ديوان بو ح المشاعر

عبادي المالكي

عبادي المالكي

Member
إنضم
7 يونيو 2008
المشاركات
129
مستوى التفاعل
4
النقاط
18
نبداء بهذه القصيده وهي بعنوان

((صد وتغلا))




لا قلـت لـه مشتـاق صـد وتـغـلا​


وحاولت اصد ولكـن الشـوق غـلاب​


هـو قاسيـن قلبـه وفينـي تـسـلا​


وقلبي صويبه بالهـواء مابعـد طـاب​


اطلـب عسـى ماتلنـي لـه يـتـلا​


حتى يعرف من العناء قـدر الاحبـاب​


أبيـه يـدري كيـف قلبـي تـصـلا​


وفي نار حبـه كـم تعذبـت منصـاب​


أبيـه يـدري كيـف دمعـي يـهـلا​


لأجله ذرف دمعي على الخد وانسـاب​


يامـا سهـرة الليـل ولاقلـت كــلا​


اسامر طيـوف علـى كـل محـراب​


استوطـن(ن) حبّـه وفينـي تـجـلا​


واضح ولا يحتـاج تاويـل واعـراب​


يبـان فـي صوتـي ومنهـو تـمـلا​


بوجه(ن) رسم فيه الغلاء جرح واحراب​




وهذه القصيده بعنوان​

(( كفي دموعك ))​





الدمع من عينـك نـزل درّ والمـاس​


لا تنثـريـن الـدمـع لا تنثريـنـه​


كفي دموعـك يابعـد كـل هالنـاس​


حــرام ورد الـخـد لا تذبليـنـه​


عيشي بعمري لاعترض عمرك الباس​


دوك العمـر أغنـم حـلاوة سنينـه​


أموت لأجل رضاك ياعذب الانفـاس​


بس الرجاء لا شوف نفسـك حزينـه​


أضحك تبسم خل الاحـزان تنـداس​


ياضيٍ عينـي ونـور كـل المدينـه​


من خمر حبك صرت انا شارب الكاس​


ودامـي ثملـة الكـاس لا تمنعينـه​


كفي دموعـك يابعـد كـل هالنـاس​


لا تنثـريـن الـدمـع لا تنثريـنـه​





وهذه القصيده بعنوان​

(( ذكراك ))​





ما بقالي غير ذكـراك ورسايـل​


لا ذكرتـك قريتـه مـن جديـدّ​


ولا نظرة الخط هل الدمع سايـل​


ينزف بقلبي تـرا جـرحٍ عتيّـد​


لي ثمان أعوام أنا عفت البدايـل​


غيركم يا صاح قلبـي مايريّـد​


عقبكم ضايع وضيعـت الدلايـل​


بس كلمـة آه أكررهـا وأعيّـد​


وين أسافر وين أدني هالرحايـل​


ضاقة ركون الفضاء بعين الوحيّد​


لو كتبت الشعر لو قلت المثايـل​


دام شوفك مستحيـلٍ وش تفيـدّ​


لا متى والحظ يالمجمـول مايـل​


لا متى وأنت عن عينـي بعيّـد​





وهذه القصيده بعنوان​

((العيد))​





ياكثر ماهنوني النـاس بالعيـد​


والعيد غايب ما بعثلـي تهانـي​


كل(ن) يحسب اني بهالدنيا سعيد​


وانا من غيابه شكيت الزمانـي​


ياليت يدري كم بالصدر تنهيـد​


وياكم جرحٍ بين تلـك المحانـي​


بُعده شكيته لهايج البحر والبيد​


واللي عن عيونه حبيب حدانـي​


ياليتني ما شفت انا ناعم الجيـد​


ولا صار لي أغلا العمر والاماني​


حظٍ رماني في هواء سيد الغيـد​


ليته حرمني منـه ولا عطانـي​





وهذه القصيده بعنوان​

((صدفه))​





صدفه وساقتني على الـدرب يمّـه​


والعبد يجهل مـا تخبيـه الأقـدار​


جيتـه وأنـا كـل عـزومٍ وهمّـه​


ورجعت منها حاير الفكـر محتـار​


مثل الذي يطـرف عيونـه بكمّـه​


طرفت عيني يوم انا جيـت للـدار​


اهداء عليّ جـرحٍ عميـقٍ مجمّـه​


وكيف الغلاء جذبلها بـن وبهـار​


من يوم شفت اللي على متن لمّـه​


شقر الذوايب كنها من لهـب نـار​


من يومها والقلـب يدعيـه عمّـه​


وأصبحت أنا عبده وهو سيدي صار​




وهذه القصيده بعنوان​

((القدر))​





مطولك يالليـلٍ سهرتـه لحالـي​


فيه السماء صافي تلامع نجومـه​


مع ذكر منهو بالهواء قد صفالـي​


ذاك الخليل اللي بقلبـي رسومـه​


أسامـر طيوفـه ولانـي مبالـي​


في بردهـا ولا لواهـب سمومـه​


هـذاك يزهـاه الدلـع والدلالـي​


وصايفه بالنـاس شبـه معدومـه​


فيها سلب روحي وعقلـي وبالـي​


وأحتل في قلبي عوالـي رجومـه​


المبتلـي بالحـب يسهـر ليالـي​


واللي عرف نار الهواء مايلومـه​


قلبي تولـع فيـه ماهـو هزالـي​


من فرقته بانـت بحالـي ثلومـه​


أنوح نوح الورق في كـل عالـي​


ولأجله عزيز الدمع أرخصت سومه​


أدري حبيبـي بالجفـاء مانوالـي​


بس القدر والناس فيـه محكومـه​




وهذه القصيده بعنوان​

((جيش الوله))​





في غيبتك جيش الوله محتوينـي​


أحتل قلبي وحطم حصون الأضلاع​


حاولت اقاوم بس ما فـاد فينـي​


وياما نهيت القلب لاشك ما طـاع​


وجيتك ألملم ما بقاء من سنينـي​


وأطرد سرابٍ لاح بعيون طمـاع​


عساني إلقاء في فـؤادك حنينـي​


وأروى ظما قلبٍ من الشوق ملتاع​


عطني يمينك وأنت دونك يمينـي​


دام المشاعر صوتت لك بالأجماع​


الحب أمره صعب ماهو بيدينـي​


بذره وتنبت سيدي من على القاع​




وهذه القصيده بعنوان​

((اكذب على نفسي))​





يامحتوي روحي بذكـرك وطاريـك​


صورة خيالك مـا تفـارق خيالـي​


اكذب على نفسي إذا قلـت ناسيـك​


واكذب عليك ان قلت لك مانت غالي​


لاشـك عنـك ابعدتنـي مباديـك​


وانا الكرامه سيـدي راس مالـي​


هذي حروفي بكل صفحـه تناديـك​


صخرة لأجلك كـل قـاف ومقالـي​


ولعتنـي بالحـب ربـي يجازيـك​


وتركتنـي للهم وسهـر الليـالـي​


ذبحتنـي يازيـن بكثـرة تغليـك​


ومن اول تاعـد بزيـن الوصالـي​


عز الوصل وابعدت عني خطاويـك​


رميتنـي للبيـن ياعـز حـالـي​


طاوعت فيني كل شخص يحاكيـك​


وصار القسى طبعك ولا انت مبالي​


بعتن وانا بغلا ثمن كنـت شاريـك​


غرك جمالـك ياحسيـن الدلالـي​


اكذب على نفسي إذا قلـت ناسيـك​


بس الكرامة سيـدي راس مالـي​




وهذه القصيده بعنوان​

((دق معه الخفوق))​





كل ما دق جوالي دق معه الخفـوق​


منتظر من عديل الروح تاتي رساله​


ليت خلي على قلبي حنون شفـوق​


ويعرف أن الرساله من جنابه جماله​


ويعرف العين تسهر لين حد الشروق​


تشتكي جـور خـلٍ فاقـدٍ للعدالـه​


آه ليته يعرف أن الهواء له حقـوق​


كان خلي جزاني بالمحبـه وصالـه​


بس ربي بلاني في صغيرٍ سـروق​


يسرق القلب في حسنه وباهي جماله​


في رموشه سهومٍ للمنايـا تسـوق​


لا نظرته أشوف الموت دنا حبالـه​


وفي جبينه لمحت المزن ويا البروق​


يوم شعره تثنا فوق خـده وجالـه​


آه ليته يعرف أن الهواء له حقـوق​


كان خلي جزاني بالمحبـه وصالـه​





وهذه القصيده بعنوان​

((عديل الروح))​





لو قلت لك مشتاق ماهـي جديـده​


دامك عديل الروح والروح تشتـاق​


لا صرت قافي سيـدي والقصيـده​


قلي وش أكتب سيدي فوق الاوراق​


كل القصايـد لا حضرتـي عتيـده​


يصعب على حرفي يوصل لك اشواق​


هذي المشاعر تحتفل بـك سعيـده​


وبحور شوقي مالها شط واعمـاق​


رخصت دموعي بعد ماهـي عنيـده​


ومن الفرح انهل مزنٍ مـن احـداق​


والقلـب رحبـك بنغمـه فـريـده​


لحنه عزف من بين الاضلاع خفاق​


لو قلت لك مشتاق ماهـي جديـده​


دامك عديل الروح والروح تشتـاق​


لا صرت قافي سيـدي والقصيـده​


قلي وش أكتب سيدي فوق الاوراق​





وهذه القصيده بعنوان​

((السنين عجاف))​





للسنين دروب في وجه الشقـاوي​


من نظرني شاف في وجهي دروبه​


ما بقاء نخوه ولا فينـي هقـاوي​


بس جسمٍ منستر بقمـاش ثوبـه​


السهر والنوح وقلب لّي هـواوي​


وموج همٍ صار يتعبنـي ركوبـه​


الليالي سود مابه مـن يخـاوي​


لامشيت الدرب خاوتنـي ذنوبـه​


أمشي السكه وانا مانـي بنـاوي​


بس رجلي لامشت ترتاح صوبـه​


الوحيد اللي على قلبـي مـداوي​


راح مدري وين راحتبـه ذهوبـه​


السنين عجاف والفرقاء بـلاوي​


والعواذل دوم هي سـودٍ قلوبـه​


قالوا اسلا قلت ما عنها سـلاوي​


قلبي اللي صار في يّـده لعوبـه​





وهذه القصيده بعنوان​

((توهت فكر))​





أهيم في فكري واسافر مع البوح​


والقاء حروفي تايه وسط الافكار​


أكتب قصيده للفرح واختمه نوح​


وارجع واجدد ما كتبته من اشعار​


هذي القوافي حايره فوق هالوح​


لا بحر له شطٍ ولا مركبٍ سـار​


لقيتني مسجون بجبال وسفـوح​


إجبال حزن ما بها مي وانهـار​


مثل السجين اللي مكبل ومجروح​


لا هو قدر ينسى ولا ياخذا الثار​


ماللفرح عندي مباني ولاصروح​


الحزن خيم فوق بري والابحـار​


لو ابتسم من داخلي تنزف جروح​


تابا جورحي لبتسم توقد النـار​


أهيم في فكري واسافر مع البوح​


والقاء حروفي تايه وسط الافكار​


أكتب قصيده للفرح واختمه نوح​


وارجع واجدد ما كتبه من اشعار​





وهذه القصيده بعنوان​

((صفحات عمري))​





صفحات عمري طوتها هموم الأيامي​


وقفت سنين العمر والحزن كاسيهـا​


راحت وشلت معها غالـي أحلامـي​


وخلت لي الشيب ينعانـي وينعيهـا​


وابفقت لي الورث منها جرحي الدامي​


ماله دواء غير صبري يوم اداويهـا​


والفكر ينعي على الاطـلال لا حامـي​


على سنين العمـر ينعـي ويبكيهـا​


وجيش الهموم اللي عليّا صار مقدامي​


يبرز عليّا البطوله يوم انـا اطريهـا​


ياويل منهُ كسيـر وصـار منظامـي​


بين العداء طحيحته محـدٍ يواسيهـا​


ياوين أسوق الركايب ونبعها ضامـي​


والحظ قصر وقـل البخـت معميهـا​


راحت سنين العمر ودروبها اوهامـي​


راحت وأناء كل عمري تايهن فيهـا​





وهذه القصيده بعنوان​

((لا من بعدتي))​





لامن بعدتي طلبت القاف يوصفّ لـك​


عن قلبي اللي هواك وصار مشتاقـي​


وعن دمعي اللي نثرته يوم انا اندهّلك​


وعن عيني اللي تسامر طيفك الباقـي​


كل القوافي تسابق يوم انا اكتبّ لـك​


بحور المعاني غزيره مالها أعماقـي​


ياما كتبت القوافي لأجل اوضحّ لـك​


عن الوله والنواء وعن دافي أشواقي​


ولامن حضرتي تركت العين تشرحّ لك​


شف صورتك وين تسكن داخل أحداقي​


للحب عندي براهين(ن) توضحّ لـك​


شف لهفتي في غيابك داخل اوراقـي​





وهذه القصيده بالشعر الهلالي وهي بعنوان​

((لحن البياتي))​





كل حرفٍ مـن حروفـي انهـزم​


ما بقالي غيـر كلمـة ياحياتـي​


وكل جرحٍ مـن جروحـي اندمـل​


ما بقالي غير بسمه فـي شفاتـي​


الفـرح تـوه بقلـبـي اكتـمـل​


يوم جاني سيـدي غايـة مناتـي​


شـرع القمـري وغـرد بالحـن​


أغنياته صاغهـا بلحـن البياتـي​


والسحاب اللي حمل برقـه أمـل​


اسقت مزونه عروق(ن) ضامياتي​


صار قاعي مخضر(ن) عقب المحل​


وحوض قلبي اكتسى بورد ونباتي​


ما سألت العمر كـم باقـي وكـم​


ساعة مع نور عيني هي غناتـي​


كل جرحٍ مـن جروحـي انهـزم​


يوم جاني سيـدي غايـة مناتـي​





وهذه القصيده بوزن وقاف مختلف وهي بعنوان​

((وينك))​





وينك يابعد هالناس وينك​


طـــول غـيـابــك​


مشتـاق أناظـر لعينـك​


وبـسـمـة عـذابــك​


محتـاج لضمّـة يدينـك​


وريـحــت اطـيـابـك​


الليل مـن بعـدك ظـلام​


فـيـه السـهـر طــال​


والعيون اللي تحبك ما تنام​


يـاهــواء الــبــال​


والمولع اكتوا بنار الغرام​


ارحـــم الــحــال​


يابعيد الدار زاد بي شوقي​


لشـوفـت الاحـبــاب​


والمفارق قطـع سبوقـي​


والــقــلـــب ذاب​


والمنـام مفـارقٍ موقـي​


تـسـهـر الاهـــداب​


تعـال وذوقنـي الهنـاء​


أوفـي لــي عـهـودك​


تعـال ونسينـي العنـاء​


قتـلـنـي صـــدودك​


تعـال يـا اغـلا المنـاء​


عطـرنـي بـــورودك​


:i5: ​
 
عبادي المالكي

عبادي المالكي

Member
إنضم
7 يونيو 2008
المشاركات
129
مستوى التفاعل
4
النقاط
18
مشكور اخي هيمو العابر على مرورك يعطيك العافية انت اروع كلك ذوق

divider32.gif
 
يجب تسجيل الدخول أو التسجيل كي تتمكن من الرد هنا.
أعلى