لا مانتهيت
توي معك ...يااجمل العمر ابتديت
توي عرفت ان السهر نشوة هوى
توي عرفت ان الهوى عند الحبايب له دوا
توي اسجل مولدي ياموعدي بعد الضياع
توي نسجت الثوب من هدب الشعاع
توي اكتشفت الليل واسرار النجوم
لا....مانتهيت
توي معك يااجمل العمر ابتديت
ياما اشتهيت ادفا على النور البعيد
ياما رحلت اشكي على متن القصيد
ابحث عن الامل الخيال
اصور الحلم المحال
يامجهولي الغالي ابيك
يااحلى احلامي ابيك
يامطر من غير سحاب
ياهواي اللي حضر بعد الغياب
لا...مانتهيت
توي معك يااجمل العمر ابتديت
معك هزمت المستحيل
لمست النور
حبست الظل
رسمت الصوت
لونت الهوا
طاولت النخيل
معك جرحت الليل وغنيته
لثمت الصبح وبكيته
معك.....ناديت
معك.....رديت
ياصوت الورد ...ياريح القصيد
ياضحكة الماضي الجديد
ياانت ياعمري انا
ِِ
من كلمات
الامير الشاعر
خالد الفيصل