عهـدٍ واظـنّ العهـد بيـق=اخر زمان وكـل شـيء يصيـري
راحوا هل النمات مثـل الزواريـق=يسعـون عدوانـي بقرقـا عشيـري
الله يجازي مـن سعـى بالتفاريـق=عن جنـة الفـردوس بالزمهريـري
يا راكب اللي مع خطـاة الطواريـق=ينـوز نـوز الجافـل المستذيـري
مـن وارده مالوعـوه السـواويـق=ولا داج للعبـري وشـال الاجيـري
اخـر طـراز مغلـق الفـن تغليـق=اسبق من الاصوات عبـر الاثيـري
هـافٍ يهيـف بمجرهـد الرقاريـق=يطوي الفيافي طي سلـك الحريـري
عجل ليا دنَّـي وعجـل ليـا سيـق=والطير مـا يمديـه قدمـه يطيـري
عليـه منـدوب ليـا نشـف الريـق=قرم ليـا سـال العـرق بالنظيـري
داس الخطر من دون عهد ومواثيـق=يوم ان ولد الـلاش فكـره يحيـري
خذلي كتاب منسـق القيـل تنسيـق=مكتوم مـا يقـراه غيـر السديـري
محمـد الاحمـد مهـدي الصعافيـق=ليا عدوا اهل الطيب قاضي واميـري
وان حلّـق الدخـان بالجـو تحليـق=اميـر فـي قـود السرايـا خبيـري
وان صار بالجرعات كنّه وتشريـق=قاضي يحل العسـر حـلاً يسيـري
وان جو وبيبـان المنـازل مغاليـق=ريفـاً لهشّـال الخـلا والقصيـري
وسلم عليه وشلـق الهـرج تشليـق=واشرح له الموضوع حالي خطيـري
يعطيك راياً مـا عطـوه المطافيـق=وانا بلشت ومـن بلـش يستشيـري
وتراي بادي لك على الرجم ومويـق=عطشان شفقـان لشـوف السديـري


( البخـل )=

البخـل طبـعاً مستحيـل عـلاجـة=والجود طب لكل الأمراض وعـلاج
جيت الرفيق اللـي بشـوش حجاجـة=اللي بحـزات الرخـاء مثـل هـداج
قال العلـوم وقلـت طـلاب حاجـة=حاجة يسر ماهي تكاليـف واحـراج
ان كلفـت يكفـي العـذر والمواجـه=وان كان جت من يسر صاحبك محتاج
واومى براسـه مثـل راس الدجاجـة=وهز المتون وراح وجهه كما الصاج
واقفيت مـن عنـده مطفـي سراجـه=ولي حاجة ماعطيتهـا كـل هـراج
عرض العلوم لغيـر اهلهـا سماجـة=والصاحب الطيب له الـدرب ينعـاج
وكم ضيقـة ياتـي بعدهـا انفراجـة=ياليت كـل اصحابنـا مثـل سهـاج
الصاحـب اللـي مايعكـر مزاجـة=ولا حطلـه كثـر المعاذيـر منهـاج
ولا الردي صيـده يضيـع بعجاجـة=ماتسبقه في سرعـة الـروغ ميـراج
( ياهـن )=
ياهـن ابـن هـن مــاوالله ارداك=ومااردى نصيب اللي يسوي سواتـك
ومااردى نصيب اللي من البعد ينصاك=يبا العشا ويشوف بعـض احركاتـك
تحلق الشـارب مـن الديـن يـاذاك=ودك تخـدع المومنيـن بصـلاتـك
لكـن وش تكسـب بدينـك ودنيـاك=لا صار ترك الواجبه مـن صفاتـك
لا صار ضيـف الله تلقيـه علبـاك=باقي علومـك خشهـا فـي عباتـك
الجـود مافقّـرك والبخـل مااغنـاك=ولا تحسب انك مت من موت شاتـك
الخاتمه مـن يـوم هـاذي سوايـاك=بالله لا تعـطـي عتـابـه بنـاتـك
تكثر بنا الرديـان مثلـك وشـرواك=وتـروح تشمتنـا الرجـال بشماتـك


( البـارحـة )=


البـارحـة يــوم الثـريـا تـويـق=ييـوم كـلٍ فـي لذيـذ الكـرى راق
وقفـت ليـن الشـوف جالـه بريـقـ=مثل السراب اللي علـى البعـد لهـاق
أخيـل بـرق صـوب واد العقـيـق=يماشفت مثلـه يفضـح الليـل بـراق
عـسـاه يسـقـي دار ذاك الفـريـق=يلو رغبتي ما عـاد بـاقٍ لهـا بـاق
وذيـك الديـر مانـي عليهـا شفيـق=يتطيب منها النفس وتضيـق الاخـلاق
قزرت عمـري فـي بحرهـا غريـق=يمتحمـل ٍ كـل المتاعـب والارهـاق
لين انكشف وجـه العـدو والصديـق=يوالرفقه اللـي حبلهـا رمـث ودقـاق
ولا كلفـت نفـسٍ بـمـا لا تطـيـق=يتبينت لـي كنهـا شمـس الإشـراق
وانـا ليـا شفـت الجفـا مـن رفيـق=يوصار الامل حبر ٍ على بيض الاوراق
قابلـت غلطـاتـه بـوجـهٍ طلـيـق=يونظرت له نظـرة محـب ٍ ومشتـاق
أعطيـه حتـى مـن منامـه يفـيـق=يلا كلمته سمّعـت ولا خاطـرٍ ضـاق
حتـى يعـرف انـي رفيـقٍ حقـيـق=يوليا انحرف ماهو على بـاب الارزاق
يروح في دربـه وانـا فـي طريـق=يمن خلقت الدنيا بهـا جمـع وافـراق
علـي بيبـان الفـرج مـا تضـيـق=يأسوقهـا فـي كـل ديـره وتنسـاق
وابعد عـن اللـي رفقتـه مـا تليـق=يمانـي علـى جنبـه معلّـق بمعـلاق
ياكثر مالي فـي الديـر مـن صديـق=يلا بـارت العملـه وشحّـن الاسـواق
صداقـةٍ تبـنـا بـسـاس ٍ وثـيـق=يلا عقربٍ تلـدغ ولا مـوس حـلاق


( ياموزع النعم )=
ياموزع النعم خل النعم لاصحابـه=ماينعطـي غيـر للـي يستحقونـه
النعم ينعطـي لرجـلٍ فاتـحٍ بابـه=للضيف وليا بغوه بحـال يلقونـه
اللي بوقت اللزوم يبيـن مضرابـه=سيـف تحـده لزومـه مايحدونـه
والاالردي لاتقول ونعم يظرى بـه=يرهي على نعم وهوه قاصر ٍ دونه
ليا قلت له نعم قـام يفتـل أشنابـه=يحسبك صادق ما يدري نعم وشلونه
يطمع بشيٍ يموت الخبل مـا جابـه=ثم قال أنا جبت نعم اللـي يقولونـه
بعض البشر يحلمون احلام كذابـه=ومن لاعرف قدر نفسه عدّ طبلونه
يجيك مسرع مايدري ويش يبلابـه=من قلة العرف ما يمشي علىهونـه
اما على الاقربين اشتـال مشعابـه=والابعرض المقفي سـلّ مسنونـه
تناول الغايبين و كثـروا أحزابـه=اللي علـى قلـة الخيـره يدفونـه
واهل العقول سكتوا ماقالوا الجابـه=لا ينقصونـه بشـي ولا يزيدونـه
قالوا هذا فيه عاهـة وابتلشنـا بـه=والا هذا فيه شـي ٍ مـا يعرفونـه
وخلوه يسرح ويمرح خاب من جابه=ما نومس اللي من الصغر يترجونه



( ياتافه الناس )=
ياتافه الناس تبطي ماتجي قـدي =لاكبرت السالفه دمعتك مذروفـه
ماتعرف الهزل يالتافه من الجدي =ماتدري ان البلد بالليل محيوفـه
خلك بعمياك مع هاته على ودي =والياقربت الخطر غنيت معزوفه

( )
يا كثر هرج العرب ياصعب تحليلـه=الا على من عرف معنـاه واهدافـه


وانا اعرف العلم لكن ما معي حيلـه=وشلون اعدل سنام الثـور واكتافـه

ليا جاك خبلاً يحـط العلـم ويشيلـه=وليا سمع شاعراً غنـى علـى قافـه

يصدقونـه ليـا سمعـوا تهاويـلـه=وهوه كذوباً هيم والصدق مـا حافـه

وان سمع طاري العزيمه قال منهي له=وقام يتلفت وشال البشـت باطرافـه

ضاري على المهزله ويعيش بالحيله=لكن عند اللوازم عـاش مـن شافـه

ولو تنصحه قال يا دنيا من انتي لـه=متمرغاً في فـراش ابليـس ولحافـه

وابليس في مرقب الغاوين يومي لـه=ومشاركه كـل مرباعـه ومصيافـه

له في طريق الخطا تسعيـن تحويلـه=لو تاصفه كذبوك النـاس باوصافـه

ومن كان هذي سواته وش تسوي له=خله يغـرف البحـر كلـه بمغرافـه

لكن لا تسمع اخباره وتصغـي لـه=يجلس صنم وان ذلف عساه مذلافـه






( يامعالج الجرح )=

يامعالج الجرح صبري واصلا ً ماده = وعلاج قبل امس زاد الجرح ماسرّه
احرجتني في سؤال مااعرف ابعاده = والناس للناس محتاجه ومظـطرّه
اخفض جناحك ترى دنياك حداده = وترى سليمان قبلك خاطـب الذرّه
وجرحي ترى مايبي دكتور وعياده = يحتاج قلب رحيم ونــظرة حــــــره
وان كان جرحي بقى والطب مافاده = اعود وانصــحك ياقلبي مـية مرّه
لا عــاد تحلم بشي فـات مـيعاده = قد ايش تبكي وكبدك ليه مـحترّه
اصـبر على ماقـضاه الله وماراده = يكفيك فعل الزمن بمحمد الــدرّه
ويكفي من الوقت خمس عقود وزياده = ماعاد خلــت بكبدك قـطرة مـرّه
وان قلت انا في زمان فات لي عاده = دارت رحــاة الزمـان وجتك مفـترّه
ريح ضميرك وخل الوقت وجهاده = لعل خـير الزمــان يفـك مــن شـرّه
اما يقـــوم الجمل شقران بشداده = والا تـهب الهبوب وتقتل الجــرّه


( البارحة والناس )=
البارحة والناس غافين وهجوع = جتني هجوسي ورداً سارياتي
والليل طال وخط الارسال مقطوع =ياليل ياطولك متى الصبح ياتي
قزرت ساعاتك على ثومة الكوع=مالي نديم الا الثلاث الخواتي
صفر الدلال اللي بها الهيل مشموع=باشكال وارناقا معه لايقاتي
واصبحت من كثر الهواجيس مفجوع=وافكار قلبي شرداً سارحاتي
ياسائلاً تسأل ترى الصوت مسموع=وما نشر بالصفحه قريته بذاتي
سويت لي مشروع من غير مشروع=والزمتني بالرد دون شهواتـي
اكيد عندك يا فتى الجود موضوع=والا مسوي بك زمانك سواتـي
مسقيك من علقات الايام قرطوع=وتسمع صراعي فيه ومغامراتي
فان كان هذا الامر بالشكل والنوع=خل الامر لمكون الكايناتي
ساير زمانك كان لك قلب وضلوع=وارج الفرج بايامك المقبلاتي
وان كان ما طاعتك خلك لها طوع=ما انته بضاربها برمح الزناتـي
اما سوالك ما جوابه بممنوع=ولو للحياه اسرارها الخافياتـي
اجاوبك لو ما معي منك منفوع=تحب تعرف كيف قصة حياتـي
حياة ذيباً عايش الفقر والجوع=ليله يبات وليلة ما يباتـي
اعيش عيشة ذيب والراس مرفوع=وان قلّ مالـي عزّ نفسي غناتـي



( الله على اللي )=
الله على اللي شوحتـه تقطـع الـدار=يوصل غريب الـدار ديـرة ربوعـه
أبيـه والله ميـر مغليـن الاسـعـار=والبنك ماادلـه ولااعـرف فروعـه
وذي حالـة الدنيـا لهـا ادوار وادوار=يومـن تواصلنـا ويومـن قطوعـه
وكـل البشـر فيهـم فقـارا وتجـار=ونفوس تتحمـل والاخـرى جزوعـه
وحتى بنـوك النقـد تعجـز وتنهـار=ماهوب انا عجزي بعـاد(ن) رموعـه
بس المهـم ودون توضيـح الاسـرار=وضعي ووضع الجيب شكله ونوعـه
شريت لي جيب(ن)عسى ابـوه للنـار=بانـت عذاريبـه مـن اول اسبوعـه
مزعج مع الصحراء ومزعج مع القار=ومـن يركبـه لازم يسكـر سموعـه
مثل الشبـح ماينقصـه غيـر طيـار=شكلـه وتصميمـه وممشـاه روعـه
من خف دمـه مابقـى فيـه مسمـار=ولايركبـون عيـال الانـذال نوعـه
مايركبـون الا سفـاري وفكـسـار=آخر زمان(ن) جعـل بقعـا تصوعـه
خلا رجـال المرجلـه مالهـم كـار=الذيـخ لـو يبكـي مسحنـا دموعـه
الذيـخ يشبـع فالفضايـل والاسـوار=والذيـب مايـدرى بفقـره وجوعـه
وقت(ن) يخلي صاحي الفكـر يحتـار=ويشوف من هول الدهـر مايروعـه
تلقى الفقير وفزعتـه خمسـة انفـار=وتلقى الغني كـل الجماعـه فزوعـه
ياعاشق الدنيـا تـرى مالهـا جـار=كما واحد(ن) في حبها طـار شوعـه
اليوم تضحك لـه وتعطيـه الانـذار=وبكـره تلحويهـا محانـي ضلوعـه
خلك علـى صكـات الايـام صبـار=ويوم(ن) يفوتـك لاتمنـى رجوعـه
اقفى على مافيه مـن خيـر واشـرار=نجم(ن) هوى مايندرى عـن طلوعـه
وماهي على كيفـك تمنـى وتختـار=ابعد على المخلوق مـن حـب كوعـه
يخبرك من ذاق المتاعـب والامـرار=وحـاول ولاجالـه زمانـه بطوعـه
ومرت به الدنيا على بعض الاقطـار=في رحلة(ن) ماغيرت مـن طبوعـه
والله ماواطـن عيشـة الـذل والعـار=مـادام لـي شيمـه ونفـس قنوعـه
وقرش(ن) عزيز افضل من الفين دينار=من مصدر(ن) للذل يعلـن خضوعـه
ولو الوساده من صلافيـح الاحجـار=للراس اخير مـن التـرف والميوعـه






( عجيـب ياقلبـي )=
عجيـب ياقلبـي وعجبتـك دوبــك=ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك=ماادري بخلان الرخـاوش مرغبـك
وش ولعـك فـي نـاس ماقلدوبـك=ولاثمنـوا حقـك وقامـوا بواجبـك
ربعـاً يذريهاالـذرى عـن هبوبـك=خسران لوتشكـي عليهـم مصايبـك
وان حصلـوا مقصودهـم ربعوبـك=سووا لك الخط الزلـق ليـن يقلبـك
وعندالنهايه برقـوا وضحكـوا بكـك=مـن ضحـوك ٍيستغيبـك ويشذبـك
اليـوم صدقانـك وباكرحكـوا بـك=وبعدالرجـا منهـم تكدرمشـاربـك
هراجـة المجلـس ليامالقـوا بــك=شيـاً يقولونـه حـداهـم تنكـبـك
ومالوبسـوق المهزلـه ونزلـوا بـك=ضعاف العقول اللي تسولف على الدبك
يحكي بك اللي عاجزاً عـن دروبـك=لافـاعـل ٍفعـلـك ولاهومجنـبـك


( الزلامي )=
الزلامي كيف رمح الهوى صابه=والهوى ماصابنا من على اولنـا
ياهل البيت الخضرسكرو بابـه=سكروبيبانكـم ياعـرب عنـا
وامسكوا ورع الهوى اللي بلشنابه=كـل ماجينامـن الـزام قابلنـا
هزرمش العين والاضحك نابـه=ضحكـة ٍمنهاالنجـوم يتهاونـا
امس*** ببيتكـم قبـل نبلابـه=وأن طلع لاتامنون العتـب منـا
لايكلمناولايطـلـع الـجـابـه=لوصبـاح الخيركنـه يلعـنـا
مايخاف الله ولايرحم اصحابـه=جاهـلا ًبعيونـه السوديفتـنـا
اتمناحـرب مـدفـع ودبـابـه=والعيـون السودعنّـا يصدنـا
بس ياهل الورع متنامن اسبابه=مايردالمـوت لاانتـم ولاحنـا
ورعكم يلعـب ودنيـاه لعابـه=مـادرى انـا قدلعبناوهـونـا
مالقينافي طريق الهـوى ثابـه=زتنافي بحرالاهـوال واهملنـا
ودنابيت الهوى نقطـع اطنابـه=ونطلب الوالي عسى العفويشملنا





( اكتب )=
اكتب ويكتبلي وانا اقول حتى ايش=حبراً على قرطاس ماهوب كافـي
والوضع ماهو قابـلاً للمطاريـش=يا امير بشرنـي عساهـا عوافـي
سجيت يوم غصون قلبي مواريـش=واليوم يا فرز الوغى شـاب قافـي
وعروق قلبي يالسديري معاطيـش=امشي وانا مقفي واعايـن خلافـي
رافقت حجاج الهنـود الدراويـش=وسريت مسرى الذيب رجلي وحافي
وطال المسير وصار بالجو تشويش=متى على الله يصبح الجوّ صافـي
شياّ يخدش ثومة القلـب تخديـش=وسره يعود الى القلـوب النظافـي
يكفيك لايـح كلمتـي دون تفتيـش=وعندك خبر ما قال صقر النصافي
مادام انا قلبي جزوعـا ليـا نيـش=حساس من كلمه سريـع العيافـي
ارضاً خلا لو مابها لقمـة العيـش=اخير مـن رزق عليـه اختلافـي
والرمز يكفي الحر والخاتمه ويـش=اقبل تحياتـي وانـا شـاب قافـي
( رد محمد السديري )=

يا طير ياللي بالسما تنفض الريش=ياللي تهز اطراف ريشك خفافي

ياللي نهضت الصبح وقت المغابيش=وقت الصباح وكلاً ابصر وشافي

اعطيك سراً مخزنه بالنشانيش=وانحر رشيد ولك بداره ملافي

رشيد من ربع عداة مداغيش=وصل سلامي للعديم السنافي

قله عرفت اهل القلوب المغاشيش=اللي عصوا باللي ثمانه رهافي

زين الصباح منقش الخد تنقيش=عين العنود اللي ترب الشعافي

برقاً يفوتك لو مزونه مراهيش=لا تستخيل امطار سحب مقافي

العام قلت ازهم هل الخيل والجيش=اهل البيوت موسعين الرفافي

ليا غدا فعل المراجل تناويش=افعالهم مثل الفنر بالكشافي

وقلوبهم للضيف دايم هشاهيش=وعدوهم سقوه سمّاً زعافي

دور مع الاجواد ضافي العكاريش=وابعد عن اهل الكيد والستر ضافي

رزقاً ورا الانذال جوع وعراميش=والشرب منهم يالزلامي عيافي

اجزم وشم واعرض وبعد عن الهيش=ما فيه كود الشوك مثل الشلافي

فيه العقارب والافاعي محانيش=والفعل وسط قلوب الشرار خافي

وليا عصوا مالك بنجد مهاويش=شرعاً وسيفاً للشريعه لحافي

راحت سنين الخيل مع حزّب الجيش=وهذي سنيناً يالزلامي عجافي

رشيد اهل خلك ترى عندهم طيش=ويفرقون اهل القلوب الولافي
( الله مـن قلـباً )=
الله مـن قلـباً بـه النـار تشتـب=هبـت وشبـت واستمـرت شبوبـه
قلـبٍ غـدى للهم مـا رد ومشـرب=وما ضاع من هم العرب راح صوبه
همٍ على ربـع وهـمٍ علـى غبـب=اليـوم والساعـه همومـه تلـوبـه
والله من عينآ تصب العبر صبصـب=القليـب اللـي تـدالـج غـروبـه
يا عبيد انا ما نيب ضبٍ ولد ضـب=يصبر لمـا يسمـع وينفـخ ذروبـه
انـا عتيبـيـآ عـريـبٍ مـعـرب=لي ما قفٍ كل الجميـع شهـدو بـه
من سب داري قلتله كـب ثـم كـب=وارخصت روحي دون داري جلوبه
لـو أنسجـن بسبابـهـا واتـعـذب=صبرت من شـان الوطـن للعقوبـه
والسجن ما هو عيب شـئ مجـرب=يعلـم المسجـون مـا هـي ذنوبـه
يلومنـي خبـلٍ إلا مــا تـغـرب=ينسى الوطن خسروا هله يوم جو بـه
فوده مع الضفـران صفـر مكعـب=فطيس قلـب و لـذة النـوم دوبـه
وانـا علـى كـل الجنـوب اتقلـب=ما ذقت حلو النوم يـوم اهتنـوا بـه
اقنب قنيب الذيب فـي راس مرقـب=من حر ما به قـام ينهـش جنوبـه
يحينـي الغربـي عصيـر إلاهـب=وريح الديار الطاهـره فـي هبوبـه
ريحة هواها مكسبـي يـوم نكسـب=اخير من ريـح البحـر والرطوبـه
عسى السحاب اللي من العصر ينصب=هلـت هماليلـه وهبـت انصـوبـه
يسقى وطن راعي العقـال المقصـب=نجد العزيز وغـرب نجـد وجنوبـه
ياديرتي مـا تقبـل الشتـم والسـب=يـا منبـع الإسـلام دار العروبـه
يفوز مذهبهـا علـى كـل مذهـب=وعلـى مقلبـت المذاهـب عقوبـه
يحكم بشرع الله وبالسيـف الأرقـب=ولا شق فيها طالـب الحـق ثوبـه

( قالوا تعلمـت )=
قالوا تعلمـت قلـت عنـاد وفراسـة=أعاند النفـس والدنيـا وأصارعهـا
ودرست في مدرسة من شيبت راسـه=دنيا العنا اللي قصيفـات مطامعهـا
تلميذهـا دايـم تكتـب بقرطـاسـه=وتعطيه جملة دروس مـا يضيعهـا
والله عطانا نظر وشعـور حساسـة=ناخذ علوم المعرفـة مـن مراجعهـا
ونساير الوقـت ونقيسـه بمقياسـه=ونمشي مع النفس بالواقـع ونقنعهـا
وترى حياة الفتى مهما قـوى باسـه=محفوفة بالخطـر والمـوت تابعهـا
من مبتدى العمر لاما يلفـظ أنفاسـه=يمر فـي مرحلـة تكثـر زوابعهـا
أول حياة الفتـى تدريـب ودراسـة=تكثر ظروف الحياة وينشغل iiمعهـا
وثاني حياة الفتى مشـوار وعساسـة=مسيرة في عجـاج الوقـت يقطعهـا
وآخر حياة الفتى يرجع على ساسـه=النقطة اللـي بـدا منهـا يراجعهـا
يرجع لسن الهرم ويضيـع الطاسـة=ويمشي مع الأرض ويخطط شوارعها
والا تلاقت متونه وارتخـى راسـة=ضاعت جميع العلوم اللـي يجمعهـا

( أليا جهلت )=
أليا جهلت انشد ترى مابهـا عيـب=لا تنخدع للجهل وأنـت السبايـب
عيب الفتى مافيـة شـك ولاريـب=ترك الفروض وقطع وصل القرايب
والعيب ترك ملازمات المواجيـب=وتبع الردى ومجالسة كـل خايـب
فالتجربة برهـان مافيـة تكذيـب=واليا جهلت انشد من القـوم شايـب
ولا قول يوجد شايب يعلـم الغيـب=الغيب يعلـم بـه مديـر الهبايـب
لاشك يوجد شايـب لـه تجاريـب=ومن الدهر شاف الفكر والعجايـب
بيض النواصي جبهته كلها شيـب=من كثر ما مرت عليـة المصايـب
قد صارع الدنيا على الخبث والطيب=فالغوص وإلا فوق عوص النجايب







( اليوم ياعين )=
اليوم ياعين الشقا ليـش تبكيـن = يبكي الحزين وعبرته وش تفيـده
والله ما ألومـك لوبقيتـي تهليـن =دمـعً يـداوي الحـزن ولايزيـده
هذا القضاء والقدر مافيـه تظنيـن= يطوي من التاريخ صفحه جديـده
صفحة شرف هزت قلوب الملايين= توجد بها كـل الصفـات الحميـده
صفحة شرف حنا لهـا مستحقيـن= تبقـى لنـا والله فعـل مايريـده
راضين بامر مكون الكون راضين =حيث انـه المالـك وحنـا عبيـده
كم راحلً من بين قومـن مقيميـن =ومع دورة الايـام شـدوا شديـده
هذا الصحيح انا على الدرب ماشين= ولا وكـاد انـا فقـدنـا فقـيـده
شخصية تعرف على العسر واللين= سجل لها الماضي مواقف عديـده
في صالح الدنيا وفي صالح الديـن= ونفس تموت بمثل هـذا شهيـده
وابوزيد حبه في قلـوب المحبيـن= بقلوب كل الناس ضخـمً رصيـده
مرحوم ياريف الضعاف المساكيـن =زومان شيـال الحمـول المكيـده
ريف الضيوف اللي من البعد لافين= وعز الصديق وضد منهو ضديـده
العام ياعين الشقـا وش تخبريـن = أبعث له أسراري من أرض بعيـده
واشكي له الغربه وبعـد المحبيـن= وظروف عشت ابها حياةً زهيـده
مشاكـلً تكـوي كبـود البعاريـن= يذوب منها القلب لو هـو حديـده
ويرد لـي رد الرجـال الحكيميـن= ويحل موضوعي ببيـت القصيـده
وكنا على عهد الوفا منه مرهيـن = وحل القضاء المحتوم دون الوعيده
اليوم ياعين الشقا ليـش تبكيـن= محمد رحل مع درب خالد عضيـده
ندعوا لهم دعـوة حجيـج ملبيـن= بجنة عدن لاهل الصفات الحميـده
واليوم ياشعر النبط عنك عازيـن= عفناك لـو عشنـا حيـاة مديـده
اختل وزنك مابقـا لـك موازيـن =تراك طيرن طايرن مـن جريـده
يالله ياقابـل صـلاة المصلـيـن = وفي قدرتك تحيا العظـام الهميـده
تجعل لهم عن واهج النار تاميـن = وتجبر عزانا في النفوس الشديـده


[/poem]
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
1420206531424.jpg

محاورات الزلامي مع الشعراء​
[poem=font=",6,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
(محاورات الزلامي مع الشعراء)=
الــــــــــــزلامــــــــــي=
يا سلامي ها السلام اللي خفيـف ٍ دمّـه=معه جنسية ويبغى لـه جـواز سعـودي
مشكلة صياف صارت بين ابـوه وعمّـه=والسبب ناس ٍ تدق الملـح والبـارودي


الــــــــحــــــربـــــــــي=
مرحبا بالشاعر اللي مـا قـدرت آذمّـه=الليالـي مـا تغيّـر والزمـان ايعـودي
الزلامي معه علـم وكـل شـي ايهمّـه=مير لو يزعل تغيّـره الليـال السـودي


الــــــــــــزلامــــــــــي=
كيف تدلي بالشهـادة يـا كبيـر الذمّـه=وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه=والعرب فالصيف تعرف عدها المـارودي


الــــــــحــــــربـــــــــي=
العلوم اللي تحـط النـاس راس القمّـه=حبلها من يمكم يـا صاحبـي معقـودي
ثوبك اللي ما ينوش الأرض غير ابكمّـه=نزله للجمرة اللي فـوق راس العـودي


الــــــــــــزلامــــــــــي=
ودي اكشـف غلطتـك للعالـم الملتمّـه=أنت حربياً تطالبنـي بـورث اجـدودي
يـا محبيـن العقـال ومنكريـن العمّـه=خصمكم في الآخرة عبد الله المسعـودي


الــــــــحــــــربـــــــــي=
أنتم رجال الشـرف وعظامكـم منسمّـه=أعبروا ذاك الطريق وحملكـم مشـدودي
أنت ما تدري عن البارود ليـن اتشمّـه=مير لا ترمي بها فالـوادي المسـدودي


الــــــــــــزلامــــــــــي=
لوّ يا صياف علمـي تمسكـه وتضمّـه=تاجده مثل العسـل وألا حليـب القـودي
أنت تحسب جدنـا داب يمـوت بسمّـه=مير أنا باذل لنصره طاقتـي وجهـودي


الــــــــحــــــربـــــــــي=
يقطع الله ديرة اللي مـا يعـرف الجمّـه=والتجـارة يالعتيبـي بابهـا محـدودي
قبرك اللي في تهامـه بالتـراب اندمّـه=تحفره بالليل الأظلـم والعبـاد رقـودي
*********=
السناني=

ياسلامي عليكم بالتظام الجديد=والرياجيل مايهتزمقدارها

الحناتيش لاغاب الزلامي رشيد=يم قبر العطاوي تلفت أنظارها

الزلامي=

مرحبا وأنت ضيفٍ جاينا من بعيد=عند ربعٍ تشب النار من نارها

إترك الناس لوتروح واحد وحيد=والقناوات لاتاخذ من أخبارها

السناني=

البقايالزلامي من هو المستفيد=كان طاحت كبار القوم واصغارها

وانت شيخٍ من الروقه وباسك شديد=صافح شيوخ برقى طالت اعمارها

الزلامي=

مايضد الحديد الصلب غير الحديد=وانت مالك بمدخلهاومضهارها

كان ودك تمادى في العذاب وتزيد=سوقهالين تبرك بك على زارها

السناني=

رأس ابو زيد يبكى والفقيد الفقيد=علم أصحابنا لاتخرب شعارها

عشت وانت وحيد وموت وانت وحيد=خطتك شيلها لاتكشف اسرارها

الزلامي=

انت وشلون جبت السالفه ياعنيد=جبتها من يمين الدارويسارها

يفعل الله بخلقه مايحب ومايريد=فالعرب شر واجهينه من اشرارها

السناني=

الكتاب الموثق والكلام الأكيد=قالو البورصه مختله اسعارها

انت اضنك تقول فراقهم يوم عيد=الله اكبر على الحفره وحفارها

الزلامي=

كل ماقلت شيطان العروبه يهيد=جتك بنت الحرام تدق مزمارها

وان رميت السهم مدري السهم وش يصيد=جعلهافي بعير القوم وحمارها

*********=


الزلامي=


ياشليويح المطيرى ضف عفشك ضفه=واحتزم بحزامك اللي بالزمان الماضي
هف مع ريع السلامه جعله اخر هفه=وانت زنبيلك على راسك وخرجك فاضي

شليويح=



كف شرك يا الزلامي عن رفيقك كفه=انت قاضي وش تسوى كان جاك القاضي
من يطول شاربه با لطيب محد(ن)حفه=ون بغيت العلم الاخر ما تعود راضي


الزلامي=



بالتمني قبلكم محد(ن)حصله شفه=وانت في قلبك مرض من خيرت الامراضي
قبل خمس اسنين راسك داخل(ن)با القفه=كيف جالك بطن وكموم(ن)طوال اعراضي

شليويح=



شفتلي عفشن منثر مير با الله ضفه=قبل لا ترد الضوامي على صدر الحاضي
لا تلفت يم جارك خل عندك عفه=يا عويض ما تجيب الحق من عواضي

الزلامي=



ول يا ذا الكنور الي كل يوم اندفه=لو ابا ادفدفك دايم ما قضيت اغراضي
انتهت خفه وباقي فوق راسك خفه=مير تصدملك جبل ولياك قاضي ماضي


شليويح=



اروح البارود ورجع لاتقوم اتسفه=المطيري ما وراه اعراش يا العضاضي
الزلامي شيخ لاكن شالها طفه طفه=لويشيل المزوده يزري عن المنهاضي


الزلامي=



تعب ابو مطلق وخوه ابليس قام يزفه=با خر الدنيا يخيل كل برق(ن)ناضي
لو يحب الكوع ويبين الشعر في كفه=اشهدانه في زمان(ن)فات ما يعتاضي

شليويح=



عدل الميزان لاترجح عليك الكفه=من يطول به المرض يدخل عظامه شاضي
كل ما حصلتلك قرطوع قمت اتهفه=ما بقاء يا كود زبده خضها الخضاضي


الزلامي=



دق في قلبي علوم ورف جفني رفه=ودي احضر مع قريش اللي بسوق اعكاضي
والجمل خانه زمانه مابقاء الا جفه=ما يوصلني وانا عندي لزومن حاضي

شليويح=



هد بسرعه شويه لا تزيد الخفه=يا وسيع المعرفه لا يقصر المركاضي
الجمل ما هو بددسن ينقلب با اللفه=ماعليه اخلاف با المرباع والمقياضي

*********=
السناني=
هل الطايف عرب تسلسل منهم يوسف الحجاج=نشرله في بلاد الرافدين ابيات مشهوره
رشيد الله يبارك فيك محصلها مخراج=وصاحبنا دخيل مافرق بالاصل والصوره
الزلامي=
طردنا يوسف الحجاج وانته تبغى المنهاج=بعد ساعه يبي يضحك عليك مشجع الكوره
تعبنا يالسناني مالقينا للمريض عـلآج=اثر بعض المرض يتعب دمرجيه ودكتوره
السناني=
ترى التاريخ فيه اثبات مهو هرجة الهراج=واضنك مادخلته غير بعد عيال اخو نوره
منول يالزلامي في يداك الوضع ميحتاج=وهالحين وراك تدور مستشفى وشرشوره
الزلامي=
ترى التاريخ واضح في زمان الفتح والمعراج=اخذنا حقنا وانتم بعد يبغالكم دوره
تهاوشتوا على مغراف فول وخبزتن في صاج=عجز يقنعكم الشيخ الكبير ومجلس الشوره
السناني=
كفو ياصاحبنا قدام ذاك الخط ماينعاج=وهالحينه قدام البحر الاحمر ينبل حنجوره
حضرت الهوشه الكبرى وقمت تراقب الابراج=لكن شوري عليك تخلي الاوضاع مستوره
الزلامي =
عسى ربي يعز الشمعه الى نورها وهاج=ويعين الى من البحر الاحمر مدلك ماصوره
مدام البر جاك من اليمين والتمر بالافلاج =لاتطمع في هذيك الصره الى عنك مصروره
السناني=
نقول الله يديم الى وجوده فالليال سراج=يسدد عنك فاتوره ويلغي عنك فاتووره
تجمعتوا ثلاث ايام فالطيارة الميراج=وكبتنها غشيم ورحلته ماهي بميسوره

الزلامي =
على كلمتك هذي مستحقن نجمتين وتاج=لكن تقص رووس الناس لو اعطوك دبوره
انا والله مابيلك بين خلق الله غثى واحراج=لكن انته حدى الركاب والاوضاع مستوره

*********=
الـــــــــــــزلامــــــــــــي=
سلام الله سلام اسلام في حفلة رجال هذيل=أهل وادي المضيق اللي نمره بالسنه مره
انا ودي اجيهم في جبلهم كل يوم وليل=لحيث جبالهم في شكلها قطعه من الحره

الــــــــمــــــســـــعــــودي=
هلا يامرحبا ترحيب مثل البن فوق الهيل=يا طرقي ليا قصيت لك فالدار لك جره
بعيد يا الزلامي عنك بعد الجدي ولا سهيل=وانا ماخبر لكم فديارنا مايازن الذره

الـــــــــــــزلامــــــــــــي=
محمد يا رفيقي لا تزد ملحها بالحيل=ترى كبدي على واحد من الهذلان محتره
اجل ماعاد ابي ديرتك ياجعله يجيها السيل=بلاش من الجبل ماعاد ابي خيره ولا شره

الــــــــمــــــســـــعــــودي=
ترى الميزان بالميزان والكاله تجيب الكيل=ليامنك بغيت الحلوة اصبر وابلع المره
ليامديت رجلك خطوتك تسبق جياد الخيل=وانا اعرف الحسودي واكحله بالكحل واذره

الـــــــــــــزلامــــــــــــي=
انا مابغي لك الاحراج انا مارضى عليك الميل=دفعت الباخـره لكن جات فـالبحر مفـتره
مادام الضيف يطلب شي ومحمد عليه بخيل=وابن سودا صديقه مار ماسره ولا ضره

الــــــــمــــــســـــعــــودي=
اخذ علم الحقيقه واترك اهل القال واهل القيل=ترى مـن طبعنا ما نوعد الرجال ونغـره
اليامني عرفت انك مبتل وزعتك تبتيل=فزعت بفزعتي مع عزوتي والعين محمره

الـــــــــــــزلامــــــــــــي=
علوم محلله من عصر مايبغالها تحليل=وانا والله عارف يا هذيل دميكم حره
مانشرب بدرت الراعي واحنا فوق شاط النيل=وصار العلم بجناح العمامهواحكم الصره

الــــــــمــــــســـــعــــودي=
مادام انك تعرف العلم ليش تحط ليش تشيل=توكل مايهاب الغبه اللي يرغب الدره
مساجدكم كثيره واسمع التكبير والتهليل=واظن اعلومكم راحت مع الفوال والجره

الـــــــــــــزلامــــــــــــي=
بغيت اقنع بغيت ارجع وحيلك ياقوي الحيل=لكنك قلت لا تقنع وهذي هرجت القره
انا عيني تشوف الدرب مايحتاج لي دربيل=لو امسك راعي الجره برجله جيت مجتره
الــــــــمــــــســـــعــــودي=
ترى الموجز بدايه بعده الأخبار بالتفصيل=يجيك العلم من بطن البحر ويجيك من بره
تشوف الدرب عينك مار بعيونك تشوف الويل=تقرب من عراقيب الجمل كره بعد كره

*********=
الــــــــشــــــلاحــــي=
ياضيوفٍ حضرتوا يسعد الله مساكم=كل ضيفٍ نبي نأخذ حمايض علومه
الزلامي يحسب انه على الشعر حاكم=ما درى إنّا على الشعار مثل الحكومة


الــــــــــزلامـــــــــي =
كان فيها تحدي فارقونا وراكم=عارفين القمر والليل نحسب نجومه
ياعرب مالحقنا شك في مستواكم=مير ياليت حضن الضلع يلزم بقومه


الــــــــشــــــلاحــــي=
ياعتيبة زعلكم ما يباعد رضاكم=من يحب التحدي ما تردى عزومه
ياوسيع البنايد ما رضينا خطاكم=وادري ان المطيري ما فرحت بقدومه


الــــــــــزلامـــــــــي =
شرنا مانعينه وان طلبتوه جاكم=مير خلوا لحاكم غالية ومحشومة
امتحنتوا عتيبة هالسنة وش بلاكم=والمراجل بحر واللي يعومه يعومه


الــــــــشــــــلاحــــي=
والله إنّا مانرجي قطرةٍ من سماكم=ياعسا هالسنة تكثر عليكم غيومه
العتيبي طبيعي لو همومه تراكم=عادة اصغر مطيريٍ يزود همومه


الــــــــــزلامـــــــــي =
يالاجاويد حنا ربعكم وقصراكم=والعرب ما تطق الباب غير معزومه
اعزمونا ونلفيكم وتكرم لحاكم=لا تقولون هذا عندنا وش لزومه


الــــــــشــــــلاحــــي=
راعي البيت رجلٍ جالسٍ في حراكم=مير ضيف العرب يونس على الكبد لومة
يا عتيبة ترا داكم طلع من رداكم=المثايل قديمة و الشكوك معدومة


الــــــــــزلامـــــــــي =
في زمانٍ مضى نزعل ونلعن ثواكم=والعشية مطير مريّحة ومخدومة
ليت والله يجي فرصة ونقلع مداكم=لو ملفي من الضيقة يشقق هدومه


الــــــــشــــــلاحــــي=
دائم افعولكم ما تتفق مع حكاكم=مير خلك على البيداء ونومتك نومة


*********=
الــــــــــــزلامـــــــــــي =
من على هـذا المكان اللي يشعشع نـوره=أسـسه عبد العزيـز وعمره سلماني
ياسلام الله على أهـل الديـره المعموره=يـامعـازيبـي وياربعي وياصدقاني

الـــــمـــــطـــــيـــــري=
موقعٍ فيه الشرف والعـدل ياخـذ دوره=كـل ماغـلقـت قافـك جاك قافٍ ثاني
مرحبا باللي ليامنه رسـم له صـوره=صـورةٍ فيها الخطر بإسـم الله الرحماني

الــــــــــــزلامـــــــــــي =
إتجه للغرب وأحـوال العرب مستـوره=ماقـراه الغـامدي علم بـه الزهـراني
لقمة الهندي كبيـره وقطعت حنجـوره=لو أترجـم قصـة الهنـدي قطعت لساني

الـــــمـــــطـــــيـــــري =
إتجه للغـرب وإقـر اللي على السبوره=ثـم دور للطبـيب مـداوي المرضـاني
وأقضب الخط المقابل ثـم أخذلك دوره=والله اللي يفـرق المسلم عـن النصـراني

الــــــــــــزلامـــــــــــي =
ياخـويانا لاتصير أفكاركم محصـوره=كل عـود يصيـر له شعلـه وله دخـاني
أنته الليله عوج وأعوج من الباكوره=وأنـت رأس غليس وأنت الصاحب القوماني

الـــــمـــــطـــــيـــــري =
والله إنـا مانعصيك العصا المكسـوره=والمفـتـح مايعيش بديـرة العميـاني
يالزلامي لاتجيـب العملـه المقبـوره=عـوجتـي مانتـه معدلهـا ولاتبـلاني

الــــــــــــزلامـــــــــــي =
أنت ساكن في محـلٍ ماتطيـر طيوره=شـد عـن هـذا ودور لك محـلٍ ثـاني
لو خليـت الجمل يبـرك عليك بزوره=كان بـن شلاح يـذكـرنـي ولاينسـاني

الـــــمـــــطـــــيـــــري =
قـاعـدٍ لي في مكانٍ ماتشـيـن زهوره=وأنـت خلصت العشـاء وأقـرعت بالقدحاني
لو لحقت الوقت الأول ماعرفت عصوره=جـدك اللي باعـهـا بالعـرف مـع جـداني

*********=
رشيد الزلامي=

سلام ردية وفا وأكتب عدد وأحذف عدد = وإضمد على جرح الليالي لين يبرى وأجرحه
سرحت من هذا البلد وأمسيت في هذا البلد = واللي رقد هاك السنة جيت وهو في مسدحه

جارالله السواط=

لك البقا يابوجميل البن أخير من الهدد = أبوي وصاني وصية وأنت معناك أشرحه
عبدالأحد قالوا لي البارح ضرب عبدالصمد = وإليا لزمت الرجل فيك الخير شيله وأطرحه

رشيد الزلامي=

ياحظي اللي مايجيب من الموديلات الجدد = ماغير فرت بارد عزمه عسى الله يفضحه
زهقان من وجه السواط إن كان عني ماشرد = أبتحمّل ذنب ورعانه وأسمي وأذبحه

جارالله السواط=

عسى عيون ماتباني يالزلامي بالرمد = وأنا سليم الجسم سالم زين والدرب أبرحه
الله لايستر على أصحاب النميمة والحسد = خلك مساويني ولا لك في الضعيفه مصلحه

رشيد الزلامي=

عزالله أن أمك عسرها الله ولاجاب ولد = شاب الولد وهي تقول أظن ربي يصلحه
إن كان خاواني ليا سافرت ياعلم السعد = أبذبحه في الطياره وأكفنه في مشلحه

جارالله السواط=

أبوي عقّب له ولد وأبوك عنها قد رقد = وأنت وليد إبليس واللي صفيتك ما بنصحه
أنا دليله يالزلامي والدليله ينفقد = واللي سواتك ماتحدانا ومثلك نكسحه

رشيد الزلامي=

والله ما أعفي عنك حالف زال دمك ماجمد = قرنك عوج وتدور الضلع المتين وتنطحه
أبلشتني في كل حفلة ناس لك برق ورعد = والمعرفة قشرا ووجهك قدم وجهي مقدحه

جارالله السواط=

أنا مربيك بعصاي كل واحد لي شهد = والجوهرة فأقصى البحر وأنت البحر ماتسبحه
معاهدك باللي رفع سبعه طباق بليا عمد = ياللي سواتك مايقديني ولا زيد أتبعه

رشيد الزلامي=

يابحرنا عندي سياسة كان موجك ماركد = أعرف أسلوب الموقف اللي تخسره وأنا أربحه
واللي يصارع له حصان صلف لازم يبتعد = يمسك رقبته لايجي من عند رجله يرمحه

*********=
رشــــيــــد الــــزلامـــــي =
خلو لي القرقاح بن ريفة نبي نمـزح عليـه =المزح مع قحطان يطربني واحبـه وارغبـه
الله يعودك يا الزمان اللي يجوز المزح فيـه =ما هو بيرفع جوخه الفارس ليا فـرع ركبـه
فــــــــلاح الـــقـــرقـــاح =
قام الزلامي من حمـاس الله يرحـم والديـه =والشايب اليـا قـام غيرنـا نظـام الملعبـه
ذكرتني يوم الشجاع يشال رزقه مـن يديـه= والوقـت الأول راح لكـن المراجـل متعبـه
رشــــيــــد الــــزلامـــــي =
يا ذا الكلام اللـي يبيعونـه وحنـا نشتريـه= بعض الاوادم لو عطوها السم يمكن يشربـه
ياللي تلد لنجد ما فـي نجـد شـي تشتريـه =ما غير عتبان ٍ تدوس الداب راسـه وذنبـه
فــــــــلاح الـــقـــرقـــاح =
حنا نعد الحق يا عتيبـه مثـل عـد الجنيـه =وأنتم شعاعير وتقولون أعذب الشعر أكذبـه
بالله كم كيلو متر من دون بيتـك لـو تبيـه =نجد العذي أصبح على عتيبه وقحطان عربـه
رشــــيــــد الــــزلامـــــي =
والله ما فيكم قصـور الله يبـى مـن يتقيـه =لكن عاندتـو عتيبـه والسبـب مـن سببـه
جنى عليك الشايب اللي يعتزي بامـه وابيـه= اللي يحاول ياخذ الدنيـا علـى راس شنبـه
فــــــــلاح الـــقـــرقـــاح =
اسبابها زود الشجاعـة والمحنـك والسفيـه =يدري إن عيال العود توعد و تحضر مير أنتبه
با لله فيه إنصاف يا زلامي هنا ولا مـا فيـه =سبحان ربن ٍ طوع اهل رهاط عند اهل تربـه
رشــــيــــد الــــزلامـــــي=
لا والله الا يا عيال العـود بيضـان الوجيـه =بعد قلعنا رمسكـم مـا فيـه شـيء نطلبـه
أنته تخاطب لك عتيبي مـا يقولـه يحتميـه =نزل من الحره ونزل عودكـم مـن منصبـه
فــــــــلاح الـــقـــرقـــاح =
بسبابنا كم واحد وقـف هنـا ينعـى ذويـه =والجزيه الجزيه ترى ما هي بحبـة حبحبـه
سيف ابن هادي كان في هالارض ذخر نقتنيه =عد رقبـه وآعـد يازلامـي ثلاثيـن رقبـه
رشــــيــــد الــــزلامـــــي =
الوقت مقبل لك بخيـر كـان تقـدر تحتريـه =وانته تحسب اللي لنا واللي لكم مـا تحسبـه
والله لو إن الامر يسمح ما تررد هيـه هيـه =لا روح انا وياك في اقصى ديرتك قش صلبـه
فــــــــلاح الـــقـــرقـــاح =
الكذب خله يـا الزلامـي للجزيـره والفقيـه =ولا ترى التاريخ كتبـه كلهـا فـي المكتبـه


*********=
رشيدالزلامي=
سلام تسليمه معلقها على باب الدخول= يصدح صدا مضمونها لاهتزت الاغصانيه
الله يثيبك يالمطيري كيف عقلت الذلول= ام الشداد الي لها درهام فالضلعانيه.

الجوكي =
ليتك تكملها وتدخلها وتلقى لك قبول= وان كانها كبرت عليك نكبّر البيبانيه
الارض طول وعرض نجعلها مرابط للخيول= والعيس نربطها فقط في نجد والصمانيه

رشيد الزلامي=
كان اختلط صوت الذيابه ليل مع دق الحجول= الضل تذبحه السحابه فالغصون الحانيه
خمسين مربط ركزت من غير خيل ابن سلول=ميدان مابنيت سياساته على الاركانيه

الجوكي =
السحب تثمر في فصل واحد مابين اربع فصول= ولا الفصول الباقيات تلهي الرعيانيه
حنا هل المجد العفر مانقبل انصاف الحلول= انغيّر الميدان ولا نطرح حميدانيه

رشيد الزلامي=
يالي تقول الخير مقبل وين ميقاع السيول= الارض جردا من قشرها والموارد دانيه.
لوتعرف اسرار الخزينه كان كسرت القفول= حكم الشريعه كيف مايعقل كفوف الزانيه

الجوكي=
يا اهل التميس اللي خبزتوه ابشرو بصحون فول= جتك زيادة فول من دارفور وام درمانيه
ان جبت شيك من الخزينه رحت فيها يامهبول= وانته مروعك الحبل من قرصة الديبانيه

رشيد الزلامي=
شد الرحايل واقطع الفرجه على ظهر الرحول= مالك ومال الفول والزيتون والاجبانيه
امسيلمه كذاب ومحمد نبي الله رسول=هذي رساله وصلوها للعمار الفانيه

الجوكي=
ياذيب لا راحت جبالك لاتصول ولاتجول= ان ماسترك الضلع وش يسترك فالوديانيه
بغت تهقواكم عيال بليس وعيال المغول=لين انقذتكم ياعتيبه سربة المطرانيه





*********=

بن مشيط =
رشيد الزلامي شاب لكن ما شاب =قصـيـده عـلـى مــر اللـيـال الطـويـلـه
أعـرفــه شـنــب لـكــن قـدامــه أشـنــاب=وأنـا مستعـد أسجنـه وأخـلـي سبيـلـه






الزلامي =





رشيد الزلامي ضيف في حلة أجناب=لا تـذبـح ضيـوفـك وأنــت شـيـخ القبـيـلـه
الا ياشـنـب لـــن طعـتـنـي سـكــر الـبــاب=تـرى مـا أنــت قــادر تعـمـل المستحيـلـه






بن مشيط=




الأجناب نحسبهم من احساب الاصحاب=هـــذا ســـــــلــــم لـــــلـــــمـــرييـــــــزبــــــــن دخـــــيـــــلـــــه
لـــو انـــك تـحــاول تـحـجـب الـنــور مـــا غـــاب=تــرى كـــل غـــــايـــــة مـا تـــــبــرر وســـيــــلــــة








الزلامي=





يا كثر المشاكل وأنت عربول الاسباب=لا دلـــــــيـــــــت درب ولا تـــــبـــــعـــــت الـــدلــــيــــلــــه
يقـولـون تقـطـع لــك مــن السـمـر مشـعـاب=تــــبــــا تــــذبـــــح الـــمـــصـــري وتــــذبـــــح كــفــيــلـــه








بن مشيط=





تقوله وأنا حاميك من شجرة الداب=ما خليت منك الـداب يشفـي غليلـه
قطعـتـه لعـلـبـا كـــل ســـارق ونـصــاب=شف أهـل النصـب مـن فعلـي قليلـه




الزلامي =



ليا درت الخلفا ملت كل محلاب=ولـكـنــهــا ولــــــدت وجـــابـــت حـســيــلــة



*********=
بن جلان=
يا سلامي على الحضار واثني سلامي = فيه شاعر يلام وشاعرن ما نلومه
كل ما اقر عيني في رشيد الزلامي = كني أشوف رجل ن من رجال الحكومه
رشيد =
مرحبا ياكريمن في محل الكرامي = اصبرو لين بن جدلان ناخذ علومه
انت رجل ن محامي مايبيلك محامي = مير بعض الصفات القشر فيك معدومه
بن جلان=
اعرف الرميه اللي جات من غير رامي = واعرف الرميه اللي في الضريب محزومه
يابدو يابدو يا مركزين الخيامي = ان رضا اكثر دبشكم ما عرفنا وسومه
رشيد =
صدقوني ليا قلت اكلبي ن حرامي = يسبح البحر لو البحر تسعين قومه
انت متهوم حتى يبطل الاتهامي = وان طلعتو براه افرح واسوي عزومه
بن جلان=
ديرتن جيتها ضامي وصدرت ضامي = جعل عرش السما فيها تهاوى نجومه
لاانت رحلة شداد ولنت رحلة مسامي = رحلتن مع كريمين الدقون محشومه
رشيد =
لو نشدتك علامك قلت مدري علامي = مير ليش انشد العاقل يشلح هدومه

*********=
المسردي=
تفضل يالزلامي دوك هاذي حومة الميدان= أنا وأياك نبغى نشترك بالأوان شعبيه
هلا ترحيبت(ن) لو تنوز(ن) في كفة الميزان=رجح ميزانه في صالحي ميه على ميه
الزلامي=
نبى ندرس ولا خسران غير مدرس العميان=وأنا خابرك ناجح لو بعد طرقتك هاذيه
علامك تبتدي بنفرزه يالشاعر الفهمان=وأشوف نيتك من مبتداها شقلابانيه
المسردي=
نصيحه يالزلامي لا تغرك نزغة الشيطان=وأنا من دون حدي ما قبلة حلول سلميه
وأنا شايفك ضبياوي ولو الجد من قحطان=من أهل الدير اللي كل شغلتهم حسينيه
الزلامي=
تراء بعض الأوادم يسفحون السفاحة الذبان=توقع لا تطيح بحفرت(ن) ماهي خليجيه
سبقتونا على شط الخليج وكل شي(ن) كان=تفحط يا عميل الخير فالدار الكويتيه
المسردي=
لكن من قدم الحسنى يجازى مثلها بحسان=ورعى الثانيه ترجع له السيات مثنيه
أضنك تدل قص الفقع فالدهناء وفالصمان=وأنا من خلقتي والله ما ذقة الزبيديه
الزلامي=
وأنا ماني بمتميجر ولا أشحذ واحد(ن) عريان=ذلولك لا تفكلها الرسن وهيه عمانيه
أنا لي بين ربعي ياضعيف موقف(ن) قد بان=على وضح النقاء يأهل العلوم الخنفشاريه
المسردي=
نصحتك ما سمعت النصح الا ياطير بن برمان=أشيل الخرجّ مير الخرجّ وسطه توجد الحيه
كرمت ودمت ياوجه الرضاء يالرابح الخسران=خسار والخساره ما معانيه امعانيه
الزلامي
أنا ودي تسير القافله مع سكة السلطان=ولن زعلتني فصلتلك غتره حساويه
تسير القافله يا صاحبي مع شارع الريان=لكن ضيعت درب القافله مثل السنافيه
المسردي=
يابى يدفن عميلي مير ضني بدفن الدفان=أنا راكب فرس والا الزلامي فوق شهريه
ليا طعتني سافر على أبو ظبي يا ظبيان=يابو رأس(ن) وأبو طاقيت(ن) من غير طاقيه
الزلامي=
أنا راكب على شهريت(ن) تطمربي الجرفان=أبشعبها دقايق ثم أسلمها الشورديه
حليله يا جماعة بالمعاني حاير(ن) بلشان=بعد ما جبتله من نوع سحر عمان كوفيه
المسردي=
تراني يا عميلي بركبك ذليل فوق حصان=يوديك الديار اللي عن العالم خلاويه
الأ يالله تعوض بخير وش هالفاضي المليان=وأنا ماحب أطب السوق مع ناس(ن) حونشيه
الزلامي=
عسى طيارت(ن) جابتك تصبح مالها جنحان=يجيها مع مغيب الشمس طايرة(ن) خمينيه
تراني في حياتي حالف(ن) ما ساير الخبلان=ولكن أجتمع تزيف مع عملات دوليه
المسردي=
وأنا أشوف الزلامي يا جماعة خير جاه جنان=من المعنى السمين مجوده بالرأس جنيّه
أبحجزلك محل(ن) في شهار يداوي الوجعان=يابو كبد(ن) من الأيام مطبوخه ومشويه
الزلامي=
أنا بنشدك لو قابلك عنتر فارس الفرسان=تحمل طعنته والأ يصير علوم سريه
الأ ياذيب ياذيب الندم ما عاد معك أسنان=تدور للعشاء لكن تعشوك العبيديه
المسردي=
حليله يارجال العرف عقب تجارته طفران=قليل المعرفه مستغنيه عنه السعوديه
أنا محري أني أضرب فيك لين تغني الجدران=يابو وجه(ن) يحالي لتهامي والتهاميه
الزلامي=
تحمل ضربتي لا ترتبك لا شفتني زعلان=ولا جايك سوى مشعاب والأ طعن شبريه
بنيت بيوت لكن يا خساره ما لها بيبان=غدى دارك مرف(ن) لرجاجيل الشقرديه
المسردي=
تراء منته بناجح فاللغز ياورد الحصنان=على وضح النقاء ماهي على الخانات مبنيه
لك الله لن عبطتك بالعقال أن تشقح الصيوان=ما تصبح غير بين بقيق وقصور النعيريه


*********=
الشيخي=

يا سلامي سلام الدين دين السلام=واهل الاسلام تعرف من هم اسلامها

احتفالاتنا بالشعر في كل عام=والزلامي علم من خيرة اعلامها

الزلامي=

مرحبا عد من لبى وصلى وصام=والعلوم الطرايف هذي ايامها

انت شاعر محنك مير شد الحزام=ساعة الحرب دقت وانت قدامها

الشيخي =

البقا يا النظامي في حدود النظام=وقفة قسمك الوافي من اقسامها

كان حربك فعل ماهو مجرد كلام=خلها توقف الدنيا على اقدامها

الزلامي=

سالفتنا حصل فيها حلال وحرام=حللوا دمها والشر في اعضامها

انت ياللي على الساحل بنيت الخيام=ادفع الموج عن زهران وخيامها

الشيخي=

ما تركنا المبادي واقترفنا الاثام=(والعوالي) مصيبتها من آثامها

بشروا راعي اسديره وراعي جهام=ارض زهران عند الظن حكامها

الزلامي =

عين تهنا المنام وعين ابد ما تنام=خابر وش طوال الناس واقزامها

انت شاعر وانا اشهد لك بكل احترام=ما تبعنا هذاري الناس واحلامها

الشيخي=

خابرين الفوارق بالوفا والتمام=من عقول البشر ماهو من احجامها

انت راعي شهاده والشهاده وسام=من حضر في ليالي العيد ما نامها


*********=
مطلق الثبيتي=


يالزلامي فوق رآسك شجرةٍ مزروعه=غصنها مايل على رآسك ولاله فيّـه
إرم عن جنبك هذيك الجبّه المرقوعه=ولك عندي جبةٍ تسوى ميـة ربيّـه
رشيد الزلامي=
لاتقربّها لرآسـي خلّهـا مرفوعـه=نيّتك ماهي سليمـه ياخبيـث النيّـه
حسنةٍ من عندكم ياأهل التهم ممنوعه=والزلامي تعرفـه مايلبـس العاريّـه
مطلق الثبيتي=
دخنوا فالجحر لين إنّه نقز جربوعـه=الرجال اللي تعرف الحسنه من السيّه
مانبا نعطيه شي لين يلحس كوعـه=واحدٍ يزحف ونابه مثل نـاب الحيّـه
رشيد الزلامي=
انت مثل بعير ....ماتزين طبوعـه=لونزيّـن رآس ابوعـرّام بالطاقيّـه
السلوك اللي تجي من يمّكم مقطوعه=من زمان العام ماهوب السنّه هاذيّه
مطلق الثبيتي=
الزلامي لوبكالي مامسحـت إدموعـه=لوفرشلي يوم أجي عنده ميّّـه زوليّـه
إن نصحته عن سواليفه يصّك إسموعه=ماأنتبه لي لين ذاق الرمـح والجنبيّـه
رشيد الزلامي=
لاتحاول في صناعه قبلكم مصنوعـه=وأنت ماتضمن نجاحك ميـةٍ بالميّـه
وآحسوفي ياليتيم اللي هشمت ضلوعه=كل ماصيّحت فإذنه طـاح فالصينيّـه
مطلق الثبيتي=
لاترجّى خير مـن سيّـارةٍ قربوعـه=وإن مشت في دربها شاصينها ملويّه
لوعطاك الشيخ درع من خيار دروعه=قلت ياعاقل مع العقّال منـت بعيّـه
رشيد الزلامي=

أنت مثل الذيب ماأعرف شبعته من جوعه=والعرب تقنع بشـرب الطبخـه البريّـه
لوقبلك البنك ماسكّـر جميـع فروعـه=فتحت الابـواب فالوسطـى وفالشرقيّـه


*********=
الزلامي =



قوم ياتركي الالفين جـر اللحـن = السماء فيه غيمه والبحر فيه حوت
كل واحد يحب يصير شاعر وطن= المصيبه خلف هذال عيـا يمـوت






تركي الميزاني=




العلوم الجزيلـة تنشـرى بالثمـن = لاتصوت وأنا واصلك من غير صوت
الزلامـي يابوخالـد ذبحـة الغبـن =مير لة كرت أحمر من خيار الكروت


الزلامي=




اصل مامعك من دنياك غير الكفن = انطح القوم قدام المراجل تفـوت
واحمدلله بعد جاتك بتالي الزمن = اعتبرها هدية من كبار البخـوت


تركي الميزاني=




ماتقـاد الذلـول الا بـراس الرسـن = وانت مدري تعرف العلم والا يفـوت
يارشيد الزلامـي لاتسـوق الضعـن = مايجي في المناصب غير قوم البشوت


الزلامي =





كارثة كارثة منهـا الخواجـة رطـن =قالوا اسكت ياميدر قال صعب السكوت
انت حطيت راسك بين وفـد اليمـن =مير يحتاج لك خنجر وعمة وكـوت


تركي الميزاني=





هكـذا الوقـت والأيــام ماتنضـمـن =كم يهدم بيـوت وكـم يعمـر بيـوت
وانت في ماضي الايـام رحـت لعـدن =رحت من غير قوت وجيت من غير قوت


الزلامي=





اشحنوها وجاتك عن طريق الشحن =واثبتوا معك حمران النواظر ثبوت
ويش تاكل حلاوة ويش تشرب لبن =جاك وقت الدداسن راح وقت الفروت




تركي الميزاني=





انت سببـت مابيـن القبايـل فتـن =والمصيبة ما ضويت لك غتره وكوت
*********=
رشـيـد الزلامي =
سلام تسليـم فـي حفلـة عزيـز الجنـاب=من لابـة ٍ نقطـع الفرجـة علـى شانهـا
أنا ليا شفت برق ٍ فـي عـروض السحـاب=أقـول جعلـه علـى قحطـان وأوطانـهـا



عبدالله ابن شايق =
يامرحبـا بالنيابـة عـن وديـع الركـاب=إدخـل بيـوت العـرب مـع كـل بيبانهـا
تدعي وانا ادعي عسى بعض الدعى يستجاب=جعلـه يخيّـل علـى الحـرة وعتبانـهـا



رشـيد الزلامي =
مانـي بغلطـان فيكـم ياوجيـه الـذيـاب=شجرة وفاء لـو تطـول وتكثـر اغصانهـا
مانـي بداعـي عليكـم جعلكـم للـذهـاب=أبلشتـوا النـاس صاحيـهـا وقشرانـهـا




عبدالله ابن شايق =
أنا أحسب انك مشيّب واثـر تـوّك شبـاب=لكـن معيـي علـى الخوخـة ورمانـهـا
أنا أحسب إنك غدير السيل وأثـرك سـراب=تسرق عشـى أم اليتامـا بيـن ورعانهـا



رشيد الزلامي =
تراي مـا احطهـا بيـن الـذرا والزهـاب=أبعـد هـدف بندقـي وأرفـع بنيشانـهـا
يوم إني أعرفك قلبـك مثـل قلـب الغـراب=واليـوم عـودت حيـة يلـمـظ لسانـهـا



عبدالله ابن شايق=
أنت متغيـب وليتـك باقـي فـي الغيـاب=ماتنشـد النـاس صاحيـهـا وزعلانها
دم العرب حـار والدنيـا مـرض والتهـاب=واللي يشـوف الجنايـز يحضـر اكفانهـا



رشيد الزلامي =
ذيك السنة قلت ابن شايـق تربـى وتـاب=وأثره يحـوف العـرب ويشيـل قدحانهـا
الله يسلـط علـى الخـيـاط راع الثـيـاب=مـا وسّـع اكمامهـا ماعـرض ابدانـهـا




عبدالله ابن شايق=
انـا ليـا تبـت لله مـا ابغـي إلا الثـواب=وإلا أنـت صابـر علـى نـارك ودخانهـا
الله يعذبـك يـا ثـوب الكبـك بالـعـذاب=ياليـت ذاك المـلـون غـيـر الوانـهـا



رشيد الزلامي =
دنياك فيها الخطـا دنيـاك فيهـا الصـواب=والباخـرة فـي البحـر معـروف ربانهـا
لكن وش رايكـم نحـرف مسيـر الركـاب=ننحـر جبـال السـراة نشـوف عربانهـا



عبدالله ابن شايق =
صحيح كلّش يصير وحاسب ٍ لـه حسـاب=وبعـض البواخـر ورا الغبـة وحيتانـهـا
النجم حول السما وإلا أنـت حـول التـراب=والمورقـي قايـلٍ لـي عانـهـا عانـهـا
*********=

رشيد الزلامي=



اسمحولي دقايق بس يأهل المدينه =لين اخطط لعبدالله وحدد مكانـه
لونحقق معه يمكن كلامـه يدينـه =ثم يحكم لنا القاضي بقطعت لسانه




عبدالله الاشرم=


انت ضيف ن عزيز وضيفنا ما نهينه =والزلامي من العتبان عنتـر زمانـه
الحرامي بحكم الشرع تقطـع يمينـه =اما انا شاعر ن مسلم وعندي حصانه




رشيد الزلامي=

أبحرت بالبحر ماعاد حولك سفينه =مالحقها ولد شداد علـى حصانـه
انت شاعر وعندك دروشه بالمكينه =انت يالمسلم الي فيك ذمه وامانـه




عبدالله الاشرم=

أبحرت في بحرها والجواهر ثمينه =وانت قلبك نظيف ولا تخلي اللعانه
لاسكن جوها تنزل عليك السكينـه =وانت فرد ن قديم مدخل ن بالصيانه




رشيد الزلامي=

الله الي قسمها بين قلبـه وعينـه =فيه قلب ن ذهين وعين فيها خيانه
المجانين يكون الجمل في سنينـه =راح عنتر زمانه جاك عنتر زمانه




عبدالله الاشرم=

لا تعجن المعرفه مثل عجن العجينه =الجمل لنتفخ بطنه فرزنـا بطانـه
انت جبها سمينه واستلمها سمينـه =كل ماخرف الشايب رجع للحضانه




رشيد الزلامي=


ماسمعناك كنك تتصل مـن كبينـه =خل بعض العلوم لشلـه البرتكانـه
افخر اني سنين اهل العقول الرزينه =وانت منت صغير مير منت تكانـه




عبدالله الاشرم=

انت ذبحك حرام وترك مثلك غبينه = مير سويت حادث مثل حادث ديانه
*********=
سعد بن جدلان=
ألا يـا مرحبـا ترحيبـةٍ يبـرا لهـا حمّـاي=مع كبر البخوت و من عرفنـا نكمـل حقوقـه
أنا بشيل بشتي ثـم أحمـل عصـاي ومـاي=أدور لي بعيـر مـع جمـال مدهـش الروقـه

رشيد الزلامي=
يدوم إلك البقا يا شاعـرٍ يمنـاه مـع يمنـاي=تحية من عتيبي سابقـه مـا هيـب مسبوقـه
ابن جدلان غاب سنين والليلـه منينـه جـاي=بغينا نفقـده والأرض تحتـه والسمـا فوقـه

سعد بن جدلان=
أنا الليله بأغني وانت اعرفك ما تحب غنـاي=لكن سوق الغلا ما افوته لاما احتمـى سوقـه
أنا سقت الركايب ما قلطت إلا علـى شـرواي=لكن مـا نبيهـا رحلـة قريـب ومـا سوقـه

رشيد الزلامي=
أشوف البرق يبرق ويش رأيك يا صليب الرأي=عساه يرش كبد من لهيب القيـض محروقـه
تراني ضيف لونـك تخلينـي علـى مركـاي=تحصل شاعر غيري ترى ما عاد لـي طوقـه

سعد بن جدلان=
يقولون العوارف شرهت البندق على الرمـاي=وانا ماشيلها وارمي ظريب غيـر مـا ثوقـة
أشوف الناس مع خط المصيف الرايحه والجاي=أحد نـام بغمـارة موتـره واحـدٍ بصندوقـه

*********=

الزلامي=



بين واد العقيق و فالجبال الرواسي = في قرى حرة ما تنمشي من حصاها


يا سريان قوم وطق راسك براسي = لاجل ني نكشف العلة ونعرف دواها



سريان=



يارشيد ألبس الملعوب زين اللباسي = والليالي طويلة ما انت لاحق مداها


وأنت معروف لا لين ولا انتة بقاسي = عان بنت الزناتي قدر الله علاها



الزلامي=



لاتوحي علية بالوحي والحساسي = لا تجينا بهرجة ما سبرنا شفاها


أول العام دارت بك ثلاثة كراسي = مااستقربك غير الكرسي اللي وراها



سريان=



والله أني معك في كل علم متواسي = مير نفسك غضيبة ماعرفنا هواها




أول العام علمناك مير أنـت ناسـيكل ماشفت شعلة جيتنا مع سناها


*********=
رشيد الزلامي=

مرحبا بالشاعر اللي بالاصل منهم ومنا=عدماخيل خيال الصيف وامطر من مزونه

الوطن هذا وطنكم والوطن هذا وطنا=نعرفه وانت ليا جيتوا وطنكم تعرفونه


نواف العازمي=

البقا بالشاعراللي كلما راح وتعنا=محدن يجهل رشيد ولاحدن يجهل الحونه

انت صادق والعروبه مابها شك وظنا=فيه ضلع مثل ضلع اطويق ثابتن ركونه


رشيد الزلامي=

مثلكم يكسب رضانا وش يدور من زعلنا=الرفيق اللي يحب اخشومكم لاتزعلونه

انت يانواف تعرفنا لياسقنا جملنا=الصديق اللي وراك ابعد و حطيناك دونه

نواف العازمي=

ياعسى السكين في جنب البعير اللي مثنا=وانت تعرفنا ولا نرضى على مثلك مهونه

من عرف درب السلامه غير دربه ماتمنا=والرجال تقدر المعروف ماهم يجحدونه


رشيد الزلامي=

الحقيقه مالنا غيرك ولا لك غير حنا=مار صار العلم مثل الحلم كيف تفسرونه

في نهار العيد ماشفنا لكم كف محنا=والرجال يقدسون العيد يوم يعيدونه

نواف العازمي=

انت قبل العام قد شارك في غزوة مهنا=وان عطيتك علم حطه من ورا قلبك ودونه

في نهار العيد كلن له هدف سامي وفنا=فيه عود و عودطيب وفيه عود يعرفونه

رشيد الزلامي=

علمنا الاول وصلك وعلمك الثاني وصلنا=مار يوم الذئب قرط فيك كسرنا سنونه

لو تركنا الذيب ياكلكم كبر بطنه وكلنا=مار خليناه يربض غصب وانتم تسبرونه


نواف العازمي=


لاتسجلها علينا والخطاء ماهو بمنا=فيه ناس غير شخصك يارشيد ايمثلونه

*********=
رشيد الزلامي=
أمحمد بن مشيط من عاميـن=ما شفت له فالمنطقة صـوره
وان قلت لآل مرة محمـد ويـن=قالوا حكم ويشجـع الكـوره

محمد ابن مشيط=
انته تعرفه يالزلامـي زيـن=لا تجهله يـا قايـد الثـوره
والشاعر اللي ما يروح يمين=يعارضـه ويسـد حنجـوره

رشيد الزلامي=
والنعم والله فيـك والنعميـن=لين الجمل يبرك علـى زوره
كلام مثل السيف ابو حديـن=مافـيـه لا لـفـه ولا دوره

محمد بن مشيط=
اليا برك عندي لـه السكيـن=لو الجمـل يكفيـه باكـوره
بحول الحادث على التاميـن=فاتورتـه ماهـي بفـاتـوره

رشيد الزلامي=
جعلك تغيب مع السنين اسنين=مدام اثـر نيتـك محصـوره
لاوالله الليلـه نبـي ومنيـن=عيا عليها مجلـس الشـوره

محمد ابن مشيط=
ماهو بانا اللي يمشي بوجهين=وان غبت جرحك غاب دكتوره
ذكرتني يامال فرقـا العيـن=اثرك قايد عصـر واسطـوره

رشيد الزلامي =
الجسر ذاك يـودي البحريـن=وانته رقدت بـراس تنـوره
حطيتها بين اربعـه واثنيـن=عذر البليد بمسـح سبـوره

محمد بن مشيط=
ابشرك حطو لهـا جسريـن=ماعاد فيها طـرق مخطـوره
الدين ماهو ينقضـا بالديـن=اعلم وعلم من طفـا نـوره

رشيد الزلامي=
اصحابك اللي قلت لي غالين=تكانفـو اتقـول شـرشـوره
[/poem]​
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
142020653142.jpg

قام الشاعر الراحل رشيد الزلامي رحمه الله بطرح ثلاثة ابيات تعد من عيون الشعر النبطي وطلب من الشعراء مجاراتها وقد جاراه عدد كبير من الشعراء تجاوز عددهم ثلاثة
الاف شاعر وسوف أورد
لكم هنا ابيات الزلامي رحمه الله وعدد من المجارايات واعتذر من ايراد كل المجاريات لانه لايمكن الاحاطة بها
[poem=font=",6,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]


ياصاحبي درب العلا صعب بالحيل=دونه مسافـة جرهديـه وجـردا
وقدمك لعكفان الشوارب مداهيـل=قطّاعة الفرجه على كـل سـردا
وان كان ماتقدر دروب الرياجيـل=عوّد وتلقـى واحـدٍ منـك وأردا
رشيد الزلامي =
أن كان ماتعرفك صفر المعاميل!!=ولا تذبح اليا هب من شام بـردا
أرقد ترى مالك همـومٍ مقابيـل=أيضاً ولا لك عالي المجـد وردا
خله لذربيـن اليمـانَ المشاكيـل=ولّا الردي يعتاش ويموت فـردا
سلطان البقمي=

لا تحسب ان الوقت كله تساهيل=احيان ينبت شوك واحيـان وردا
خلك على درب الرجال الحلاحيل=والصيف حر ولا يجي فيه بردا
لو صبت الدله بغيـر الفناجيـل=ماجا رجال الكيف للكيـف وردا
شامان الأسعدي =

ياصاحبي من رادها يسهر الليل=طول المسافه ما تهم الشـوردا
قدامك الاجيال جيلٍ بعد جيـل=والوقت لوقفيت يطردك طـردا
مايجهل علوم الرجال المشاكيل=يكود رجال ٍ نصيبـه تمـردا
معلا ابراهيم الاسعدي=

قال الزلامي من حكيم التماثيـل=نوادر(ن) عنبر على ريح وردا
وجاراه ابن عاصم بجزل الاقاويل=لوكان قيفانـه قويـه وعـردا
الرجل فارس والمراجل كما الخيل=ويامكثر الفريس والخيل شـردا
ناصر الجلاه=

الطيب في سلم القروم المشاكيل=والا الردا عند المهابيـل مبـدا
صفر الدلال اللي بها البن والهيل=في مجلس الشيخ الكريم المفـدا
اخير من صحبة هل القال والقيل=سود الوجيه اللي بلحمـك تغـدا
مخلف الهقاوي=


ثـــلاث ركــعاتن بعد تالي الليل =في طاعة الرحمن والليل بردا

مابـيـن تـكبـير ومابــين تـهليل =تقطف بها من جنة الخلد وردا

وحفظ الكتاب ومحكمات الواليلل=تنفعك في يومٍ به الخلق صردا
صنداح الزلامي=

لو للمراجل فـي زمنـا تحاليـل=ويحسها الدكتور جمعـن وفـردا
كان اكثر العربان ما من محاصيل=هياكـل بثيـاب ونفـوس جـردا
كالحنظله لو هي على شاطي النيل=لا تنتظر منها تجيـب الـك وردا
عايض بن زوير=

ياصاحبي دون العلى الجدي وسهيل=ومسافـة ٍ ماجابهـا كـل شـردا
ولا ياصله غير الرجال المشاكيـل=كسابة الطاله علـى كـل حـردا
واللي يباهـا بالمنـى والتساهيـل=اكبر غنيمه يستـر الجسـم بـردا
محمد بن رشيد=

ياللي تبا تآصل بعيد المواصيـل=في ظهر حرذونٍ من الحال حردى
تخيل برق النَّو وأنته مع السيـل=سارٍ مع المحناب في سيل بردى
ليتك لحقت أيَّام شرب الفناجيـل=يوم الرمك ما بين صـدرٍ ووردى
يا صاحبي درب العلا عسر بالحيل=دونه مسافه جرهديَّـه وجـردى
معها لعكفان الشـوارب مداهيـل=قطَّاعة الفرجه على كـل سـردى
وإن كان ما تقدر دروب الرياجيل=عوّد وتلقى واحـدٍ منـك وأردى
عبد الله شرّيرالمقاطي =
واقعد مع اللي يلبسن الخلاخيـل=والثوب الابيض حط من فوقه إردا
خل المراجل للقـروم الحلاحيـل=للي تعلو في ظهـر كـل ربـدا
الله يسقي ذيـك الأيـام بالسيـل=واليوم ما به من يشابهـن أبـدا
mohmmedot =


درب العلا صعبٍ على بارد الحيل =عليه لو عضه بالانياب عردى
مايقدره كود الرجال المشاكيل =تقطف من زهوره مثل قطف وردى
من لاشرب من صافيات المناهيل =على طويل العد لاعاد يردى
زايد المقاطي=


مرقا العلا ما يصعده غير حلحيل=اللي ليا حـان التحـدي تحـدى
واليا حظر قالو حظر فارس الجيل=وان ثار ت الهيجا لخصمه تصدى
يعجبك فعله لا نخوه الرجاجيـل=والياتردى صاحبـه مـا تـردى
امبجلاً بيـن الرجاجيـل تبجيـل=ويشاد به في كل محفل ومبـدى
جندب المالكي=

بديت بسم اللي عليه التساهيـل=ربٍ خلقنـي فـرد وآتيـه فـردا
ومن بعدها حبيت أجاري التماثيل=واقطف نواميها كما قطـف وردا
لو كان ماني حروة الجدي وسهيل=ماغير أباريهم على كـور حـردا
يابو جميل الناس جيلٍ بعد جيـل=جيل أمس ماهو مثل جيل النهردا
ربك خلق خلقـه ونفّـل تنافيـل=تلقى وجيه إكرام ووجيـه قـردا
ولااحدٍ معدل مايل الناس تعديـل=ساير زمانك واطرد الهـم طـردا

حمد البادي =


أنـــا رفـيـقٍ لـلـزلامـي عـلـى الـخـيـل=وكلٍ يبى كسبه من البـيـض غردى
لاكـــن دون ديـــار عـلـيـا غـــرامـيـل=وعيطاً تهايف يمة الـغـرب حـردى
ولو طـلعـت المرزم عقب طلعت سهيل=ماكان حصل راعي الغرس فـردى
عبدالله عبيد الرشيدي=

ياصاحبي مااظن من جيلهم جيل =اللي عليهم من وصايفك حردى
مار الليالي بالنشامى محــاميل =اما لفن بقرم ولا بعـردى
قرناس يطوي بجناحينه الميل =وكره بشلوى عن سموم وبردى
فهد الميهوبي=


المرجله تتعب عليه الحـــــــــلاحيل =والبعض منهم للمراجل تـــــــــعدا
وان كان ما تقدر تصب الفنـــــــاجيل=لضيف صيتك فا المجالـــس تردا
واحفض لسانك عن ردا الهرج لتميل=وخلك على صدور المجالس تبدا
بندر الشيباني =

الشعر لامنه هـمـل يـشبـه الـسيـل=ورغـم الجـزاله ماسردناه ســردا
والمرجله تبغى رجال(ن) مشاكيل=شخص(ن) وقف بوجيه الأيام فردا
والطـيـب بالـفـطـره ولافـيـه تـمـثـيـل=واللي تـبـع درب الـرديـيـن يـردا
هذا ولابـي زود عن كل حـلحـيل=خل النفوس اللي من الـوقـت صــردا
محمد حسين الحربي =

الدرب صـعـب مـع الرجال الحـلاحيـل =حـيـاتـهـم مابـيـن جــوع (ن) وبــردى
قدر العـزايـم حسب شرب الغـرابيل =قـدمـك عـقـول جـداد ماهي بـخـردى
لا والله اقـدر صب لـي بالـفـنـاجـيــل =خـل الـهـلايـــم بـاخـر الـبـيــت صردى
راضي حبيني الفقيه=

اقول ياروس الرجال الحلاحيل=كسابة الناموس جمعن وفردا
درب العلا عدا على الجدي وسهيل=ولاكل رجالن معه فوق عدا
ورجال ميعديه بالصبح والليل=يرتاح عن ضربات شمسن وبردا
ناصر عبدالله السبيعي=

درب المراجل صعب ماهو تماثيل=ما تسلكه نفسٍ عن الطيب شـردا
لو حاول اللي في زمان الغرابيـل=إن ضاع عزمه عاد والروح صردا
ما يصبر إلا واحدٍ يوفـي الكيـل=عزام جـزامٍ مـع الجمـع فـردا
خليل المطيري=


درب العلا يامحلل العلم تحليل=غصنٍ غطاه الشوك والطلع وردا
ممشىً على جرّة رجالن مشاكيل=ذولا مصاديرن وذولاك وردا
ماهوب طمعه للضعوف المهابيل=اللي مماشيهم دروب السمردا
موسى بندر الروقي=[/poem]​
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
1420206531391.png

قصائد وابيات في رثاء الشاعر رشيد الزلامي رحمه الله
[poem=font=",6,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياعتيبه أحسن الله عزاكم في الفقيد=في الزلامي جعل مثواه جنات النعيم
تقدر الهيلا تعوض لنا نجم فريد=كل ما ودع كريم يجي عقبه كريم
( عايض القرني )=

العمر مقفي والمنايا مقابيل=يالله ترزقنا بحسن الختامي

في كل يوم الموت يخطف حلاحيل=اخرهم الشاعر رشيد الزلامي

مرحوم يافخر الرجال المشاكيل=ياللي خدمت الشعر خمسين عامي

ابيات شعره مثل حد المصاقيل=رجلٍ حكيم ومن كبار الاسامي

مثّل عتيبه والوطن خير تمثيل=واليوم تنعاه العرب ماتلامي

انهار صرحٍ من صروح الرياجيل=والله ليبطي عقبه الجرح دامي

بعد رشيد اقفى بعيد المواصيل=الشعر من عقبه عليه السلامي

الله يجيره يوم كشف المحاصيل=ويجعل له الفردوس الاعلى مقامي

( رائد العالي )=


يبقون لو من بعدهم جات أسامي =عينين في راس الشعر ما ترمّد

علاّمة القلطة: رشيد الزلامي =وعلاّمة النظم: النفيعي محمّد
( فيصل الشريف )=


يقولون الزلامي مات واقول انا مات=ما دامّ انّ حبّه حي فقلوب جمهوره

ولا ينّسى صوته ولو كثرت الاصوات=كما الجدي يبقى خالدً (صوتً و صوره)

عسا الله يرحم من طبع فالشعر بصمات=وغدا مدرسه للي يبي فالشعر دوره

عرفنا رشيد بحسن خلقه و طيب الذات=وعاش و رحل ولا اختلف نهج دستوره

وانا طالبً من مجري النيل و الفرات=يبيحه و يجيره من جهنم و تنوره

ويبقى رشيدً خالدً باقيً لو مات=وحروف اسمه الاربع ع الصخر محفوره

و ياكم واحدً حيً و يحسب من الاموات=ما يعْرَفه كون امه و مَرْته و بزّوره
( سمي الزعفران )=

الموت قفى بالرياحي وصياف=ومطلق وابن شايق وبعض الاسامي

واليوم جانا العلم مايبغي انكاف=ياساحة الشعار مات الزلامي
( شاعر مجهول)=[/poem]​
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
جمع وترتيب وتنسيق وتفريغ بعض القصائد وكتابة النبذة عن الشاعر اخوكم ومحبكم في الله
أبو عبدالرحمن
 
إنضم
29 أبريل 2008
المشاركات
2,231
مستوى التفاعل
12
النقاط
38
كفيت و وفيت

وسلمت أناملك يالذيب

وأدعي الله تعالى

أن يرحم رشيد الزلامي
و جميع موتانا و موتى المسلمين

و يجعل مسكانهم الجنه
 

ابو يوسف الشوقبي

مراقب بوابة الشعراء
إنضم
31 ديسمبر 2008
المشاركات
7,214
مستوى التفاعل
70
النقاط
48
الإقامة
عروس المصايف
بارك الله فيك امير الشعراء
مجهود تشكر عليه
والله يرحم لشاعر رشيد الزلامي
ويرحم جميع موتانا و موتى المسلمين
 

أسيرالشوق

المراقب العام
إنضم
18 أكتوبر 2007
المشاركات
55,079
مستوى التفاعل
48
النقاط
48
عوافي مشرفنا المبدع

بيض الله وجهك على المجهود والتنسيق الرائع

رحم الله الشاعر الزلامي وجميع موتى المسلمين
 

أمير الشعراء

مشرف العرضة والمحاورة
إنضم
13 سبتمبر 2010
المشاركات
2,507
مستوى التفاعل
14
النقاط
38
:t3:
لكل الاخوة الكرام الذين قامو ا بزيارة وتصفح هذا الموضوع
 
أعلى