صادق
Member
ياجماعة الخير اول شي سلام عليكم .
انا مدري الشعب ذا متى يتعلم ويتطور ويسير نظيف زي العالم والناس ، كل ماأروح مكان احصل زباله وقمايم واكياس وبلاوي .
البلدية تنظف من هنا ويجي الواحد هو وعائلته والا اصحابه يتكي وياكل وينبسط ويقوم والدنيا وسخه ،
ولو جاء وحصل المكان ماهو نظيف يزعل ويقول ماعندنا بلدية والا مايشتغلون .
ذا الحين ليش الواحد اذا راح حديقة والا مكان عام والا شاطى ليش مايجمع وساخته ويرميها في الدرام اللي جنبه وش ذا الكسل !؟
واذا طلعوا البر ليش مايجمعها ويحطها في كيس واذا وصل يرميها ، ياعالم لازم ننتبه للأشياء هذي ترون النظافة من الايمان ، وبعدين النظافة لك انت اول قبل الناس ، حتى يرمونها جنب الحاويات كلها كسل مايحطها داخل الحاوية ، وتجي الكلاب والقرود تسحبها وتفقعها وتوسخ الشوارع ،
اتمنى ملاحظاتي هذي يكون لها قبول ونتائج ولكم جزيل الشكر .
