متنبي العصر الحديت مصلح الساعدي

إنضم
16 يوليو 2010
المشاركات
296
مستوى التفاعل
4
النقاط
18

‏ما كل يوم معي للناس وجهٍ جديد
‏وجهي على خلقة الله ماعليه اقنعه

‏والصاحب اللي عادته يتشره ف الاصاحيب
‏على اتفه الأسباب يمكن يسوي لك قضية.

اللي توردها العزايم وتصرفها المقادير
ان جت هلا مليون وإن روحت ماشي خساره

اللاش تصفق يمينه بالشمالية.
‏والكفو بانت فعوله والآثر باني.

‏اللي يكرهني يراني من عيال ابليس في تصويره
‏واللي يعرفني يقل مالك شبيه الا الملايكه

‏الى سلمت آل ابو وجهين باقي الوجوه
‏اضحك لها من سعه والقلب راضي لها

‏انا ما تتعبني الا زلت الصاحب على الصاحب
‏مثل ماقيل ان هرجنا وان سكتنا كلها فينا

‏الردي صحبته لو طولت حدها يوما وليله
‏والمطاليق صحبتهم يمدونها مية سنه

والشُجاع اللي ليا عَادت صمايل
‏يشعر إن الموت خـير من الغلِيبـة.

خلّ راع البخل ماني مسميه جوده جود ليلة
‏لو فتح مجلسه للضيف ليلة قعد خاوي سنة

‏الغاوي من يشعل النار ويشب الوقايد
‏والعاقل ف الناس كلً يقل يا معقله

اللي مايفرق مذاق العسل وسم
علمه يتذوق السم ف لسانه

انت شيخٍ من شيوخٍ مشيختها كابرٍ عن كابر
‏منت من شيخان تو المطبعه قصت ختومها

الذي يدرج ورى العمي والعمشاني
‏مايحصل منهجٍ ينمضي منه

وإن دهتك المكربه خلك شديد البطش والفيراسي
‏واللي عيا منك لا تقبل منه عيه وخالفه

‏ياذا تحسّب للخساير وتحسِب للتكاليف
‏الغالي اللي ماتجيبه فلوسك لاتسومه.

‏خل بعض الناس لو يمدحهم الشاعر يعض لسانه
‏خايف النقاد يقولون اخطت الرمية مكانها

‏احيان علماً مجمل مالنا بخت فيه
‏واحيان كلمه بلا معنا وقود الحنه

ماتعرّف بالرجال المرتبه والصيغه الرسميه
‏مايعرّف بالرجال ... الا معادنها وطيبها

‏التجارب علمـتني ماكفاني والرشد في راسـي
‏مغشـم الـي يأخذ الارشــاد من عيــه وخـالفه

‏وان بغيت اخذ حسابي مع التالي والاول
‏الكبار اعدّها والصغار اسيبها

يالصاحب اللي غرني ثغرك البسامي
أثرك ماتضحك لي إلا مجامله

‏لا تقلي صاحبك جامله واضحك رياء له
‏مقدر اضحك والاعادي تحد أسنونها

لعنبو شاعرٍ مايفتخر في بني عمّه وربعه
‏ان بقي حي لا ترجيه ون مات لا تبكي عليه

‏قولت الصبر ما تبري القلوب الوجايع
‏من وطي راس الافعى مات من نابها

‏صحبةً ماوراها منفعه ماوراها الا مشاكل
‏اعتبرها جنازة ميت اردم عليها وانسها

‏الشجيع اعطيه وجهي وانا قادر
‏والذليل اعطيه وجهي ولا يراني

احسن اعمالك نهار القضاء جنة ونار
‏وأهل القلوب السود من طبعهم ماينصحون

ماشي سلامه من يدٍ ترجماني
‏الا بحرب ومعركه فاصله

‏السمينه ماوراها لا ضنون ولا تهامي
‏والهزيله تاكل المرعا ويمشي حالها

شرحت اللافي علومه مامن الاعلام سواً يذكر
‏غير ستر وستر الله لباس العز والغناه

‏*احفظ سدودك لا أصبح الولف عايل
‏ماكل** صاحب* يحفظ* السر* مدي

خل العمايم على روس الرجال الكبار تراا اصغر الروس ماتزها لها العمعمه

‏أهل القلوب الحية اضحك لهم من وسع خاطر
‏واهل القلوب الميتة جالهم ماهوب جالي

صبرك والأيام باقي ياطويل العمر
‏بكره تعرّفك باللي كنت ماتعرفه

‏وش معه ما يعتبرني صديقًا وابن عمي
‏وانا اشوفه بالنظر مثل واحد من هلي

الا بيوت البخاله لو تراها كبار
ياصغرها فالعيون وياترب بابها

الصداقه معا من يعتني في مواثيق الصداقه
‏ماتــغير مباديهاا ولا يختلف ميزانها

دورت لك قدام ذا الليلة مية عذري
‏لو ما سترتك بالمعاذير لمتني

واللي من العالم لسانه علينا يلحن شمات..
من العياله يحسب المخطيه مثل الصحيحه..

اللي احترت في عيبه ومنقوده
‏اقرب الله شره وابعد افضاله

أول الأقوال ذكر الله وذكره يفتح البيبان
الله أكبر والله أكبر والله أكبر لاإله الا الله

انما يازمن لو كنت تعرف وتدري من هو انا
كنت قلت ابرك الحزات وش مطلبك وش تمتني

الذي يطرد ورى الدنيا تقفي به وتعطيه اشكل
‏من ضحك منها بكى ماوفرت ماياً بدامعه

‏جبالنا اللي تخيلها العرب من مدى عيون
‏ما أشد منها ولا أقسى إلا عزايم رجالها

‏دوس نظيرين-الذي تلقى ولدهم مثل سبع الغابة
‏إن وثب ، وإلا بقي في محرزه ، كلا تهايبه
 

حصن شريان

مراقب المنتديات العامة
إنضم
7 ديسمبر 2008
المشاركات
25,214
مستوى التفاعل
192
النقاط
63
الإقامة
الشمال الشرقي
شكراً على تواجدك ونقلك الرائع
وصح لسان الشاعر مصلح
ابيات جميله لاعدمناه
واسمحلي الموضوع كررته مرتين
واحب ان اذكرك بانه يوجد ديوان خاص للشاعر مصلح الساعدي بامكانك وضع قصائده فيه
وشكرا لك
 
التعديل الأخير:

أسيرالشوق

المراقب العام
إنضم
18 أكتوبر 2007
المشاركات
55,079
مستوى التفاعل
48
النقاط
48
بارك الله فيك

شكراً لك على المشاركة الرائعة

ينقل للقسم المناسب
 
أعلى