نبض القلم (3)

كان عند الأولين الله يرحمهم إعتقاد خاااااطيء
المولود الذي عنده مغص ويبكي كثير يروحون عند الرااااقي يقرأعليه ويغير إسمه
كان إسم الولد كِتاااااب . أقترح الشيخ الر اقي أن يغير إسمه من كِتاااب إلى كُتيّب
المولود لم يرتاح للأسم الجديد وزااااد بكاه وأنتثرت دموعه بغزاره . رجعوا للشيخ
قالوا ياشيخ الولد ما أرتاح زاد بكاه وش رأيك . قال الشيخ مسكين مولودكم هذا ماله حظ .
ولكن كثّروا له من الدعاء يمكن الله يقبله عنده .

الله يسعده ويهنيه يابن دمغان

هذي سالفه قديمه حقيقية لواحد من الربع رحمه الله تعالى يعلم لي بها
الرجال ما عنده ولا وظيفه ومتسبب ويترزق الله على سيارته فورت ..
يقول شريت حملة تمر سري من حق بيشه (قله) وانا باسط بها في براحة ابن عباس
وإلا وهذاك الرجال من أهل الساحل بكم التمر ياراعيه يقول قلت له بما يرضيك ..
قلب التمر . اعجبه قال ابغي لي قله ولكن معي لك نصيحه . يقول قلت له هاه .
وشهي نصيحتك .. قال انحن من اهل الساحل وهي مثل هذا التمر ما نعرفه ولا قط جانا في ديارنا
ولو تخاويني . ان شاء الله انك بتعيّن خير وتبيع الحمله كلها .. قلت يارجال لا تخليني اروح مشوار بالفاضي , قال أقول لو ما شروها منك اشتريها انا ..
المهم يقول قلت لازم لي بخوي من الجماعة والله ومر على واحد منه والسنايد اسمه محمد .. واخذوا خويهم ومشوا وعلى الساحل ..
وصلوا بيت الرجال بعد العصر وباعوا التمر كله لابد ان خويهم بتل عشاهم .. والله يوم جابوه في صحنه بعد صلاة العشاء مباشره في ذيك الربعه بجنب البيت وإلا والصايح يصيح ..
يالله مقسوم خير تناقزوا الرياجيل . وهو وخويه جالسين
هاه ياولد وش العلم .. والا والصياح والنياح . إنا لله وإنا إليه راجعون .
قالوا والله عندنا كهله توفيت .. وذالحين ما نقدر نتعشى إلا بعد ما يجي المنشب ؟؟؟؟ طيب وشهنو المنشب ؟؟؟
قالوا هذا الأمام أنحن نسمية المنشب ..ههههههههههههههههههههه وما بنتعشنا لين يجي المنشب وحطوا الصحن جنب خويي ..
يقول المهم وننتظرون وياليل وياليل جت الساعة 12 والمنشب ما جاهم
يقول رفيقنا هذا ندوخ من النوم والتعب والجوع والعرب ينتظرون في منشبهم هذا .. أنا لله وبين ايديه من الصابرين .
يقول عودت ألتفت لخويي .. قلت له انا ابدرج .. وأنت قلهم هذا أكبر منشب عندنا هههههههههه لكن ترونه ما بيوافق لأنه يتعب لكن اطلبوه وتشددوا ولو طلب شي وافقوا عليه ..
قال خلاص ازهلهم .. وإذا رجعت خلك ذيب .. قال تم .
علم الربع قالوا الله يجزاك بالخير خلاص بنطلبه وان شاء الله ما يردنا .
قال والله رحت ورجعت شوي والربع يدخلون علي .. هاه وشبكم يالربع قالوا العذر من الله ثم منك والله ما ندري انك منشب .
إلا من خويك وذالحين منشبنا ما جاء وانت موجود واكرام الميت دفنه وتكفى ..
يقول قلت يالربع ابشروا بالخير .. ولكن كل قبيلة لها سلومها وعادتها ..
قالوا مره موافقين على كل شيء .. وبعدين أنا رجال عندي اعصاب (جن) تركبني إذا أنشبت واخاف اتذبحكم وانا من الله في سعة قالوا تكفى ..
قلت لهم يعني معزمين قالوا دخيلك ..
المهم قلت لهم خلاص ابشروا بس بشرط قالوا هاه وشهو ؟؟؟
قلت اول شي انا انشب بمعصبي ألفه بين يدي وازهمل واحذروا لا تطالعون لا يمين ولا يسار عيونكم في معصبي أرفعه فوق وإلا أنزله تحت خلاص ؟؟ .
وإذا شفتوني عصبت وقمت اشردوا لا يبقى واحد منكم قدامي وإلا والله اني لأذبحه . قالوا يا ذكره والله ما تلحق علينا .. وترددون معي في الكلام إللي أقوله . قالوا خلاص .
قال لخويه اسمع انت ما دام الصحن جنبك حق اللحم خلك ذيب افرش شماغك وتنق من اللحم الزين قال تم .
المهم أن الرجال بدأ بكلام من راسه ..

يا حبيبي يا محمد .. يعني خويه
شيل من ظهرة حويه يا حبيبي يا محمد (ظهرة حوية _ يقصد الذبيحة عنز)
يقول وإلا وخويي ما هو معجبني
قلت زيدها والله يزيدك يا حبيبي يا محمد ... وهم وراه يرددون
والمساء قوة عطية يا حبيبي يا محمد

المهم انها طويله لكن مع الأسف ضيعتها ..
يقول يوم شفت الرجال ملا المعصب باللحم قمت اتجينن عليهم واتنافض واشد في شعر راسي . وهم يهجون ويتلقون الرعيان
ويطالعون لنا من وراء الحصى وانا وخويي نركب سيارتنا بلحمنا ..
ولا امسينا إلا في قهوة عطية .. ونطلب براد شاهي ونتعشى ونعين من الله خير ونمسي ..
والصباح نركب سيارتنا وعلى ديرتنا
ههههههههههههههههههههههههههههههههههههههههههههههههههههه
وسلامتكم ..

على ذكر قهوة عطيه بن طاااالع
في حشمتك يالشاعر الغاااالي ..... سويت لك براد ابو سته

أنا لا املك سوى قلما مازال يتعلم يابو ماجد
افيدوني جوزيتم خيرا قسم بالله ماني فاهم شي ههههههههههههههههه
الغالي والصديق الصادق ابو ماجد انت بحق
جامعة متنقلة علما وثقافة ومعرفة
وفقك الله استاذي وامد بعمرك ودمت ذخراً لنا

كان فيه رجل كريم , انفق ماله في السخاء والكرم , وقد انبته زوجته كثيرا ونصحته فلم يستمع لنصحها , نفذ المال وبقي الرجل لايملك شيئا , يخرج من بيته مهموم , يسلي نفسه بالتجوال , شاهد طائر ينزل على راس حيه , فتبتلعه فذهب الى مكانها فوجدها حية تقدم بها السن وعمياء لاترى فقال الحمدلله , لم يترك الله هذه الحيه فقد سخر لها هذا الطير , فالرازق الله فهو يرزق الطير تذهب خماصا وتعود بطانا , وقد رزق هذه الحية العمياء , وكان هذا الرجل يضع امام بيته صحنا من الماء , وقامت خلافات بين قبيلتين , فهرب بعضا من حلالهم واستقر امام بيت هذا الرجل , واصبح هذا الحلال ملكا له وهو رزقا قد ساقه الله اليه , ,,,,,,,,,,,,,,,,,,,

كبار السن علمتهم الحياة الكثير من الحِكم يتوارثونها و يتناقلونها مع بعض بالرواية ويوصون بها أبناءهم
عندما كانت النصائح تُشترى ولاتبااااع . اليوم تُقدمْ بالمجان ولاحد يستمع لها والبعض يقول تخريف !!؟
وجزء من المااااضي . !!!
المهم أحد الآباء خلّف مال كثير لولده . أوصاه وقااال إذا مت ياولدي إبن لك في كل وادي حصن
أخذ الأبن بالوصية وبني في كل وادي حصن مكون من 3 أدوار بالحجارة . معتقداً إنّ أباه يقصد بناء الحصون
من الجماااااد . ملّ من وصية أباه وسأل أحد الحكماء قال ياولدي أباك مايقصد أن تبني حصون من الحجارة !
ذُهل الأبن . فقااال : مالذي يقصد ؟ قال الحكيم : يقصد تزرع في كل وادي صديق تجده عند الضيق وتنتقيه
بدقة وعناية . هو اليوم مااااايُسمى بالواسطة . وسلامتكم

اهل هجره او قريه اتفقوا فيما بينهم على توزيع ادارة القريه , واحد شيخ وله مجلس من الخوامس والاخر مطوع يقرأ لهم ويصلي ويعلم العيال ,وثلاثه حراس , يحرسون القريه في الليل , والاتفاق بينهم ان زكاة اهل القريه تجمع وتوزع وحصة المطوع كانت كبيره فلما جمعوا الزكاه جاء المطوع يدور اسمه مع الكبار الشيخ والخوامس والا مامنه شيء , راح للشيخ وقال ياشيخ والله اني مالقيت اسمي قال الشيخ دور عليه في الورقه الثانيه انته من الجبر واساميكم فيها ياشيخ انا المطوع قال وش الي يكبر راسك عن الجماعه قال علمي قال المطوع والباقين انا مثلهم ياشيخ قال لا مانته كماهم
ذولا عليهم توصيه ,,,,,,,,,,,,,,,,,,,,,,,

فيه واحد راح للشيخ ( القاضي ) وطلب صك لمزرعته واملاكه وقال الشيخ سو لنا رسم واحضر شهود وراجعنا بعد اسبوع
وجاء الرجال باوراقه وشهود كامله مكمله , وقال الشيخ بعد اسبوعين تجينا وكلما جاء للشيخ اعطاه موعد ثاني المهم طالت الشغله فقال ياشيخ الله يسلمك انا رجال عندي حلال وزراعه ونحل والماجا والمغدى يكلف عليه اعطوني صكي
قال الشيخ عندك عسل قال ايوالله قال الشيخ تنكه عسل وتعال بكره تلقى الصك جاهز ورجع الرجال ووضع تراب في التنكه وبقى منها الربع حط فيه عسل وجابها للشيخ وسلمه الشيخ الصك وانطلق مسرعا والله والمنادي وراه يافلان وقف الشيخ يبغاك قال ذكرالله ومحمد نبي الله وش يبغى بي وانا كنت عنده واعطاني الصك قالوا القاضي يقول ان الصك فيه لخبطه قال لا الصك مافيه ولا لخبطه ولا شخبطه اللخبطه في التنكه ,,,,,,,,,,,,,,,,,,,,,,,,

راح للشيخ وقال ياشيخ والله اني مالقيت اسمي قال الشيخ دور عليه في الورقه الثانيه انته من الجبر واساميكم فيها ياشيخ انا المطوع قال وش الي يكبر راسك عن الجماعه قال علمي قال المطوع والباقين انا مثلهم ياشيخ قال لا مانته كماهم
ذولا عليهم توصيه ,,,,,,,,,,,,,,,,,,,,,,,
==========================
ذولا عليهم توصيه 0000في هذه صدقت ؟؟؟؟
الكريم يرفع كرامته والأماكن واجده افضل واكرم

==========
هههههههه لا الصك مافيه ولا لخبطه ولا شخبطه اللخبطه في التنكه هههههههه

بس هذه يانورسين انا صادق فيها ههههههههههههههههه

احمد ابو ماجد قال:

بس هذه يانورسين انا صادق فيها ههههههههههههههههه

أنقر للتوسيع...

اعرف والله اعرف انك صااااااادق وأنا بعد صاااادقه هههههههههه الله يستر عليك

يازينكم ياهل بجيله تجون تكحلون وتعمونها ,,,,,,,,,,,,,,,,ههههههههههههههه عادي يابنيتي مداعبه فقط عارف ماترمين اليه

والله مافيك حيله ياذباح الحيل ههههههههههههههههههههههه

احمد ابو ماجد قال:

والله مافيك حيله ياذباح الحيل ههههههههههههههههههههههه

أنقر للتوسيع...

ليتني اسلم ،،، غديت كما اليتيم مع عمته

والله ما فيكم حيله كلكم
لا أنت يا ذباح الحيل .. ولا أنت يابو ماجد
ههههههههههههههههههههههههههه