صمت الروح
مجموعة حواء
- إنضم
- 20 أبريل 2011
- المشاركات
- 1,675
- مستوى التفاعل
- 31
- النقاط
- 48
أهات روحي ما لها من مجاديف
على وتر جرح الغياب معزوفه
تعزف وله في منتهى الشوق وتضيف
لهفة غلا فيها الوفاء والألوفه
للي مشاعر خاطري له ملاهيف
معالمه بأسمى الوداد محفوفه
اشتاق له شوق الكرم للتكاليف
ما له حياة إلا بطاري ضيوفه
وفي نظرتي له طول الأيام تعريف
ما للغلا قيمة بليا كلوفه
وغلاه عندي فوق كل التواصيف
يا كبر تقديره بقلبي ونوفه
في واقع المعقول.. وبسائر الطيف
ما له غناه الشوف من غير شوفه
وإن قلت وإن ما قلت ما جاء على الكيف
وقتي.. ولا جرح الغياب وظروفه
وقلبي غريب احساس بين المواليف
في عاطفته عناد مدري عنوفه
ولو هو تحت حدب السيوف المراهيف
يموت سره في صناديق جوفه
وما فات ما ألحقته عتاب وتحاسيف
أخذ تجاريبه وأخلي حسوفه
للي على الهيّن نظر قلبه ضعيف
نفسي كذا عن كل هيّن عيوفه
أخذت حكمة من (شعر دائم السيف)
الكائد أحلى والثنين معروفه
ومن لا وقف في موقف العز ما شيف
ولا يغنم إلا اللي من الله خوفه
على وتر جرح الغياب معزوفه
تعزف وله في منتهى الشوق وتضيف
لهفة غلا فيها الوفاء والألوفه
للي مشاعر خاطري له ملاهيف
معالمه بأسمى الوداد محفوفه
اشتاق له شوق الكرم للتكاليف
ما له حياة إلا بطاري ضيوفه
وفي نظرتي له طول الأيام تعريف
ما للغلا قيمة بليا كلوفه
وغلاه عندي فوق كل التواصيف
يا كبر تقديره بقلبي ونوفه
في واقع المعقول.. وبسائر الطيف
ما له غناه الشوف من غير شوفه
وإن قلت وإن ما قلت ما جاء على الكيف
وقتي.. ولا جرح الغياب وظروفه
وقلبي غريب احساس بين المواليف
في عاطفته عناد مدري عنوفه
ولو هو تحت حدب السيوف المراهيف
يموت سره في صناديق جوفه
وما فات ما ألحقته عتاب وتحاسيف
أخذ تجاريبه وأخلي حسوفه
للي على الهيّن نظر قلبه ضعيف
نفسي كذا عن كل هيّن عيوفه
أخذت حكمة من (شعر دائم السيف)
الكائد أحلى والثنين معروفه
ومن لا وقف في موقف العز ما شيف
ولا يغنم إلا اللي من الله خوفه
التعديل الأخير بواسطة المشرف:
