اسير النسيان
مراقب المنتديات العامة
عشنـا وشفنـا يا زمـن هــدة الحيـل
هـــذا الزمــان اللي يـزيـد الغرابـة
ان جيت اباتحسف طفح مني الكيل
وان جيت ابارضى واقعه صك بابه
زمـان كـُثـرت فيـه طيف الأقاويـل
قـــول ٍنــرحب بـه وقـول اجتنـابـه
هذا الزمان اللي يضيـم الريــاجيـل
مـا بين ضيمـه حين جــور انقلابه
رجّال من ماله من النـاس لـه ميـل
يثنــون كل النـــاس به فـي غيـابـه
البيت واسع والولد واجــود الخيـل
ذاك الثناء من قول حضـرة جنابـه
اصبـح مقامـه بين قالـوا مـــع قيـل
مـدح ٍوله طــاري وزاد الرجــا به
كم صاحب امـوال ٍلقى كل تبجيــل
ذكـره كما ذكر الأسـد وسط غـابـه
المسألـة هي مصلحـة دون تضليل
كل الحقائــق واضحــة مـن كتـابـه
من كان عنـده مــال زادوه تجليــل
لا بـان زولـه رحبـوا يـا هـــلا بـه
ورجـّال نظـرات البشـر فيـه تقليل
لا قلّ مــالـه مـــا لقـي مــن يهـابـه
يمكـن تنـاجــي دمعتـه طلـة سهيـل
لا مـــن تخلـى عنـه حتــى القرابـه
كم واحد معسور شال السخاء شيل
معســور لكــن مـــدة ايــده طيـابـه
ما يرتجي من عــزة النفس تمويـل
طيب ولا شـاف العسـر فيـه عـابـه
عـايش حيــاتــه كلهـا بـالتسـاهيــل
راضي بما ربه عطى فــي شبـابـه
ان كان هــذا منهجـه مرحبــا هيـل
يا عِزّ من ذاك الرجـل يـُنتخـى بـه
المسألـة هـي واضحـة دون تحليـل
مـن زاد مـالـه يكثــرون الصحابـة
وختـامهـا ذكــر الله ازكــاه تهليــل
ومحمـد ازكـى سيـرتـه فـي كتـابـه
من اشعار / اخوكم : اسير النسيان
في 11 ربيع الأول 1434