« هُـدوء ҳ
Member
هذه قصيده قديمه للشاعر معتوق الزبيدي قالها في حفل بقرية الشظابيه
قال ودي اعلم لكم عن علوم ديارنا
ما به علم رادنا
ما به علم رادنا
البقر تبلغ لست وثلاث وميتين
واشكل البيعات دين
واشكل البيعات دين
والغنم تبلغ لخمسين والشاري قليل
نطلب الله فـ الجميل
نطلب الله فـ الجميل
والبن القله بسته وسكرهم ريال
جوبه احمال الجمال
جوبه احمال الجمال
والشاهي القله بتسعه وكرتونه بنص
لا يزيد ولا بقص
لا يزيد ولا بقص
والبنادر سوق حداد يعلم عـ الرياض
والبحر لا فاض فاض
والبحر لا فاض فاض
ودي اخدم ربعنا ما حصل منهم قصور
كلهم مني وفوق
كلهم مني وفوق
لا من الله وامس ولا عطيه واخوته
كلّن جتنا رسلته
كلّن جتنا رسلته
قالوا اي صالح يرحب على مذهب وطيب
كل عاقل لا يغيب
كل عاقل لا يغيب
واستجروني وانا والله اني مـا غصوب
كن في قلبي شبوب
كن في قلبي شبوب
راح من ورعان عمي ولد يّم الكويت
يشهد الله ما رضيت
يشهد الله ما رضيت
مير في جبر الجماعة نسيت اللي بعيد
يفعل الله ما يريد
يفعل الله ما يريد
هذا صوب اعلامنا يا قبايل والسلام
قصيده اخرى لشاعرنا الكبير يوم زواج بنته في شوقب وكان بينه زعل هو وجماعته وقال القصيده عشان يرضيهم ويرضون معه ،،
قال يا جماعه ودي اعلم لكم جاني علوم
والستر فيها يدوم
والستر فيها يدوم
لا من الله وامس والا من العاني كتاب
ماعرفنا له جواب
ماعرفنا له جواب
قال وانحن ثالث العيد جايينك برا
عيد مدري مقترى
عيد مدري مقترى
وانا مدري شفكم في قرى ولا فلوس
ولا وش غيب النفوس
ولا وش غيب النفوس
شاوروا غيابكم والذي حاضر حضر
والذي عنده خبر
والذي عنده خبر
لو تبون حتى القرايا نولعها بقاز
من تهامه للحجاز
من تهامه للحجاز
نشتري جبرانكم يالرياجيل الجياد
لو نسافر مـ البلاد
لو نسافر مـ البلاد
وانا اشوف الصقر ما ينفر الا بالجناح
مـ المناحي لا رماح
مـ المناحي لا رماح
غيرها ما عندنا الا الستر والستر دام
قصيده اخرى رائعه لشاعرنا الكبير
هيض على بالي معاني عجيبه
يا زين هرج لستوى معناه
يا زين هرج لستوى معناه
ويا محسنك يا الهيل للي يفيده
واربع مصافي فالصلل تقفاه
واربع مصافي فالصلل تقفاه
ونجر ومحماس وعمله جديده
وعشر زبادي شربها محلاه
وعشر زبادي شربها محلاه
والهيل يا زينه لحي ضريبه
طول السنه في عملته قهواه
طول السنه في عملته قهواه
ولا سمع ضيف العشا يدعي به
كثر تراحيبه وهو ما جاه
كثر تراحيبه وهو ما جاه
ولضيفه مايسر الله يجيبه
ولا كل ضيف ينذبح له شاه
ولا كل ضيف ينذبح له شاه
واللاش لا جيته تدور لطيبه
من فوق خده مبعدت يمناه
من فوق خده مبعدت يمناه
يقول ما فـ البيت ما نقتضيبه
وسبعه قروش تغلقه مقضاه
وسبعه قروش تغلقه مقضاه
تجنب وصوله واقطع ايدك من ايده
وان جاك عندك مثله وسواه
وان جاك عندك مثله وسواه
وانا عارف الدنيا وعارف سلومها
وانا عارف الصداق والكذاب
وانا عارف الصداق والكذاب
وانا ذقت حاليها وجربت مرها
وعذرت من لذاتها في ساع
وعذرت من لذاتها في ساع
وهذي الدنيا كفى الله شرها
مثل البحر يغطس به الشراع
مثل البحر يغطس به الشراع
كم نصبت من كل راس مدني
وكم دنت رواس وهي شجاع
وكم دنت رواس وهي شجاع
وكم واحد فيها يبيع الحميه
وكم واحد فيها شرا ما باع
وكم واحد فيها شرا ما باع
وكم واحد يكره صديقه وقربته
فـ الوجه يضحك والقفا قطاع
فـ الوجه يضحك والقفا قطاع
وكم واحد دايم تعزه حصونه
راعي معاريف ان شبع او جاع
راعي معاريف ان شبع او جاع
ها ثم صلاتي وسلامي على النبي
محمد اللي للعرب شفاع
محمد اللي للعرب شفاع
وسلامتكم
التعديل الأخير بواسطة المشرف: