ديوان زايد المالكي النبطي

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]قالوا جديدك قلت تعبان تعبان=قلبي طريح سهوم سيد العذارى
يا الله انا طالبك يا عالي الشان=رحماك من شوقٍ تولع بنارا
مليت من بعدٍ ووعدٍ وجبران=وعيون يعنيها شقاها سهارا
عشقت واي غيري من الناس عشقان=لكن انا عشقان من غير ما ارى
حبيت حبًا ما مضى به ولا انسان=مثله شموخ وعز لا جاء ولا آرا
أواه من حبٍ غدى فيه شيهان=شواه في صالي لهيبه توارا[/poem]

[poem="font="simplified arabic,5,limegreen,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]يا بو شهد مرحبا في منتدى الواحه=شرفتنا ربنا يسعدك يا الغالي
جيّتك زالت هموم القلب واتراحه=واسقت زميلك شراب الود والحالي
يا بو شهد خل زايد يعلن افراحه=في ليلةٍ وانت يا سيدي لها والي
نفرش لك المنتدى بازهور فواحه=يا راعي الطيب يا قيدوم الابطالي[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]الله وانا المالكي لو كان عديت الثمانين=ما انسى حبيبًا على بالي مكمل فالوصافي
يا ليت يا ليت للعشاق بالدنيا محامين=وابذل حياتي وعمري ما تبي تغلى لوافي
يا بو خدودًا سواة الورد في وسط البساتين=والهرج حالي مثل ذوب العسل صافي وشافي
وابو جبيناً يشابه للقمر باللون والزين=نشيط مثل الغزاله لانطلق غصبا يشافي
والقد ممشوق مثل الخيزران اللي ملايين=والصدر زاهي عليه من الحلي والذوق كافي
انا وسيدي من الفرقا وقسوتها معانين=ولا بقي عندنا يا هل الهوى شيًا يضافي
الا نقل يا الله اجبر من ورى الفرقاء محازين=ما غير ما غير لقياهم لنار الشوق طافي[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]يا امير انا بشرح لكم حال انا فيه=والله رب الكون يعلم بحالي
همي كبير ولا اقدر ادراه واخفيه=عليك يا راع الكرم والكمالي
ابني بمستشفى الهده نازلا فيه=الله حكم والله لذا الحكم والي
حادث عرض له ناتجه بتر ساقيه=وهو فلذ كبدي وهو كل مالي
يا امير انا في حال ما سر طاريه=مديون وزاد الدين حزني لغالي
اطلبك عونا وانت للعون راعيه=يا عزوة المحتاج في كل حالي
ان شا الله انه من على ايدك يشافيه=يا اميرنا سلطان راع المعالي
يا اميرنا يا اللي ورى الله نرجيه=اجرك على ربٍ رفيع الجلالي
شكيت من ظرفٍ ومن هم اقاسيه=همي على قلبي سواة الجبالي
ما عندي القدره واسافر واداويه=يركب اطرافًا ويا خذ مجالي
تساعده عالمشي والله يعافيه=وازيل همًا مثل سود الليالي
اطلبك تسفيره وعلمي توفيه=وتكسب اجره يا كريم السبالي
المانيا تكفى دخيلك توديه=واشاهده يمشي ويرتاح بالي
وادعي لابو خالد عسى الله يحييه=من خالص النيه في اول وتالي[/poem]

[poem="font="simplified arabic,5,firebrick,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]الاوله قدام ترتيب الامثال =ابدى بذكر الله وارد التحيّه
سلام يا قرمًا منه قرم الافعال=سلام يا راع الوفاء والحميّه
سلام يا جزل السجايا والاعمال=سلام يا نوًا غزير النشيّه
سخاك مثل النو بالخير ينهال=سليم قلبك صح وايدك سخيّه
جيتك وانا واثق بتحقيق الامال=والروح من كفك وجودك هنيّه
اليوم انا ظيفك على كل الاحوال=راع الكرم في كف رب البريّه
لكم يا ابو عبد الاله اشرح الحال=اكيد تنقل عني الضاغريّه
الله من ثقلٍ على كاهلي مال=غثاه شبَّة نار مثل الوريّه
صحيح ما للمكربه غير رجّال=وانته لها يسعدك ربَّ البريّه[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]يا عين سيدي خذي لي صورةً تذكار من غير امر=هلّي دموعك وداوي قلب زايد بعد سهمك قصاه
عن طلعتك يا رفيع الذوق زايد ما يدير النظر=آمر ومثلك يطاع انت الحبيب اللي نحقق مناه
يا زين يا كامل الاوصاف دونك لو يروح العمر=يا مرخصه دون مثلك يا الغضي قلبي رضي وانتقاه
يا نور يا نور يا نورًا يضي يا نور ليل القدر=يا شبه نور القمر بين السواهر لا بدى من سماه
غزيت واحكمت قبضاتك على قلبي وكل الفكر=بشراك وابشر بما يرضيك يا حيًّا لقلبي شراه[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]تَبَاهَوْا أَيها النُّبَلَاءُ حَمَلْتُمْ مهنةَ الشَّرَفِ = تَبَاَهَوْا أيها العُقْلَاءُ حَمَلَتُمْ مِهْنَةَ الْقَلَمِِ
تَبَاهَوْا أنتُمُ الخَلَفُ الجميلُ خيرةِ السَّلفِ=حَمَلْتُمْ رَايَةَ العلمِ وحققتمْ بِهَا الحلمِ
لواءُ العلمِ كالوردِ زكيُّ العطرِ و الرسفِ=فمنهُ سعادةُ الروحِ ومنهُ شفاءُ للسقمِ
ورثتمْ صفوةَ الخلقِ نبيُّ الحبِّ والعطفِ=نبيُّ العلمِ والأدبي نبيُّ النبلِ والكرمِ
عليَّ أُدلّلُ الكلمَ وفيكمْ أُحسنُ الوصفِ=تدربتمْ ودربتمْ تعاليتمْ عنِ الشنمِ
حنُو الوالدينِ بوافرِ الأخلاصِ والعففِ=تعاونتمْ تكاتفتمْ وفيكمْ اجملَ الكلمِ
حملتمْ مهنةَ العلمِ بزهدِ العيشِ والشظفِ=سموتمْ وارتقيتمْ فوقَ هامِ السحبِ والقممِ
عملتُم معلمِي أجيالَ في صمتٍ وفي شغفِ=وقمتمْ رضاءَ اللهِ لا أمرًا ولا قسمِ
اراك بنظرةِ الأُستاذِ لا زهواً ولا ترفِ= جمعتَ القومَ يا خثلانُ تقديرًا وفي عشمِ
أَتوْا طوعاً وتكريمًا سواةِ العينِ والطرفِ=فقلبكُ في ذرا الأبطالِ و الأجوادِ منتعمِ
أتوْا لبَّوا نداءكَ في يدٍ مبسوطةَ الكفِّ=أُُحيَّي فيهمُ النخوةَ احيَّي فيهمُ الشيمِ
أرى الزبيرَ بن العوّامِ صَرْحاً عاليَّ السَّقفِ=تَعلَّقَ قَلْبي حُبَّ من فِيهَا بلا ندمِ
قدمتُ على الفرقَى بدمعِِ العينِِِ والأَسفِ=فيا لكَ مِنْ يومٍ بليغِ الحُزنِ والعتمِ
رغبتُ جنابَ الأوفِيَاءِ بِحاجةِ اللطْفِ=رغبت جنابَ العزَّ لا مللٍ ولا سئمِ
وقفت امامَ القومِ بالأحسانِ معترفِ=ففيكم مجمع الاخلاقِ والقيمِ
فيا اخوان زايد صفحكم سدفِ=كنور الصبح بعد الليل واللممِ[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]البارحه يا ناس من ظلم الاصحاب= سهرت افكر كيف ادير الجبالي
تعاونوا في جور خلان واقراب= حتى ولا خلوا لزايد مجالي
يا من خلقت الناس باقلوب والباب=تنصر من اهل الظلم واهل الظلالي
عسى ردي القوم عبرود شباب= يلقاه من مثله ردي الفعالي
يا قافلين الباب في وجه طلاب= تذكروا ربًا رفيع الجلالي
عسى فواد مضيع الحق ينصاب=عساه ما ينعم بذوق الحلالي
قمتم وساعدتم على الزور كذاب=طمع في الدنيا ومال الزوالي
قطر السماء ما شح من غير الاسباب= شحت غبوشه بانقطاع الوصالي[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]اناملي في هاجس(ن) تكتبينه= رشيه من ورد(ن) وكادي وريحان
خذيه من قلبي ولا تخلفينه= رجاي ما يقبل زياده ونقصان
عن الذي فالقلب لا تنشدينه=هذا الذي ما فيه لو كان لو كان
حسبي على اللي خاطري ملفتينه= واسقوه من كاس المحبين فنجان
اللي حداني عالخطر تلزمينه=في غيبته من راحة البال طفران[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]حمدان انا يا ابوك عطشان بالحيل=ظامي وابي يا ابوك حكرة فنيجين
زوّد على المسمار عنبر مع الهيل=والبن قدّر طبخته واحمسه زين
وجيبها في دلةٍ تعدل الميل=بها الشمطري والزباد المحلين
وزعفران يكمّل الكيف تكميل=الكيف يا حمدان شافه وتثمين
انا ادري اني يا بني تالي الليل=لكن وش اسوي بنومٍ جفى العين[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]شوفي تعدى على روس الجبـال مناطحات السحاب= ابا الحقه واطلق افكاري وابا اعطي الروح هقواتها
ادري براع الحسد وادري بعينه مثل عين الذباب=ان حام ما يبتعد وان كان وقع فوق شيناتها
يا الله يا رب يا رحمن انا ابدعيك بأم الكتاب=ترحم عبادك وتهديها وتغفر كل سياتها
قطع الرحم والظليمه والنميمه والخطأ والكذاب=اعوذ باالله منها تمنع الغيثه وحثاتها
خوفوا من الله سبحانه وخوفوا يوم فيه الحساب =الناس ما تعتبر ما تاخذ العبره من امواتها
لا زلزلت زلزلت والناس يبعثها بليا ثياب=صحيفتك في حدا ايدينك ترى اعمالك بطياتها[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]الله مـا غيـره جـزيـل العطـيـه=ادعيه مـا غيـره سميعـا مجيبـي
وقفـت بيـن ايديـه صـداق نـيـه=وانا ادري اني في وقوفـي مصيبـي
ادعيـه مـن قلبـي وكبـدي طريـه=ماغيره الشافي لجـرح(ن) عطيبـي
الله يرحـم مـن فـراقـه علـيـه=اشبـه بليلـه بـدرهـا فالمغيـبـي
مـن مـات قلنـا ساعتـه والمنيـه=الله علـى صبـري ووجـدي يثيبـي
حزنـي بقلبـي مثـل شـب الوريـه=مـا ينطفـي لكـن ربـي حسيبـي
حكم القـدر تلقـاه روح(ن) رضيـه=حكم القدر يمضي شباب(ن) وشيبـي
مـن ينتقـل فـي جيـرة الله هنيـه=ان شاالله انـه مـن جـواره قريبـي
اودعتهـا الخالـق بسـنـة نبـيـه=في ثوب(ن) ابيض بين ورد(ن) وطيبي
عليه ادعـي كـل صبـح وعشيـه=ادعي كريم(ن) طالبـه مـا يخيبـي
يجمعـك فالجنـه بخـيـر البـريـه=مـع الصحابـه والنبـي الحبيـبـي [/poem]

[poem="font="simplified arabic,5,darkblue,bold,normal" bkcolor="transparent" bkimage="./images/backgrounds/15.gif" border="none,4,gray" type=1 line=0 align=center use=ex num="0,black""]من كثر شوقي غزير الدمع همالي=واخفيه عن كل عين (ن) ما بيمديني
انا مع الناس كني في خلا خالي=قطعت حتى وصالي من محبيني
ضاقت بي الارض حتى الغيت جوالي=ومع نجوم السماء همي يسريني
وانا من اول لعقد الشور فتالي=وافكاري اليوم فوق النار ترميني
رميت قلبي بسهم(ن) جد قتالي=واحرقت واطفيت شمعات(ن) تضي فيني
والله والله ما غيرك لنا والي=انت مع الدم تجري في شراييني
لامرك ترى الشيخ زايد سار ذلالي=تامر وتنهى على كيفك تمشيني
قلبي من الغبن يا الغالي على الغالي=بعد استوى قمت فوق الجمر تشويني
انا دخيلك كفى يا زين ما جاء لي=لا عاد تشمت بي الناس الملاعيني
[/poem]

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=0 line=0 align=center use=ex num="0,black""]
جبل عيطاء ابوفهد=
عطني يدك يبن عوضه سم هاك الجديد=مزيونة عمرها يومين مازيدها
اغوص بحر الدرر واحل بارض القصيد=واقنص مراتيع .. بيضٍ .. فارعٍ جيدها
منظومة كنّها اللؤلؤ بعقد فريد=لجل عيونك يا ( زايد ) خذتها بيدها
ماهي بمغصوبةٍ ولا تلقت وعيد=تنساق من عند رب الكون الى سيدها
لكن دنيا اشغلتنا لين حد الوريد=كن المصاعب تسابق من عناقيدها
يضيق صدري من الانذال وابعد بعيد=اعز نفسي واوردها مواريدها
وان قابلوني بذات الدرب اجنّب واحيد=اعد نفس الخطاوي عاكساً سيدها
ملّت عيوني وجوهاً لازمت كل حيد=من حيث اوجّه تلاقيني مناقيدها
كل ما اشرقت شمس يوم وحلّ فجر جديد=يكبر خطاهم معا شرهات اجاويدها
إن غبت لحظات عنهم كنها يوم عيد=افرح ليا فارقت عيني مناكيدها
وأنا ادري الرزق علمه عند رب العبيد=هبه من الله لابيدي ولا بيدها
اما القصايد لها في خاطري ماتريد=لامن طرالي مثيلك جت مواعيدها
اوقّف الحرف عالمعنى وانقّص وازيد=عشرين عام انظم الاشعار واجيدها
السكري والرزيزي فوق خضر الجريد=وحمايم الورق تتغنى باناشيدها
احيان ترقى سماء واحيان تضرب صعيد=واحيان مما بقلبي صعب تحديدها[/poem]


[poem="font="simplified arabic,5,darkred,bold,normal" bkcolor="transparent" bkimage="./images/backgrounds/15.gif" border="none,4,gray" type=0 line=0 align=center use=ex num="0,black""]
زايد المالكي=
هذي يدي بالوفاء والله عليّه شهيد= روحي بكفك تراني عنك ما احيدها
يا ابو فهد لو تبي تامر بقص الوريد=لاوعدت من قوم ما تخلف مقاصيدها
يا مرحبا من هجوسًا مثل طلع النضيد=لها لحونًا تجملها وانا سيدها
ترى مرورك يشرفني وأنا به سعيد=يا حزة الخير ظمتني باجاويدها
مريت يا مرحبا قاريء وناقد نقيد=مثلك وشرواك بين الناس يافيدها
هذا نتيجة جهود ايّام ما هو وليد=هذي عصارة فكر جملت اهاريدها
ميولي اكتب بيوت الشعر واقنص واصيد=لكن ما اتابع الغرات واصيدها
ما عيني اشرب من كفوف العرب وانتسي إيد=عيني صحيحه واسيّر في تراصيدها
غيري في المنتدى شعار ماني وحيد=واهل الحسد ما تضايقني تلابيدها
كتبت الاشعار يقراها الولد والحفيد=حتى البلابل تشوقني تغاريدها
كتبت عن سيرة الماضي القديم التليد=بمويةً من ذهب يسهل تراديدها
اصحى لبيت الشعر يوم الخلايق هجيد=والروح من همها تظهر تناهيدها
حبي لنظم القصايد والمعاني وطيد= رسمت قيفانها واحسنت اناشيدها
اشكرك شكرًا جزيلاً من فوادٍ وديد=ما دام نور الكهارب روس اعاميدها[/poem]

سأرتوي من هذا النهر كلما شعرتُ بالعطش
صح لسانك شاعرنا الــــ قدير

قصايد جميله ويبدو بعض منها مقوله ياشيخ زايد . وتمنى لك التوفيق

سعود بن عبدالله قال:

سأرتوي من هذا النهر كلما شعرتُ بالعطش
صح لسانك شاعرنا الــــ قدير

أنقر للتوسيع...

سعود بن عبد الله/
سرني جدا مرورك وارجو اني وصلت الى رضى الجميع تقبل شكري واحترامي

خالد بن سلطان قال:

قصايد جميله ويبدو بعض منها مقوله ياشيخ زايد . وتمنى لك التوفيق

أنقر للتوسيع...

خالد بن سلطان/
يكفيني انك مررت اما بخصوص شهادتك فانا لست بحاجة لها تقبل احترامي وتقديري