محاورة

زايد عوض المالكي قال:

[poem=font="simplified arabic,6,indigo,bold,normal" bkcolor="transparent" bkimage="backgrounds/16.gif" border="double,4,gray" type=2 line=0 align=center use=ex num="0,black""]
زايد=
نادوا الباز يا جي طوع والا غصوب=وان عصى قوموا له فرقة(ن) عسكريه
رتبوا له كماين فوق كل الدروب=الأمر لا يؤجل لو نقوم سريه
الباز=
نظرتك للشمال ونظرتك للجنوب=اقبل الباز يازايد قم اعط التحيـه
الكماين كماين ماتـرد الهبـوب=هد روعك يازايد واشرب الشاذليه
زايد=
نظرتي شامله نظرات راع الوجوب=والتوافيق من رب السماء والبريه
جيت والله لفا بك ما نبا لك تعوب=عندنا شاذليه عندنا سكريه
الباز=
ادري انك من ارجالن تحل الصعوب=زايد الطيب لو تشوا من العنصريه
ان لفينا لفاكم صقر ماهو رعـوب=له في المعركة قوه ولـه مقدريـه
زايد=
راحة العنصريه مع قساة القلوب=يوم جدك وجدي جالها معنويه
والا ذالحينه اعمار العرب فالجبوب=تحت حكم السعودي والشريعه قويه
الباز=
كل ماقلت يازايد توقـع وتـوب=كني اقول له بالله حـث المطيـه
يوم افكر واميز وافتكر فالشعوب=كل واحد من العربان ضارب نحيه
زايد=
كان ودك تلقي للدروب النشوب=انتبه لا تعنقل بين عقرب وحيه
الحذر تسحق البارود جنب الشبوب=قبل تلحق ثيابك قبل تغدي شويه
الباز=
ماحسبنا لراعي الزور والا الكـذوب=العـرب لاتوردهـا حبـال المنيـه
القدر ياعميلـي فيـه عـدة ثقـوب=مير بعض العرب ياشيخ نفسه رضيه
زايد=
قالوا الذيب يقنب قلت طبعه قنوب=قالوا الذيب يلوي قلت يبغى الرعيه
مير انا لي رفيقا والطبايع حبوب=اعرف وجه لكن البقيه بقيه
الباز=
العرب صوب واما انته علامك بصوب=كن مالك دعاوي كـن مالـك قضيـه
تونـا والقضيـه تـوهـا دوب دوب=صاحبك لاتزيده فوق جرحـه بكيـه
زايد=
صاحبي جوف نون العين تحت الهدوب=باذن رب الخلايق ما تجيه الرزيه
لكن اسمه تسمى به شروق وغروب=وانا ودي نزوره في مكانه عشيه
الباز=
صاحبك للمعالـي ياعيملـي طـروب=يوم بعض العرب مابين شمس(ن) وفيه
من بجيله يضد الخصم يوم الحـروب=نارهم للكـرم والجـود ياشيـخ حيـه
زايد=
مرحبا مرحبا يا لبس يدفي الجنوب=وان حصل زاهقه نرجوك فالمعذريه
مرحبا مثل نوا والنشايا صبوب=في مزونا من المولى تحث النشيه
الباز=
البقا وانت من لابه تفك الكروب=مالكي مايجي منه الخطأ والخطيه
كان سيرت جده يارفيقي وجـوب=واجب انك تزور الحله المالكيه
[/poem]

أنقر للتوسيع...