قصيده للشاعر / سـ ـ ـالـ ـ ـ ـم بن علـ ـ ـي بن يسـ ـ ـلـ ـ ـم بالعـ ـ ـور العمري

اخواني الاعزاء اقدم لكم هذه القصيده للشاعر المرحوم / سالم بن علي بن يسلم بن لعور العمري
وهي رثاء في مقتل المرحوم / يسلم بن صالح بالعور العمري .​

وتنقص عدد من الابيات في مقدمة القصيده ارجو لمن لديه هذه الابيات ان يرسلها لنا .​

واسرح مع الصبح واعبر خط بن جـعـفر = وروح الا على ذي يكرم الضيفان
الفـدعـقي دي هو عليـنا دوب يتخـبـر = ولا تجيب الغلط في نصاف ما قد كان
وقـلـــه انـي مـعـنــا بـدخــل الـبنــــدر = وانته حذر في طريقك لا تقع كسـلان
والصبـح الشــاخ عنـد جـمــال تتـهــدر = وباتقـع فـنطسيـه لـك في الميـــدان
وانشد على سعد واتخبر على العسكر = ذي يدخلون المحاجي لا وقع مهدان
قـلهـم جـيت عـاني طــارش امـسـيــر = ماجيتكم بي تعب سيره وانا نسمان
جيـت بـخـبـار زينـه صيـتهـــا يـظـهـــر = من واد حبـان ذي هو مكـرم الضيفـان
بخبار كـم من غـصيني يرعـي القمر = ضـلت قــرونه عجيـــه ذي رعى لغصـان
هذا قفاء قتل يسلم من سهر يسهر = وجـه التقـاء والنقـاء مـاهو كمـا العيبـان
ذي يـظهـر القبولـه لاحـدهـا مفــدر = ولا يجـي للهيــانــه شــاجع الشجعــان
ربيـت يــاذري صــالـح ضــوع تتـعـور = والله ويـا مــا وقــع خـلفـك ويـا مـا كــان
ياهاجسي لا تجيب الهـرج ذي ينكـر = للانسان ماحد وقع سده سوى للانسان
الخيــر في ارضنـا هـذه السـنه قــدر = لا فـي عـمــاقيــل بايـصـلــح ولا جــــردان
واللحــم في وادنـــا واجـــد ولا تعبــر = ولا عــاد دور للـمــرق غلــوه هـل حبــان
اليوم بطني كبيــره شلت المـخصــر = وشلـت اللحـم والقـت فـوقــه العضـمــان
والله وبن محسن التومه صليب اقـور = يحـزن عليه الشـرف والمـركـز الدحــان
القـبولـه عـاريـه والقـوا لهـا شيــذر = والقـوا لها ثوب راقي من كسـاء بيحـان
وقالوا لهـا ادخني تحـته بعـود اخضر = ونسـميـنـا بـصـوتـك ياغـصيـني البــان
ياسعــد هـذا كـلامي وانته اتتحــذر = ولا تــحـيــرت سـق تــركــوب للــرميــان
مولى للكيمـه يبـا من بنتهم مسكر = والله بني من رادف اليسرى على ليمان
عـــاد العــول بالميــازر ذاهـلـه تثعــر = كـليــن بالـكلـفــه من تـركـت الشيبـــان
وخـتمهـا شـامي رصــتاص احــمــر = ذي هو يفرقـع مـن نخــرها كنـه العضمـان​