وردة مالكيه
Member
- إنضم
- 6 مارس 2011
- المشاركات
- 113
- مستوى التفاعل
- 5
- النقاط
- 18
[size=+0]أبو صالح ..وأبو راشد ؟؟؟؟ [/size][size=+0]
أبو صالح جالس مع أبو راشد ..بعد صلاة العصر .. يسولفون .. ويقطعون الوقت ..
تنهّد أبو صالح .. وقال : أفكر في هالدين العظيم ..اللي طلع من مكة .. ووصل لآخر الدنيا ,, قال أبو راشد : إيه .. والله أنك صادق .. يا أبو صالح ,,
قال أبو صالح : بس لايهمونك دين أهل آسيا الوسطى وأوروبا .. والله مالهم من الأسلام إلا أسمه ,, رد أبو راشد : والله إنك .. صادق يابو صالح ,,
قال أبو صالح : وإلا .. دين أهل الشام .. والله دينهم ماهوب اللي أنت تبي يا أبو راشد ,, فرد أبو راشد : والله إنك صادق يا أبو صالح ,,
قال أبو صالح : وإلا هالأفارقة والمصارية والسودانيين متصوفة ومبتدعة ماهوب والله هم والأسلام ولايف ,, قال أبو راشد : إيه والله أنك صادق يا أبو صالح ,,
قال أبو صالح : إن بغيت الأسلام تلقاه بهالديرة ( السعودية ) ,, رد أبو راشد : إيه .. والله أنك صادق يابوصالح ,,
فرد أبو صالح .. بتنهد : والله ماهوب كل دين أهل هالديرة على ماتبي يابوراشد ,, قال أبو راشد : إيه والله إنك صادق يابوصالح ,,
قال أبو صالح : أهل الجنوب أهل بدع وزيدية وإسماعيلية .. مالهم من الدين إلا أسمه ,, رد أبو راشد .. إي والله أنك صادق يابوصالح ,,
أضاف أبو صالح : وإلا أهل الشرقية رفضة وشيعة ..والله ماخذوا من الأسلام إلا أسمه ,, وأهل الحجاز مبتدعة وصوفية ماهوب والله اللي أنت تبي يابوراشد ,, إن بغيت الدين تلقاه في نجد .. والباقين ... خلهم على يسراك ,, رد أبو راشد : إي والله أنك صادق يابوصالح ,,
رجع ... أبو صالح وقال : والله بعد ماهوب كل أهل نجد .. أهل الرياض واللي حولها ... شرابين للتتن ويشوفون الدش والله ماندري عنهم يابوراشد ,, لكن ... لابغيت الأسلام تراه عندك بذيا ... بالقصيم ,, رد أبو راشد : والله أنك صادق يابوصالح ,,
قال أبو صالح : والله ماهوب كل أهل القصيم دينهم على ماتبي ,, أهل عنيزة .. واللي حولها يبيعون التتن ويلبسون كبك .. والدشوش مملية السطوح ,, إن بغيت الدين تراه عندك بذى .. ببريدة ,, رد أبو راشد : والله أنك صادق ياأبو صالح ,,
أضاف أبو صالح : والله ماهوب كل أهل بريدة دينهم على ماتبي .. طلعت هالأستراحات .. ومايندرى منهو اللي يشوف الدش من اللي مايشوفه ؟؟ إن بغيت الدين تراه عندنا ترى في حارتنا بذى ,, قال أبوراشد : والله إنك صادق يابوصالح ,,
قال أبو صالح : والله ماهوب كل الحارة ... أشوف بعضهم يسحب رجوله للمسجد ... تقل مغصوب ..على الصلاة ,, رد .. أبو راشد : والله إنك صادق يابوصالح ,,
قال أبو صالح : والله مابوه .. بالحارة .. إلا .. أنا وأنت يا ابو راشد ,, رد أبو راشد : والله إنك صادق يا أبو صالح ,,
قال ابو صالح : والله إني أشوفك .. ما أنت بتخشع بالصلاة يا أبو راشد ,,
[/size]
