ديوان الشاعر : [ فؤاد بن هليل المالكي - (جريح الفؤاد) ] ..!!

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا نكسة الحــــــــــــظ يا غلطه عشقها الخيال = يا كذبة الحب يا ضعـــــف الخفـــــــوق اليتيم
لباسة الهم يا خدعــــــــــــه برســـــم الهلال = يا كل معنى غذاه احســــــــــــــاس واقع أليم
جيت اتبعك صوت من عمق الأسى والمحال = واثري مضيــــــــــــع صدى يجمح بليلن بهيم
في وسط كفي ذبــــــــل ورد اللقى والوصال = من عقب مـ اشعلت في جوفي لواهب جحيم
ضاعت حيـــــاتي وانا حاير معك في سؤال = وانهيتـــــــــها كل ابوها بين سينن وجيم
قم واســـــــــتر الليل اذا لليل ستر وسدال = قم قلب الجمر تعـــــرف لذتك والنعيم
خذلتنــــي يوم قلبي ضـــــــــــــارين بالجمال = جــــــــــرب نهاية جنون العاشــق المستهيم
اشرب من الكاس لوما جاك بــــ ادنى الكمال = واروي ضـــــما صاحبك لا صرت وحدك غريم
ودي برســـــــــــــم المهانه في وجيه الدلال = لا جتك تنثر عبايــــــــرها على امرن عظيم
لا دكة الشفه السفــــــــــــلى جيوش احتلال = قم غطها بنشفة ارياقــــــــــــك وقل يا كريم
بعلمك كيف تصعــــــد عالـــــــــــيات الجبال = لا صرت قاوي تنافس سيـــــــــــــدك يافهيم
قرناس مـ اعتــــــــدت احوم الا وعندي مجال =وان صدت اصيد السمينه واترك اللي هشيم
احسب حســــــــــــابي مقدر فوق كل احتمال =وان عــــودت للخطا معـــــــذور ماني غشيم
يقول راع المثــــــــــــل كبـــوة جوادك مثال = علم بها واثق الخــــــــــــــــطوه وخلك حكيم
وانا على ما يقــــــــول امشي وكلي اعتدال =حتى يمـــــــــوت الــــــفؤاد اللي بحبه يتيم[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سلام الله عدد خلقه على ارض الطهر والطاعات = سلام الله على دوله ملكها الحاني الانسان
ابو متعب سليل المجد يوم المجد بـ الطولات = اخو نوره زعيم العرب الا جت حزة الشجعان
فخرنا والفخر لـ آل السعود بماسح العبرات = نصير المنكسر فينا رحيم ابكهلنا الوجعان
ابو الطفل اليتيم وحظ من حظه نساه ومات = اخو لـ ارمل عفيفه عايشه مع سطوة الاحزان
هذا هو خادم البيتين حاميها من النكبات = حماها تحت شرع الله بصبر وشيد البنيان
رفع شان السعودي لين صارت تعتلي الهامات = من التعليم للصحه لجيش مثبته بـ اركان
وقف ضد الفتن ومروجين الذل والنعرات = وصار ارهابهم كذبه تموت ابحكمة السلطان
حفظك الله يـ ابو متعب وحق بعزتك غايات = ولك منا العهد وافي ولا به بيننا خوان
نصون الدار واهل الدار واحنا دونها قوات = عصاك اللي على الطاعه تجيك اتشنف الآذان
لعبد الله رعاه الله ولارض الطهر والطاعات = سلام يدوم مع عزة كيان القائد الانسان [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سحابه دلعت جو المكــــــــان وطاب لي التدليع = تغازل نايفــــــــــــــــــات ارجوم ماملت مغازلها
حيا هتانها البارد تنـــــــــــــــاثر مايبي التجميع = ولبس تاج ملك الزين لارضن شــــــــاب كاهلها
وانا ارضي لو سقاها وبل ما يهنا لهــــا التطبيع = انانيه وانا اعرف طبعها ووشـــــــــــــلون ادللها
انا ارضي يا غيوم الطيش ما كانت برسـم البيع = ولا كانت معي في يوم ترضى مـــــــــن يضللها
تموت اشجارها عطشى تموت ولو غدت تقطيع = تموت ولو تجف انهارها من عمـــــــــــق منهلها
يكفيها رذاذك وان حصل لا بــــــــــــاس بالتنقيع = يجيها في مدار العام ينعشــــــــــــــها ويقبلها
يسلي نايح القمري متى ما قـــــرر التــــوديع = يعيش ايام تغريبه مع نفســــــــــــــــه يعللها
ويغري لاهبات القيض لاملت من التوقــــــــيع =على صفحات مصفـــــــــــرّه ترجى من يبدلها
وانا ادري وش يغذيها يـــــــزيد اعنادها تشنيع = يفجرها رياض ازهار ما شــــــــــــــــين يماثلها
مطر مجنون يسقيها يجيها من عــــــــــلو الريع = ولا يقبل يعديها ولا ترجيــــــــــــــــــــه يمهلها
واشوف النفس طربانه تسج وتعشــق التربيع = ويحلا لي الشعر فيها تجملني واجمــــــــــلها
اطيب وتختلج فيني مشاعر تعشــــق التدليع = وانا في جنتي هايم تغازلني واغـــــــــــــازلها [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ظلام وليل والشاعــــــر مع وصف المشاعر غاب = سرج جنـــح السواد وراح يتبع درب محبوبه
توكل واعلن الرحله وحــــدد وجهته طلاب = ورتّل كل حرف انقال فـ اهــــل الحب باسلوبه
وشاور للنجوم اهنـــــاك يا نجم الثريا هاب = ترى لي معك منزل طيـــب ناري فيه مشبوبه
بماري بك هجاد الليل واطــــــرب عالي المرقاب =واسولف لك عن المـــــكنون لو بي بانت خطوبه
واقهويك الــغــــرام اللي يرجع رجة الشياب = والبسّك الوداد اطواق مفـــــروده ومعضوبه
وانا واحد من العشــاق لا جاحـــــــد ولا كذاب =ولكن النصيب احــــــترت مدري ويش مـــطلــــوبه
تعبت اركض ورى اللاهوب مستغشي الجسد بثياب = واشوف النـاس مــن حولـــي وكلن فاتقن ثوبه
وتجرح رجلي الرمضا واقـــــــــول ان الصعاب صعاب = يــــــكابـــدها الشجــيع ابصبر ما يحتاج مركوبه
على متني حملــــت اثقال حب اقبـــل به الترحاب = زمان اول وانا عودي يعــاند من وقف صوبه
زمن كانت معي ليلاي خـــدر مثبته بـ اطناب = تهناها الحشا لا زمان مــــا زالت ومكتوبه
فـ مجرى الدم لا حــــرّك دماه وذكّـــــر المنصاب = بقايا اطياف عذريه صغيـــــرونــه ورعبوبه
تملكها الهوى بنظــره خجوله ما سترهـا احجاب = وهي في سـاحة القزاز مخطوفه ومـــنهوبه
وانا ادري ان الحظوظ احيان تجبر خطوة الـــمرتاب = والآكد حظها المجبور لا حـارت بـــــه ادروبه
يقيدها شرود اذهن فجــــــــأة مــــــا يريد اسباب = ويشّر لي بغمزة عين ملهـوفه ومرعوبه
وانا اسمع شهقة الانفاس يحبسها ستار انقاب = واحس الوقت يسرقني وعـــيني فيه مصلوبه
تعاهدنا انا واياه نبــقى للوداد احباب = وصرنا اثنين فـ الدنيا فـــرحنا يقطر اعذوبه
كبرنا وصارت الفرقى سيــــوف امسلطه برقاب = سطت فيني نهار انذاع ســـر البنت مخطوبه
غصب عنا افترقنا اجساد جمــــّعها هوى غلاب = ومات اخر امل فينا وهي تبكـــــيه مغصوبه
وانا باقي مع الذكرى وجــــــرحي للأبد ما غاب = متى مـ اقبل سواد الليل يتبـــع درب محبوبه [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شاعر بني حرب شاش العلم في راسه = واقفى يدور مسكّن ما لقى .. ما شي
دَلوه يم الطبيب ينظـّــــــــــــــــم انفاسه = والا المداوي ترك طاريه .. وانحــــــــاشي
هذا زمن كل مبلي حايسن حاســـــــه = متحّزّم الصبر واللقمه على الماشــــــــي
يسري مع الليل هم محارب انعاســــــه = قد ضاع حقه مع طلابة الراشــــــــــــــــي
والا الغني مغتني ما حسّب افلاســــــه = يفطر على اصناف والعشوه على حاشي
يا هيه ياللي رجانا عندكم كــــــــاســه = فاضت مطاليبها ما صحّت الغاشـــــــــــي
انتم قروم الرجال وللفتى فـــــــــــاسه = اليا احتطب فيه يحطب به ويعتاشـــــي
كل القبايل لها رجلي وعســـــــــاسـه = ما قالت الحق هامش للتهماشــــــــي
وإنّا النصيب ارتضينا به وباتعاســـــــــه = والناس من حولنا ما تختشي خاشي
طاحت وقامت وحدّها عزوته نـــــــاسه = وإنّا ليا قام قايم قال انا مـــــــــــــــاشي
غرت بنا امجاد في حاجه لها ماســـــه = ترجع بنا القادسيه شرس وعطـــاشي
أيام كانت بجيله مثل الألمــــــــــــــاسه = ورجالها اسباع تنهش كل نهـــــــــاشي
كبيرها يستمع لاهله وجـــــــــــــلاسه = ولرايه أكبر كبير يفــــــــــــــزّ ويماشي
واليوم صكت أمانينا بترباســــــــــــــه = اهات صارت تنبشــــــنا تنبــــــــاشي
شبابنا كــــــــــم تفانت علم ودراسه = ما حصلت من وظايف تسعِد النـاشي
وضعوفنا ما بغوا تنصيب ورياســــــــه = يبغون حق المريض اللي بلانعاشـــي
هِمّوا بحق اليتيم وحق ملبـــــــاسه = وبيوت تاوي الأرامل ... تربط الجاشي
حنا بني مالك اللي طيبـــــن ساسه = ما هو في اتلا زمن محصول خشخاشي
ربعن تعاون ولو محمولها طـــــــاسه = اخير من طاستن ما شالها اللاشــي
يقولها بن هليل والملا حاســـــــــه = ما همه ان راج ما فيها مع الواشـي[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تبغى الحقيقه بعادك شــــــي ما مله = مادام قربك يعل القلب ويصيــــــــــبه
صبرت واثر الصبــــــــــر يا صاحبي ذله = مصبوب من كاسك اللي ناضحن عيبه
كم جيت عطــشان حب مخالف المله = واقفيت ميت عـــطش في ليل تغريبه
أهيم وارجع واقول انـــــــــك بتفطن له = قلب انجرح بك جـــــــروح وزدت تعذيبه
لا فادك البعد مدري وش تحــــــين له = كنك تبي غربتي تلفيـــــــــك بمـصيبه
خلك كذا ملتهي واحساســـــك بغله = يمشي بك العمر في ظلما دوالــــيبه
وانا وشوقي لنا الله ما نبــــــي الزله = لكنها احيان حل ويقبل اصخــــي بـه [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مسكون يا بيت انبنا من عز في وضح النهار = لو خان فيك الليل ليله وارهقك بحكايـــــته
مسكون لو صمتك غزاك وكبلك خلف الجدار = والريح يعوي من وراى البيبان ضيّع غايته
مسكون لو كلك جمود وزايرك كومة غبار = يا طا على سجادتك ويلامسك بنـــــــــهايته
اقفيت عنك وما يدور بخاطري خلف السوار= اللي حرسك وصان سرك لايبوح شكايته
كنه لجمك وطال صمتك لين جيتك بإنكسار = مستذكر اخر مشكله والقلب رافـــــع رايته
راحت سنين وجت سنين وكل ما فيني دمار = ذكرى وهل ذكراي تغني حاجتي وكفايته
اهناك اقول اني فرحت اشوي قبل الانحدار = وهناك يتحاشا المكان يلـــــــــــد لي بقفايته
وهناك كرسي منزوي قد مل طول الانتظار = يا كم حضن ليل الشرود وخصصه برعايته
وهناك شباك الهموم اندس من خلــف الستار = معذور يتوارى بأسى يرثي السنين الفايته
وهناك مكتب شاعري بالأمس قبل اخر حصار = ما عاد به غير الورق مذبــــــوح به تقفايته
جفت دما حبره عليه وضمـــته داخل اطار = ميت وما ماتت حروفه لا احتصى بوصايته
وهناك في ذاك المـــمر وناحية ذاك المسار = مرتع قلوب اتفرقت واشياء صارت هايته
من باب دولاب الرفوف لاخر اشياءٍ صغار = مسرح قديم اتبعــــثرت شخصيته وروايته
برحل وخلك للضيــاع وخل صمتك للسوار = لا التف حولك يفجعــــــك ويدللك بعنايته[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صفارة انذار عـــــــــــــــدّ الجـــــــند واخذ العتاد = قدامك المجـــــــــــــــــد وبخلفك بحـــــور الهلاك
يحمى وطيس الجَـــلَد والا يطـــــــــــــول العـــناد = منصور منصور .. والدعوه مـ هي بـ اشــــــتباك
الا مزاحــــــــــــــــــــــــم دما تدفع بصكت زناد = وتسيل حتى الركب ينشـــــــــــــــــل منها الحراك
ما قول انا الزير .. يا جســـــــــــاس وين المعاد = الا انا الوعد يا جـــــــــــــاهل يجيـــــــــبك خطاك
اخذ الكلام الصحــــيح ابســـــــــــــــاع فيه المفاد = من شاعر اعلاه شعـــــــــــــره عن كلام الركاك
ربعه بني حرب طنـــخين اللحــــــــــــى والسواد = من صلب مالك على شلفــــــــــــــــاه يوم العراك
يحق لي بالفخــــــــــــــــــــــــر ما دام منا الشداد= تاريخهم منكتب .. يا هيه عـــــــــــــــــــوّد وراك
يعني وبالمختــــــــــــصر ما جـــــــــدّ فينا وزاد = الا شهب موقده تظهـــــــــــــــــــــر هناك وهناك
من بطن ميســـــــــــان عرضـــــتها فوقت الحِداد =لين اخـــــــــــــــر السايله ( ادراك او ما دراك )
وش فهمــــــــــــــــك وانت تلهث خلف ليلى مراد = وادوارد تيفز .. محب الســـــــــــــــاقطه كونتياك
والبارحه يوم ضعــــــــــــــــت وصار حبك رماد = وش حصل النجم من مرقاه بـ اعلى سمـــــــــــاك
هذي سوالفك ما قــــــــــــــــــــــد جبتها من هداد = وتبطي وتبطي عظم ليــــــــــــــن انحدر مستواك
تقدر تقول انعمـــيت او صــــــــــرت شبه الوكاد = اهذي بهرجي كذا ما عــــــــــــــاد احسّب معاك
دايم وانا لا ابتلشت وفـــــــــــــــــــاض نبع المداد = افتح سكـــــــــــــــــــك مقفله واستـــــعذب الانتهاك
في نظرتي الثاقبه مبــــــــــــــدأ ونبــــــــل وحياد = وامواج متـــلاطمه تاصـــــــــــــــــــلك لاخر مداك
تغْرقك لو في شبــــــــــــــــــر ويطول فيك الرقاد = وتشوف حلم الوهــــــــــم وتجيب .. محدن دعاك
واقرى لك الفاتحه .. وان شئـــــــــــت عمّ وصاد= واعلمــــــــــــك كيف تكـــــــــــبر قبل تلقى جزاك
وارجعـــــــــــــــــــــــك للعصور الجامده والجماد = واكون الاغريق وانــــــــــــــــت الروم في منتهاك
ما قلت لك صعـــــــــــــب انا واللعب ضدي جهاد = لا استفحـــــــــــــــل الأمر ما ينفع هروب وفكاك
هذا انا وبصمــــــــــــــــتي شفها ( جريح الفؤاد ) = الشاعر اللي تعــــــــــــــبْك وجرجرك من قفاك [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من اللي يشغـــــله وقته عن الثانـــي ولا يسأل = من اللي يحتــــرق في صمت نيرانه وهــوجاسه
تكلم قول لي لاهنـــــــــــت انا ما عدت اتحـــمل = بعادك عني يذبحني بشــرب الموت من كاســه
تعبت اسمع صدى صــــــوتك وانا اتخيلك واتأمـل = تواصيفك خذت عقلي ونبض القـلــب واحساسه
من اللي قال لك تســـطي على قــلبي وتتسلل = وهو قبل اعرفك مقفـول مدخاله بتـربــــــــــاسـه
تجول بداخل اركاني وتتأمر وتــــــــــــــــــــــتدلل = تقول انك هوى قلبي ومنبـــــع دافي انفاسه
تغذيني بكلماتك شعــــــــــــــــــورك وانت تتغزل = زعلك ورقة اعتابك دلعك من اصله وســـــــاسه
هيامك لانطقت اسمك جنونك لا نويت ارحـــــل = شغف ممساك لا طبل مع عودك بمرواســــــه
تناغم في كيان انثى يغار ويشفـــق ويخــــــجل = ينام الورد باحضانه وطن عمره ومشماســـــــه
احبك كل ما فيني واحبك حب ما ينــــــــــــمل = تعال ارجوك قنعني تراى عاف الهوى ناســــــه[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا مولعــــــه ليل المسا ليل المســـــا توه بداك = توه لبس ثوب النعيم وجــــــــاك يطلب راحتك
محتاج تعطير السما وش عاد لو عطره سماك = والجو جــــــــــــوك والثرى مجلاسك وطراحتك
والبارقات امن النـــجوم الماس في جيدك بهاك = حتــــى القمر جافا سمـــــاه وجاك يسكن راحتك
لا ترحلي برد الشتا مـــــــا مل لحظه من دفاك = يسرق خفا النظره على حــمرا الورود بواحتك
لا ترحلي دام العطا لو جــــاد ما يوصل عطاك = تغرين حتى الجن الازرق لا حضـر في ساحتك
روحي هنا والا هنا .. عفـــوا نسيت انك ملاك = نسّتني ارجاء اشتكت والبعــــــض منها ناحتك
يا ما كله جو الهنا من وين ما ســارت خطاك = نبت الزهور يلا حقك في كل شـــــــبر فبـاحتك
لا ترحلي دام الهوى مصـبوب من كاسة حلاك = والنخب نخبك والطــــــــعم ماخوذ من تفاحتك
لا ترحلي تو المسا غنـــــــّاك واستعذب غناك = توه لبس ثوب النعيم وجـــــــاك يطلب راحتك [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رماد العشـــــق من عقب اشتعاله = بقايا انسان مـــــــــن سبة غرامه
سنينه ما تمر الا عـــــنـــــــــا له =وهمه قاصمن ناحل عظــــــــامه
فتك فيـــــــــه الهوى حتى الثماله = وصار الحــــزن من باقي عمامه
يشوف الخلق تــــــتبع له ضلاله =وهو ضايع وفـاقـــــــد لاحترامه
رفيقه بـــــــــدر في ليلة كـــماله = يغني فيه سيــــــــــري يا حمامه
سواليفه قصايد مــــــــــن جزاله = ونظراته خجل تحــــــــت اللثامه
ولا يسمع كثير الهـــــــــرج داله = تقل فيه السحر صوب سهــــامه
وانا اشهد ما برى عمره وحــاله = سحر عينن علاها ليل شــــــامه
غــــــــزت وانهار قلبه باحتـــــلاله = وسلم قصــــــر ملكه و احتكـــامه
وصفّــــــــد له جيوشن في نــزاله = تجي بامره وتخشى من خصــامه
سهر عيـــــــــنه وفكره واعتـلاله = ورجف الكاهــــــل وربكة نظـامه
ونظره ما تشـــــــــوف الا خيـاله = وحكي الناس صــــوته مع سلامه
وكفن جودها ضيّـــــــــــع حلاله = جسر ممدود لــه حضرة مقــــامه
ورجلن ما تقــر الا بجــــــــــــاله = ولو في مشيها خوف وعســـامه
مولع طاح مــــــــــــا شين بقاله = ولا حتى معه حق النــــــــــدامه
سلام الله على العــــــــاشق واله = سلامن يستحقه مع غـــــــــرامه[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
موجوع والخاطر يـــــبس .. والعمر يجري للأفول = والدمعه اللي وسّــــــمْت ما عاد تغوى سيرها
ضاقت بي الــــــدنيا ذرع .. ما عاد لي معها قبول = يالله تبدل صعـــــــــــــــــبها وتجود لي من خيرها
البارحه جد البلا .. واستـــــــــعظم الهم الكسول = زاد الالم ومصيبتي قامـــــــــــــــــــت تنوّض غيرها
القلب زادت دقته ينّقع كما ضــــــــــــــرب الطبول = حتى الدما في ضنتي ملت بها امشــــــــــــاويرها
حتى النفس ما عاد هو ذاك النفَس صاير عــجول = يشحذ هواه المعتلي ويتعّبـــــــــــــــــــــه تزفيرها
يثّر على كاهل نحَل كل يوم سهمـــــه في نزول = يربك نظام المبتلى .. حاله صــــــــــــعب تصويرها
والحمد لله والقضـــــــــــــــا مكتوب لا يمكن يحول = الا بتدبير الرحيم يحـــــــــــــــــــــــول في تدبيرها
يلطف بحال المنكسر يدعـــــيه في حالن خجول = بذنوب فاقت حدها ما ينـــــــــــــــــــتهي تقديرها
يغفر لمن عم البلى حاله وعمــــــــــره في افول = ودموع عينه وسمّت ما عاد تغـــــــــــــوى سيرها [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يقطر عسل عذب الشفايف وانـــــا اظمى= للي حلاها دوم سكـــــــــــــــــــــر زياده
شهدن يحلي شهــــــد مثــــــــله والاسما = انه مــــــــــذاق صويحبــــــي من مهاده
محروس خلـــــــف اربع ثنايـــــا لسلمى = لا عـــــــــزّة البسمه .. بـقى في جلاده
مع نـــور لـــــو شعشع على نظرة اعمى =عاد البصــــــر فيها على غيــــــــر عاده
ام العيون الغـــــــــارقه في وســـــط ما = ما كنها الا نــــــــــايمه في سعــــــــاده
ترمي برمشن منكــــــــسر دون مرمى = من صاوبـــه يصبح عــــــــديم الاراده
وشلون لا شــــــــــاف المــــــدامع ولمّا = تمســـــــح بكفيـــــــــها بقــــــــايا مداده
بكفــــوف فيها الــــــــــــدم يدما وتدمى = وجْنَه .. بلمس اصبــــع عشق خد غاده
يكفي انهــــــا لاجت تنــــــاقش وتحمى = يحمر ورد اخــــــــدودها من عنــــــاده
في ناتقن مبروم مـــــــــــــا فيه عظمى= يفسد انوثتها بقســــــــــــــــــــوة عماده
البارحه جـــــــت في نســــــانيس ظلما= غطـــــــــى منــــــــاكبها وقوس الاباده
تقول وصّــــــــــف ما فـ سلمى لكي ما = تِظهر مفـــــــــاتنها وتسمــــــــع شهاده
من عاشقن ضـــــامي وهي حيل تظمى= لاحلى تواصيــــــــــــــــفه ولاخر مفاده [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بليد الحـــــــس وينـك فيه رايح = كذا تجــــــرح وتتوكـل على الله
ولو حظـــك على ما قلت طايح = ترى مـ ارضى تفارق في مذله
حمـــــــــام الــدوح لو يرتاح نايح = ولا له غير نوحــــــــــه سلوتن له
وانا مخلـــــوق مــــا حب الفضايح = حشمتك وانت ســــــبة كل عله
نصحتك ميــر مـــــا فادت نصايح = غشيم الطبــع يكفــــر فيه غله
حسبتك مربــحي وقــت الربايح = وزدت لمكــسبي همــــن يمله
يصيح القلـب والا ما يصــــــايح = تعّود ينذبـــــــــــح من جور خله
قلوب الخلق منها الطيــب فايح = وانا قلبي رمــــــاده في محـله
تشكى كل ضلــعن فيه ســايح = ولابين بينك مــــــــــا حصــل له
بعد هذا تقــــــــول اليـــوم رايح = وتتركني وتتــــــــوكل على الله [/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تتعـــــــــب الفكـــره قبل نظم القوافي = وتفرض الغايــــــه حقـــايقها المريره
والله العالم بما تخــــفي الخـــــــــوافي = لا نكــــــت هم وزوا وســـط السريره
والرجل من غير صبر انســـان هافي = ينكســــر في ساع لا لاحـــت صغيره
علــم من راسي وعلمي شـــف شافي = جاك يا فيـــصل وهو عجـــل المسيره
وانت اخوي اعتز بك لا صرت وافي = وانشد انـــــــغام الفرح بـ اعلى وتيرة
استعن بالله وخــــــــــل الذهن صافي = لا يشوّش خاطـرك عشَّــــــــاق غيره
صل خمسك واغـــــــتنم ليل التجافي = وادع ربك يــــــــبْدِل الدرب العسيره
وابتعد عن قـــــــرب زينات الاشافي = ما فـ ممشــــــــاهن سوى ذله وحيره
واحذر الصاحب وصـــدات المجافي = قبل طعنات الغـــــــدر تصبح مغيره
عز نفسك خل صيتــــــك دوم رافي = ما يموت انسان حــــــي الا بـ عيره
الصقر لو جاع ما نــــــاش الجــيافي = والرخم لو قام مطلوبــــــــــه كسيره
عيش غربه وابحر ابكل المـــــرافي = سلوة الربان في رحلة خطيـــــــــرة
المنى ساعة قدومك وانــــــت لا في = رافعن راسك ومتروس الذخــــــيره
حظك اللي عانــــدك بس كان غافي = جعلها اتلى نومتــــــه واتلى شخيره[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا زارعين العنب بديار محويه = مدري وَرَد طلعكم والا بعد باقي
الناس تطري الشهد والنفس مبليه = تسمع ولا تحتكم لقوال ذ ُواقي
وانا على ما بغت ما شانت النيه = دايم وانا فَالَها ما ينثني ساقي
رباني الجود من طيبه وعفويه = على خصال البدو عهدي وميثاقي
لفيّت كل المرابع وابطت الجيّه = واعطيت سمح العطا ما ضاقت اخلاقي
ما شفت غير الثمر ببيوت محميه = الطلْع حاين وطعمه نشّف ارياقي
وان جيت انا يمكم ما هي بمعميه = خطوه تدل الفطين وتشبع احداقي
ما اختار غير الثمين ونقوة ايديه = لو كان فيها القيود اخترت بوثاقي
والله رزق داركم بالظل والفّيه = والما على البطن جاري واسق يا ساقي
تسمع هزيم الرعود بكل عصريه = ما تطلب الا الشعور وهمسة اشواقي
ان كان لي من نصيب الطلع ما فيه = والا عزمت اشتري لو بارت اسواقي
( محويه ... قريه في زهران )[/poem]

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البرد قـــــــارص يا عـــــــريّ اكتوفي = لو تلبسين امن الفــــــــريّ اثمنـــــــــها
لا اصطك ضرس ابضرس سد اشفوفي = من يمّن الروعـــــــه ومن يـــــــا منها
يالله دخيلك مــــــن يبـــــــــــدد خوفي = وامري جلل يا مـــــر عليّ وينـــــهى
العيطمــــــوس اللي تســـــــل اسيوفي = ردت علــــــى امتـــــوني تبي تطعنها
ما قدّرت طيبـــــــي ولا معــــــروفي = يومي على كـــــل الأمور اضمــــنها
حتى بمـــــــــدات الفكر وحـــــروفي = صارت قرينــــــه لي وانا كاهـــــــنها
شبيتها جمــــره ولاعــــــــــــة جوفي = وآنستها حـــــرقه وانا خـــــــــــازنها
صارت عقــــيده لي وانا كـ الصوفي = يظهر خشــــوعـــــــــي لابدى فاتنها
في اشفافهــــا في درهــــا المصفوفي = في خصــــــرها لا ذاب فيــــها منها
في ريقها المعسول مثــــــل التـــوفي = لا جاك يتقـــلب مـــــــــــــع لاسنـها
في ساحة النـــشــــوة ومشعر طوفي = تحت النحـــــــــر بين القبب موطنها
في ريّف الماطـــا ..الشجن معزوفي = خطــــــــوه اصيـــله شامخن معدنها
هذيك مهما قلـــــت لا مـــــــــا يوفي = سوت سوايــــاها وانـــــــــــا فاطنها
راحت وخـــــلت لي صفوق اكفوفي = يمكن بهــــا ادفى يـــا صقيعي عنها
والا جليـــــدك لو جمد بشغـــــــوفي = تجيه يــــوم الجمــــــــــــره ويلعنها[/poem]

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ويعني ... وش حصل فيني جديد وجيت تتطمن = بعد لك وجه ترجع لي وتطلب رقم جـــــــوالي
على خبري عماك الحب .. ذاك الوقت تتــــفنن = عسى ما ضيعك حبك وجيت تجدد آمـــــــــالي
أبد .. كاني على حالــــــي جروحي منك تتثمن = تحط ارواح في كفه وكفه .... جرحـــــــك الغالي
حرمت العين نضرتها وحُرمـــــــت خافقي العن = تعب قلب الشقى ياهيه مــن همي وغربالي
تتالت فيه طعنات الهوى تســــــــطي وتتمكن = تنافس بين مفجوج النحــــــــر باول على تالي
وانا ما في يديني حيــــل غير الصبر .. لاتحزن = ولا يطري على بالك تشفّــــــق في عنا حالي
اذا باقي تظن القلب يسمــــــــــــع لك ويتحنن = فلا تتعب جنون الحكي خـــــــــله داله وسالي
وذا لزم عليك الصمت لو هو الصمت فيك اصلن = رجيتك شوف لك غيري حبيــــب وروح عن بالي
كفانا هرج في الماضي وذاك ازين وذاك اشين = قديمه لعبت التلويع .. كانـــــــــــت يوم تحلا لي
توكل حل عن راســـــي لاسوي شي واتجنن = ترا ما شفتني مجنون .. ما جربته اهبالـــــــي
[/poem]

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا ياليل خبر صاحبن طالت مناجاته = وخان الوعد والموعد على شانه ومن شانه
لعب في مطرق التلويع واشبع كل رغباته = وانا جِلْد الهوى فيني توسّم بـ اقبح الوانه
علامه ليه سواها وهو يدري بمشهاته = ثلاث ايام يكتمها وتظهر في دفا اشجانه
وانا اسمعها واحللها واحسّّب كل شهقاته = من اول ونّته لاخر مشاعر فيه فلتانه
يقول الصبر لا تعجل واقول الصبر هيهاته = دفنته وقت ما شفتك ولا به وقت لجنانه
تخيلتك من اول يوم في فكري وشاشاته = تجي في ساعتك مدعيك لنّ الروح ولهانه
تجيني ما تبي غيري ولو طالتك نظراته = واشوفك فتنة الدنيا تداعب عين ذبلانه
وانا كني ولا كني معاك ابوقت شرهاته = خفوق اشتاق لك ذايب وروح اتجيك عطشانه
متى تتحقق الشوفه وينسى القلب ما فاته = تراني ضايقن صدري وصدك سبة احزانه [/poem]

[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
على كثر الألم جـــيتك صـدوق وضحكتي عنوان = لفيتك يا ربيع العمـــــــــــــر .. يا نبضة شراييني
جمعت احساس هـ العـــالم وشوقي بالخفى ما بان = وانا في غربتــــــــــــــي زولك معي دايم يواتيني
قضيت ايام مطولها تــــــــــــزيد بلوعة الحرمان = تماطل في ثواني الوقت وانفــــــــاسي على ايديني
الى منّه لفــــــــــــــــــا ليلي أســامر طرفك الفتان = أشوفه حيل بالعالــــــــــــــي وضـــوّه في مياديني
أنادي له الا يا لمــــــــــغتـرب في غــربة الاكوان = تسلم لي على خلـــــــي وامــــــــــــانه لا يخليني
تشوفه مثلما اشوفك واشـــــــوفه حلمـي الضميان = يطـــــــــــــاردني سرابه في منامــي ما يلاقيني
رجعنا يا عناد الــــــوقت .. يا صحـوة من النسيان = رجعنا لارض خلـــــــــــــن بالوفــى دايـم يناديني
بـظم اترابها واحضن بقايـــــــــا عــمرها الشفقان = واعوّضها سنين الآه .. وايـــــــــــــام الشقى فيني
والوّح للعذاب اللي قضيته مغتــرب ولهـــــــــــان = وداعيّه لقانا عـــــــــــيد .. والضحكة عنــــــاويني [/poem]