اسمعو ياشعار اخر العلوم:

[ابـو يـاسـر]

البدع​

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]

الله ياحظّ الذي يحرص على الشّيمه ونالها=
يسعَد إلى ظمّها وان صابها همّاً يوانس همها=
حتى بالعبرات تظهرها العواطف من سجونها=
والصفاء والطّهر يرفع قدر من قلبه يعبد الواحد=
والعقول لها منازل والنفوس اولى وثانيه=
والذي مايحتسب للعمر في صلب القصيد مياته=
ضاع عمره ماكتبها في حسابه والقصايدي=
والإله الواحد المعبود في كلّ القصود عليمي=
الذي ينشي المزون الممطره يحمى اديقولها=
[/poem]

الردود​

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
احمد يقل جيت اغنّي والقصايد لي وانا لها=
اختلفت انا ويالشّعار عودت اشتريت اسهمها=
مابقي في بورصات الشّعر ناساً ينسجونها=
وش نبي في عيضة ابن طوير ولا صوت عبد الواحد=
وانا متسلطن على ميرادها في كلّ ثانيه=
انا مثل البحر لامنه تلاطم والقصيد مياته=
مابي إلا يغرق الشاطئ ويخجل من قصايدي=
يارسولي رح وقل للساعدي.. والمبتدي.. وعليمي=
دوّروا غير القصايد ماعاد إلا احمد يقولها=
[/poem]

 

[عبدالله بن معيوف الرباحي]

صح لسانك يابو ياسر وبيض الله وجهك والله يكثر من امثالك قصيده رائعه جداٌ

 

[سعود العصماني]

صح لسانك يابو ياسر وبيض الله وجهك بدع ورد غايه الابداع

 

[ابو منسي]

صح لسانك يابو ياسر
بدع ورد مميز

 

[مشعل بن شويل]

أخي القدير أبو ياسر
بدع فائق الجمال والروعة ولكن يظهر عندي تنسيق القصيدة بالنسبة للرد من حيث الطباعة غير مناسب , مما حال دون أستمتاعي به , فلا أدري هل هذه المشكله لدي فقط . أو انها موجوده لدى غيري .. وتقبلوا تحياتي وتقديري .,,,,​

 

[داهم الموصلي]

يارسولي رح وقل للساعدي.. والمبتدي.. وعليمـي
دوّروا غيـر القصايـد ماعـاد إلا احمـد يقولهـا

كفو والله كفو يا ابو ياسر وفعلا انت لها وشكرا لك على هذا الابداع سجل اعجابي

​

 

[عبدالعزيز عيسى]

اريد استفيد منك فقط بهذا القصيده وقبل نقدك للاستفاده منه​

البدع​

الله اللي يعلم اسرار البشر دايم وحالها
جل شانك ياجليل الملك عين لقمتي واقسمها
من عدم صور بنا دم مثل ما يامر و صا نها
يمهل ابن ادم ولا يهمل وجمع الخلق با مره شاهد
القمر والشمس تسبح والبشر لرضاه حانيه
وبن ادم يبقى شقي في الارض يحسب سيرته وحياته
ويحسب مرزقه طول العمر رايح وعا يدي
يبن يا دم خل عنك الغطرسه ذا منصبي هذا اسمي
القيامه يومنا المشهود وش ينسيك هولها​

الرد​

النبي سيد البشر حارب قرون الشر وحالها
النبي الهاشمي اللي كلمته منجاه يوم اقسمها
سعد من هو متبع سنه نبي الله وصانها
با لله يا راعي المثايل شاهد العالم بعينك شاهد
وستمع قول المنادي لا تقل لي ما وحانيه
والله اني اسمع كلامك يامعلم منصحه وحياته
هرجتا تخر نقد ماهي على بالي وعايدي
والله اني انقى بيوت الشعر وحلق بجواً واسمي
عشت يا راعي الجمايل يلذي هي له وهو لها​

 

[متوكل على الله]

ابو ياسر اجدت وبيض الله وجهك ة هذي مجاراه لقصيدتك ومن اراد الرد من الاخوان فليتفضل
---البدع---
الله اكبر يوم زاع الشيخ بالعزوة وقالها

قال واسمعنا وسيع العرف وارشدنا لفهمها

قال انا دكتور عراب القصائد في لحونــــها

واعرف التاريخ والامثال واعرف مال ابويه والجد

واحفظ الابيات والانساب حاضرها وماضيه

عشت ياشاعر عريفا عالمدائح جملته ابياته

منك مانستغرب العلم المثمر ياسنايدي

دامك الله يابو ياسر موردا يروي فؤاد الظامي

والعرب يحمي عوارضها ومبداها فعولها
------------------





*القصيده مطروحة للنقد
* ابو ياسر احترمك كثيرا ولكن وجبت الكسوه
تحياتي للجميع

 

[مشعل بن شويل]

أخوي المشرف والشاعر القدير/ عبدالعزيز عيسى
أحييك وأهنئك على هذا الإبداع والتألق الغير مستغرب عليك
حقيقة بدع ورد فاخر ومن الطراز الأول ..
تقبل تحياتي وتقديري يا مبدع .,,,, ​

 

[شاعر عليمي]

الله الله الله عليك يابو ياسر ولا يهونون الاخوان

بغيت ابدع معك لكنقلت بعد طول الغياب الخارج عن الاراده ببدع على بدعك لكن في متصفح جديد

 

[ابـو يـاسـر]

الأخوان

عبد الله بن معيوف

سعود العصماني

ابو منسي

مشعل بن شويل

داهم الموصلي

لكم جميعاً الشكر الجزيل على مروركم الغا لي بارك الله فيكم والدنيا مزوح وهروجاً تروح:

 

[مرهف الاحساس]

ابو ياسر بيض الله وجهك يالغالي

 

[ابـو يـاسـر]

الأخ عبد العزيز عيسى//مجاراتك رائعة بارك الله فيك وصح لسانك لكنني لا اعتقد انك ادركت
المعنى الذي عنيته:

 

[مشعل بن شويل]

الأخ الشاعر القدير البروفيسور / أبو ياسر
ما شاء الله تبارك الله
أشهد بالله أنك شاعر قدير وأنك تنحت من صخر على ما يقولون
ولا يهون أخوي الشاعر القدير / عبدالعزيز عيسى
والذي قدم لنا قصيده مماثله على نفس القافيه .
وكذلك أخوي الشاعر القدير / عليمي
ولكنها في متصفح آخر وكان بودي أن تكون هنا ..
بصراحه كلكم شعراء عمالقة وهذا الكلام الذي يحق لمتذوقي الشعر أن ينصتوا له وإلا بلاش ..
أقولها بكل صدق وأمانه . وبعيداً عن المحاباه ..تقبلوا تحياتي وتقديري يا مبدعين .,,,,​

 

[مبتدي]

القصيده من النوع الفاخر والمنتج لمثل ذالك الابداع شاعر تعلمنا منه ومن ارائه وأقواله وهو ابوياسر !!!!!!!!!!!
ممتاز ممتاز يابن رده وصح لسانك والبيضأ فالك !!!!!!!!!!!!!!

 

[ابـو يـاسـر]

الأخوان

متوكل على الله

عليمي

مرهف الأحساس

مبتدي

والله انكم شرفتوني بمروركم بارك الله فيكم/// واقول للشاعر متوكل على الله صح لسانك على المجاراه
وصدقني لو ماني توي رجعت البيت ومرهق شوي كان رديت عليك وقصيدتك رائعة:

 

[سليمان بن جابر]

الشاعرين القديرين / أبو ياسر ، عبدالعزيز عيسى ، متوكل على الله​

صحت السنتكم وبيض الله وجيهكم على هذا الإبداع المميز والغير مستغرب من قديرين شرواكم​

كل الشكر والتقدير​

 

[ابو طلال ع]

صح لسانك يابو ياسر

 

[ابـو يـاسـر]

الأخوان

سليمان بن جابر

ابو طلال

ياحيا الله مروركم الغالي بارك الله فيكم لكم شكري وامتناني:

 

[إحساسـ شـاع ـر]

صح لسانك ملايين يابو ياسر
والله قصيدة من نوع اخر

بعيد عن الهدف الذي جاراها ابن عيسى ومتوكل

وصحت السنتهم على القصائد الجميلة ايضا بمعناها ومحتواها

تقبلاو وافر تحياتي