حوقان (رحمه الله) وعيظه بن طوير بدع ورد

بدع ورد بين حوقان (رحمه الله) وعيظه بن طوير

البدع
حوقان
معي ولد خذ حزام وجرّ بثيابه
وقلت كم ماورى هذا الجهل يعقل
عوّد يكحل عيونه واقتلع نونه
وضيع المال واقفى للخلى الخالي

الرد
عيظه بن طوير
مافي مواقع جهنم خير وثيابه
ياليت ساقي عن اهل المحرمه يعقل
لجل ايش من خالف السنه يلعنونه
خلّ العمى منت لا عمّي ولا خالي

البدع
حوقان
انا معي صوت بين الناس اناجيبه
وانا تمكّنت فالدنيا ولي منزل
ليت القبيح الذي في دربنا حايل
وبعد نسوّي دراج وبيت طوّالي

الرد
عيظه بن طوير
ليتك تمنيت في علماً وانا جيبه
والا نورّدك ياضامي على منهل
تقول ابنقل بيوتي من ورى حايل
وعيني أفتّل حبالك ما تطوّى لي

البدع
حوقان
يوم افتكر ياحليل الّي ميتٍ قلبه
يموت مكتوم لا كبّر ولا هلّل
يجهل اعلامنا فيما بعد واشكل
واصبرعلى شان سيدي وارخص الغالي

الرد
عيظه بن طوير
ما باشتري موتراً جاله مية قلبه
تبصر حديدً من القلبات يتهلهل
ودي نخسر لنا مليون ولاّ اشكل
واعطيه صدّاق بالمعروف يلغالي

البدع
حوقان
منين يا عيظه الكافر يرى ربّه
وكل يوماً وقلبه في ظلال اشكل
من قبح حظه وهو يتلى عثيراني
يوم القيامه يقل مدري وش اعمالي

الرد
عيظه بن طوير
لوكان تاجي بموزاً من ورى ربه
مدري لك الله من الارزاق ويش اكل
وبعد نذبح غنم واتلاع ثيراني
واللي يمينه بخيله لا يشع مالي

البدع
حوقان
انا تقدمت وتعاليت بالرتبه
واثر العرب قبلي اعلى ف الرتب واقتل
ولا ضحك ما بدى نابه ولا سنه
احسبتها يابعد روحي مهلالي

الرد
عيظه بن طوير
مواضع السّيف في عضمي تبرّت به
ياليتني عن تهاويل الزمان اقتل
امّا انت تمشي بلا فرضاً ولا سنّه
والدين يبدى بتكبيراً وهلاّ لي

البدع
حوقان
العلم الاول نسيته وش نسوي به
والشيب في عارضي وامّا الصبا حوّل
تبين اليوم مشروعه وعنوانه
تسمّعوا في كلامي يا سميعالي

الرد
عيظه بن طوير
ان كان قلبك غشيماً والنسيوي به
والاّ تلهّم زمانك يا صباح اوّل
ان كان ميدك تصيف الوقت عن وانه
من صاحب الناس ياخذ ل سمي عالي

روعه ياخال
محاورة ولا احلى بين عملاقي بني مالك
على فكره ياخال فيه ملف عن الشاعر بن طوير يضمون فيها كل محاوراته ليه ماتحط نسخه من هذه المحاوره هناك على هذا الرابط
http://www.banimalk.net/vb/showthread.php?t=4450
مع بقاء الموضوع الأصلي هذا كما هو عليه