قصة "دافنينه سوا"

تسمعو عن عبارة "دافنينه سوا"
يقولو المدفون كان ...حمار!!!

الحكاية و مافيها أن التعبير اتولد لما اتنين أخوات كان عندهم حمار كان بيشيل حاجاتهم و بيساعدهم في كل حاجة ف حياتهم . الحمار دة عاش معاهم عمر كحيوان وفي و خدوم لدرجة أنهم سموه "أبو الصبر" بسبب صبره و تحمله و خدمته ليهم و كانوا بيحبوا الحمار دة أوي
وفي يوم من الأيام الأخوين كانوا مسافرين مع الحمار في مكان في الصحرا وللأسف الحمار أثناء السفر وقع ومات
الأخوين زعلوا عليه أوي و قاموا دافنينه و قعده جنب مكان دفنه زعلانين و بيبكوا و لما كان الناس اللي بيعدوا عليهم يسألوهم بيبكوا ليه ...كانوا بيردوا أنهم حزينين علي موت "أبو الصبر" اللي كان بيخدمهم و يساعدهم و كان طيب و صبور و..إلخ
الناس افتكرت من كلامهم أن أبو الصبر دة كان عبد صالح ولا شيخ جليل و بقوا يشار***م حزنهم و يزوروا مكان الدفن ..بعد وقت الأخوين عملوا خيمة و الناس بقت تيجي تعيط عندها و تدعي و تدفع لهم فلوس
بعدين شهرة المكان زادت و بقي "أبو الصبر" في عيون الناس ليه كرامات والناس بقت تيجي مخصوص لمكان دفنه تتبارك بيه (أنتو متخيلين&#128514
والأخوين بنوا بدل الخيمة أوضة و بقي مدفن وبقوا بياخدوا فلوس كتير من الناس اللي بتيجي للمدفن و بقي عندهم ثروة
وفي يوم اتخانقوا علي تقسيم ثروتهم قام واحد فيهم قال للتاني "أنا هشتكيك للشيخ أبو الصبر و هو هياخدلي حقي منك"
قام التاني قاله "شيخ مين ؟! أنت هتهزر داحنا دافنينه سوا "
وبقي التعبير يتقال علي أي موقف حد يحاول يتظاهر فيه بحاجة رغم أن اللي أدامه عارف أصله وفصله و عارف عنه اللي الناس متعرفهوش

يا تري عمر حد حاول يترسم عليك رغم أنكو دافنين حمار سوا...قصدي سر
:i5:
منقول

قصة رائعه

تسلم على الموضوع

جزاك الله خيرا

مشكور والله يعطيك الف عافيه

هههههههههههه

مشكله ..

يعطيك العافيه على المشاركه