أرجوان
مجموعة حواء
- إنضم
- 19 أكتوبر 2011
- المشاركات
- 1,343
- مستوى التفاعل
- 66
- النقاط
- 48
{ المقدمهـ }
كثير منا تملله ذبانه وبشكل يومي على الغدا على العشا وانت نايم وانت صاحي حتى وانت تفرش اسنانك والكثير يبي يعرف من وين لها هالذبانة الوقت عشان تفضالك وتلزق فيك ومن هذا المنطلق راح اعرفكم على يوميات الذبانة عشان تعرف متى وقت راحتها واجازتها واتحاول تعود نفسك على مواعيدها ومنه الذباب الكثير وخصوصا في الصيف شلة صياعة تطلع ..,
تعال نشووف وش هي يومياتهاا ..
{ الفجر }
اول ما يأذن الفجر تطلع الذبانة من عقر دارها وهي تسمي وتسبح وتسوي شوية تمارين سويدية لزوم الرشاقة بعد كذا تخطط وش تسوي في هذا اليوم وتجهز وطبعا هذا يكون مع اتفاق من الشلة اللي معاها وتخطيط مسبق.
{ الصبح }
يوزعون الادوار وكل وحدة منهم تروح بطريق , يتريقووون من اكل سهرة البارحة ويغسلوون ايدينهم ( نظاااف ) عشان يبتدي كل واحد مهمته .
{ الضحى }
يطرشون الشلة اصغر واحد فيهم للاستطلاااع يشوووف اذا قمتوا ولا لاااااء .
{ مع صلاة الظهر }
جد كل واحد فيكم قااام الا انت يدشووون عليك الحجرة ويدووورون على راسك ( هم نيتهم يقيمونك للصلاة ) ليــن ما غصبن عنك تقوم ويلاحقونك لحد ما تطلع ( يطمنون انك قمت ) .
{ فترة الغدا }
وما ادراك ما فترة الغذا !!بس عاااد هذي حزتهم تطري عليهم اغنية شعبااان عبد الرحيم ويتولعون ويقومون يرقصووون عليها مع الاغنية يبدا الملاحق يلعبووون صياد حرامي وانت تكشهم يمين واخوك يردهم عليك ( تلعبون تنس )واختك التأفف ويحل المشكلة الوالد يجيب نعاااااااال ويراكض وراهم نعاال في يده اليمين وبف باف فيده الشمال للي ما يسمع الحكي >> ما يخلوون الواحد يتهنا في لقمته . ويستمر الملاحق بين الوالد والذبان والذبان يشردون ويلاحقهم ابوك ويشردون ويلاحقهم ابوك وتقوم ذبانة زقرتية تركب ذيك الشترية الحمرة ام باب اللي ما يطلع فيها الا فليل يطيح فيها البنات ويبطل الدرايش ويعلي على بونورة على اخر حد وفجأة اخوك الصغير يبطل حلقه الا الذبانة داشه ( الله ) تخيل انت الوضع وهواش وصراااخ البيت محد داري عن الثاني وسندااااارة وقم ..
يود ابوك ذبانة رضيعة توها ما تعودت اول طلعه لها مع الاهل ( الشلة الصايعة ) ويذبحها ويفعصها بيدينه لين ما ماتت =(
{ العصـر }
هااا قلت العصر فترة العصر يعدون اعضاء الشلة ويكتشفووون ان واحد ناقص وامه تبكي : يما ياوليدي عذبوك اللي ما يخافون ربهم , ما تهنيت بشبابك . المهم ويطلعووون على شكل مجموعات يدورون ع الصغير .
{ المغرب }
بعد ما عثروا على جثته تحت الانقاض وعلامات التعذيب مبينة عليه يبدؤوون تحضير مراسم العزا و الدفن ...
{ الليل }
يكملووون مراسم الدفن و تقبل التعازي لمدة 3 ساعات وبعدها تبدا التحقيقات في اسباب الاغتيال ومن هو الطرف الرئيسي في هذه الجريمة البشعة ويستسلموووووووووون للنوم
ويناموووووون
//
\\
//
تحياتي للجميع
