الرزيقي
نّمّرّ ّاّلّجّلّهّهّّّ
بسم:
السلام:
صباح الخير
يوم الجمعه اللي طافت خويكم عبدالحميد بغى يتدبج من مصري عير
لكن الحمد لله جوا الفراعه
القصه ومافيها رحت معارض الشفا انا وولد عمي خالد نبيع سياره واشغلونا هالشريطيه النصابين
المهم من سوم لسوم الين وصلت السياره خمسه وعشرين الف
المهم جاك باكستاني يبغى يعربن بس يقول هازا عربون في معرض قال يالله روووخ سوا سوا انا قلت مشينا
انتقز المصري يحسبه في ميدان التحرير قال انا عاوز العربيه قال خالد جيب العربون
ويطلع 500 ريال كلها ميات شكلها مدسوسه في حق نيدو لها عشر سنوات
والله يجلس يقلب في السياره الطيب شويه جاه مصري ثاني شكله حرشه والله جاي انا مش عاوز العربيه قيب العربون
قلت توكل على الله عربونك طار عاد تجمعوا الملاقيف عاد قام هرمون الهياط الرزيقي يفرز بشراهه :64
الموووهم خالد عصب على المصري وبغى يداكم براسه في القزاز:43
ماالا ارتديناه والله جاك شايب مصري يهايط حرررام علييكم قيبوا العربووون وقام خالد مسكه مع دقنه مسوي محترم قال احترام لشيباتك تعوذ من الشيطان مافي العربون تبغى شي بيني وبينك الشرطه
شويه جاي واحد سعودي قال ارضوا بحكمي عطوه الفلوس والرزق على الله
عاد خالد طفش قال امسك فلو سك ياعلي عوض وانقلع
و جاني تقنيمه خطيره وافتكيت الفلوس منه قلت والله مايخذاها
المهم جاني خالد معصب وبغت ترجع بيني وبينه :68
انا من شفت الوضع مزري لها الدرجه قلت ماودي اتشره من ولد عمي خلني اعطي هالفرعوني فلوسه الله لا يبارك فيه
بديت ارتقف ابي اهد على المصري
و شفت الدمعه ملت عيونه وعرفت انه غريب
والرجال جسم زنوده كنها سيخ شاورما
قلت خلني اخذها من قاصرها واتعوذ من الشيطان لا يجيني عاه مستديمه أثر بوقس الفرعوني
والحمد لله انباعت السياره على زول ونعم
نصيحه لاتبيعون سيارتكم على مصري
لانك بتتورط
واتق زند المصري اذا تحرك
