صقر بجيلة
صقر بجيلة
- زايــــــــــــــــــد
حضرت مشتاق وابغي هرجة الطيبيـن
لي حسبة ايـام مـا شفنـا معاميلهـا
عـــلــــي الـمــالــكــي
يا مرحبا يا عريب الجـد والنـاس لام
يا عد فيه الكرم والعرف والطـي بيـن
لو غابت الشمس ما غبنا مـع ميلهـا
زايــــــــــــــــــد
انه يقول ابن عوضه يا رفيـع المقـام
ودي بما يسعد الجمهور والحاضريـن
والخيـل تصهـل وصهلتهـا لخيالهـا
عـــلــــي الـمــالــكــي
كني لمحتك معي صليت خلـف المقـام
لكن من زحمة البـدوان والحاضريـن
وارعبنـي الرعـد والبـراق خيالهـا
زايــــــــــــــــــد
اهل الهده يا علي وش جابهم لاهل يام
والناس في ذالصله يا صاحبي معتميـن
انكان عندك خبر تشـرح لنـا حالهـا
عـــلــــي الـمــالــكــي
يعجبني الورد يوم ان العرب لـه ليـام
واما انت لا تتبع المعتم مع المعتميـن
صلة نسب ثابته والطيـب ينحـى لهـا
زايــــــــــــــــــد
كريم والمكرمه ما تخطي اللـي كـرام
عن قل الارشاد يا هل الطيبه مكرميـن
ونشدة اهل الوفاء والجود كرمـى لهـا
عـــلــــي الـمــالــكــي
يا زايد راع الوفاء والطيب للملـك رام
ما عاد ابنشد عن اهل الحسد والمكرمين
ما دور اطمـاع لا منـه ذكـر مالهـا
زايــــــــــــــــــد
يا الله يا رب يا خلاق حسـن الختـام
اجعل لنا في جنان الخلد منـزال اميـن
يا خالق الناس يا داري عـن اعمالهـا
عـــلــــي الـمــالــكــي
تاريخ راع الكرم والجود تاريـخ تـام
ما غيرته الليالي وافـي السـر ميـن
ابي مذاهب عرب مابـي وشـع مالهـا
زايــــــــــــــــــد
ابغي طريق السفر ما ابغي طريق الظلام
ماني لحالي ترى في ملـة المسلميـن
وان جات الاخطار دربك لا تعدى لهـا
عـــلــــي الـمــالــكــي
الله يجيرك من اهل الظلم واهل الظـلام
واهل الخطيات جونا غصب مستسلمين
نعـدل اهـل الخطايـا عـن تعدالهـا
زايــــــــــــــــــد
ان كنت باقي مورد للخطـر والزحـام
انصحك يا صاحبي لا تنشب المستحيـن
لانشت بروق السمأ تعجـز تهيـأ لهـا
عـــلــــي الـمــالــكــي
يقلون يا زايد ان الصقر عالـوز حـام
لكن بعض الصقور يصيبها المس تحين
ودلـة الكيـف يـا محسـن تهيالهـا
زايــــــــــــــــــد
الصقر تدري عنه مولع بـزود الغـرام
لكـن ذالوقـت متغيـر ويابـى يعيـن
والصقر وري سواة صقور وريـا لهـا
عـــلــــي الـمــالــكــي
من يمتلك جوهره ما باعهـا بالغـرام
والصقر عينه نظرها من حديد ويعيـن
ماهي بضاعة متاجر يحسـب ريالهـا
زايــــــــــــــــــد
نويت اضحي بك الليله عشان الوسـام
ما عيني انشدك ما عيني اقول انت مين
ذالليل جبت العشى والقابلـه وش لهـا
عـــلــــي الـمــالــكــي
يفداك تاج الطولـه واردفـه بالوسـام
وانحن وياكم لدرب المعرفـه منتميـن
لكن اشوفك على الفتنـه تنـاوش لهـا
زايــــــــــــــــــد
يا هيه ما عاد يبقـى قبلنـا الا اتهـام
انا طرحت الهدف يـا مبعـده مدعيـن
من اول الليـل صبتـه لا تقـل علهـا
علي المالكي
ياصقر وشبك توجـه يمـي الاتهـام
مادام صبت الهدف وش لك وللمدعين
لكن جنب عن الفتنـات منعـاً لهـا
زايد
انكان تبغى الصراحه فالزعم للزعام
والمكرمه للمكارم واهلها مكرميـن
لكن ما ابغيك يا الغالي تعيـا لهـا
علي المالكي
السيف في ملتقى الاخصام ما انهزعام
وجنودنا يحتمـون الحـد ومكرّميـن
يا كم قصـوراً تهـدم مـن تعيالهـا
التعديل الأخير:
