ان كان بـه ملعـب تحـوفـه جـماهـيـر
يــالـيـت به شــاعــر يوقــف قــبالـي
الـبـيـت واســع والـقـوافـي مــزابـيـر
نـبـي نعـزل ، ونـقـول ذا لك وذا لـي
جبر
يامرحـــــبا والجــــن صفت طوابيـر
والناس من حولي وكل شيء غالي
ورد علومك دون صفق ن وتصفيـر
معـــاي خلــــق الله ماني لحـــــــــالي
احساس
حــيــا الـبـقـا ياشـيـخ ، زبـن الـمـنـاعـيـر
اللـي لــفــيــتــه ، صــف شـقــر الــدلالي
ان كان تـبـغــي اللـعــب صــف الطـوابـير
وان كان تـبـغــي الـشعـر جـاك الـهــلالي
جبر
تسلم وخذ حـــــذرك هبــوب المعاصير
اعصــــــــار يضــرب سهلها والجبــالي
ولو تبيــــــها قلطه ولاّ تبــــــــــــا الزير
وان كان تبغى المر ولا انــــــــت حالي
احساس
يا صـاحبي ضمـيـان ما شـفـت لي بـيـر
فــيـهــا قـــراح الــمـــاي ، حـلو ٍ زلالي
ولــو تعـتـزي وتـقـول انا سـالـم الـزيـر
احــذر حـبــالك لا تــجــــي فــي حـبـالي
جبر
قالوا الشجاعه تنهزم نحو الَكْثير
مبدأ رفضته واعترف ما طرالي
والدلـــيل الصقـر بين العصـافير
لارفّ جنحـانه ذبح كل عـــــالي
احساس
يا ناصي المـسراح عــنـد الصقاقــير
اقـصر خـطاويك ، طيرك ماله مجالي
مايـذبــح الـرجـال كــثــر الـمـشـاويـر
مايــذبــحـــه ، ياكـــود قــــل الريالي
جبر