[poem=font=",6,white,bold,normal" bkcolor="black" bkimage="" border="none,4," type=0 line=0 align=center use=ex num="0,black""]
((قلطة))=
سلام تسليم ..للشعار ....والزوار ..يبري الجراح=من قلب صادق... وكلمة نابية والله.. ماجيتها
انا اقبل اللي يجي مادام مصداره عدود القراح=وان جات كلمة ..بلا مقصد . ولا معنى تعديتها
محمد احمد=
يامرحبا يا محمد عدما هبت هبـوب الــــرياح =يالشاعر اللي بيــوت الشعر زانت لك وغنيتها
اهرج وسولف وانا حاظر تبيها جد ولا مزاح =ترى القريحة قـــــوية وانقـدح بالـفكر كبريتها
سعد حمدان=
عز الله انك كسبت..... المعرفة يوم.. البليد استراح=اهلا هلاااااابك.... يبن حمدان ....يوم الساق عنيتها
ابشر ..بطاروقا. اسرع مالشبح .ومسابقات الصياح=قد.بعت الابيات في ماضي سنين الوقت... وشريتها
محمد احمد=
بعض السواليف يمحمد كماالسم الزعاف الذحاح = وانته سوالفك يالــحلحيل من فكرك تنقيتها
سوالفا تبترم وتلف ما بين الغضب والــســــماح = يالله تخارج من الكلمة ومن بقعا وعفريتها
سعد حمدان=
مابعد وسط الرياض اللي عذية غير روضة رماح=الله مطيب... معانيها .....واهاليها..... وانا بيتها
الشاعر اللي نعرف اخطاه ماتسلك دروب القباح=اقدر الخطوة ...اللي جابته... ياكم..... تحريتها
محمد احمد=
ياللي بروضة رماح اتجول ما شفت البنّي الـــملاح =وضبيةً ياوسيع العـرف هاوتـــــــــني وهاويتها
من دونها الموت الاحمر والمخاطر والقنا والسلاح =واصعد على الرجم ومن الرجم نادتني وناديتها
سعد حمدان=
خلك على الرجم يا العاشق ولا تقرب متون المراح=بتموت..... واللقمة.... اللي.. تنتظرها.... ماتهنيتها
كم من تعلا الجبال ..السامية يبغي السمينة وطاح=وانا السمينة ..رقيت الضلع..... الاعسر ثم سريتها
محمد احمد=
ياصاحبي لو يثور العج من ظرب الهوا والرياح =ماني براجع عن رجوما نصيف الليل عديتها
انا مدرب على درب الخطر في ليل ولا صباح = اما تعشتني اذياب الـــــــــــخلا ولا تعشيتها
سعد حمدان=[/poem]