شباب إلحقوني أنا طبيعي ولا لا ؟

[كنا يازمن !]

تحسوني من العنوان متأثر بقناه بدايه :d

السلام عليكم ورحمه الله ..

لا .. بجد شباب أنا ما أمزح .. أبغى أعرف أنا طبيعي ولا _ لا ؟

خلااااص تعبت .. وطفشت أعوذبالله ..

أنا إنسان مرح الحلق وش كبره .. فاغر أربعه وعشرين ساعه ضحك وسوالف .. وطقطقه وفله
وكل حاجه .. هذا اللي شايفينه الناس

لكن الحقيقه لا .. والله الحقيقه غير .

جوااي غير .. كل اللي أحسه حزن وتعاسه و هم وغم وكئابه !

تعبت أتظاهر بعكس اللي أعيشه !
تعبت أمثل دور القوي !
تعبت أمثل دور المتفائل !
من جد تعبت أمثل دور السعيد !!

أصحابي وأقربائي .. كلهم يقولون .. ما شاء الله عليك يا كنا , منت شايف بحياتك هم !
كثير ناس يحسبوني عايش متهنيّ ! أصحابي كانوا ما يستانسون إلا إذا كنت معهم !
لأني .. بس أضحك وأمزح ومسوي جو ..
كنّا .. تعال ونسّنا >> ما دروا أن باب النجار مخلع !

المشكله .. صارت حتى وأنا أضحك أحس فيني غصة !
يعني حتى بوقت المرح .. تخنقني أحزاني !

أخاف أنهار بيوم وهذا اللي ما أبيه !
لا تقولون لي فضفض لأقرب الناس لك .. ما عندي أحد أثق فيه أبداً وما فيه أحد مني قريب
بصراحه محتار وأحس الحاله زادت في الأيام الأخيرة هاذي

أحس ألحين بشعور غريب ماقد تكلمت بهالموضوع مع أحد ..

..

شباب .. عندكم حل ؟

 

[عذب السجايا]

السلام عليكم ورحمة الله وبركاته
اهلا بالغالي
طب خاطرا وتوآصل معي على الخآص ..
تذكر ..
-(الآ بذكر الله تطمان القلوب)-
اسال الله لك سعآده في رحاب الطاعه وللمسلمين اجمعين،،

 

[وشلون مااغليك]

حياااااك ياخوي انا شايف انك طبيعي لان اغلب الشباب الحين يسوون زيك

وانا واحد منهم اضحك أنبسط وأخلي اللي حولي ينبسطون وينسووون همومهم

وانا في داخلي هم وحزن كبيييير مايعلم فيه الا الله

بس مااحب احكي لاحد عشان لااضايقهم ولا اكدر خواطرهم

 

[عذب السجايا]

غالبا مرحلة الشباب تمر بهموم ليس لهآ حقيقه وان كانت كذلك .. فليست بالشكل الذي يتظآهر به الشباب،
(نستثني من ذلك المشاكل النفسيه او الاجتماعيه) معظم المشاكل تكون مشاكل "عآطفيه" ولو كآنت بين الشاب وزميله ، ولكن في الاول والاخير لن تجد غير باب الله والله لن تجد من يستقبلك ويطيب خاطرك غير الله سبحآنه
رحمن رحيم ..
-(الا بذكر الله تطمان القلوب)-

 

[كنا يازمن !]

عذب السجايا .. وشلون ما أغليك ..

شكراً على تعقيبكم .. وتفاعلكم وياي .. والله يفرجها عليك بهالليله وبهالساعه يا أخوي وشلون .. الله يفكك من احزانك للأبد !

وصدقت يا عذب .. ما فيه زي ذكر الله .. وانا ارتاح اذا سمعت قران لكن المشكله نفسيه .. السبب مو البعد عن الله
والمعاصي لا اعوذبالله .. لكن حااااس اني ... مدري !! ..

يا أخي أناااا مخنووووووووووووووووووووووووووووووق مخنووووووووووووووووووووق

أحس خلاص ماعاد اقدر اسيطر على نفسي أكثر !!

من أمس وانا منطق بالبيت قفلت الجوال وجلست .. وما قابلت أحد .. لا دوااام لا اصدقاء .. ولا شيء ..

والله حتى المنتدى ما دخلته ..

ما ادري صرت أحس إني بأنهار بأي لحظه .. شعور بداخلي صار متضاعف ..

زمان كنت أتجاهله .. لكن خلاص وصلت حدي .. احس هيمن عليّ

مضغوووووووووط بشكل مو طبيعي ..



ااااااسف مو قادر اكمل ان شاء الله بأحاول ادخل اليوم واكمل السالفه

 

[عازف الصمت]

تعال ياخوي الصغنون تعال

اولا اللي عملته بعدم مقابلتك لأحد وأقفال جوالك والجلوس لوحدك

كل هذه الامور ماتنفع بالعكس تزيد الامر تعقيد

مشكلتك بسيطة جداً .. انا مريت بها صدقني لكني تغلبت عليها بفضل من الله

التفكير .. التفكير

لا تفكر في شيء فات مش حلو حاول تتذكر الاشياء الحلوه اللي مرت عليك في حياتك

وحاول تبتسم وانت تذكرها وحاول تعيدها ..

ثاني شي لا تدع للشيطان عليك طريق فهذة وساويس متى ماتشعر بذلك الشعور خذها من مجرب

نصيحة قوووم توضأ وصل ركعتين وبث همومك بين يدي الله أقسم بالله أقسم بالله ستشعر براحة بااال

ربما لم تشعر بها من قبل

أتمنى تجرب وناخوك تعطينا علمك ..

عازف

 

[عذب السجايا]

والذي نفسي بيده ان بثثت همومك بين يدي الله سبحآنه ...
اقرأ ماذا يقول الله سبحآنه:
قال تعالى :
{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62...

فقال تعالى : { ادْعُوا رَبَّكُمْ تَضَرُّعاً وَخُفْيَةً إِنَّهُ لا يُحِبُّ الْمُعْتَدِينَ } (لأعراف:55)

قال تعالى :

{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ }البقرة186...

من اين ياتي الهم ونحن نتلو ايآته ...,
ولو كآن عندك اكبر مشكله نفسيه ..
اعلم ان الذي رد يوسف لابيه من بعد سنين وباعلى المنآصب قآدر على ان يفرجهآ..
اعلم ان الذي اخرج يونس من بطن الحوت قآدر على ان يفرجهآ ..
اعلم ان الذي امر النار ان تكون بردا وسلاما على ابرآهيم قادر على ان يفرجهآ ..
اعلم ان الذي يسر لك رزقك طول تلك السنين لن يتركك وحيدا وانت تدعوه وتناجيه والنآس نيآم والله لن يترك وهو الرحمن الرحيم المنان الكريم ..
اجعل علآقتك مع ربك علآقه وثيقه..
(على عهد الصحآبه والتآبعين لم يكن هنآك مصحآت نفسيه لماذا !؟ لان علآقتهم بربهم علاقه اقوى مما تتصور )

اخيرآ تذكر -( الآ بذكر الله تطمان القلوب )-
ارجو من الله ان اكون وفقت في هذا الجوآب، والي تآمر عليه ابشر به ،،
وفقك الله وازآل همك وفرج غمك وحزنك ..

 

[هيبة رجل]

نصيحتي لك اخي الغالي :
الابتعاد عن المعاصي حتى لو كانت في تصورك انها بسيطه وكل مايغضب الله ..
صدقني متى مارجعت الى الله ستجد لذه هذه الحياه ..
استبدل الاغاني بسيارتك بالقران وكل شي بجوالك من اغاني وصور قم بأزالتها
وخليك محافظ على الصلاه واكثر من الاستغفار وذكر الله وقراءه المصحف ..
وخذ لك عمره وتجرد من كل المعاصي واحرص على الصلاه بالحرم بين فتره واخرى ..
وانصحك بمجالسه ( اهل الدين ) ومرافقتهم في التنزه والرحلات ..

 

[احاسيس]

اخونا الكريم كنا يازمن استنجدت بالشباب وانا اول بنت من البنات تتواجد هنا بموضوعك اذا كنت جاد بموضوعك


فشكواك لله ومناجاته ليل ونهار وكل شئ بيد الله ومافيه انسان كامل الكمال لله


اذا كنت ترى ان خلق الله افضل منك لاوالله فاانت مخطئ فكل انسان بهذه الحياه


يمر بمشاكل وظروف يامشاكل اسريه غير الضروف الماديه او ذنوب وقع فيها ولا يستطيع الاخراج منها وغيرها فالانسان


لا يضمن نفسه ساعه ولا يعلم متى يتوفاه الله فعليك ان ان تلجأ لله وتبدء تغير من وضعك اذا مريت بزمنك كله


ماسي فلا تجعل الماضي يقف عائق على الامور الجميله التى تبدء بها فنحنا الان بزمن كثرت فيه الفتن

والمشاكل اسوء من الماضي الذي كنت عليه نحنا الان بعصر كثرت فيه البلاوي فالشخص الواعي والحكيم يعرف


كيف يعيش في الحياه ويتخلص من الازمات والمصاعب الذي تواجهه ولا يحمل لها هموم الدنيا على راسه كولنا راحلون لا يبقى غير الله مصيرنا القبر فليه تحمل نفسك


غموم وتجني على نفسك بالامراض اكتئاب وغيره حاول تحسن من وضعك عالج نفسك بنفسك وان لم تستطع


استعن بطبيب نفسي فاالمرض ليس عيبا العيب الذي يمثل دور السعيد استعن بطبيب فهو بعد الله يقوم بحلول

ويخرجك من وضعك وازمتك فااخطر شئ ان تهمل نفسك شهور وسنوات فاان شاء الله الله معك وتخرج من اللي انت فيه


لاتنسى اذكار الصباح والمساء والقران وعليك يوميا ترقي نفسك والله لتحس بالسعاده الداخليه ولا يصيبك خوف من الدنيا

هاذي الزايله قوى صلتك بالله ابتعد عن الحقد والحسد والغيبه وعيش حياتك وتجاوز الصعوبات وعيش حياتك مرح فرح

وبحب للحياه واتمنى تخبرنا عنك لاتزيد الطين بله فالانتحار يؤدي بصاحبه لنار


وتحياتى لك والله يوفقك ويسعدك ودعواتى لك باان تعيش براحه بال وحياه خاليه من كل المشاكل