ديوان الشاعر / أحمد بن رده المــــــــالكي (ابوياسر)

إنضم
16 فبراير 2010
المشاركات
25
مستوى التفاعل
0
النقاط
1
انا وابني في حكايت زمن.

البدع







مالنا عن واقع الدنياء ملاذ ولا منـاص غيـر

لو حسبنا مانوفي عدهـا بالعشـر والخُمسينـا

ويضيـع احسابهـا مابيـن مطلوبـآ وطالبـي

البلا لو حل في بغداد خايـف مالبـلا ياصلّـي

يقتبس من قريت الكبريت لين اعتـا شبيبهـا

لو نجنب (ع)الفتن تصبح وهي بدروبنا عراضة

كلما قلنا تلاشة قـال ناقـوس الخطـر بـارود

والفتن تشبه لنوّ لاف وسط الجوّ وتـرا سيلـه

وإلا برقآ له شعاع يلوح سـد الريـع والشّـرا

سهرتني في منامي نغصة نومي وانا ود امسي

اتفكر فـي زمانـي يازمانـي وش تـود لـي

احتكمنا له وجار الحكم وارهقنا وحكمه ماضـي

كم رجم وانا لقلت حيلتي مدري متـى ارجمـه





الردود






احمد يقل كنت في وقتآ مضا راشد وانا صغيـر

اعرف اللي يعرفه رجلآ تجاوز عقده الخمسينـا

والتقي شر الزمان إلى قصر شـره وطـال بـي

اعتنقت الملّه اللي كان ابي يدعي بهـا ويصلـي

واحترفت المهنه اللي لا حدي يعتاش ابـي بهـا

الزراعة والرعي والرقص بين الزير والعراضـة

والرمايه بالمقبس والرصاص وزهبـت البـارود

والحصا والدّمك واعمايد سقوف البيت واتراسيله

واجتناي اللوز وعقود الثمـن والبيـع والشـرا

والرشا والغرب والمحراث فوق المقرنه والدمسي

والعَجل والسهم والقف والفلج والحبـل والدلـي

وإن بغيت ابوح واعلم ولدنا عن علوم الماضـي

الولـد يحتـاج مابينـي ومابيـنـه مترجـمـه

 
إنضم
16 فبراير 2010
المشاركات
25
مستوى التفاعل
0
النقاط
1
هذه القصيده واقعيه من واقع تجربه مريت بها حبيت اطلعكم عليها



البــــــــــــــــدع




حــــدني وقتي ركبـت الطائره ماني لهـا عشــاق


رحلتآ قبـل الفجر بالجو لاقصاء شرق هند استانا


خمس ســـاعات احسب التــوقيت ثــانيّــه بثــانيه


احصي الـركاب وانا خاطري مالخوف يعويـذيبه


لا جليــس ولا ونيـــس إلا ادّعــي لله وابتهــــــل


وانـا وحــدي بين ركــاب الفضاء والطائره هنديه


كـــم تمنيت إنــي اتقــن لهجت التــاميـل واردوي


ما يميــزني يكن ثوبي وحمـرة معصبي واعقــالي


ولا مصحــف لاتهجيتــه يهـــدي علــم خـاطــري


المهــم إنـــا هبطنــا بالمطــار وزاد هـــود روعي


وغــديت اتخيــل اوجــوه البشـــر مقفـي ومقبلــي


كنت افكــر بالرجوع المنتظــر والخوف يتحـداني


وانــا ماعنـــدي وسيلـــه للــرجـــوع إلا بطـــائرة



الـــــــــــردود



مرت اسبوعين انـازع في ضنوني بالنزاع الشاق


قلت باهنـــدس طريقي لو كتب ربي وهندست انا


والظـــروف الصعبه القى حلها باظــروف ثــانيه


دام واد الخـــوف باقي من قديم الوقت يعوي ذيبه


والمخـــايل في سمـــانــا حـــاكمه بالنــوّ وبتهـــل


والرعـــود القاصفه تنبي بما فى الجــوّ ولهن ديه


وانـــا مبغي في رجـــوعي مالقيته حيـــن وردوي


قلت باشري لي جمل ماينطلق من قبضتي وعقالي


يمكــن احــل الظـروف اللي حدتني عالمخـاطري


كن جوّ الحرب سايـد مابقى إلا امهنـدي ودروعي


والحلــول ابيتهــــا مـــاودي اسمعهــا ومـــاقبــلي


اشتـــريت التذكــره ماحسبتهــا علخــوف بتحدّاني
واحسبنــي ذيب وانــا اذكـــرعيــون الذّيب طائرة
 
إنضم
16 فبراير 2010
المشاركات
25
مستوى التفاعل
0
النقاط
1
ليتنا نسمع لصوت العقل من راس الملك عبد الله



البـــــــــــــــــدع​




ادعـي الله لاتسيرنـا الريـاح علـى مناشـبـه

وارضنا ثم ارض عنا يايله ماعلـى امـره ثانـي

طاعة الرحمن جت من كل علمـآ فـي دروسنـا

وانت يانهر الشقى ماعاد يروي من يدينا نضحك

لو حسبنا الدمع من فيض العيـون يعـد ناصفـه

كلما اشتد العطش وش يروي العطشان في نتع اللم

نيّة الصّداق لـه والنـاس تحسبهـا علـى نيـه

والذي يبكي ندم ليته عِلـى علاتـه اوقـا نونـه

والـذي متعليـآ مايـوم مـن طبعـه عـلا ورق

نرقب الطوفان غير امتا يهـود موجـه القذافـي

لو هربنا (ع)الخطر وش خطوة الساق المعظمـاء

والمثوبه من يد الله ياعسى الله لايحجـم اثيابـه

وانا مترجي ولي بـرآ ولـي بحـرآ ولـي بيـه

والذي قلبه يحب الخيـر والأحسـان ويعبـد الله

يشكر الوالي على ماعطاه من فضله وجـود لـه





الــــــــــــــردود​





ليش مدري ليش بين النـاس مالعلامنـا شبـه

العرب كلآ يصنف قدرهم تحت اسم عالم ثانـي

والحقيقه كـل علـه قاتلـه مـن فيـد روسنـا

الصحيح إنا على هول المصايب من بكانا نضحك

لا نهش ولا ننش ولا مـع العالـم لنـا صفـه

ليش ماننظر لجيـران الديـار وليـش مانتعلـم

ليش مانثبـت للأجيـال إن صيحتنـا علانيـه

كلما جا مؤتمر يثبت لنـا مشروعـه وقانونـه

والقرارات اصبحت بالجامعه حبـرآ علـى ورق

يكفي إنا نسمع الواقع بصوت امعمـر القذافـي

الزعيم ابن الزعيم ابن العظيم ابـن المعظمـاء

يكفي إنا كلما شفنـاه نستغـرب لحجـم اثيابـه

يلتبس من فوق جسمه نصف ماتشريـه ليبيـه

ليتنا نسمع لصوت العقل من راس الملك عبد الله

الذي في كل دوره مؤتمـر يثبـت وجـود لـه



 
إنضم
16 فبراير 2010
المشاركات
25
مستوى التفاعل
0
النقاط
1
نتيجه لظروف طرة على يرنامجي لهذا الشهر هوا اني طراء لي سفر مع بعض الزملاء
لضروره تقتضي ذلك وهناء اعتذر من الجميع وعلى راسهم مشرفنا المحبوب ابن مستور واللجنه المؤقرة بجميع اعضأها وحبيت ان اعطر الأعتذار بهذه القصيده لهذا الخصوص.




البدع​






العذر ثم العذر يـا رمـوز المنتـدى

وابن مستور الحبيب اعتذر له مرتين

نابني طاري سفر نوب إلى شرق اسيه

لي رفاقه حرضوني عليه ولـي لـزوم

حيث بتغيب عن المنتدى ومسابقاتـه

واتمنـى الفـوز للجنـه وشهـارهـا





الردود​







يالباب اللوز مافيك شر ومنـت داى

تشفي العله وهي لو من الشر قاسيه

في بجيله بالسنه مره لوز ومره تين

والعوايد كل رجـال يلزمهـا لـزوم

قدمو للضيف من يسرهم وامسا بقاته

والكرم غايت بجيله ورمز اشعارهـا




 
إنضم
16 فبراير 2010
المشاركات
25
مستوى التفاعل
0
النقاط
1
اثر الاعداء ربو فيها وجا شرهم منها لها



البـدع​




والله ما تجاهل اللي لد صوبـي بطرفـاً لافـت(ن)

واسعد يوم المح انظار العرب تلتفت صوبي واراهم

دام ساقي يسيّـر وابعـد اصحـاب قلبـي زارهـا

كل ريعاً منيفاً لاسمح خاطـري ساقـي تلـع بـه

وانا ماني بشماتـاً علـى اصحابنـا والا شنـوع

وان نطق راعي البهتـان لـه معرفتنـا منطقتنـا

الضوامـي تـرد لا قـدّر الله عـلـى منهالـهـا

والشواهد من اقصى الغرب لأقصى الديار الشرقويه

وانا مالغرب واصبحت انتمي للخليـج الشرقـوي




الـردود​




احمد يقول في هذا الزمن مـا نشـوف الا فتـن

فوق خمسين عام اللي مضت نحتمل هماً ورى هم

حرب تشعـل فتايلهـا وحربـاً تحـط اوزارهـا

منطقتنا احرقت كل الحطب والقبس وش بي تلعبه

ما بقي في جبال المنطقه واوديتهـا الا شنـوع

وانا من جهلي امسيت اتفكر في اعـدا منطقتنـا

اثر الاعداء ربو فيها وجـا شرهـم منهـا لهـا

ضاع وقتي وانا اعد العقول الذي (ع) الشر قويه

لين سجلت كم عقلاً تكبر وهو (ع) الشر قـوي



 
إنضم
16 فبراير 2010
المشاركات
25
مستوى التفاعل
0
النقاط
1

شـــيــــخ الــحــرامــيـــه





انـا لـو مرنـي طـارش ديـار ومتّجـه لديـار

وهو عابر سبيـل ومرنـي مـن ضمـن عبريـه

تقصدنـي بعـد رد السـلام وقـال يـا سـمـار

أهـذي عادتـك تسهـر لنـص اللـيـل ليلـيـه

وش اللي تكتبه وش سهر عيونك الـى الاسحـار

وخلـق الله نيـام ومعضـم الانــوار مطفـيـه

اقول يا صاحبي شاعر سرا فكـره يصـب اشعـار

يحلـق فـي فضـاء فكـره بالافكـار الخيالـيـه

تجي مره على الواقـع وافاضـل بينهـا واختـار

ومرات(ن) تجي مـن ضمـن الافكـار الجنونيـه

نعيش بواقع(ن) من هول طيشـه يلفـت الانظـار

ومن طيـش الزمـان احوالنـا ماهـي سواسيـه

احد يضحك , وأحد يبكي , وأحد ينقد , وأحد محتار

وأحـد ماهـوب لا هـذا , ولا هـذا , ولا ذّيــه

سياسه , واقتصاد , وحرفنه , والصـاع بالقنطـار

دعايه , فلسفـه , غـارات , وافكـار انهزاميـه

مكاسبنا خساير والصفـر يجمـع بجمـب اصفـار

نتيجتهـا صفـر حسـب القوانـيـن الحسابـيـه

تناقض فبركه , نصب وحيل , واسرار جوف اسرار

ولـو تنشـد نقـول احوالنـا ميّـه علـى مـيّـه

ولا تعرف من التاجر , ولا تعرف مـن السمسـار

تسـاوا فـي زمنّـا اهـل السياسـه والشواويـه

وانا اسهر حتى اجيلك بالعلـوم ونشـرة الاخبـار

بعضهـا مستقيـم وبعضهـا مـا هـي نظامـيـه

خذ الاعلام قبل ادسّها فـي جـوف جحـر الفـار

وقبـل الفـار ياكلهـا وهـو شـيـخ الحرامـيـه




 
إنضم
16 فبراير 2010
المشاركات
25
مستوى التفاعل
0
النقاط
1
الليله ماعندي شغل ولا نوم وحيا الله من يسهر معي



البـــــــــــــــــــــــــــــدع
يامرحبا من هيض وافي وراس امين

باللــي يصاحبني ونســـري بقــارعة

سبـــوع وانا اعــد واحسب لهذا الليل

بعــد بعين لي مراقب واجي بمتـرجم

وبعـــــد بنسري في نهـــوضآ وكفتنه




الرد من الشاعر نواف


الليله ماعندي شغل ولا نوم وحيا الله من يسهر معي



البـــــــــــــــــــــــــــــدع
يامرحبا من هيض وافي وراس امين

باللــي يصاحبني ونســـري بقــارعة

سبـــوع وانا اعــد واحسب لهذا الليل

بعــد بعين لي مراقب واجي بمتـرجم

وبعـــــد بنسري في نهـــوضآ وكفتنه


 
إنضم
16 فبراير 2010
المشاركات
25
مستوى التفاعل
0
النقاط
1

إدعوا معي عسى ربي ينزل الغيث ..

البــدع .





من يداري دمّـك المهـدور يالمـال المودعـا

لو تولاّك الردي وش يربح اللي ودعك ودّاعي

والطمع في دمنا والفقر حول ارواحنـا جـري

كيف نصمد والتعب بقلوبنا وارواحنـا شرقيـه

والضروف القاهره ما تمهل اللي يبتغـي ثنـى

افتكر فين المصاف اللي يريح قلوبنا ونصيّـف

ياحكيم الراي شف درب(ن) يعز خطاك واقف له

لو تهاونّا على حفظ الأمانه من يبـي يحماهـا

كيف بنحافظ علـى عاداتنـا وتسيـر منظمـاه

يازمان العولمـه هلّـة مصايبنـا مـع هلاّلـك

ونحن ربيناك في وسط انظمتنـا وانـت ربّنـا

المشاكل بابهـا المشـروع يالله دلّنـا للحاجـه

مـا يجنبنـا المحاذيـر الصعـاب الا لحاجتـه





الـردود..​





يا مغيـث ويـا سميـع وياكريمـاً يقبـل الدعـاء

ياكبيـر وياقديـر وياعظيـم ويامجيـب الـداعـي

غيثنا جفّة من اسبـاب الصحـى حتـى الحناجـري

من شمال ومن جنوب وغرب لقصى المنطقه الشرقيه

كـل سكـان الديـر يـدعـون يـاربـي تغيثـنـا

اتمنى ذا السنـه نطلـع نـزور ديارنـا ونصيـف

منزلـي مهجـور مـن عاميـن والبيبـان مقفلـه

الديار اللي على مـر الزمـن ماقلـت بيّـح ماهـا

ما بقي فيها الذي يروى بها العطشـان مـن ظمـاه

رحمتك ياربنـا مارتفعـت كفـوف الدعـاه الا لـك

لك نصلي, لك نصوم, وبـك رجانـا وانـت ربّنـا

واني ادري انك جدير(ن) بالإجابه والدعاء للحاجـه

وان عبـدك ياالهـي مــا دعــاك الا لحاجـتـه




 
إنضم
16 فبراير 2010
المشاركات
25
مستوى التفاعل
0
النقاط
1

من اولى محاولاتي في كتابه الشعر زماااااااااااااااااااااااااان . .





يوم اقبلـت شوقتنـي​
ماهيب عنـي غريبـه​
اغصين بان(ن) هوتني​
ابيع كـل العصـي بـه​
راحت وطـال البعـادي​
والصوت محد(ن) يجيبه​
ورجعت وزان التلاقـي​
من بعد طـول المغيبـه​
انـا جرحنـي زمانـي​
وهي لجرحـي طبيبـه​
من بعد وقتـي رمانـي​
وعيّت سهومي تصيبه​
لبسـت دروع الامانـي​
ووقفت بجنبي حريبـه​
محبوبتي بنـت جانـي​
لكن بنـت(ن) عجيبـه​
اصيلـة(ن) بالمعانـي​
وبالمذاهـب عريـبـه​
اعطيتها مـن حنانـي​
والحب ماهو غصيبـه​
عطـوه بليّـا تمانـي​
منـي لأغلـى حبيبـه​

 
إنضم
16 فبراير 2010
المشاركات
25
مستوى التفاعل
0
النقاط
1
مساكم الله بالخير جميعآ.واهني الأخ عبد العزيز الساعدي حصوله على مشرف قسم العرضة والمحاوره كفو ياعبد العزيز وتستاهل كل خير.لك عندي وعد وسوف اختصر المسافه بمناسبت الترقيه سوف ابدع لك اول قصيده في القارعة ولك الحق في تغيير القاعة واللحن وقت ماتريد.



البـــــــــــــدع





الليله ياعبد العزيز ابد لـي بـدوان

هبت صبا وعدي وجاللصبا حسمـان

مافي يدي لاسيف شابي ولاعصـاه

وخاطري لـك فيـه ودآ وفيـه اواه

ان كان ودك تسهر الليل بدري بدري

وان كان جاك النوم كبـر وسايـده


الله يبارك فيك استاذي القدير الشاعر ابو ياسر واصل البدع وانا برد ...





::::: الـــــــــــرد :::::



يامرحبابـك عـد مارحـب البـدوان



ياللي ذبح بالعصر وفي الصباح أسمان



رديتم أهل الفتـن والظلـم والعصـاه



ماتتركون الخصم يمشي علـى هـواه



ياقدم قيف(ن) عندنا مثل نور البـدري



مدايح(ن) من سابـق الوقـت سايـده


 
إنضم
16 فبراير 2010
المشاركات
25
مستوى التفاعل
0
النقاط
1
امس بعد منتصف الليل تلقيت رساله غاليه من الشاعر الكبير عطيه ابن عبد الله الدهيسي
عباره عن قصيده طلب مني الرد عليها والأخ عطيه لم التقي به من قبل ولكنني شاهدته
في ملعبه في الرياض مع الشاعر الكبير عيضة ابن طوير في عام. (1392 هـ)ولكن التقينا عبر المنتديات عدة مرات.. حبيت اطلعكم عليها البدع من عطيه والرد مني.

البدع





احقر ايامك اللي عشتهـا بيـن ناسـآ يكرهـوك

تنخدع في تعاملهـم وترفـع لهـم شانـآ وقـدرا

تحسب الضحكه الصفراء بشاشة على سود الوجوه

وارخص ايامك لا قاطعك واحد والأخر صك بابـه

وابخس جلساتك مع واحد تحبه وهو يضحك عليك

وافضل ايام عمرك حين يغنيك ربك عـن عبـاده

والمصيبـه إذا كـان الولـد مايعظـم قـدر ابـاه

ليتنـا ماتربيـنـا عـلـى هـكـذا ولا نشيـنـا

مـادام إن المبـادي والقيـم جانبـت عاداتـنـا



الردود




لاتضايق وربعك كل ماترهـي اعلامـك رهـوك

وانت معروف في كل المواقف ولك حيلآ وقـدرا

والعرب لاذكر راعى الجميل اقبلو صوبه وجـوه

وانا ماشفت قاضي قفل المحكمه والصك ابـا بـه

وانت وسط البحر لو تنضحه ينعكس نضحك عليك

مايربحك غير الوقت لامـر وانتـه فـي عبـاده

طاعت الله ومنهاج النبي كل مؤمـن قـد ربـاه

لاتدين في الدنيـا وهـي فانيـه والديـن شينـا

لـو رحلنـا مـع الأمـال لابـد مـن عاداتنـا




 

متيم بحب بجيله

مشرف سابق
إنضم
5 سبتمبر 2007
المشاركات
13,154
مستوى التفاعل
237
النقاط
63
الإقامة
عروس المصائف
صح لسان ابو ياسر والله يعطيه الصحه والعافيه..
وأتقدم بالشكر الجزيل لكل من قدم مشاركه للشاعر الكريم
 
أعلى