وين مناحي مضيع الرفيق

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]زايد=
مرحبا والبلد فيها كهارب ونور=من هجوسًا كما الانواء وزخاتها
يا مناحي تقدم والليالي تـدور=لكن الله يعلم بيـش دوراتهـا
مناحي=
البقاء يابني مالك كبار الصـدور=والثقيلـه يازايـد يمنـا هاتهـا
لن تقدم مناحي صقر بين الصقور=انتبه للـدروب وشـوف لفاتهـا
زايد=
علموا كل غايب بالخبر يا حضور=القضيه قرأ القاضـي سجلاتهـا
لكن اللي مصمم عند نبش القبور=وش معه قام يظهر جثة امواتهـا
مناحي=
انت لاتحسبن الوقت كلـه سـرور=وش يقـرب حسانيهـا بسياتهـا
اوجز المشكله ياصاحبي في سطور=قبل انا وانت نبحث فـي ملفاتهـا
زايد=
العيون الذي تبصر مداها بحـور=والعقول اطلقوها قيس نظراتهـا
مكن الساس تبني عاليات القصور=القبـايـل تعاليـهـا بعاداتـهـا
مناحي=
لاتحزم ببندق ياجودي ماتثـور=ماتنومسك بين الناس رمياتهـا
يمكن المشكله ياذيب زود الغرور=مانكب نص الامه غير هقواتهـا
زايد=
الذبايح رميناها بوسـط القـدور=خلها في يد الطبـاخ شرهاتهـا
الكسر قوف يجبر ماله الا الجبور=وانت من قوم ونعم بين ساداتها
مناحي=
لو مسكنا النظام ارتاح رجل المرور=لكن الناس تمشي كـل سرعاتهـا
حظ الانثى يازايد نص حظ الذكـور=وان خذت حقها تعطيـه عماتهـا [/poem]