آخر 10 مشاركات
أنتقل الى رحمة الله تعالى الشاب/ عبدالله بن محمد بن هاشم المالكي (الكاتـب : ويعجبني الفال - آخر مشاركة : اسير النسيان - مشاركات : 4 - المشاهدات : 108 )           »          انتقل الى رحمة الله تعالى / شباب بن سالم القرشي المالكي (الكاتـب : أبو راكان الدهيسي - آخر مشاركة : ابن مستور - مشاركات : 10 - المشاهدات : 392 )           »          انتقل الى رحمة الله تعالى / الشاب محمد بن سعيد بن محمد (بن مزينه) قرية الشظابية . (الكاتـب : حصن شريان - آخر مشاركة : ابو رياض - مشاركات : 10 - المشاهدات : 547 )           »          دعواتكم الاعلامي المعروف الأستاذ : حمدان بن بكري بالشفاء العاجل . (الكاتـب : أسيرالشوق - آخر مشاركة : ابو رياض - مشاركات : 6 - المشاهدات : 475 )           »          ‏وفاة الحسن بن عبد الرزاق الشوقبي (الكاتـب : أبو راكان الدهيسي - آخر مشاركة : ابو رياض - مشاركات : 9 - المشاهدات : 1490 )           »          انتقلت الى رحمة الله تعالى والدة الاخ / يوسف بن محمد المالكي بمدينة جدة (الكاتـب : حصن شريان - آخر مشاركة : ابو رياض - مشاركات : 8 - المشاهدات : 385 )           »          وفاة الاعلامي/أحمد بن عتيق العاصمي المالكي "الله يرحمه" (الكاتـب : ابو يوسف الشوقبي - آخر مشاركة : ابو رياض - مشاركات : 5 - المشاهدات : 225 )           »          المحافظات التابعة لإمارة منطقة مكة المكرمة مع الخارطة (الكاتـب : أسيرالشوق - آخر مشاركة : حسن شراز - مشاركات : 10 - المشاهدات : 1905 )           »          وفاة /عبدالله بن حسين القرشي المالكي "الله يرحمه" (الكاتـب : ابو يوسف الشوقبي - آخر مشاركة : متيم بحب بجيله - مشاركات : 6 - المشاهدات : 317 )           »          وفاة سعد بن سعيد بن قواش المالكي من قرية الشبان (الكاتـب : أسيرالشوق - آخر مشاركة : متيم بحب بجيله - مشاركات : 6 - المشاهدات : 263 )


العودة   بني مالك بجيلة > المنتديات الشعرية والأدبيه > منتدى همس المشاعر (ابداعات الأعضاء)

الإهداءات

جديد × جديد

منتدى همس المشاعر (ابداعات الأعضاء)


إضافة رد
 
أدوات الموضوع
  #1  
قديم 08-04-2017, 02:42
 
ياسر ساعد المالكي ياسر ساعد المالكي غير متواجد حالياً
~ شــاعــر ~
 




ياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond repute
B6 جديد × جديد


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛،


((مبروك ماجاك))

يالله عليك اعتمادي فوق ماظنيت
ماخاب ظني معك ياعالي الشاني

لا كبرت القاله يدل من دليت
جملني واطلق حجاجي واطلق الساني

جتني علوم السعد واقبلت يوم اوحيت
مالي عذر والكفو من حسبت اخواني

سلام عهد النقى من اصدقه حييت
تحيه معطره جوري وريحاني

من هاجس"ن يحتمي موقفه لا لبيت
يبادي مبادي الجدي ويسر الاعياني

دليله يقدي الساري لذايع صيت
على دروب الوفاء منصاه سلطاني

عز الرفاقه وياسعد من خاويت
درعه وسده منيع احزم ملياني

من راس عود"ن بنى للمجد شامخ بيت
على سلوم وعوايد ورث جداني

جيلن ورى جيل تعطي يازمان او خذيت
في زود لاباتهم من قوم شمراني

شمران تفنى القصايد قدرهم ماوفيت
لو كل ساعه يخط المدح ديواني

لكن بعد قدر الله ودلني واهتديت
شاركتهم دام توقيت الفرح حاني

ازكى التهاني على قاف السعد كمبليت
توصل ل سلطان في ميقاف يزهاني

مبروك ماجاك جعله ذخرك اللي رجيت
وعسى السعاده نصيبه طول الازماني

وعز الله انك نقيت وبالسمواه سميت
على صميدع شجاع يزبن الجاني

عبدالله احمد على الهقوات يامن هقيت
مايخلتف قاصي الايام والداني

ومسك الختام الصلاه ياللي سمعت وقريت
على النبي ابن هاشم نسل عدناني

وسلامتكم،،،،

ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

((الثقه))

زرعناك الثقه ياالوادي الممطور
لعل الله تثمر مقبل ايامي

جديد امالنا في كل مطلع نور
خذا انفاسه على هبات الانسامي

نغامر ماعلينا كل شي مقدور
طمعنا فيك يانجم السماء السامي

تمر ايامنا لا مالعبنا دور
بليا طعم حتى زادها الحامي

على عهد الهقاوي ياشموخ الطور
اشوفك كل مالديت قدامي

مادام الخيل من خيالها المذكور
سهام القوس من رمية يد الرامي

يقولون العرب انشد حمام الدور
عن اهل الدور مع دورات الاعوامي

سمعت الشور لكن ماخذيت الشور
قناعه نفس والله كاتب الهامي

علوم الديره اللي بيتها معمور
تشوق خاطري وتفسر احلامي

وسلامتكم
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


(( ياهل الفكر ))

بدع//

ياسلام الله عليكم كل ماجاء البال طاري
جيت اسلم وانتشدكم قبل تنفيذ المهمه

ياهل الفكر المعاني بين كاتبها وقاري
ويش راي اللي يجيب العلم نعقدها بقمه

سالفه مرسومها امره بتقرير"ن ادري
للفطين اللي يجس الوضع من قبل المطمه

تنتصر حسب الطموح اذا عزمت الانتصاري
واللي عزمه دون مايفرح بفوز ولايشمه

والله اني احسب الساعات لوطال انتظاري
ياصباحك يالفرج دونك ليالي مدلهمه

غرغرينه جسم يا بتر العضو والا انتشاري
ابتر الوجعان لاينشر في الاجسام سمه

ويش جابك ياقطار الموت في وسط الصحاري
ليت ابو بعض البشر ذيك السنه ماجامع امه

الصقر لاغاب شاهدنا فروخك يالحباري
بين ضلع وبين وادي ورده من غير يمه

وسلامتكم ،،،،

ابوساعد

رد//

مرحبا حييت ياراعي جزيلات الطواري
الهدف طايح لاترفع بندقك ولاتزمه

للمثايل سوقها مابين بايعها وشاري
كل تاجر يشتري ويبيع في سلعه تهمه

النوايا اعمالها محسوبه وعقل التجاري
مايفكر غير يربح غش بيعه دون ذمه

مايجيهم حسب تفسيري سوى شخص انتحاري
صد تسلم من يفك الدرب مايرجع يخمه

ياحياة العولمه لافكارنا عازل حراري
تدعين التسليه والنفس ماهي مستهمه

الحقايق واضحه نور القمر والليل ساري
لوتمعنت الكتاب اكيد مضمونه تصمه

انت بروزت الصور واحكمت تصميم الاطاري
ريشه الرسام جت عالجرح والالوان دمه

بينك وبيني تشابه نفس تحديد المساري
من يقابلنا يقول اخوه ذا والا ابن عمه

وسلامتكم ،،،،

ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

((نصيحه))

الرجاء باللي عيونه ماتبات
اللي انجى نوح والكون اغرقه
كل باب يصك عند المعضلات
غير بابه ماشقى من يطرقه
وكل الله واطلبه حسن الثبات
لاتخلي الهم عمرك يحرقه
لو كتب يحيى الشجر بعد الممات
عاشت اغصانه بعد حت اورقه
وان غدى لدرب مفرق لنجات
لا انكتب ماتفرقه ماتفرقه
ديننا واضح واياته بينات
ماهو دين العالم المستشرقه
اعلم ان الخير للمومن صفات
بين صبر وشكر شمسه مشرقه
حتى لو طالت صواديف الحيات
احتسب اجرك بماتستغرقه
وسلامتكم،،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

((هات القلم))

هات القلم والبوك واكتب ياكتوب
ولا تعدى سطر ماتكتب علاه

شفت الثمين وجيت ماني بمغصوب
الممتنع شد الفكر للانتباه

الناس في حلق المشاكل والحروب
لقمة فتن هذا غداه وذا عشاه

من يقتنع ماهو على الدنيا طروب
لو تكسر اظروفه بعد ساقه عصاه

مير البلا فاللي في الشده نهوب
الله لا يبلانا مثل ماهو بلاه

قبل الخبر لاحظ وحاسب ياحسوب
حسب اعتقاداتي عرفنا مبتداه

كني اشوفه لاحمى الموقف سحوب
لوتزهمونه مالقاه اللي بغاه

مالي في الشرهات يااصحاب العتوب
كلن مع همه على ليله سراه

في مجتمعنا الواحد اقوام وشعوب
والوقت مايرحم ليا دارت رحاه

صوادف الايام تلحقنا تعوب
ومن يشتكي لي قلت يامال الغناه

قبل المودع والمكفن والنصوب
تبغى حياتك تعتدل قيم الصلاه

وسلامتكم،،،،،

ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

((يا آل زعبان))

يامدور على النادر مع اللي قنوه
لايهمك وداعه عند مامونها
جاك من يعتمدها جيته لا دعوه
قوم جزل الفرايد يستحقونها
يا ال زعبان زعبان العداء مانسوه
يوم الاحكام للغابه وقانونها
الله يرحمه والاحفاد دربه مشوه
الهقاوي بعيده مير يلقونها
ياهل المعرفه عبدالملك بلغوه
بسم راعي شواردها ومضمونها
ياسلامي ذهب عد الذهب لا غلوه
سوق سلعته نفرق من يسومونها
ساري البرق من شرق البلد عاينوه
والرعد وجهته من غرب يوحونها
الفرح عم يابن العم حتى لقوه
عم كل الديار بصادق امزونها
ينشرح بالبشاير صدر من بشروه
هذا الاخبار جتكم يوم تقرونها
الف مبروك ماجاء ذخر من خلفوه
الله يحفظه جعله فوق مضنونها
اسم عزام يامكسب نصيب"ن نقوه
الاسامي دلايل من يسمونها
شبل ذاك الاسد يطلع ل جده وابوه
والمثايل هل الامثال يعنونها

وسلامتكم ،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

((ناسي ياولد))

لا تصدق لو حلفت اني نسيت
ودي اتناسى وماعندي جلد

وكان تبغى الصدق ذاك اللي هويت
من غلاه اغليت انا حتى البلد

الاكيد اني احبه ماحييت
والهوى غلاب حكمه لا خلد

لا تزيدوني على ما بي سريت
ضاقت الدنيا و انا مالي ملد

وين اروح وكيف لا مني بغيت
ودربنا اطيبه بطناج وجلد

باع لي حظي مع الناس وشريت
غير في وصله معي ما يوم لد

اتظاهر كذب وانا مانويت
المشاعر بالمشاعر تنجلد

ومن نشدني قلت توك مادريت
وال له ذلحين اني ناسي ياولد

وسلامتكم ،،،

ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

((يامغني))

يامغني لا تزيد الصوت يسري
انت نقضت السواليف الدفينه

راح نص الليل ويش عاد بدري
وين اروح ادوره وسط المدينه

المكان اللي على خبره وخبري
كل ماجيته نشدني عنه وينه

آتلفت فالزوايا ويش عذري
لو ترك ماريته بيني وبينه

مالقيت ولا لقيته وين مدري
شد والعاشق الا يالله تعينه

تايه يدور ذهبيه لو يهذري
لا تلومونه فقد دره ثمينه

شيب راسي بري حالي عود مبري
ياوجودي وجد مفلس حل دينه

دام عيني بير والمزروع صدري
كيف اكن الدمع والحزن المكينه

احصد ايام الشقى والعمر يجري
ماعليه احسوف والفرقى سنينه

ردو الاعلام عني باح صبري
يمكن اصحاب الركايب خابرينه

من يجيبك يالبشاير يكسب اجري
وفي لقانا يالله ترحم والدينه
وسلامتكم ،،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛


((سبق الزمن))

طب وتخير لا يردك ولاشي
سبع البحور اغوصها واغرفها

وكان السحاء يمنعك ويقولك عي
وعليك ايمان الطبايع حلفها

اقراء عيون ارموشها للعشق في
وامر بالك فكرتك واختطفها

والله ماتخفى عليه وانا حي
مشاعرك من كبتها ل شغفها

ياسم يالبيه ياهاه ياهي
طافت وعدت غيرنا ماعرفها

والا انا يابنت مانيب من اي
كم شارده مترف خيالي وصفها

اللي طرى لك جاك ياكامل الزي
بدون مااسمع سالفتك وطرفها

الجانب الطيب تغلب على السي
حقيقة احساسك رفض يعترفها

مدري متى ماتاكلون اللحم ني
في مجتمع ياكم صحون(ن) غرفها

امشي على ممشاك طرقه ماهي لي
اشوف لوحات الوصل واهدفها

لعللي القاء طب يغني عن الكي
يجنبك قهر السنين وصلفها

الزرع لامنه نقص عنه الري
هل الوراق والا غصونه قطفها

انا معك في سبق طي الزمان طي
وخيل التغاضي واصله منعطفها

وسلامتكم ،،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛


((ياوجودي))

ياوجودي وجود اللي نخوه القرايب
وسار في لازمه من دونهم واحتماه
ويوم حلو عليه القوم وقت العصايب
اعتزاء وانتخاء ربعه مالبو نداه
وياوجودي وجود اللي لفوه الركايب
وقام في واجب الضيفان بتل عشاه
بينهم ذابح اخوانه ونار اللهايب
ورده السلم لو انه يدور لقاه
ذا وجودي على المملوح سيد الحبايب
عقب ماعكرت الاقدار صفو الحياه
لا تلوموني وتستغربون العجايب
في بحور الهواء كلن يساير هواه
العجب ياالغلا لاهب نحس الهبايب
رغم ماصار يبقى في شموخه غلاه
ياجروحي مادام العشق حاظر وغايب
بين وصله وصده طب داه ودواه
ماعلينا ولو ذقنا مذاق الغلايب
بكره الحب ينسينا مرارة عناه
ياعيوني عن المرقاب مانيب تايب
كان ما شيف حس الروح جاوب صداه
يمكن الحال يتغير واشوف الغرايب
عقب ماناظرك يمه تحقق عماه
ماتمنيت غيره لو عطوني الوهايب
من بنات الشيوخ ومال طايل وجاه
خاطري في عشيري عنه ماهوب طايب
في حياتي وجوده كنز مال الغناه
بلغوه ان راسي لو علته النصايب
قبل ذا اليوم لايمكن خياله نساه
وسلامتكم ،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

((داعي النشامى))

يابارق(ن) فالسماء لاح
في وسمك النفس ترتاح
ومنك العجب يسعد ارواح
ولك فالوجيه ابتسامه

مزنك جزيل المعاني
داعي النشامى دعاني
ولبيت له في ثواني
تقدير حب وكرامه

ياالشيخ صالح لك الطيب
وافي وراعي مواجيب
مافيك شكه ولا ريب
ولا تجيك الملامه

زيزوم لك شاشت الروس
صيتك كسب كل ناموس
مثلك وشرواك له قوس
يرمي ماتخطي سهامه

بسمك بديع القصايد
يرقى سماء بالفرايد
زايد على الشعر زايد
نجم الثريا مقامه

لي الشرف يوم اعده
وعلى المطاليق ارده
ياهاجسي قوم وده
وبلغ تحيت سلامه

يامرحبا ياقبايل
ياكاسبين الجمايل
البيض روس الطوايل
للغانمين العلامه

تفضلو داخل الروح
الشوف ماهو كما البوح
كبر الغلا باني اصروح
عدت ثمانين قامه

على علوم الرياجيل
والعود وازكى التعاليل
ومهيلات المعاميل
لكل مطلق كرامه

ماهي غريبه عليكم
اللي تبونه يجيكم
الطيب منكم وفيكم
يالمخشي اهل الزعامه

ربعي هل الجود والجاه
مقدم الطيب يلقاه
وراعي الخطاء نقصر اخطاه
لكل موقف مقامه

وعلى قديم العنوه
القصر زدنا علوه
مادام ساسه مروه
يبقى شموخ احتكامه

عبدالعزيز الف مبروك
مخبور مافيك مشكوك
وافي ومثلك وانا اخوك
يفرض علينا احترامه

اكملت نص العباده
عسى حياتك سعاده
وافراح سكر زياده
حتى تقوم القيامه

ناسبت وافين الاشبار
من ربعنا قوم بالمار
ياسعده الضيف والجار
يوم اللقاء والاقامه

مسفر وقدره فالاعيان
محفوظ من سالف ازمان
على النقى يا ال طيسان
عهدن علينا التزامه

وبني هراوه مطاليق
مثل الجبال الشواهيق
في حزه اليسر والضيق
لهم مواقف شهامه

وحنا بني عم وارحام
لو دار دالوب الاعوام
ماننقسم عدة اقسام
صف(ن) محال انقسامه

للمالكي ياعرب شان
معروف في كل الاوطان
لا ثار فالجو دخان
وف الارض ثار احتدامه

وكل القبايل لها امجاد
واسلوم من عهد الاجداد
وحنا مع كل نشاد
لا خصنا بهتمامه

وياربعنا ياالرفاعه
ياهل الكرم والشجاعه
تحت امركم كل ساعه
والكفو يوفي كلامه

وسلامتكم،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

((دنيا دنيه))

الوضع ماهو نفسه اللي انت خابر
بالمختصر عندي جديد(ن) بقوله
ما كل من يفهم خطوط المحابر
يمشي ولو تاهت خطاوي رجوله
بعض المعاني مثل رمي المعابر
من صوتها تصحى القلوب الغفوله
ياكم مجاهد في حياته وصابر
نجم الفرج يرقب ثواني حلوله
مسكين مايدري لو انه مثابر
غير المقدر ياعرب ماينوله
دنيا دنيه لوصفت للاكابر
لا يضمنون ان الصوادف عجوله
مظاهر العالم طغت على المخابر
ماعاد ندري بالصحيح واصوله
الى متى والكل منا يكابر
يتبع هواء نفسه ويرضي ميوله
نطرد ورى الايام والعمر عابر
حتى ولو ابطت ليالي نزوله
لو نفتكر في واقع اهل المقابر
ونعيش واقعهم على كبر هوله
ماشفت لا نادى منادي المنابر
صوب المساجد شخص ياخر وصوله
وسلامتكم ،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

((نمر الديار))

نمر الديار ونعرف من الرجال الرجال
نعيش ونشوف وناخذ من الزمن عبره

وعلى كثر ماسايرت وقتي ظربت امثال
بعيد النظر ماهو كما اقريب النظره

عجيب السنين التاليه غير الاحوال
يامصبر سمانا وكوكب الارض ياصبره

عطى الدهر صور في تطوره شبه ازوال
تشوف الصور واتحسب الزول ياكبره

انا خابر ياناس ان الرجال افعال
لكن الصراحه جيت ماجيت بختبره

هدوم الاوادم تستر من البشر تمثال
ولا جاء يهرج بان نوعه من النبره

دخلنا غلط سوقه ولكن على ايت حال
نبى نشتري ونبيع لاشي نعتبره

تميل المطفف وزنه حزة المكيال
هواء النفس جره للخطاء ظايع الدبره

على الهون مايحسب حسابك وسيع البال
ترى حسبتك غرتك شبرك ماهو شبره

قليل الرشد مايفهم ان الجبال جبال
لكن كيف يفهم واقعه فاقد الخبره

وسلامتكم ،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

((العيد عاد))

البال ماتشغله كثر الطواريق
عن موقف(ن) صوب القبيله مجيه

العيد عاد وجابني الشوق تشويق
اردكم ياعزوتي بالتحيه

سلامن حلى من صبوح(ن)على الريق
يفتح على نفس المثايل شهيه

ياربعنا ياهل الوفاء والمواثيق
بمناسبه ذا العيد عندي هديه

قصيدة(ن) يطرب له كل ذويق
ويلقى لها في خاطره قابليه

من هاجس(ن) يصرف كنوز الصناديق
بين النشامى كل روحه وجيه

علومكم مثل الجبال الشواهيق
متربعين(ن) فوق قمه عصيه

المجد واثق يوم وثق تواثيق
باسمائكم ياهل النقى والحميه

ياتاج راسي فزعتي حزه الضيق
طالتكم تشهد على المقدريه

ولاثارت الهجياء صفوف المطاليق
تارد على ميراد حوض المنيه

شاركتكم باابيات هيض المعاليق
والا المدايح ماهي ابمنتهيه

كل عام وانتم في سعاده وتوفيق
وصحه وسلامه بأمر رب البريه

وسلامتكم،،،،
ابوساعد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

((عدود القراح))

عدود القراح المرويه لهفة القيفان
عليها مواريد الهواجيس ملتمه
اورد وارد النادره واوفي الميزان
ولا اعد غير المستحقات للقمه
مثايل تشوق راعي الخاطر الشفقان
وتقنع هواء نفسه وترضي بني عمه
ينادي المنادي والتلقاه بسفطان
وابشره في مطلوبه وفي جلى همه
انا لي زمانين اجمع اللول والمرجان
اصارع بحوره واتنقاه والمه
معارض هواء الشرقي على شاطي الاوزان
ارب النسايم تنقل العلم مهتمه
سرى الصوت ياليل الحقايق وصبحك بان
ما رد الجواب اللي عطى وعد ماتمه
ادور لراع الطيب عندي عذر مليان
واعذره لوكان الغلط صار من يمه
اقول انشغاله في حياة ماهو حقران
كثير الاوادم يختبر درس ماصمه

وسلامتكم ،،،
ابوساعد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

 


        

من مواضيع  ياسر ساعد المالكي  في المنتدى

0 بني مالك
0 جديد × جديد
0 رثائيه
0 حفل ال عيسى
0 تم اصدار ديواني الصوتي الأول هواجيس بالي

رد مع اقتباس
الأعضاء الذين قالوا شكراً لـ ياسر ساعد المالكي على المشاركة المفيدة:
قديم 14-08-2017, 03:42   رقم المشاركة : [3]
 

ياسر ساعد المالكي

~ شــاعــر ~





 

عدد التقيمات : 3264


ياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond reputeياسر ساعد المالكي has a reputation beyond repute
افتراضي

صح بدنك مشرفنا الغالي



Array

        

من مواضيع  ياسر ساعد المالكي  في المنتدى

0 بني مالك
0 جديد × جديد
0 رثائيه
0 حفل ال عيسى
0 تم اصدار ديواني الصوتي الأول هواجيس بالي

ياسر ساعد المالكي غير متواجد حالياً  

 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:42.


Powered by vBulletin® Version 3.8.7
Copyright ©2000 - 2020, Jelsoft Enterprises Ltd

هام //ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها

مراسلة الأعضاء الغير النشيطين عبر البريد تعريب منتديات مازال