إذا كان نظام التشغيل عندك ( الويندوز ) هو XP Service Pack 1 أو XP Service PacK 2 و ذهبت الى مجلد الويندوز فستلاحظ إن عندك 2 ملف تشغيل بإسم explorer.exe موجودين فى الأماكن اللى مبينة بالصورتين :
عفوا -- عشان تشوفهم صح زى الصورتين لازم الأول تظهر ملفات النظام المخفية و المحمية -- للتذكرة فقط أعمل الأختيارات المبينة بالصورة التالية :
و هتلاحظ إن خصائص أى من الملفين هى كما يلى :
هذا إذا كان النظام عندك هو XP Service Pack 1 أما النظام XP Service Pack 2 فبه نسخة تختلف خصائصها قليلا عن تلك المذكورة -- المهم لماذا يوجد نسختين من الملف المذكور ؟ --- أما الأول ( اللى موجود فى المسار C:\WINDOWS ) فهو ملف أساسى فى النظام ( من الملفات المحمية ) فبدونه لن تستطيع أن تفتح أى نافذة -- مثلما الحال مع المتصفح Internet Explorer الذى بدونه لا تستطيع أن تتصفح أى من صفحات النت اللهم إلا إذا أستعملت متصفح بديل مثل الأوبرا أو غيره و لكن الحال يختلف مع مكتشف النوافذ explorer.exe إذ على علمى لا بديل له -- و الثانى ( و أعنى اللى بالمسار C:\WINDOWS\system32\dllcache ) فالغرض منه هو بأختصار كأحتياطى للأول الذى لسبب ما أو لآخر تم تغييره أو حذفه فإن النظام ( الويندوز ) سوف يعود إلى هذا الملف كأصل --
عايز تشوف فائدة أو عمل هذا الملف explorer.exe إذن تابع معى --- إذهب الى ال Task Manager و أفتحه كما يلى و ستلاحظ إن العمليات اللى شغالة حاليا منها ال explorer.exe و كما بالصورة :
طب أيه رأيك بقى عشان تتأكد من عمله نجرب نوقف تشغيله و نشوف أيه اللى هيحصل -- بنفس الTask Manager ( مدير المهام ) أضغط على المفتاح End process و شوف أيه اللى هيحصل !
أوعى تتخض -- كل شئ أختفى -- يستحيل هتشوف أى نافذة -- لأ طبعا الجهاز سليم 100% بس إحنا اللى وقفنا مكتشف النوافذ عن العمل -- عشان نرجعه فى الكيبورد أضغط على المفاتيح الثلاثة اللى بيظهروا لك الTask Manager ( أعنى CTRL+ALT+del ) و تابع كما بالصور :
أضغط على المفتاح New Task ثم إضغط على Browse
فى Browse إختار الملف explorer.exe ثم إضغط على Open
الآن إضغط على OK
و هكذا تعود النوافذ للظهور ثانية
