مشعل بن شويل
مراقب سابق
- إنضم
- 10 أبريل 2010
- المشاركات
- 12,422
- مستوى التفاعل
- 62
- النقاط
- 48
يقول المثل ( إلى كثروا الفراعة تزيد الشجاعة) .. والمثل الثاني ( المتندر عصاته مكسوره )..
هذولاء اثنين من خلق الله .
واحد منهم رجال طويل ذراع وشجيع وكريم والثاني من جنبها .
إذا كانوا في الرياض كما الأخوان وإذا طلعو الديرة يبدي الثاني العداوة للأول .
المهم طالت اعماركم .. هم من جماعة واحده .. وتقابلوا في الديرة في ذاك المجلس.. المهم دخل الثاني وإلا والمجلس صاك من طرفه إلى طرفه سلام عليكم .. عليكم السلام .. وتحيه وهو يوم وصل عند هذا مد له بروس اصابعه ؟؟؟
وتعدى وسلم على اللي بعده ..
كيف الحال طيبين وش حالكم ..
والله انتقز هذا الخبل قال يالربع .. الخسيس يطلع من بيننا .. وهم يتلافتون الجماعة في بعضهم بعض .
قالوا له ما بيننا ولا خسيس ..
قال فلان وعيال عمه مالهم من يردهم وهذولاء متحدين وعلى ارضنا متعدين وانتم ياجماعة ساكتين ومجاملين مدري انتم تخافون منهم وإلا وشبكم ..؟؟؟؟
والله وهو يرد واحد من أكبر الجماعة قال يا فلان , الربع هذولاء والله ما شفنا منهم ولا خلاف إلا أن كان فيه شي ما ندري عنه ..
لكن ان كان انك تشوف انهم متحدين ومتعدين فهي ما معنى فيهم حيلة ولا نقدر عليهم ولا معنا إلا الله ثم انت هيا تكفى ..
ابرد كبودنا فيهم .. وهو يعرف انه ما يقدر يسوي شي ما هلا هرطقة مجالس ..
قال كلام . قال الله الله .. قال من ذيك على ذيك يا فلان اني لأخرجها من قصب ظهرك واني لأدبك ادب تموت ما نسيته ..
وهو ضحك رفيقه هذا اللي معه في الرياض .. قال يا فلان انت تقصدني .. قال ايوا اقصدك وهو يقوم عليه في المجلس ويرمي بشماغه ويتفل اكرمكم الله ويطلق ويبلق أني لأسوي واسوي .. وهذاك جالس ما تحرك .. وفيه مجموعة قاموا يهدون في الرجال يابو فلان تعوذ من الشيطان قال اقول وخروا عني خلوني اكسر خشمه .. ههههههههههه
والله وجلسوا وخوية يضحك لأنه يعرف انه خراط ما يقدر يسوي شي ..
قال تضحك لكن الوعد بيني وبينك في طريق الرياض والله اني لأخلي الرياجيل يتفرجون عليك إلا أن كان ماني فلان ..
وهو يعقد هذاك زين .. قال يافلان انت كما الجعيرة عند بيتها ..
وأنت ذالحين تقول الوعد على طريق الرياض لكن احتز نفسك من ذلحين لا تقول غدرت بي خلاص ..
المهم والله وفي يوم من الأيام والرجال يجهز في سيارته بعد المغرب يبي يمشي في غفله من رفيقه .. وهذاك يراقبه هههههههه
وهو يوم شغل ومتجه للرياض والرجال وراه لكنه من بعيد ..
وهو ما قال شي له حتى وصلوا بعد العرفاء.. وهو يلحقه ويوم شافه وهو كما الشاه إلى شافت الذيب .. وهو يحط رجله وهذا وراه الطارد طارد والشارد شارد وهو يشر له وكأنه ما يشوفه وإلا وفيه سيارة لشركه موقفه على جنب الطريق يفكرها دوريه وهو يصفط جنبها ويندر وهذاك معه .. يوم شافهم اللي في سيارة الشركه أجنبي خرع يحسبهم يبي يسلبونه وهو يعطيعها الواحد ويشرد وهذا يمسكه .
قال يالله حي رفيقي اللي يتهددني في الديره بين الجماعة .. عشرة يادوب ثنوك يا فلان بغيت تذبحني وهني تشرد ليه ..
ماهو انت اللي طلبت انك تستفرد بي على طريق الرياض .. قال ياخي تعوذ من الشيطان .. ذاك الحين كان الشيطان حاضر اعوذ بالله منه وكنت زعلان .. ومدري ايش ..
قال اقول تعال .. وين المكان اللي يوجعك وهو يرنه بذاك المشعاب العتمه وإلا وكل حمراء تنزي وهو يمتكه ويمتكه ويمتكه إلين طاح والدم ينزف .
والا ودوريات امن الطرق سلام . امسكوا الرجال ورفيقه ودوه المستشفى وهذاك على التوقيف .. سمعوا الجماعة بالعلم وتقابلوا وزاروا الطرفين وراحوا الشرطة قالوا نبي نحلها بينهم .. قالوا الشرطة إذا تنازل هذاك عن الحق الخاص ما عندنا مانع .. المهم قعد يومين إللي في المستشفى وإللي في التوقيف والله طلعوا الطرفين وجلسوا للصلح .. هات يافلان وش عندك ..
قال الرجال هذا طردني على طريق الرياض وسوا بي ما ترونه وهذا شي مستنكر ..
قالوا هاه يا فلان .. قال الله الله كلام صحيح ولكن هذا طلبه .. ههههههههههههههههه وشتبوني اسوي .
قالوا حكمنا لك أنت يالمضروب باربعة من الطليان وسماح ودماح ولا عاد تعودونها .. والحس دمك يافلان وترى المتندر عصاته مكسوره وانحن شهود عليك
ولك الله تاب توبة القرد عن حب الأثب . ههههههههههههههههه
هذولاء اثنين من خلق الله .
واحد منهم رجال طويل ذراع وشجيع وكريم والثاني من جنبها .
إذا كانوا في الرياض كما الأخوان وإذا طلعو الديرة يبدي الثاني العداوة للأول .
المهم طالت اعماركم .. هم من جماعة واحده .. وتقابلوا في الديرة في ذاك المجلس.. المهم دخل الثاني وإلا والمجلس صاك من طرفه إلى طرفه سلام عليكم .. عليكم السلام .. وتحيه وهو يوم وصل عند هذا مد له بروس اصابعه ؟؟؟
وتعدى وسلم على اللي بعده ..
كيف الحال طيبين وش حالكم ..
والله انتقز هذا الخبل قال يالربع .. الخسيس يطلع من بيننا .. وهم يتلافتون الجماعة في بعضهم بعض .
قالوا له ما بيننا ولا خسيس ..
قال فلان وعيال عمه مالهم من يردهم وهذولاء متحدين وعلى ارضنا متعدين وانتم ياجماعة ساكتين ومجاملين مدري انتم تخافون منهم وإلا وشبكم ..؟؟؟؟
والله وهو يرد واحد من أكبر الجماعة قال يا فلان , الربع هذولاء والله ما شفنا منهم ولا خلاف إلا أن كان فيه شي ما ندري عنه ..
لكن ان كان انك تشوف انهم متحدين ومتعدين فهي ما معنى فيهم حيلة ولا نقدر عليهم ولا معنا إلا الله ثم انت هيا تكفى ..
ابرد كبودنا فيهم .. وهو يعرف انه ما يقدر يسوي شي ما هلا هرطقة مجالس ..
قال كلام . قال الله الله .. قال من ذيك على ذيك يا فلان اني لأخرجها من قصب ظهرك واني لأدبك ادب تموت ما نسيته ..
وهو ضحك رفيقه هذا اللي معه في الرياض .. قال يا فلان انت تقصدني .. قال ايوا اقصدك وهو يقوم عليه في المجلس ويرمي بشماغه ويتفل اكرمكم الله ويطلق ويبلق أني لأسوي واسوي .. وهذاك جالس ما تحرك .. وفيه مجموعة قاموا يهدون في الرجال يابو فلان تعوذ من الشيطان قال اقول وخروا عني خلوني اكسر خشمه .. ههههههههههه
والله وجلسوا وخوية يضحك لأنه يعرف انه خراط ما يقدر يسوي شي ..
قال تضحك لكن الوعد بيني وبينك في طريق الرياض والله اني لأخلي الرياجيل يتفرجون عليك إلا أن كان ماني فلان ..
وهو يعقد هذاك زين .. قال يافلان انت كما الجعيرة عند بيتها ..
وأنت ذالحين تقول الوعد على طريق الرياض لكن احتز نفسك من ذلحين لا تقول غدرت بي خلاص ..
المهم والله وفي يوم من الأيام والرجال يجهز في سيارته بعد المغرب يبي يمشي في غفله من رفيقه .. وهذاك يراقبه هههههههه
وهو يوم شغل ومتجه للرياض والرجال وراه لكنه من بعيد ..
وهو ما قال شي له حتى وصلوا بعد العرفاء.. وهو يلحقه ويوم شافه وهو كما الشاه إلى شافت الذيب .. وهو يحط رجله وهذا وراه الطارد طارد والشارد شارد وهو يشر له وكأنه ما يشوفه وإلا وفيه سيارة لشركه موقفه على جنب الطريق يفكرها دوريه وهو يصفط جنبها ويندر وهذاك معه .. يوم شافهم اللي في سيارة الشركه أجنبي خرع يحسبهم يبي يسلبونه وهو يعطيعها الواحد ويشرد وهذا يمسكه .
قال يالله حي رفيقي اللي يتهددني في الديره بين الجماعة .. عشرة يادوب ثنوك يا فلان بغيت تذبحني وهني تشرد ليه ..
ماهو انت اللي طلبت انك تستفرد بي على طريق الرياض .. قال ياخي تعوذ من الشيطان .. ذاك الحين كان الشيطان حاضر اعوذ بالله منه وكنت زعلان .. ومدري ايش ..
قال اقول تعال .. وين المكان اللي يوجعك وهو يرنه بذاك المشعاب العتمه وإلا وكل حمراء تنزي وهو يمتكه ويمتكه ويمتكه إلين طاح والدم ينزف .
والا ودوريات امن الطرق سلام . امسكوا الرجال ورفيقه ودوه المستشفى وهذاك على التوقيف .. سمعوا الجماعة بالعلم وتقابلوا وزاروا الطرفين وراحوا الشرطة قالوا نبي نحلها بينهم .. قالوا الشرطة إذا تنازل هذاك عن الحق الخاص ما عندنا مانع .. المهم قعد يومين إللي في المستشفى وإللي في التوقيف والله طلعوا الطرفين وجلسوا للصلح .. هات يافلان وش عندك ..
قال الرجال هذا طردني على طريق الرياض وسوا بي ما ترونه وهذا شي مستنكر ..
قالوا هاه يا فلان .. قال الله الله كلام صحيح ولكن هذا طلبه .. ههههههههههههههههه وشتبوني اسوي .
قالوا حكمنا لك أنت يالمضروب باربعة من الطليان وسماح ودماح ولا عاد تعودونها .. والحس دمك يافلان وترى المتندر عصاته مكسوره وانحن شهود عليك
ولك الله تاب توبة القرد عن حب الأثب . ههههههههههههههههه
التعديل الأخير: