جريح الفؤاد
فؤاد بن هليل المالكي
رحلتي
[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
على ذكرى صباح الخير .. وش لونك .. وكيف الحال = رحلتي بعدها ابكم يوم ما لاحت لي انوارك
ولا ادري وينها دنياك .. راحت بك مع الترحال = ولا بقّت سوى ذكراك تجرح وجه زوارك
يضج الشارع ابصوتي متى صار الألم نزال = ولا اوحي غير رجع الصوت حاير خلف اسوارك
نزع هجعة حمام الدور .. ناحت .. جرت الموال = تغنّت .. ما قوت حنّت .. عساه يعود مشوارك
وشالت لحنك الدافي مع نهامة اليا مآل = وردد موجي الهادر بـ اغاني سكة اسفارك
رواشين البلد تسأل .. ويسأل مستريح البال = عذوق النخل لا مالت وصارت تعطي اعذارك
نسيم البحر .. والشاطي وعبره في وجوه اطفال = مآتم حزن سوتها طيور اتتابع آثارك
رحلتي والنوايا بيض واصدق ما طرك همّال = وجف الروض من بعدك وماتت كل ازهارك
ركايب من شجون احساس شدت ساقها جمّال = مع الله علم اراضيها .. تنشد وينها امطارك
وانا يا ملهمة شعري خدعني ليلي المحتال = حبسني مع قيود الوقت لين انسدلت استارك
وصرت ابمسرح التوديع شاخص مدمعي ما سال = وابرّد روح تحرقها شظايا من لهب نارك
نزفت الجرح يا جرحي .. ذبحني همي القتال = سكاكين الأسى تسطي مع اول فجة اسحارك
كظمت الغيظ في صدري .. وداهم صحوتي بهبال = تواتي لهفتي لاصرت غافي حدّ تذكارك
لجمني الصمت وازعجني وانا ادري ان السكوت اهمال = وصار الحكي يطريني مع اخر بيت فـ اشعارك
ولا آخذ من هجاد الليل غير امشاهد الجوال = مع ترتيب قيفانك وسجنك لاجمل افكارك
واخيلك .. والأماني غير ما استوحى بها دجال = امامي والوعد محتوم .. ما يستثــقل اخطارك
واقول اني احبك حب لا يخفى ولا ينقال = يبان برجفة اطرافي واشوفه يتعب انظارك
يحير الدم بـ اسبابه ولا يلقى معه مدهال = سوى في صافي الوجنات تزهى فيه وتبارك
وافوق وناظري مبطي يحاكي شخطة الارسال = يخاف اتغيب لو لحظه ومعها تلفي اخبارك
احبك وافتقدتك حيل عودي يا فرح ما طال = تريّ ما للهنا طاري اذا ما بانت انوارك
[/poem]
مع ارق تحية ... ابو الدانة.. الطائف
