ابوطلال
Member
- إنضم
- 11 ديسمبر 2009
- المشاركات
- 147
- مستوى التفاعل
- 3
- النقاط
- 18
يا الله يا اللي كل خلقه ترجاه
يا واحداً يدري بسر الخوالي
العام الاول ما بقي غير ذكراه
رحل وصبينا عليه الزلالي
على صديقاً ما بقي غير طرياه
والا ظنا ودع وهو زود غالي
العام خط الحزن فالقلب بدماه
وهموم كانت فيه دكت جبالي
واكبر مصيبه ديننا ما حفظناه
صرنا عبيد النفس ماعاد نبالي
الفقر والذله وعيشاً فقدناه
اسبابها والله درب الضلالي
دستورنا القران لكن هجرناه
والقلب من ذكر الولي صار خالي
والله لو بذكر من الامر فحواه
واعدد اللي صار باول وتالي
واذكر ضحايا سيل جده وبلواه
اللي غدت عالظلم تضرب مثالي
ما سدني هالكون قرطاس واملاه
والا بحور الارض حبراً يكالي
كل ما لفى عاماً ورى عام حسناه
ونقول هذا العام حنا الشوالي
اللي نعدل من خطانا ونمحاه
ونعيد مجداً صار قصه تقالي
ماني بمحبط لكن الذل ما ابغاه
ولاني من اللي يلعقون النعالي
مسلم موحد للولي دوم وارجاه
في ظل عبدالله عظيم الخصالي
اللي سكب دمعه لطفلاً تبناه
صقر العروبه نجم بالطيب عالي
بحر المحبه يا عسى لاعدمناه
الوالد المحبوب عالشعب غالي
يالله ترده يالسلامه لمنشاه
واقلوب دايم عن ملكها تسالي
ويالله تبشرنا بطلة محياه
اللي بنوره يستنير الهلالي
الظن في ذا العام خيراً بنلقاه
واول تباشير المطر ند سالي
نجاة ابو متعب من اللي تغشاه
يا جعل ربي يحفظه مالزوالي
يا امة الاسلام ما كان ننساه
هيا نسابق في الامم للمعالي
هيا نعيد امجاد صرحاً هدمناه
مع الامل والجد نرقى المحالي
الشاعر / حميد المالكي " ابو طلال "
28/1/1432هـ
[font="][/font]