أبو مهند
مراقب المنتديات الشعرية
بيت وقصيده
يا صدر طالبك زود في محيطك غرف = وارجوك يا صدر لا طال الزمن لا تضيق
ما يفرح القلب الا من لقدري عرف = ولا يحزنه غير من يغتاب اهل الفريق
ادري ببعض العلوم اللي تجيب الخرف= من بعض ناسٍ يبي من ملك غيره طريق
ما يدري ان الرقاب هي دون عرض وشرف = تطيح من دونها ومن قربها غريق
وادري بعض ناس لا شفته يصيبك قرف = من سوء هرجه ودك تشعلن به حريق
وبعضهم لا لفاك يضيف لاسمك شرف = مثل الذهب معدنه غالي ويبرق بريق
مثل الكريم الذي من المكارم غرف = حتى كسب حب ربعه والاهل والصديق
اقصد بذلك شاعرنا بن المغترف = اللي يترجم لنا احساسه شعراً رقيق
الشامخ السامي الوافي رفيع الشرف = من طيب فكره كأنه للمعارف رحيق
واقول له بيت شعرٍ صاغه المحترف = واردف ببيتين واتمنى بمثله تليق
( هذا هو الشعر جاك العلم يالمغترف = ما صاغه الا فهد بن عامر ابن عتيق )
الشاعر اللي بطيبك والكرم يعترف = وراعي الطيب يفخر به صديق ورفيق
والسمعه الطيبه مثل البيارق ترف = والافق واسع ومثلك للمعالي عشيق
[/poem]
التعديل الأخير:
