سامي المحرزي
طير شلوى حزة المقناص
بسم الله الرحمن الرحيم
الحمد لله رب العالمين والصلاة والسلام على رسوله الأمين وعلى آله وصحبه أجمعين ..
وعدتكم في تقرير سابق بهجمات بعد العيد وهذي أول الهجمات .. يقول الشاعر :
الجيب والقرناس وخوة هل الطيب .. تسوى مجالست الحضر فالمدينه
ماسبّهم واعرف انا مابهم عيب .. بس الهوى ياهل الهوى حـد لينـه
ماسبّهم واعرف انا مابهم عيب .. بس الهوى ياهل الهوى حـد لينـه
توكلنا على الله أنا وأحد ابناء العم خوي الدرب قبيل أمس في تمام الساعه 11 مساءا ً
بإتجاه منطقة المقناص بعد وجبة عشاء دسمه والحمد لله ..
وصلنا منتصف الطريق في تمام الساعه 12 بالليل .. ونزلنا فراشنا للنوم ..
نمنا الى الساعه 4 الفجر وتوكلنا على الله الى منطقة المقناص ووصلنا مع فجة الضوء ..
لبسنا لبسنا الخاص بالمقناص وتجهزنا وقفلنا موترنا وتوكلنا على الله يم الجبال ندور الوبير ..
وصلنا الى اعلى الجبال وللأسف هالوقت تذكر كاميرة الفيديو بأني نسيتها بالسياره
بغيت ارجع لها قال خويي يارجال مايحتاج والمسافه بعيده ويبي لك وقت وبتتعب ..
قلت يالله امكن فيها خيره ... وهذه صورة من اعالي قمم تلك الجبال ..
اشرقت الشمس وحنا ماحصلنا شي ..
اتجهنا يم الشعب الثاني وبدينا ندربل للوبير ..
شوي ونشوف المابره .. اتجهنا بإتجاهها حتى وصلنا قريب منها وجلسنا ننتظر
طلعتها من الموبره بعد ماشافتنا وحنا نازلين لها ..
يا حلو لمن لقيت المابره .. في خناتيب الجبال الشاهقات
كانها بالقيظ صبحن بادره .. ان حمي جوه توارت للبيات
لحتمت شمسن لقيته جاحره .. تتقي عن حر واللي حايمات
او مع مسيان عصرن ناظره .. علها ترعى خضار النايفات
الزم المتراس واسبر ذايره .. الركاده والزم الصمت وثبات
كانها بالقيظ صبحن بادره .. ان حمي جوه توارت للبيات
لحتمت شمسن لقيته جاحره .. تتقي عن حر واللي حايمات
او مع مسيان عصرن ناظره .. علها ترعى خضار النايفات
الزم المتراس واسبر ذايره .. الركاده والزم الصمت وثبات
طلعت لنا الفراسيك الصغار وحنا في انتضار الكلخ الذكر الكبير ..
طلع لنا والا هو متمعد مافيه شحم بعد النشيره وماهو بالسمين .
طلعت لنا الأنثى وذبحناها ..
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عجل بذبح الرقيب بناحره=او عليك براسه يذوق الممات
تقطع انذاره وتمسي دامره=يصفي جون لك على هالباقيات
[/poem]تقطع انذاره وتمسي دامره=يصفي جون لك على هالباقيات
وبعد مارميناها طلعت لنا الفراسيك وكلها صغار تقريبا اعمارها 7 او 8 اشهر ..
وكان التحدي بين خويي وبيني ان الإصابه تأتي بالرأس وجت وسط العين
الفراسيك الباقيه خليناها لطلعتنا الثانيه واكتفينا بوبرين والحمد لله ..
وهذي صوره وانا نازل بها ..
وصلنا موترنا بعد تعب ودقينا أحلى ترويشه بجالون المويه .. وغيرنا ملابسنا الخاصة بالصيد ..
صيدنا على موترنا الله يبارك فيه ..
[URL="http://bajeelah.net/up/"]
اتصلنا بالأخوان قالوا حنا مضبطين رحله قريبه ماهي بعيده قلنا جايينكم ..
وصلنا لهم وعدة الطبخ والمعاميل جاهزه مجهزه .. توضينا وصلينا صلاة الظهر ..
وهذا ابو ذيب ( الأخ خالد ) شايل الوبير ..
وهذي الوبير بعد صلخها ..
وش رايكم بالحركه
بداية الطبخ والكشنه
عساني ماعدمكم يالنشاما ..
اكتلمت حلاوة الجلسه والرحله بوجود الوالد الله يطول بعمره وجيته ..
وقت الإنتظار ...
هذا أبو وائل ووالدي العزيز مع فنجان الشاي ..
وهذي جلستنا والدي العزيز وابو وائل والخال العزيز ابراهيم والأخوان الله يحفظهم والخوي الغالي ..
وهذا بعد فك قدر الضغط .. حياكم الله على مرقة الوبير ..
وهذا الغداء تفضلوا حياكم الله ...
وهذي صوره بعد الغداء وشرب الشاي مسوينه ع الجمر ..
وعقب السوالف والقهاوي مطاليـب .. كـل يناظـر للمواتـر بعينـه
انتهت رحلتنا .. كانت من أجمل الرحلات حقيقة بوجود الصيد والوالد والأخوان الغالين
وابو وائل والخال العزيز ابراهيم والخوي الغالي رفيق الصيد والدرب ..
أتمنى أن ينال هالتقرير على اعجابكم وانتضروا القادم قريبا ً إن شاء الله تعالى ..
هذا وتقبلوا مني فائق التقدير والإحترام ,,,
سامي المحرزي | طير شلوى حزة المقناص !