حازم
~‘ حـربـي والوفآ دربـي ~
مدخل ..}
اول موضوع لي بآ المنتدى بعد الغيبه المريره\ واحد + واحد = >> الجواب في المخرج
سلام عليكم ماشاء الله عليكم
وشلونكم
وش علومكم
وش اخباركم
وش تبون >>> بيتصفق
تعرفون الاغنيه الي تقول ابطا علي النوم وشلون انام -------> واويلاه
شكلكم ماتعرفونها حدكم مدري وشوو ويخب
المهم كلماتها هي انسب كلمات معبره لحالتي البارح << او امس اهم شي يوم من ايام الاسبوع
الزبده هذي سالفتي ممكن بأختصار مع زياده ملح +سماجه
وقلت بما اني مبطي عنكم و مانزلت شي في المنتدى من خرابيطي ومن سماجاتي المعهوده قلت يالله اكتب لهم اللي حاصل
االموهيم اني رجعت للبيت بدري حوالي الساعه 12 << صراحه بدري
مدري وش خلاني ارجع للبيت بدري طفش وزهق المشكله تروك نزلني بالمخطط عند عيال عمي وشرد هو مدري وين لقا
اقوله وين بتروح بدري تونا بجلس معك ياهوه بدا يتثاوب
( قلت انا في نفسي مو انت اول واحد يصرفني<< شكله نشبه لحد يصادقه
واقعد على النت وادخل منتدى خاص ههههه مايبي يعلم << واقعد اشوف المواضيع الجديده واشوف وش الجديد
شوي طلع لي واحد في الاهدائات يكتب اسمه عشر مرات مثل كذا
وانا اللي اشوفه واعصب واسوي ( تسجيل خروج )
المهم وقعدت احوس بالبيت واناقز مدري وش اسوي قلت خلني احوس في البيت وشوف اي شي
وشوي واشوف شريط طايح مكتوب عليه ( تسجيل خاص )
قلت انا بس مدام انه خاص اجل بسمعه واشغل الشريط واحصله اخواني البزران قاعدين يسجلون ويغنون ويخربطون
قلت خلني اسمع وش وراي ,,, واسمع اخوي بدر :
يسأل اخواني اللي اصغر منه يقول لهم تحبون عبود << هذا اخوي الاصغر شي هع>>وصفه صعب
عاد يردون اخواني الصغار يقولون ايه .
ويسألهم ثانيه يقولون تحبون ليتا << هذي شغالتنا امحق من اسم
يردون اخواني يقولون ايه .
بعدين يسالهم يقول تحبون حازم << هذا انا <<حلــف
بعدين ردو وقالو
7
7
7
لا لا لا لا لا لا لا لا لا لا لا لا لا لا لا << بصوت عالي ولا بنغمه بعد مع تلحين
وانا اللي اطلع الشريط واكسره وروح ادخل عليه الغرفه وهو نايم وشوووووته << نذل
قام مرتاع وناظرني بنص عين ورجع ينام ثانيه ماعنده مشكله
وقول في نفسي: ابطا علي النوم وشلون انام -------------> واويلاه
واكمل البثاره والتفتيش واحصل كتاب صغير حق الغاز حق اختي الصغيره قلت وش وراي خلني شوف
واطيح لك على لغز يقول
ماهو الشي الذي ياكل ولا يشرب وحين يكون عطشان يتمضمض وكله حيويه ونشاط !!
وانا اللي يمغصني بطني مجرد اني قريت اللغز بس باقي مافكرت وش بيصير لي مدري شلل يمكن لا قدر الله هههههههههه وروح على قوقل ابي اعرف الجواب وابحث فيه
شوي رد علي قوقل وهو ينافخ يقول ينعن وش تقول انت عيد عيد؟؟ هع هع
عاد رحمت قوقل وقلت لا امزح امزح
وقول في نفسي: ابطا علي النوم وشلون انام -------------> واويلاه
المهم وروح من البثاره للمستودع واقوم افتح الفريزر وادخل فيه شوي كلاني البرد واقوم اطلع
وادخل المطبخ والعب في المواعين ويطيحون من فوق مما سبب ازعاج وقروشه في البيت شوي تقوم الشغاله << ليتا
وانا اللي اشوفها قاعده تناظرني وتضحك واقول هلا والله هذي اللي بطقطق عليها اخر الليل << لحد يستعجل ويفهم غلط
يعني قصدي اقعد اسولف معها عن جاكرتا وكيذا فهمتو كيف
المهم وانا امشي رايح لمها الا اخوي حسام يناظر مع الشباك ويخرب علي ويقول حاازم وانا اللي الخم واحط وجهي على القبله واقول الله واكبر << يقالي الحين صرفت الوضع
شوي قال آخوي اقول تعال تعال نام اصرف لك << فاهم وضع التصريف
وقول في نفسي: ابطا علي النوم وشلون انام -------------> واويلاه
واطلع للحوش واقعد العب كوره << ابو جوك ياشيخ
واقعد اتفنن على بالي عبادي الجوهر << وش دخله الحين
المهم اني اتفنن واحوس واطيح وامزع اوم الكوره وتبنط بوجهي دووووووووم
وشوي كسرت لمبتين << يقولك الشاعراضرب لمبيتن بكوره وحده
<< شاعر من مدرسه شهارابولو
ويطلعلي اخوي مع الدريشه قال : ورا ماتجيب طبول وتجمعلك رابطه بعد وتقعدون تطقون ازين
امش نم و خل الناس تنام
وقول في نفسي: ابطا علي النوم وشلون انام -------------> واويلاه
شوي ارجع للغرفه وانغز بجوالي والقا مكالمه لم يتم الرد عليها بس قديمه قلت خلني اشوف منهو
وادق عليه واصكه تحسبن يمكن يطلع واحد بثر << طالع منها ومابي اخسر دراهم عليه
وبعد كم دقيقه دق علي وطلعت بنت يوم شافت اني ولد الخمت وصرفتها قالت :خالد << بصوت حنان
وانا اللي ادوخ
وقلت : خالد من
قالت : خالد عبدالرحمن
قلت : ايه
قالت : طيب وش اللي يثبت
قلت : تبين اغنيلك علشان تتاكدين
قالت : يالله نشوف
قلت : احم احم الاماكن كلها مشتاقه لك << وقاعد يلحنها خاش جو
شوي قاطعتني وقالت بس خلآآآآآآآآآآآآآآآآآآآآآآآص يرحم والديك << بصوت عالي
قلت : وش فيك خليني اكمل المقطع << مستانس
قالت : انقلع بس يالخروف وسمعتني صوت القطار طووط طووط <<قفلت بوجهي
وانا اللي احقد عليها واروح ادق من الثابت عليها يوم ردت علي
قلت" انا خروف انتي نعجه ها ها ها سمعتها ضحكتي الشريره ههههههه واقفل الخط بوجها طوط طوط << حركات بزارين
واقعد اضحك لحالي وانطط تقول مهبول هع هع
وقول في نفسي: ابطا علي النوم وشلون انام -------------> واويلاه
قلت ياولد مافيه الا حل واحد وروح ادور لي كم علاج فيفادول على هوليستن مدري وشسمه
واحطها في كاس واحط ثلج واقعد امزمز على العلاج وماصحيت الا في العنايه المركزه
::::
ادري فيه ناس بتقول وبعدين
بس حبيت اشكي لكم حالتي واقولكم ليه تروك يصرفني بدري
ابي صديق يجلس معي ويونسني ولا يتركني وحيدآ << والله ماضنيت من بعد اللي شافوه
مايستفاد من الموضوع :
1. اذا طفشت اخر الليل رح اقرب محطه ولا ميد وسولف مع الهندي اقعد ضيع وقت
2. اذا دقت عليك بنت اخر الليل انتبه تتهور وتغني لها الاماكن
3. اذا لقيت شريط طايح مكتوب عليه خاص انتبه تسمعه
4. لاتقعد تلعب في المواعين علشان مايطب عليك اخوك ويخرب عليك
وعليكم السلامه
وشكرن عفون على تضييع وقتكم معنا
مخرج ..}
الجواب : اثنين << يسمع بالمداخل والمخارج