عبدالعزيزالساعدي
مراقب سابق
هذا النشيد قديم قلته في وفاة الشيخ / مقري بن غراز الساعدي رحمه الله بواسع رحمته واسكنه فسيح جناته. وطلب مني احد الاعضاء انزاله .
[poem=font="simplified arabic,7,green,bold,normal" bkcolor="transparent" bkimage="backgrounds/4.gif" border="double,4,limegreen" type=0 line=0 align=center use=ex num="0,black""] الاوله يالله قبل المقالي=انك تثبتنا نهار السؤالي
يجي القدر لوطال وقت المهالي=والناس في حكم المقادير يدرون
قال ابن صالح يابشر ضاق صدري=ماهد حيلي مثل موت المقري
رجال شيعناه من صبح بدري=واصبح عليه الصبح بالقبر مدفون
ويوم حطينا عليه النصايب=هلت دموع اللي شبابا وشايب
دموعهم تشبه غزير السحايب=على المقري كم رجاجيل يبكون
الله يامصعب نهار الوداعي=الى دفنا الرجل تحت الرداعي
يالله ياسامع دعاء كل داعي=ترحمه ياللي له مخاليق يرجون
ياوجد حالي يارجال ال ساعد=نفقد رجل من رؤسنا بالمقاعد
الى بدى وقت الشدايد يساعد=من الرجال اللي في الضيق يبدون
مات المقري والخسارة كبيره=يالله تلهمنا الصبر والبصيره
الى عقد بالشور يعرف يديره= ومن رجال(ن) بالمواقف يسدون
وكان الى جاء مشكله مايحايد=يبدي مع ربعه نهار الشدايد
رجال يفهم في سلوم العوايد=ومن الرجال اللي على القيل يوفون
جاه المرض من قبل مده طويله=ولاتغيّب عن لزوم القبيله
ويوم افكر صعب نلقى بديله=قبيلته في فقدته مايبنسون
ابوغراز اللي قليله شراويه=كل(ن) يقل مرحوم الى حل طاريه
الى حضر بين الرجال المشاريه=يعدل ولا يظلم وبالحكم يرضون
ابوغراز اللي مشى بالجمايل=مذكور مدحه بين كل القبايل
أنا أشهد إنه من رجال الفعايل=ومن الرجال اللي على الطيب يبنون
في القبيله ياحزن بعد فرقاه=اللي يقدر كل رجال ينصاه
هذا مقدر ياقبيله فقدناه=ماحد يخلد والمخاليق يفنون
راعي الوفاء مقسوم ياخذ نصيبه=يذكر مع العربان فعله وطيبه
نصبر وكل إنسان يفقد قريبه=والموت حق وكم خلايق يموتون
ياربنا ترحمه ياخير هادي=ياواحد(ن) يرجيه كل العبادي
وربنا يسمع كلام المنادي=وكل من بالكون لله يدعون
وصلاة رب عد من طاف بالبيت=على نبي الله ياللي تصلون
[/poem]
التعديل الأخير: