ابو مالك 2009
Well-Known Member
:t1:
الحمد لله والصلاة والسلام على رسولنا محمد بن عبدالله أما بعد :
هناك الكثير من الظواهر في مجتمعنا تدبل بالكبد !!
راح أعدد بعض منها خاصة إلي ترفع الظغط
لاأدري هل توافقوني أو أنا متوهم
1- وأنت داخل للمسجد يجيك واحد مصفي الطبلون يبي يلحق الركعة .
2- وأنت راكب لموزين (تاكسي) (كداد) أول ماتركب قالك السواق وش ترجع ...وش تعود !!! وش دخلك ؟
3- يوقفك عسكري في تفتيش يقولك وين تشتغل .
4- تدق على 902 – 907 – الخطوط (رددياليل مطولك ).
5- تبي الصراف وقدامك واحد ..احسب ربع ساعة (صراف أبوك)
6- تسلف واحد مبلغ ماعاد يرد على جوالة .
7- جار غثيث يدري عندك (dsl ) أو (art) ينشبلك بالاتصالات.
8- يجيك مولود وتسمية مايبارك لك يقول لية سميتة فلان موزين الاسم .
9- تصلي جنب واحد ريحتة بصل والا ثوم والله اني لقطع صلاتي .
10- واحد كل يوم والثاني طالب سيارتك .
11- زميل غثيث وين رحت أمس- من جاك -متى نمت .
12- تشتري سيارة مايبارك لك يقولك ماهي مرغوبة علما انه طول حياتة على كرسيدا .
13- تشتري شماغ يقولك مافي أحسن من البسام (أحد طلب رايك )
14- يفوز الهلال قالوا بالتحكيم – تجيب أجانب قالوا رشاوي .
15- تخطب والا تملك جاك عشرة يعذربون في البنت والا أهلها .
16- واحد يدق عليك بعد الساعة 12 .
17- يدق عليك صاحب العمارة ليلة الرواتب يقول لاتنسى الايجار .
18- ماتلبس شماغ في مناسبة قالوا حضري .
19- تلبس جنز قالوا خكري .
20- تطول الثوب قالوا حرمة – تقصره قالوا مسوي مطوع .
21- تنام بدري قالوا شايب _ تنام متأخر قالوا داشر .
22- طولتها صح ......ماحد جبرك تقرأ موضوعي !!!!!!
انتظر اضافاتكم ......ورايكم في صحة كلامي أو اني اتوهم .
عموما لو قرأتم توقيعي ممكن راح تعذروني .
لكم اطيب الدعوات الصادقة بان الله يحميكم من غثاثة المذكورين اعلاة .
التعديل الأخير:
