ديوان الشاعر أحمد بن جمعان المالكي رحمه الله

إنضم
16 يوليو 2010
المشاركات
296
مستوى التفاعل
4
النقاط
18
الشاعر: إسمه الكامل / احمد بن عبدالله بن جمعان المالكي.
مسقط رأسه / قرية الدعامله احد قرى المشاييخ من بني علي ،
ولد ونشأ في قرية الصفح مع والده رحمة الله عليه وبعدها انتقل مع اهله إلى قريته الأصل وهي الدعامله .
اكتسب الشعر عن والده عبدالله بن جمعان رحمه الله تعالى.
ومن اخيه / مسفر بن عبدالله بن جمعان رحمـــه الله تعالى
وهو شاعر منذو ان كان عمره خمسة عشر عاماً ولكنه لم يبرز إلا بعد ان كان عمره عشرون عاماً حسب علمي والله اعلم .و بدأ قرض الشعـرالنبـطي والشعبي وشعر العرضه الجنوبيه والمحاوره وله سجل حافل في هـذا المجال وتعتبر عائلته من العوائـل التي تتوارث الشـعر أب عن جد ولها تاريخ طويل مع الشعر ..وانتقل الى رحمة الله تعالى في يوم الاحد الموافق /1/ 3 / 1434هـ


الوصيه

ياالله ياربا عظيما شانه
ويـــامن بـــيده الامـــر وتــدبــير
سبحان من رزق الخلايق بيده
الله ميســـر كـــل أمـــر عســـير
يامن رزقت الحوت في غبة البحر
وفي الهــواء سـهلت رزق الطير
بدعيك يامبعود في قومة الحظ
مــادام ســاقــي فــالديــار يســير
واغفر ذنبوبي يوم تاجي وفاتي
ان كــان عــمري فالزمان قصير
ماينفع العاصين كثرة مالهم
وفـي طــاعة الله الــقليل كثيـــر
مساعد ابا اوصيك واسمع وصيتي
وعــن جــوابي لا تكــون غرير
حافظ على عرضك ودينك وشيمتك
وخــلك لــحل المشـكلات بصير
وإلى نصتك الناصيه شد عزمك
واصبر وخل اللي يصير يصير
وارفق عليه ان طال عمري عندك
كما رفــقت عليك وانـت صغير
وعانيك لاتجفاه لو جاك مخطيه
تــرى الرحيم مـع الرحيم خشير
ووالدك لابات في اللحد منفرد
وحطوا عليه من الصلي تصطير
واحد يقول الله يعوضه ويرحمه
هــذاك نجــما طــاح جوف غدير
والآخر يقول إن مات ماهو فقيده
فــني وغــيره مالــرجـال كثــير
لكن يفتقدني صديقي وصاحبي
ويفقــدني اللي كــان لـي قطيــر
ويفقدني اللي لاضوى في محلي
يشــوف منــي ماحصـل تقصير
ويفقدني اللي كان يحضر مواقفي
فــي الــملاعب يـــوم يدق الزير
والموت ماخلى النبي والصحابه
ولا تــرك حـــاكم ولا وزيــــر
وحنا بشر الله كاتب لنا الفنا
ياحظ من يكتب مـن اهل الخير
ولا يعيبك من يسبك بهرجه
إن كنــت رجـــلا تحسن التفكير
ماعيب ابوزيد صغر المنازل
وهو بديوي بات تحــت هجير
العيب من باع ابن عمه على العدا
وكـفه عن افعال الرجل قصير
والعيب من يقصر عن الربع فرقته
إلى شـار مابـين الرجال مشير
والعيب من يرقب لخلة جاره
في خلة الجــيران عيب كبير


الله أكــــبر ماقـــعد في القـــلب لا دما ولا شريان
من كلام الناس با نت علته وأصبح من الدم خالي
والضلوع اتحطمــت والقلـــب هـــوى من علاقته
والكبر والشيب متوضح على وجهي وعالجفاني
والذي من الناس يشمت بي بعد ياجــي له الدول
ويميني قصــــرت ماعاد لـــها فتلا ولامـــنقاضي
الله ياكـــــم واحـــــدا ضـــيع حيــــاته من غباينه
يالله تغفر لي وترحمني وتحفظ مابقي من عمري
كل ماســـــويت علمـــا قالوا الشـــاعر ماجـــادله

الرد من الشاعر نفسه

أما أنا ماهمني في التهم لامـــزحك ولا شـــريان
وأن بغيت أبيع وأشري سلعتي ماني مندم خالي
والصديق اللي تحــــبه جاز قــــلبي من علاقته
وأن جفاني واحدا في هجرتي ماقلت له يجفاني
وضليل العـــقل يــــتكلم فـــي الأحكـــام والدول
والحكم مايرضي الخصمين من شرعا ولا من قاضي
والذي مغبـــون دائم هــــان قلبه فـــــي غباينه
ووثيق الجدر ماينـــهد من قلعا ولا مـن عمري
والوجـــــوه الطـــــيبه ماهما كــــثر المـــجادله

طال الزمان وغيرت برجها الشمس
وطاحت عليه مظــــلمات الليالي
وقمت أصيح وأحط خمساً على خمس
وأمشي مع العالم وكني لحالي
واشكي وأقول اليوم ماهو سواة أمس
قامت تصافقني الصبا والعوالي
غديت مثل اللي مقيد في الحبس
لأحد يزاورني ولا أحـــد بدالي
ماكني إلا من قبائل بني عبس
لا لي رفيق ولا صديقا مــوالي
وإلا كما تلميذ مايفهم الدرس
تتعب معه وصبح من الدرس خالي
حمست قلبي يازمان الشقا حمس
حتى نفذ صبري وقل إحــتمالي
تـتغير الأيام وتغير الطقس
وصارت يمني ماتقارب شــمالي
وأخذت لي عبره من الجن والأنس
وزولي رخص من عقب ماكان غالي
مادامت الأيام ترمس بنا رمس
نصــبر ولله الوفاء والكـمالي
العين إلا جاها العمى ماتبي اللمس
تلقى دواها عند رب الجلالي
ياالله يامنجي محمد من الفرس
تحـط عن ظهري ذنوباً ثقالي
الله أكبر كل شئ صار بالعكس
وساعة التوقيت صارت زوالي



هذا بدع ورد بين الشاعرين احمد بن جمعان والشاعر سعد بن مرعي الحارثي

البدع من سعد

المنجم لقاني نجمي السنبله واسمي ذرى
وادبتنا الحكومه بالنقى والتقى من برحبنا
خل بعض العرب لو طاحفي واحداً حنط اهذره
والوجيه الصخيه حبها الله واراد بحبها

الرد من ابن جمعان

ياسعد لو يجينا سارحاً راعي الوسمي ذرى
نطرح المابيه واشعير وان شيت نذري برحدبنا
لا هيا من موا دينه يجي من ورى الحنطه ذره
ناخذ احمال ما يحصى عددها وارادب حبها

البدع من سعد

ياهني من هبط في كل بندر وبايع واشترى
اما فالجايزه ولا ندر للخبوت ووصط حبنا
عارف اللي رضي يوم الوعد ماوعيد ومن كره
فالقيامه قناصيل الكفر ماتساير ربها

الرد من ابن جمعان

يابن مرعي تفكر فالعرب وش تخيل ووشترا
افرق الحق بين الناس ولا جبرنا وصطحبنا
ولا في خاطرك ودك تسوي علوماً منكره
الجواليق عنداهل التمر ما تساير ربها



إبن شداد – ا لبدع

سلام يا داراً بني على الكرم في رأس ريع
راع الكرم ماسأل عن من يبيع أو من رمى
عســـى الذي يشــن المطاليق علـــة ذيبحان
ماحد مســوي مــثل مرســامهم ودرايـــبه

إبن جمعان –الرد

يامرحبــى بك عنـــد قيـــفاً لفت لرأى سريع
ترحيب مثل الجلس ماهو هماج أو مر ماء
وإلا مثيل التمر من بيشه عذق الذيب حان
ولاش مايــــبدي على عـــقلته ودراء يبـــه


.................................................. .......

إ بن شداد – البدع

يااحمد لضيفانك محبه تجي في ولف نون
والبيض نبديها علــى أحمد وبوعبدالعزيز
ودي نسجــل مـــــدحكم ياعــريـبن النسب
مادام راع الصوب واللي حضر سميع لي



الــبــدع : بــــن شــــداد

سلام ياقصرا مثيـل المربـع بالريـاض
حله بنوها عالجمايل لابـو عبدالمجيـد
ترحيب اهلها مثل محض البكار المنصري
وغيرهم لو يطلب النومسه ماهـي بلـه

الــــرد : بــــن جـمـعــان

يامرحبا لو جيت عجلان والا بالريـاض
والرزق مالله خالقي ماهو العبد المجيـد
خلك تسمع يابن شداد هيض المنصـري
الشاعر اللـي ربنـا شرفـه ماهيبلـه


يا عين الى ما طاعك الوقت طيعيه
مالك ومال امشتتين الصداقه
اللي يبيعك بارخص المال بيععيه
اللي من اخلاقه تضيق البناقه
اصحابنا فيهم ملامه وتشبيه
وفيهم طويل اذراع راعي حذاقه
وفيهم صليب الراس بالمال نفديه
وفيهم حبل ما ينقطع له بطاقه
وكم صاحبا ودي بالايام تخفيه
وكم صاحبا يصعب علينا فراقه
وفيهم حلي السان والشر محاذيه
يغريك من هرجا حليا مذاقه
قلبي في الاصحاب ضاعت هقاويه
اللي نحبه سار قطاع ساقه
صحيح من لا يعرف الصقر يشويه
ومن لا يعرف السيف يكسر لحاقه
من عزنا حنا نعزه ونغليه
ولا لي غنى عن طيبين الرفاقه
وكم واحا لا جاك يكثر سناويه
وله في كلام العايبين انطلاقه
والرجل الى ما كان عقله يقديه
الى مشى في علم يعرف سياقه
هذاك لا يطمع ولا ينطمع فيه
خله مع جنب الحليله علاقه
الله يهبله علة في علابيه
والا يجي له مثل ما جاء سراقه
وراع الوفاء لا جيت للدار ناصيه
دايم كما صورا وثيقا عراقه
وكم واحدا بالمال ربه مغانيه
لكن بيته ما يظلك رواقه
انا بدعت الشعر واعرف معانيه
اوضحه للناس واعرف سياقه
وكم شاعرا بالشعر ضيع هقاويه
تلقى جوابه فالمحاضر عشاقه
لا بستمع علمه ولاني موصيه
لا جاء في المحضر يصيبه حماقه
لا كان ما صدر كما البحر يسقيه
دايم في الشيفه سريع انزلاقه
يكفيني الله فاللي ابليس يغويه
لا جاء في المحضر يضيق خناقه


وهذه قصيده لشاعرنا ابن جمعان
(( ذكرى ))


هيض علـى بالـي علومـا عديـده
كتبتها بسطـور فـي داخـل اللـــــوح
الـى تذكـرت السنـيـن البعـيـده -
تجي بهـا موجـات الايـام وتــــروح
يمـوج بالـي يـوم ارد القصـيـده
موج السفينه يوم ماجـت مـع نـوح
ومن جت لـه الايـام باللـي يريـده
راحت علومه كلها ضحـك وامـــزوح
ان كـان مـا للرجـل سيئـا يفيـده
ما له ورى مال الرجاجيل مصلـــوح
ومـن حـده الله للقلـوب الشـديـده
خلوه ربعـا فـي نوايـاه مطــــروح
والصقـر مـا كـلا بكفـه يصيـده
ولا يجـي بـه كـل طمـاع لحـوح
رموني اصحـاب الغـوى والمكيـده
جارو علـيَ خلـوا القلـب مجــــروح
الـى طلبـت الله بحسـن العقيـده
اصبر وتلقى قبلـك البـاب مفــتــوح
وانا لا تركت اهل السجايـا الحميـده
ماني بماكـل زاد مـا هـو بمملـــوح
روحا تكـب الديـن ماهـي شهيـده
وكفا يحب البخـل ماهـو بممدوح
ولا بد مـن كـلا يحصـل وعيـده
نهار يقلـون الجسـد فـارق الــــروح
واللي غنـي ينسـى حلالـه وفيـده
وعقب القصور ايبات في قبر مصفـوح
والجود مـا يبغـى القلـوب البليـده
ولا يندرق عن دربها كـل طحطـــــوح
من يزرع الفتنـه يحصـل حصيـده
ولا يبان النبت في ضلع صحصـوح
وراع الوفـا والطيـب ربـك يزيـده
من كل ما يحكى به الصـدر ويفـوح
ومن يبغي الجنـه يحصـل رصيـده
ومن يقترب مالنار يغدي بـه الفـوح
ولا ينفـع القـاري كـلام الجريـده
لا ما فتح عينه على درس مشــــــروح
وكلا بيلقى مـا تقـدم لـه ايـــــــده
واللي عصى مولاه ماهو بمسموح
واللي يقاتل شخص ماهـو نديـده
لاشك يقعد بين الاسلام مفضـــوح
يقعد على طول الليالـي طريـــده
وينغصه من عيشته كـل زنقــــــوح
حتى وتنشب لقمتـه فـي وريـــده
والا غدا دمه على الارض مسفــوح
اما قعد سمحـان يمشـي بقيــده
والا نشب فالضلع والدرب مسمـــوح


في قديم الزمان مشى عدد من بني مالك السراه تقريبا الى الطائف ومنهم الشاعر الكبير احمد بن جمعان المالكي رحمه الله ومنهم ايضا الشيخ بن غليون رحمه الله ومنهم عبدالله بن سعيد الشوقبي المالكي ومنهم مخرب المالكي وغيرهم الكثير ، والتقوا بالشاعر بن طوير وهو لازال صغير السن في طريقهم وكان متكئا في إحدى الأماكن ، ولكنه لم يكن ليظهر شاعريته امامهم ، وهؤلاء الرجال ايضا لا يعلموا بأن هذا الشاب يملك شاعرية فذه سيكون لها حضورها التاريخي ...
فأراد الشاعر بن جمعان ان يختبر بن طوير ، فأرسل اليه عبدالله بن سعيد الشوقبي ومعه هذه الأبيات :

ياعيضه .............مانحــن بالـريـاحين
ودي نعلمك وابغي منك عـلـم الــوكــادي
ماعيني امشي على غير القـطر وانتهبدا
مادام تمر أهل بيشه في غروسه مجانين
أباكل التمر واترك قطـعـته وانــتــبــاشه

فكانت الأبيات قويه على بن طوير لانها تحمل معنى غامضا وقويا في نفس الوقت ، فما ان انتهى ناقل الابيات من القائها ولمرة واحده فقط تمثل بن طوير للرد قائلا :

ياصحابنا لو تجـوني بالغــرز والريـاحين
ماعاد نقطف من الحـيـضان وردا وكادي
ودي نحررك يادين الــعـرب وانــتـه أبدا
ماميدي اهل اليمن لو كان راحوا مجانين
لاتقترب ياشريف المـحـكمه وانـت بـاشه

فكانت الابيات نقض قويا وفيها أيضا معنى غامضا وقويا ولم يتوقعه بن جمعان فأقسم بالله انه شاعر وطلب من أصدقائه ان يقوموا بدعوته حتى يتحاور معه ...

يقول الشاعر عيظه بن طوير :

حي قيــفــا من تـمنى شــقاهـم مــانجي
يزرعــون الـفــتــنــة حـتى لـها يـنلام حب
و الكــرم مــا يــاخــذونــه نقـايـل منبع ايد
و انا ما اتكبر على كل جــاهـل و أن تمنى
أن تـغـانـا جــار و أن مًــربــه جــوعن دنا

الرد احمد بن جمعآن المالكي رحمه الله

يا عـيــظه لولآ علــي هــو و صالح ما نجي
و أنا خآبر مـآ عــزمــنـا الـرفــيـق إلآ محب
عادتهـ ما يكرهـ الضيـف لا جــاء من بعيــد
و أنت يبن طوير صاحب و غالي و أنت منا
و آينـحــن ما نــكره النــاس إلى جــو عندنا

البدع من ابن جمعان مع تغيير القارعه

يا عيظه إنكان قـلـبـك يمة الــديــن مـنتـحي
لآ عاد تشرب من العد الهماجي و مات أبوك
إنكان ما عاد مــيــدك بالــخــطــايا و لا تهم
أحمد إلهكـ و تلقى قـبلــك الـــخــير يا سري
و اللي حمد ربــه ارزاقــه تــجــي و دنا بها

الرد من بن طوير

يا قلبي إنكان مـا تهـرج مـع الناس منت حي
ولآ أنت قاعد مخـلد مات جـدك و مات ابوك
و العين ما عاد ترقب لا حجـاز{ن} و لا تهم
و الجم لا كان ما يروي المــغـبـين يـا سري
لجل الوفاء و الــعــلـــوم الطيــبــه ودنـا بها


ومما قال شاعرنا الكبير احمد بن جمعان المالكي حفظه الله وابقاه ومتعه بالصحة والسلامه

بديت ذكر الله وهو عالـي الشـان
له التصرف والقضـا فـي عبـاده
ربا عظيما وخالقـا كـل الاكـوان
يعلـم بسـد الادمـي واجتـهـاده
اللي رفع سبعا على غيـر عمـدان
وارخى سبع من حكمتـه والريـاده
يا زارع المعـروف منتـه بندمـان
ولا شك عند الله تحصـل حصـاده
ازرع ترى زرع الهدى خير ما كان
واللي زرعته تحصده مـن بـلاده
واصدق ترى للصدق حقا وبرهـان
يسلك به المؤمن طريـق السعـاده
ولا شك عند الله للاعمـال ميـزان
لازم يبيـن نقصـهـا والـزيـاده
وصل في وقت السحر وانت نشطان
ولا تحالـى مرقـدك عالـوسـاده
واحذر ترى ان ابليس يلعب بالانسان
حتى يغره عـن طريـق الشهـاده
ابليس يعدي عدوة الذيـب سرحـان
الى عدا فالمال اخذ من من جيـاده
واللي يطيع ابليس ما هـو بريحـان
يجيرنـا رب البشـر مـن كيـاده
ومن واجه المولى وهو منه غضبان
عند الله اضغر من جنـاح الجـراده
وساير العالم على رفـق واحسـان
ولا يغـرك منصـبـك والقـيـاده
يابن ادم ان الموت ما عنه نسيـان
اخـر حياتـك يـا حيـاة الزهـاده
كم واحدا جـار وتكبـر فالاوطـان
والموت جاه وحولـه مـن شـداده
وكم فارسا معتز بالسيـف شامـان
واليوم فـي قبـرا مظلـم سـواده
ما قرت الدنيـا ولا لابـن كنعـان
نغص عليـه الوقـت مايـه وزاده
وكم واحدا كنه على الارض ما كان
راحـت حياتـه مـا تبلـغ مـراده
والفرض والسنه لها خمسه اركـان
ما جاء بها الا اللي يحـب العبـاده
ولا نجا مالموت موسى بن عمـران
وهـو مـع الله نيتـه واعتـقـاده
وادم ونوح ومـن بعدهـم سليمـان
وكم راح بعده من مشايـخ وسـاده
ويا كم فقدنا من رجاجيل شجعـان
لنـا عليهـم فالقلـوب اصطـراده
وكم جثة(ن) غطوا عليه بالاكفـان
باحت وراحـت للقضـا والعبـاده
واللي نقد علمي وانا فيـه غلطـان
انـا مستعـد الوجهتـه وانتـقـاده

القصيده قديمه جدا للشاعر الزهراني ابن عايد وهو شاعر ومعروف سبب القصيده جاء امطار وسيول غزيره واخذت من مزارعه الشي الكثير ويقول سارت بلادي مثل خبت ايل سهليه ولكن في احد ابياته وهو الذي اثار حفيظة الشاعرأحمد المالكي من عائلة المنصري ربما يكون احمد المنصري او اخوه مسفر واغلب الظن انه الشاعراحمد بن جمعان رحمه الله عندما سمع ابن عايد يقول غديت كني من يتامى بني حشر (وبني حشر من احد فروع وفخوذ بني مالك الكبيره )

البدع من ابن عايد الزهراني
***
قال ابن عايد يانهارا بنا حشر
أنشاء على الجمى وغزر على سيحان
غدت بلادي من خبوت ايل سهليه
***
الرد من ابن عايد الزهراني
***
غديت كني من يتامى بن حشر
ماني بخيلا يارفاقه ولا سيحان
عذرت من زرع الردم وايل سهليه

***
البدع من احمد بن جمعان
***
ان كان ياسالم تمشكى من العسر
خذلك مع البدوان خيمه وصيواني
وانقل عيالك عند قصر الحميديه
***
الرد من احمد بن جمعان
***

ترى عزايه تفتل الشور بالبصر
المالكي الي صيون الحد صيواني
نبدي لصفرالنومسي لا حمي ديه


و قال شاعرنا الكبير احمد بن جمعان المالكي


انا غدرني الوقت واصبحت مسروق
سرقة ردي ماهي بسرقـة حرامـي
الله يخارج منك يـا هجـرة البـوق
جارت عليَ ونقصـت لـي مقامـي
امسيت وانا احلم بعشريـن طـاروق
واصبحت والا أني مضيَـع حلامـي
الناس الى كبرت طلع حظهـا فـوق
وانا صدر حظـي يكسـر عظامـي
يا ما على اصحابي يزاولني الشـوق
يوم ان عينـي مـا تحـب المنامـي
العينه اللي ما لهـا رعـد وابـروق
يضيع ماها لاصبح القيـض حامـي
اهوجس في اعلامي كما هابط السوق
اروح واصـدر مـا تبلـغ مرامـي
والقهوه اللي ما لها هيـل مسحـوق
تعيفها روحي ولـو كنـت ضامـي
بعض السوالف ما لهـا عندنـا ذوق
لا كـان راعيهـا كثيـر الكـلامـي
وبعض الصداقه ما لها جسر واعروق
ولي مع بيـض الوجـوه انسجامـي
الرجل الى ما كثر الهـرج صنـدوق
واللي رغب في سلعته مـا يسامـي
ياتل قلبا بيـن الاضـلاع محـروق
من علته تبكـي الجبـال السوامـي
الله يا قلبـي يجيـرك مـن العـوق
الشوف راح وسـار فيـه انقسامـي
درب الجمايل عند الاجـواد ملحـوق
ولا يضيـع الامـر خـي الحزامـي
ان كان جاء فالوقت زلات وادحـوق
انـا فـي الله نظرتـي واحترامـي
اليوم زاد الشيـب والحـال مرمـوق
لكـن فـي الله عروتـي والتزامـي
ما عيني البس ثوب همدان مشقـوق
ماهـو مظللنـي نـهـار القتـامـي
لا جيت اطالب راعي الحق بحقـوق
يقلـون دور للقضـيـه محـامـي
بعض العرب يهرج لنا خس منطـوق
وبعض العرب هرجه يزود غرامـي
ترى كثير النـاس مـا عندهـم ذوق

*

وهذه مراده بين الشاعر احمد بن جمعان والشاعر احمد بن زربان(حوقان)
0
البدع من احمد بن زربان
0
يقللك احمـد مـعـي فـالـصدر شراً وعوله
من يوم عفنا المـبايع بالـذهب والمـجيدي
وش بك تـثـاقل من ال كمار يابو حصاني
اثر الورق خير من عمل الذهب واشرفيه
0
الرد من ابن جمعان
0
يـاقـانـص الـصـيـد مـاكلاً يصيد الوعوله
لا تـحسـب الـحـكم كله عند عبـدالمجيدي
الهجره مافرقـت بين الـنمـر والحــصاني
وانـا مـعـك عالـوفـا ماقلت بع واشـر فيه
0
البدع حوقان
0
مـحـبـتـي لـلــيــتـامـا سـبـبــت لـي مـذله
وشـبـك تـدلًـع عـلـينا ذا السنه يـا ولـيدي
وده يـسـوي عـلـيـنـا فـتـنـه اتـلا مـعـاني
قـــام يــتــدلــع ورا قــيــلــة عـليه عـليه
-
الرد احمد جمعان
0
ان طـعـتـنـي بـيـنـنـا لا تـسـمـع العلم ذله
وانا من الناس يحميـني لـسـانـي والـيدي
مادام حـس الـرعـد والـبرق يتـلا مـعـاني
لا تــبـــدع الــهــرج وتـــرده عـليه عـليه


يـا موتـري حـُظ الكفـر بالحرافـه
وساعد السائـق علـى قطـع الانفاد
احذرك تكرب من طويل المسافه
تصل بحيـل الله علـى دار الاجـواد
دار السعـود اهـل الوفـا والشرافـه
دار الرجال اللـي لهـا الحـظ ينقـاد
الى وصلنـا نجـد مـا بـه مخافـه
ارضاً بها حلو عريبين الاجداد
كـم واحـداً يتلـي عليهـا الحسافـه
ما بيـن متربـص وغـادر وحسـاد
أبـو عليهـا اهـل الوفـا والثقـافـه
آل السعـود العـود منـهـم والاولاد
عبدالعزيز اجتاح نجـداً وطافـه
وحـول الصحـراء بساتيـن وابـلاد
يا كم حدى خصمـه لجـرف الهيافـه
ويا كثر ما قاساه من حـرب واجهـاد
اليـوم فعـلـه بينـتـه الصحـافـه
حتى طلع ذكره على رؤوس الاشهـاد
كـلاً يـقـدم حجـتـه واعتـرافـه
لبلادنـا اللـي خيرهـا اليـوم يـزداد
ارضاً ربـا فيهـا الظبـي والزرافـه
وغزالهـا مـا يلحقـه كـل صـيـاد
للـي الـى قامـت وقـوت الحفافـه
خيراتهـم عمـت جماعـات وافـراد
يالله يـا جابـر قـلـوب الـولافـــــه
تديـم ابومتعـب لنـا ذخـر واعمـاد

هذه القصيدة وهي عبارة عن علمة لاحمد بن جمعان المالكي
مضى عليها ما يقارب اربعين سنة قالها عند ابلحارث ميسان قرية الحدب عندما وفدّ عليهم
معا احدى قبائل بني مالك وكانت المناسبة بداية او قبل كما يسمونه والقبيلتين يربطهم نسب وعنوة بين عواض الحارثي \ومحمد بن علي من قرية الحضارمة بني مالك
القصيدة

ودي اعلم لكم عن ديرنا يارجال =
##والستر في كل حال##=
ماسبقت الر بع زعمة ولا كبرة وزود=
##الاخدمة للفهود##=
العرب ثبوا زراعة وخلق الله بخير=
##الصغير والكبير##=
وعلوم السوق متواحية في كل حال=
##مارخيص الا الريال##=
الغنم تاصل ميئة والرخيصة باربعين=
##والفقة بين الثنين##=
والبقر من خمس الا كان في ثور(ن)شديد=
##والا في ضرع(ن)جديد##=
والجمال اليوم تاصل سبع فيكل سوق=
##عند طلاب الوفوق##=
والبن الر بعة بخمسة وفي السكر ربيع =
##لابغا التاجر يبيع##=
والحبوب الطيبة عندنا تاصل نصيف=
##خاصة في حب الخريف##=
والحكومة عندنا تظهر الحق النصيف=
للقوي وللضعيف##=
واينحن ماجرنا الا لفاكم من كتاب =
##عند حربين العراب##=
من نهار الاحد مشينا على حشمة وطيب=
##من بعيد ومن قريب
بعدها ماعندنا الاسلامة من حظر=



أبو صيك ياماجد وصيه تسر البال
وأنا ابغيك عني ياأحمر العين تقضبها
وصيه ليا ضميتها ياعريب الخال
بتعرف خطاياها وتدري بصايبها
ولاجار فيك الوقت لاتركب الاهوال
والانذال ووجوه الردي لاتصاحبها
وخللك مع الاجواد تضرب بك الامثال
سواة الرجال اللي عريبه مذاهبها
وحكم ضميرك كل عقده لها حلال
وربك إلى نشبت يحلل نشايبها
وحافظ على روحك ولاتنقص المكيال
ترى النقص في يوم القيامه يعذبها
وبنت الردي لوكان تجلب بنص ريال
حذاري توجه يم أهلها وتخطبها
ترى ولدها وإن طال عمره يجيء ذلال
كما الشجره المرة تعود لمنسبها
ولاتأخذ إلابنت شيخ كريم اسبال
يورد مغبات الظوامي مشاربها


البدع الحميم
*
قال الحميــمي بغيت اشيخ واضـــحك بشيخان
واضحك بحـــمدان واحــمد بن مغطي وناصر
ومطلـــق آبـن قحــــيـص وبابكـر والسويـرق
امسيت حـــامي لهم بالحــــبس من صبح بدري
واثار الاحـــلام تعــــمي القلـــب لاناض حلما
واصبحت فالحجره بصري قل في سبع مالضان
لولا العــطاطيـــر قال ارعى الحـــيا وانت منا
ماتــــت من الجــــوع مابين الـــشتا والربيعي
*
الرد احمد جمعان المالكي
*
اشوف بعض العرب فالوقت لا ضم شي خان
والله الاهـــي مع المطلـــق عــــويناً وناصر
لجل ايش ما يفـــتكر قلـــبه في الناس ويرق
يـــاللي نـــويت الخيـــانه يمـــنا عنك بدري
البحر ما ينقـــــصه من غبـــته ناضح الما ء
رميتنـــــي فالخــــلا مابين ســدراً ومالضان
والضلع ضــلعاً على اسمه ماحسب من تمنا
واللي نقـــز مادرى عن نقــــزته والربيعي


محاوره سعد بن مرعي الحارثي واحمد بن جمعان المالكي

البدع من سعد

يبن جمعان ماني عامداً في جبل ماناس فيه
وافتكرفالذيابه لا تعاونً واانا للعواجي
والسباع الشوالي لا تعاونً عاونًا بها

الرد من ابن جمعان

يبن مرعي ترى نعرف دروب القدا ماناسفيه
أي بوى قبل هذا العام ماسمع به الا العواجي
من طلبنا الصحيح وكلمة الحق عاودنا بها

بدع من ابن مرعي

يالله احمدك عالفاقات من قبل هذا الوقت ريه
والجمايل صعيبه ماعبرها يقع سالم وناجي
جيت ابضهر جمالي بالعدايل وابت ترقى بها

الرد من ابن جمعان

ياسعد لا زهمتوني يجيني جوابك واقتريه
حق الايمان لك يمي لوازم تناديني وانا جي
مصعب الحق كم روساً وطاها وبت ارقابها

البدع من سعد

ودي ابني عليك السد عني بضيق وبخت فيه
لين كلاً من العربان يسمع بكايه وانتهاجي
من زماناً مهول شب روحي وشب احبابها

الرد من ابن جمعان

ودي اغدي مدير الشرع لكن مالي بخت فيه
والمدارس مع اهل الشام فيها مصاحف وانتهاجي
والقصور الطوايل وش يوديك شب احبابها


غزيت يا صدام ياطايح النسب
ونحســــبك متوجه على إسرائيل
وأثرك خبـــــيث ونيـــتك رديه
تهجم علـــى الجـيران نصف الليل
غدرت حكام الجزيره وشعبها
وشردت شعبا في الكـــويت قليل
مغزاك للجيران ماهو شجاعه
خيبه وعــــــار ومنـــكرات جميل
يوم جا أبرهه وده يهد الكعبه
حاطــت به أعــــماله وراح ذليـــل
ماتـدري أن الله حامي محارمه
ماهي بلأهل الـــغدر والتــــضليل
وبّعد تمنى بالحرم والمدينه
ودك تــــذكر نا زمــــان الفيـــــل
مكه وطيبه دونها أبو فيصل
دســــتوره التكــــبير والتهـــــليل
من دونها أل سعود لطامة العدا
على الشريعه جـــيل يعقب جـيل
فيها الفهد وابن الفهد ترثة
الفهد مبداه واضح مثل نجم سهيل
ومعه ولي العهد عضده وساعده
صنديد ماله فــي الرجـــال مثـــيل
واخوانه اهل العز والدين والشرف
تاريــــخ بيــــن مايبــــي تعـــــديل
سلطان قائد جيشنا حزة الوغي
يـوم القنابل مثــــل خبـــط السيل
واللي تمنى في جوانب ديارنا
ياويلــــهم مــــــــن شرنا بالويل
نحمي طوارفنا ونفدي ملوكنا
ولاعندنا لأهل الخـــــداع ســــبيل
يامنكر المعروف يوم أنت خابر
تطلع لكم شمـــس الضحى وتـميل
اعطاك ابو فيصل عطايا جزيله
يسخا بها مـــــاهو عـــليك بخـيل
نحسبك يالخاين تقاتــــل بهــــا
العداء وأثرك تخبيها في الزمبيل
ان كان يالفاجر زرعت الفتنـــه
لابـــد تصـــرمها بــــدون حصيل
واللي تطمع في وطنا الغالـــي
ماهو بمــا خذ مـــــنه ربع الميل
اثريك ياصــــــدام عقـلك زايل
تركض على الجيـران ركـض الخيل
فعاليك ياالسارق المتغبي
أي مايســـــويها يكـــون هبيــــل

هذه القصيدتين رواها لنا الشيخ / عبدالله بن سليمان ومناسبتها في زواج / سالم بن عبدالله بن سعيد من قرية الحنو تقريباً عام 1394هـ وكان البدع للشاعرالكبير احمدبن جمعان المنصري والردكان للشاعر الكبير غفير الأقرش فحبيت اطلعكم على هذه القصائد الرائعة والجميلة من شعراء كبار عباقره
***
البدع// احمد بن جمعان
***
قال ابن جمعان جينا في حشايم ربوعنا
حبيت أرد السلام على شيابه وجاهلي
وحلت اهل الكرم مرحوم جداًبنا بها
فيهارجالا تحب الضيف ورده وصادري
واهل الكرم والشرف ماتختلف عن دليلها
***
الرد// غفير الاقرش
***
يامرحبا عند من يربى الشيم من ربوعنا
رجالهم سيس المبنى جديداً وجاهلي
وكل حيه يبي يبقى سببها بنابها
وانحن هل القالة اللي في حجازن وصادري
يادافعين المصيبة للعدوعند ليلها


لي قصتا كنت أحكيها على ولدي
قضيت عمري وأنا بالله منتصر
من الطفولة لين الشيب عانقني
والعــــمر متمتع بالسمع والبصر
ستين عاما مضت للعمر زاهـية ً
من غـــير هـــم ولا غــم ولا كدر
عشنا مع الأهل والأحباب في عجب
بها نظرنا طلوع الشمس والقمر
تمر الأيام والساعات في عجل
تــفوت مــنا ولا نتبــع لــها أثـر
عسرا ويسرا وفي جوع وفي شبع
عشنا مع ناس لاخانوا ولا غدروا
قلوبنا عنــد ديــن الله ناصحــة
ماغرها عن الصلاة النوم والسهر
وعفة النفــس في أ جسادنا نبعت
وغرســة الطيب منها نقطف الثمر
والوالدين لهــم حـــقاً نقوم بــه
حتى وغابوا عن الأوطــان والندثروا
يارب اكتب لهم عفوا ومغفرة
وادخلـــهما جنــتك ياخـــالق البشــر
نمشي في الارض والأقدار تتبعنا
ياليتنا عن المحارم نحجب النـــظر
ياغافلا عن سهام الموت كن حذرا
قـــبــلك جـــهنم لا تبــقى ولا تـــذر
يارب إلىأرسلت عزراييل يقبضني
تعين روحي على ماحشه القدر

البدع حوقان رحمه الله

وليد ذا الهجره ما هلا ولد غبنا
من حين يقبل ووجهه عابسا(ن) مظلم
وجو له اهله برضاعه واخذ مصه
وضيع امه وابوه وضيع اجداده

الردابن جمعان :

يا كم حضرنا في الدنيا وكم غبنا
ما ودنا نظلم العالم ولا نظلم
وان كان ودك توصي ذا الولد وصه
حتى ويعرف قديم البفت واجداده

البدع حوقان
0
احمد يقول المهندس مايشوف العدود
وشبه تغيفل بغى يلحـق مـهـندس منى
خلى زبيده مـعـى فـج الـغـواه وكـدي
حيود ما ينقع الـمـى فـوق صـفـيـانها
0
الرد ابن جمعان
0
الله حسبي على التاجر كثير الـعـدود
يكتب ولا يعرف اسمه ياعرب وسمنا
لكن يهجـاسـنـا بـيـن الـعـرب وكـدًي
اليوم ما نعـرف الـخـطر وصـفـيـانها

سقا الله الحجاز وأرض نجد
ومنه حلها وحمى حماهــــــا
بـلاد حلـــــها شــــعبا وفيــــاً
اشاد منــارها واعلى بناهــا
إذا شمس الضحى طلـت عليها
بكثر زهورها يزهو سماها
حموا مجموعها شــرقا وغرباً
ملوك طيب اللـــه ثــراهــا
فهو عبدالعزيز السادس الأول
تواريخه كما الشمس وضحاها
وفهد حـــاز فــخراً وإعتزازاً
رعى الله الشعــوب اللي رعـاها
مشى بالعدل في أرض القداسه
بإستـــقرار وأمناً فـــي رباهـــا
وفيـــها مــــولد الهـادي محمد
وطــــهر جســـمها مما دهاهــا
فيها إخـــوتي وأبـــناء عــمي
أرى القدس تشكي من بلاهـــا
وصهيون أشعل النيران فيها
هدم جدرانها وأخرب بناهـــا
وهـــذه أرضنا ليـــست لأحد
ولو ارواحـــنا تفدى فداهــا
عليهم نأخذ النصر المضفر
وترجع كل روحاً من جلاهـا
صلاة الله على الهادي محمد
عدد ماهــب ريحاً في هواهـا


محاوره احمد بن جمعان وسعد بن سعيد العاصمي

البدع / بن جمعان=
.
انا باعلمك ياسامع الاخبار=
ربعي الملك كما عيني اليمين=
من تمنا شرهم في الملاقا جنا=
والتقا ما فاده الا المصليه=
.
الرد / سعد بن سعيد=
.
البطل مامون ذالليل والاخ بار=
واي نحن في ذالمواقيف والمين=
والله اللي يخلق النار والا الجنا=
وانته ابعد عن يدين المصليه=

البدع / بن جمعان =
.
ياسعد ما ودنا نخلف الاشوار=
لجل شي في الناس ضاحك وشا متين=
والمجالس لا كثر هيلها والبنا=
ما حسبنا لاثلاثه ولا ميه=
.
الرد / سعد بن سعيد=
.
العسل معروف والسيف والاشوار=
والبطل معروف دايم نشا متين=
والمباني لاكثر هيلها والبنا=
ما حسبنا لامخالف ولا ميه=


ابن جمعان قال الصبر طيـب وحلـم الله وسيـع
والشجاعه تعز الرجل والصدق للمخلـوق طاعـه
والعوايـد مـع الاجـواد مـا يختلـف قانونهـا
واللوازم لها ناسا(ن) تطيول لحاهـا والشـوارب
تحتميها من الادنـاس والغـش بالـراي السديـد
والمدارس تعلمنـا دروب الفصاحـه فـي لسنـا
والقلـم والقرايـه والكتابـه مـع القلـب النبيـه
هذا قدام والا اليوم معنا فـي الهجـره اختـلاف
هجرت القوم خابت واختلـف وضعهـا واسبالهـا
الولد قام يعصى ابوه ما عـاد يقبـل منـه جابـه
قصف الثوب واللحيه حلقها علـى سبـل اليهـود
يا شباب العرب عيبا(ن) علينا التشبـه بالنصـارى
وانحن اسـلام قدوتنـا محمـد وابوبكـر وعمـر
لا سمعتوا منادي الفرض كلا(ن) توجه في نحيـه
كيف نقرا كتـاب الله وحـن مـا نـودي واجبـه
اسمعوا يا ذوات العقـل وتقبلـوا منـي نصيحـه
العصايه طريق النـار والطاعـه جنـات النعيـم
والمحاسب يشوف الرجل اذا فيه عقل وفيه شيمـه
قبل ينزل عليه المـوت فالجنـه يبصـر منزلـه
كيف نرضى نطيع ابليس وهو الذي سيطر على آدم
واظهره من نعيم الجنه حتى وحطه فـي عـذاب
لو يكن ما غفر له خالقي عقب ما شـاف الندامـه
كـان خـلاه فالنيـران تاكـل عظامـه والحمـه
ليش ما ناخذ المنهـاج قـدوه لنـا والبيـت قبلـه
صفـوا اعمالكـم قـدام ربـي يحاسبـنـا بـهـا

وقــال ابـــن جـمـعـان رحمه الله :


ابن جمعان قال اضحك من الشاطر احمد بو نواس
سرحه بالغنم عمه وعدا بهـا فـي غـار واحـد
آخر العلم جـاه السيـل عـود يجـرم روسهـا
وصدر عند عمه تالي الليـل قـال العلـم صـدر
لا تزاعم ولا تزعل ترى كل شـي فـي مامنـه
قال وين الغنم يا احمد عسى ما حصل فيها مصيبه
قـال خليتهـا فالغـار والذيـب يترقـب لـهـا
ثم عود فلاح اقفى يشوف الغنم وش صـار فيهـا
ما لقي الا جثثهـا طايحـه والمطـر يلبـي بهـا
وتركهـا فـلاح وقـال هيـا نعـود للـزراعـه
مير وثق عداد البيـر هـو والعجـل والدارجـه
وانتبه للعداد ان قصر الماء وجاء فيهـا قصـورا
وفها من ظهور الهوش واحذر يجي فيها خلـول
وصدر حد سكينه ويسلخ ظهـور الهـوش مـره
وغـدا يشتكـي عمـه وقـال الخيانـه بـاديـه
قال يا عم ما كان اولـه شـرط تاليـه السلامـه
ان زعل واحدا(ن) منـا ترانـا بنمـزع شاربـه
 

أسيرالشوق

المراقب العام
إنضم
18 أكتوبر 2007
المشاركات
55,079
مستوى التفاعل
48
النقاط
48
الله يرحمه ويسكنه فسيح جناته
شاعر قدير وصاحب مواقف مشرفه مع ربعه وقبيلته
شكراً لك على النقل
 
أعلى