صادق
Member
ياذباح الحيل صبحك الله بالخير علومك كيف حالك ،،
وكيف الديره والسيرة ،، اين دربنا واحد انا وانت كلنا نحب الديرة وعلوم الاولين ،، والله ياخي ماتربينا الا عليها ،، تصدق اني اشتقك للساقية والسانية الله يسقي ايامها ،،
الجماعة كلهم معهم ثيران يحرثون بها وانا مع ابي حمار يحرث به لكنه حمار نشمي يجمل ،، ويوم جت السيارات والحراثات اطلقناه وادي عرده الله يلقيه خير .
ذا الحين ياخي العلوم تغيرت والحياة اختلفت الليل نهار والنهار ليل والناس مايمشون الا يتداوخون نسأل الله العافية .
معاد حد ينشد عن الثاني اعمتهم ذا الجوالات الله يعطينا خيرها والله مدري وش نهايتها متبطحين فوقها ومبحلقين عيونهم حتى الورعان والجهلة كل واحد معه جوال.
جيل مدري وين غادي ،، لكن الله يصلحهم لنا ويبارك فيهم مانقدر ندعي بغير الكلام ذا .
ذا الحين يارفيقي اعذرني انا اذا جيت اتهرج قالوا انت بدوي ماتحضريت سواليفك كلها قديمة وتسد النفس ذبحتني الوحده محد يتلفت فيه ، وايني يوم شفتك فالمنتدى وقريت سواليفك فرحت قلت هنيه واحد كمايه ابغدي اتهرج معه .
هذي علومي وسلامتك وسلامت الحاضرين
وكيف الديره والسيرة ،، اين دربنا واحد انا وانت كلنا نحب الديرة وعلوم الاولين ،، والله ياخي ماتربينا الا عليها ،، تصدق اني اشتقك للساقية والسانية الله يسقي ايامها ،،
الجماعة كلهم معهم ثيران يحرثون بها وانا مع ابي حمار يحرث به لكنه حمار نشمي يجمل ،، ويوم جت السيارات والحراثات اطلقناه وادي عرده الله يلقيه خير .
ذا الحين ياخي العلوم تغيرت والحياة اختلفت الليل نهار والنهار ليل والناس مايمشون الا يتداوخون نسأل الله العافية .
معاد حد ينشد عن الثاني اعمتهم ذا الجوالات الله يعطينا خيرها والله مدري وش نهايتها متبطحين فوقها ومبحلقين عيونهم حتى الورعان والجهلة كل واحد معه جوال.
جيل مدري وين غادي ،، لكن الله يصلحهم لنا ويبارك فيهم مانقدر ندعي بغير الكلام ذا .
ذا الحين يارفيقي اعذرني انا اذا جيت اتهرج قالوا انت بدوي ماتحضريت سواليفك كلها قديمة وتسد النفس ذبحتني الوحده محد يتلفت فيه ، وايني يوم شفتك فالمنتدى وقريت سواليفك فرحت قلت هنيه واحد كمايه ابغدي اتهرج معه .
هذي علومي وسلامتك وسلامت الحاضرين